Препорачајте интересна серија со кратка рецензија

Altered Carbon (201



Знам дека претходно ја спомнавте и иако е серија за која знаев уште пред да излезе и со нетрпение ја чекав, сакав прво да ја изгледам цела, па после да дадам мислење и препорака.

Altered Carbon е cyberpunk, neo-noir серија, која по својата атмосфера доста наликува на Blade Runner, а во однос на серии, би ја споредил со Almost Human, Black Mirror и The Expanse. Но немојте споредбиве да ве залажуваат – Altered Carbon e целосно оригинално и ново искуство помеѓу тв сериите.

Дејството е сместено некои 200-300 години во иднината, а главната премиса на серијава е постоењето на т.н. stacks, кои се инсталирани во секој човек на возраст од една година и на кои се зачувува меморијата и карактерот на личноста. Ова значи дека смртта како таква повеќе не мора да постои, затоа што сеќавањата на една личност можат да се префрлат во друго тело по нејзината смрт.

Приказната започнува со тоа што еден од т.н. Meths (нагалено од Метузалем ) – мултимилијардерите на иднината, со неограничени можности, кои практично можат да живеат вечно и за кои не важат законите на обичните смртници – навидум извршил самоубиство и поради тоа го најмува главниот лик за да го истражи она што тој смета дека дефинитивно било убиство.

Несекојдневен и ветувачки почеток на серијата, сосема доволен за да ве навлече да ја гледате и да ве вовлече во својот свет на дистописка иднина.

Она што ја прави Altered Carbon уникатно искуство е тоа што серијава може да се гледа на два начини – како класична тв серија, со добри актери, интересни ликови и (не)стандардна murder mystery детективска приказна. Од друга страна, може да се гледа и како коментар за влијанието на технологијата врз луѓето, како истражување на практично неограничените можности кои таа ги нуди, но и последиците кои ги носи со себе.

Altered Carbon начнува доста сериозни и интересни теми, како бесмртноста и импликациите кои таа ги има врз секојдневието, религиозноста, па и дефиницијата за Бог; вештачката интелигенција и поимот за она што значи да се биде човек; што е реалност и уште многу други.

Во секој случај, серија која дефинитивно вреди да се погледне.

 

ABSENTIA

Интересна крими,психолошка серија која у нити еден момент не предизвикува досада пошто има брз развој на настаните,нема монотонија и тупење со оглед на тоа што има само една сезона од 10 епизоди.
Главниот лик е Емили, една од најдобрите ФБИ агенти,која е киднапирана и заробена во тунел 6 години.
Нејзиниот маж исто така агент, за тие 6 години основа ново семејство и продолжува со животот се додека не добие повик од киднаперот дека жена му е жива.Тука почнуваат игрите и сплетките.
Во улога на Емили е Стана Катиќ. Пре пре пре јака улога и маестрално одиграно,а на друга страна мажот и катастрофа невидена ниту името не му го запомнив од што е небитен,цело време без разлика дали е среќен, тажен,исплашен има израз на лицето како да му се врши голема нужда.

 

Teen Wolf

http://www.imdb.com/title/tt1567432/

 

И јас ја изгледав и немам што повеќе да додадам. Нешто најинтересно што сум гледала у последно време. Се заљубив пак во Џоел. Срцето ми подрипнуваше додека го гледав Одличен актер е.

 

The Young Pope (2016)



Овој пат, сакам да препорачам нешто постаро – една серија за која сметам дека ни приближно доволно не е експонирана и позната.

The Young Pope е приказна за млад и релативно непознат американски свештеник (Џад Ло) кој е одбран за папа од страна на кардиналите во Ватикан, со замисла дека поради тоа што е млад и неискусен ќе биде послушен на неговите советници и лесен за манипулирање, а од друга страна – привлечен за помладите генерации на верници. Но младиот папа се покажува како целосна спротивност на ова – своеглав, во некои погледи револуционерен, во други конзервативен, често пати контрадикторен, но најмногу од сѐ – целосно и тотално непредвидлив. Папата Пиј XIII за едни е светец и чудотворец, а за други неверник и атеист, чија цел е уништување на католичката црква.

Всушност, ова е можеби единствената серија која прво ја изгледав цела, а тек потоа ја препорачувам. Ова е така затоа што ја изгледав првата епизода и едноставно не знаев што да мислам за серијава. Не знаев како да си ја опишам - дали ќе биде драма, фикционално-историска приказна, религиозна пропаганда, атеистичка пропаганда, сериозна или комедија. Сѐ што можев да кажам е дека ми беше интересна, непредвидлива и сакав да видам што ќе се случи понатаму.

