Препорачајте интересна серија со кратка рецензија

The night manager

Една од подобрите серии што сум ги гледала во последно време.
Ме привлече актерскава екипа која е феноменална, нема утка со одличен актер како Хју Лори и Том Хидлeстон кој во последно време ептен ме освои па сите филмови/серии му ги изгледав
Единствено Елизабет Дебички ми беше одбивна пред да почнам да ја гледам зашто имав гледано филм со неа каде ич не ја поднесував,ама тука беше супер.

Инаку се работи за Џонатан Пајн кој е поранешен војник и работи како ноќен менаџер во хотел во Каиро. Случајно се вплеткува во игра на шпионажа, со цел да го фати на дело Ропер кој е дилер на оружје. Посебен акцент е ставен на тајната служба,на корупцијата , перење пари,закани.
Снимена е според книга,има само 6 епизоди и како што читав нема да има повеќе продолженија и мислам така е најдобро зашто баш одличен беше крајот.
Дефинитивно препорачувам 10/10!

И уште една серија морам да препорачам.
The Catch

Нова е, има само 4 епизоди до сега. Во продукција на Шондаленд, а нејзините серии немаат утки.
Малку е поразлична од другите нејзини серии, мислам во однос на динамика и не е толку мрачна
Во главна улога е Mireille Enos која лично многу ја сакам уште од The Killing и тука има сосема спротивна улога. Ја глуми Алис која заедно со нејзина другарка имаат фирма и работат како приватни детективи. Алис е верена за Кристофер кој е всушност измамник кој Алис го брка веќе одредено време. Пред нивната венчавка он успева да и украде 1.4 милиони и исчезнува. И тука почнува нивната бркотница,лаги,интриги.
Брзо се одвива дејството,нема одолговлекување и има одлична актерска екипа.

 

Препорака и од мене за серијата The catch , сношти почнав да ја гледам и изгледав 3 епизоди. Со нетрпение ги очекувам следните епизоди.

 

Мене ми беше исто интересна Satisfaction сеа ме мрзи утре ќе ви раскажам повеќе за серијата

 

Јас дојдов да ја препорачам El Principe. Србите ја преведуваат Принц, ама местото на случувањата се вика Principe(поточно соседството) , така да конкретен превод на насловот не знам кој би бил
Серијата е криминалистичка,од шпанско потекло, не од оние мексиканските теленовели, туку баш солидна серија по теркот на американските крими драми.
Се работи за таен агент од Шпанија кој треба да се инфилтрира во полицијата на градот Ceuta,град кој се наоѓа на границата помеѓу Мароко и Шпанија. Неговата мисија е да открие дали постои корупција во законот и дали полицијата соработува со џихадисти кои тренираат млади деца да станат бомбаши самоубијци.
Како и секоја серија,постои и љубовна приказна, агентот се заљубува во Фатима, млада муслиманка чиј брат е исчезнат, а другиот нејзин брат е најголемиот дилер на хашиш во регионот.

Има 2 сезони,вкупно се 30тина епизоди,не сум сигурна точно.

Бидејќи само Серанови ми е гледана од шпански серии,не знаев што да очекувам, ама оваа навистина пријатно ме изненади.Актерската група е одлична, има хемија помеѓу главните ликови, интересна содржина и многу акција.

 

Stranger Things


Imdb оценка: 9,2
Моја оценка: 10

1983, Индијана. Во мало заспано гратче каде сите се познаваат меѓу себе, една ноќ малиот Вил исчезнува без трага. Додека полицијата се обидува да го пронајде момчето преку официјална истрага, неговата мајка и другарчињата стануваат свесни дека позади неговото изчезнување се крие присуство кое можеби и не е од овој свет.

Хорор, мистерија, трилер, научна фантанстика, полициска драма, владини заговори, средношколска романса- серијава е успешна мешавина од жанрови и влијанија од култни серии и филмови, совршено спакувани со носталгична фасада на осумдесетите. Почнувајќи од постерот и неонските букви во шпицата, преку електропоп музиката па се до шминката, облеката, возилата, внатрешното уредувањето.. воопшто општата посветеноста кон деталите говорат за огромната предаденост и амбиција која била вложена за да се долови атмосферата и духот на тоа време. „Детски“ филмови како The Goonies, E.T., Stand by me, но и одлични хорори како Poltergeist, Aliens, Carrie и Twin Peaks се само мал дел од инспирацијата.


Stranger Things ми е љубов на прв поглед- доволна ми беше сцената во лифтот со научникот (која се случува во првата минута од првата епизода ) за серијава буквално да ме зацементира пред телевизорот. Има 8 епизоди, можеби ќе има и втора сезона и мене единствена позната фаца од актерите ми беше Винона Рајдер.

