Препорачајте интересна серија со кратка рецензија

Точно еден месец, на денот кога правиш прва уплата, следниот месец на иста дата правиш уплата.

 

The Good Doctor

Се работи за генијален доктор, со аутизам, за кој од почеток се дискутира дали треба или не треба да работи со зборови „денес спаси човек, но утре можи да убие поради неговата состојба“. Прво, мора да пофалам добро глумење, тоа е голем, голем плус за мене. Повеќе ми е важна добра, точна глума наспроти приказна зошто колку и да е лоша приказната, ако е добро глумено можи да стани добра и добро прифатена приказна. Секоја епизода е во болница каде Шон Марфи се соочува со многу предизвици, секојдневно, и постојано се надоградува, учи, се подобрува.
Длабоко ја препорачувам.
1 2


Young Justice

Како голем фан на DC, за мене серијава беше цреша на шлаг. Ја уживав секој момент, прво зошто ликовите ги имам читано и гледано во многу други изданија. Следно, имам преголема надеж дека во третата сезона ќе се појави мојот омилен лик, па еве стискам прсти. Дамјанче, те чекам.
Накратко, се работи за малите херои, оние кои ги припомагаат постарите, кои имаа засебен тим и се на пат кон осамостојување за да од young justice, да преминат во justice league. Имаат многу мисии, без малку драма не би било тоа што е исто така, но во глобала доста акција, одлична анимација, иста и како анимираните филмови на DC (од тука верувам дека Дамиан ќе се појави).
1 2


Друго што гледав и не баш ми го зеде вниманието.

 

Ако си фан на Star Trek, би ти рекла гледај Star Trek: Discovery, ама тек уште епизода мислам завршува прва сезона, далеку од завршена серија е. Ама вреди многу.
The Sinner е завршена, со една сезона, се работи за жена која убива момче на плажа, па се зборува за нејзиното судење. За време на судењето се гледа нејзината ментална состојба и мотивот поради што се случува тоа што се случува.
11.22.63, која топло ја препорачувам иако не сум сигурна дека баш влегува во тоа го сакаш, како и повеќето серии кои се сосем завршени, а ги имам гледано. Се работи за професор кој можи да се врати во минатото во одредено време, треба да живее во минатото извесен период, и има за цел да го спречи убиството на прецедателот Кенеди.
Одамна ги немам гледано и затоа се двоумев дали да ги напишам, ама одамна ги имав гледано 24 серијалот, криминалистички. Планирам да ги гледам па сега вака од меморија се думав дали вреди да пишам или не зошто некогаш меморијата знај да излажи.

Е сега ќе ти предложам некои добри кои не се завршени, па сепак, одлуката паѓа на тебе.

Спојлер: Серии со најавени нови сезони

Altered Carbon е нова, надежна, доста добра серија. Се работи за далечна иднина во која луѓето свеста ја складираат и доколку дискот во кој им е свеста не е уништен - тие можи да бидат „родени“ пак во ново тело. Тоа се случува со главниот лик, кој е терорист, но се раѓа пак. Секогаш кога имам нешто гледано пазам да не ми се испушти нешто.
Black Mirror е совршена. Секоја епизода е засебна приказна, како да гледаш мини филмови е. Заедничко е што се работи за влијанието и негативните страни на технологијата, најчесто.
Dynasty ретко гледам чисто нешто ради драма, ама имав потреба за релаксација и серијава е на место. Значи драма, драма и само драма е. Се работи за богато семејство и нивните меѓусебни караници. Ако не се лажам има и постара серија под исто име, оваа што ја гледам јас е remake.
Lucifer ти е детективска серија, најчесто решаваат убиста, а Луцифер е себичен и егоистичен консултант во Лос Анџелес, па секоја истрага ја сфаќа лично за нешто што него му се случва во животот. Патем се работи за ѓаволот кој му се здосади да седи во пеколот па се пресели во Лос Анџелес.
Master of None никогаш не сум знаела како оваа серија да ја препорачам, ама е доста добра, секојдневна, и доста лесна за гледање, а во исто време обработва тешки теми на многу едноставен начин. Прави се да изгледа лесно.
Marvel's the punisher, не е многу криминалистична, ни пак драма. Нешто измеѓу, за војник кој бара одмазда за убиството на својата фамилија е. Ако си фан на насилство и екстремни, некогаш и дури многу громорозни сцени - длабоко препорачувам. Една од омилените серии ми е во моментот.
The Expanse една од подобрите серии кои ги гледам, значи се работи во иднината каде што Сончевиот систем е колонизиран. Има политика, љубов, пријателство, истажувања, борба. Дејството се одвива на три места, три паралелни приказни кои eventually се соединуваат или треба да се соединат. Едната е на Земјата, другата е на вселенски брод, а третата е на одредена вселенска станица. Во третата приказна има пропаднат полицаец кој се обидува да најди изгубена девојка.

едит 2. Ја испуштив 9-1-1, нова е, засега нема ни цела сезона поминато ама се работи за секојдневна работа на полиција, пожарникарна и сл., со разни примери и примеси на приватниот живот на вработените, нели да се внеси малку и драма инаку ќе испадни како документарец.
Како други вреди за гледање, кои не сум сигурна дека би ти се допаднале: Atypical, BoJack Horseman, Dark, Stranger Things, Game of Thrones, Sense8 и the man in the high castle.

едит. Од серииве кои сеуште се емитуваат, ретко која во моментот вади неделно епизода. Тие од Нетфликс ја вадат сезоната наеднаш, а периодов кон средина или кон крај на сезона се повеќето.