Ја изгледав и втората епизода – и повторно истото. После неколку изгледани епизоди, конечно сфатив дека серијава е истовремено сѐ од горенаведеново и ништо од тоа – едноставно, не наликува на ниту една друга, ниту пак воопшто се труди да се вклопи во одреден калап и строго дефиниран жанр. И сфатив дека дури откако ќе престанете да се трудите некако да ја класифицирате и споредите со нешто што сте го гледале, дури тогаш ќе можете целосно да уживате во неа.

Освен оригиналната, интересна и непредвидлива приказна, The Young Pope може да се пофали со одлична актерска екипа – освен Џад Ло ги имаме и Дајен Китон и цела плејада на фантастични европски глумци – прекрасна сценографија (изгледа како да е навистина снимана во Ватикан), костимографија и музика. И морам уште еднаш да напоменам дека Џад Ло е навистина фантастичен во улогата на папата.

Тешко е да препорачате серија за која не можете баш да објасните за што точно се работи – но секое објаснување би било спојлер, а и еден дел од убавината на серијава е токму тоа – самите да ја разоткривате, дел по дел, епизода по епизода.

Серијава не е само за религиозни или само за атеисти – The Young Pope е за сите кои сакаат да погледнат нешто ново и свежо, да бидат изненадени, шокирани, разлутени или разнежнети, за сите оние кои сакаат нешто непредвидливо и неочекувано. Уствари, серијава е за љубители на добри серии.

Уште еден плус е што има само една сезона од 10 епизоди.

Сериозно, ама сериозно препорачувам. Мислам, видете ја само најавнава шпица!

 

Препорака за некоја лајт, забавна серија налик Hart od dixie, Younger и слично. Фала

 

2 Broke Girls
Jane the Virgin
The Bold Type

 

Лелеееее Харт од Дикси! Баш супер серииче, онака за одмарање. Стварно ми фали вакво нешто да гледам.

Инаку јас се мислам за Gilmore girls, 90210, The O.C., One Tree Hill сите се постари, првите две ги немам воопшто гледано, последниве ги имам ама одамна па може едно освежување да се направи.

Од овие погоре најинтересна е The bold type, и дефинитивно највеќе ми се допаѓа, обавезно погледни ја.

 

Гледани ми се трите
Сепак фала ти ако имаш уште некоја идеја- сподели

@x.Daisy.x Hart of dixie ја даваа пред некое време на Fox Life и ми текна на неа. Баш такво серииче ми треба, лабаво што дури се граничи со глупост Ќе ги разгледам предлозите од погоре, фала ти

 

Big Little Lies - не баш лабава, ама одлична!
Broad City
Imposters
This is us
Unbreakable Kimmy Schmidt

 

Kevin (Probably) Saves The World - баш е за лајт, јас си одмарам мозок со серијава пред спиење.
Рејтовите кажуваат доволно.

 

Ме заинтересира дефинитивно!

Јас навратив поради Peaky Blinders, иако не е баш нова и непозната - ја пребарав и ме зачуди што скоро ич не се зборува(ло) за серијава тука, па си реков да ја препорачам во темава
Досега има четири сезони од по 6 епизоди, дејството започнува во 1919 и е сместено во поствоена Британија, поточно Бирмингем. Во фокусот е истоимената гангстерска банда предводена од семејството Шелби, нивните интриги, судири со други банди и амбицијата за превласт во општеството. Во серијата има доста политички и социјални импликации, класната поделба и состојбата по војната е доста реално прикажана. Полна е и со +18 сцени, секс и брутално насилство, да напоменам
Одлична мрачна крими драма со типичен британски вајб, супер актерска екипа и глума, и iconic anti-hero карактери - посебно главниот лик Томас Шелби

 

https://www.imdb.com/title/tt5907796/?ref_=nv_sr_1
Женски топла препорака за серијава, случајно ми ја препорачаа.
Се почнува со убиството на младата Милица....

 

@Avery Ти ја препорачувам Kevin (probably) saves the world.
Мноогу интересна, лајт, забавна, heartwarming серија.

Уживам деновиве додека ја гледам.

 

Баш и @MissChievous ми ја препорача, ама уште не стигнав ниедна епизода да изгледам. Заглавувам со обврски, па навечер и без серија за 2 минути сум заспана Ама што волку ја фалите, викендов морам да ја почнам
Фала ти