Направете пуканки, изгасете ја струјата и кликнете го play копчето- верувајте, нема да зажалите

 

The night of
Насир Кан (Наз) е студент, Пакистанец, роден во Америка, кој живее со неговите родители. Една вечер е поканет на журка и го зема таксито од неговиот татко за да оди. Во таксито се качува непозната девојка го му вика дека сака да оди на плажа и тој наместо да оди на забавата, ја носи девојката покрај река. Таму тие си проаѓаат убаво време заедно и девојката го носи кај неа дома. По една ноќ од секс и дрога со девојката, тој се буди во кујната и потоа ја наоѓа неа во спалната избодена 22 пати (колку и што има години). Тој не се сеќава што се случило, го зема само ножот со него и пробува да избега, но полицијата го фаќа. Сите докази укажуваат на него.
Случајно поминува еден адвокат Џон Стоун, кој слуша за случајот и решава да го застапува. Тој го советува да не зборува ништо, се додека немаат цврсти докази против него. Стоун зборува со родителите Наз во однос на судските такси и нуди рамен надоместок од 50.000 $, но тие не можат да го дозволат. Додека друг адвокат, Алисон Кроу, заинтересирана за вниманието на медиумите на случајот, ги нуди нејзините услуги про боно. Родителите немајќи избор се одлучуваат за вториот адвокат. Фреди, еден затвореник со посебни привилегии, нуди својата заштита на Naz, но тој одбива. Во средината на ноќта, Наз го користи тоалетот и кога тој се враќа, го наоѓа својот кревет запален.

Серијава е нова, до сега се излезени 3 епизоди, но мене многу ме заинтригира.

 

Баш ќе ја побарам викендов.

 

Guilt (2016)

Грејс е американка која студира во Лондон. Едно утро после луда журка во нејзиниот стан се будат со дечко и и ја наоѓаат нејзината цимерка Моли брутално убиена а Грејс станува главна осомничена како и нејзиниот дечко...

 

Аууу ме заразивте со темава! Не сум ја доловила до сега, а сум манијак за добри серии
Доста од препорачаниве ми оставија впечаток па ќе ги гледам една по една сега.
Инаку јас сум заразена ог хорор/трилер/SCI FI најмногу па моментално ја започнав Outcast, ми привлече внимание на тв, има 5 епизоди излезено досега и ми е као WOW!
http://www.imdb.com/title/tt4229954/?ref_=ttep_ep_tt

Се работи за дечко кој поседува натприродни моќи и може да излекува луѓе кои се запоседнати од демон. Да не навлагам во детали, кој е за од срце му ја препорачувам !

Бтв, фала ви и на сите вас за добрите предлози, знам сега што ќе се гледа деновиве

 

Истово имам да го кажам,стварно предобра серија!Вчера вечерта ја почнав и сега имам уште една епизода да догледам

 

Значи на делови е овој синоќа што го спомна, ме заинтересиравте сега.

 

The Girlfriend Experience

Доста необична серија. Самата сценографија, кинематографија дава некој чуден, мрачен шмек во секоја епизода, плус секс сцените кои се доста застапени и многу поубаво реализирано од fifty shades of grey. Дефинитивно се гледа дека е серија креирана од Стивен Содерберг.
Како што спомнав во претходната тема, прв пат гледам серија од ваков тип ама баш ми се допадна.
Приказната е за девојка која е студент на правен факултет и добива стажирање во една угледна правна фирма. Во исто време нејзината другарка ја воведува во еден "нов" свет, каде започнува да работи како ескорт девојка со клиенти кои и ги наоѓаат.
На прв поглед девојкава, самата актерка ќе ви делува многу одбивно, барем мене така ми делуваше, поради една иста експресија на лице, ама дајте и шанса , како ќе поминуваат епизодите сфатив дека сето тоа е дел од глумата, и самиот психолошки развој на ликот, каде е претставена како очајна за внимание и социопат.
Кратки се епизодите, има 1 сезона, 13 епизоди по 20 мин траат.

Cooper Barrett's Guide to Surviving Life

Супер-лабава и интересна серија баш како за опуштање.
Вреди да се погледне , мислам дека она што ја прави интересна се ликовите. Многу се допадливи и супер претставени, посебно главниов лик Купер има таква некоја харизма и сите актери меѓу себе имаат некоја хемија. Обично секогаш има некој лик што не можам да го поднесам, ама тука се сите топ претставени.
Инаку се работи за нивни случки од животот, секоја епизода обработува една различна случка и нивното (не)справување со истата.
Само да напоменам дека има 13 епизоди кои траат по 20 минути и на жалост ја прекинаа, не ја обновија за нова сезона.
Ако ви е досадно дефинитивно ви ја препорачувам, ќе се изнасмеете.

 

the Transporter sezonata so Chris Vance
Odlichen, barem za mene.. si obozhavam jas vakvi filmovi

 

Ќе ве замолам дајте ми предлог за хорор серија, нека е само 2016, се друго ми е веќе изгледано.
Инаку надвор од хорор сериите, многу впечаток ми остави The Catch ме заразивте, па ако е вон хорори нека е и некоја со слична тематика како оваа. Тенкјууу!

 

Stranger Things. Sci-fi/хорор/трилер/супернатурал драма. Binge-watching во еден ден, многу е добра.

 

@LadyC,

Ash vs Evil Dead
http://www.imdb.com/title/tt4189022/





Сепак, имај во предвид дека станува збор за спој меѓу комедија и прилично крвав хорор. Ако ги имаш гледано Evil Dead филмовите ( ) , веројатно знаеш што можеш да очекуваш од серијата

 

Ќе ја пробам. Фала ти.

 

Ау ова ми се допаѓа. Имам занимација сега. Тенкјууу

 

The catch
Imdb оценка: 7.2
Моја оценка: 10
Серијата е испадната нова (2016) до сега имаат објавено само 1 сезона со 6 епизоди има уште 4 епизоди ама неможам да ги најдам,нова сезона ке испадне во 2017.Станува збор за жена која е привтен детектив во Лос Анџелес,Калифорнија, и станува жртва на измама од страна на нејзиниот вереник .