Препорачајте интересна серија со кратка рецензија

Аниме може да се предложи?
Кој гледа аниме веќе сигурно ги знае Death note и Attack on Titan.

Во Death note се работи за многу паметен средношколец кој најдува нотес.
Но, тоа не е обичен нотес, туку е нотес на смртта. На прва страна има инструкции за негово користење.
Накратко: Пишуваш име и личноста умира.
Можеш да пишеш време и причина за смртта. Ако го пишеш само името, тогаш личност умира од срцев удар.

Прво овој не верува, ама пишува име на криминалец и за некоја мин. криминалецот умира.

Му станува јасно дека има моќ, па нотесот најпрво го користи за убивање криминалци, но текот се менува.
Може ли човек да остане присебен ако има толкава моќ?
Цела полиција и најјаки детективи се вкучени да разберат што се случува.

Јаки пресврти. Баш да се запраша човек што би правел кога би имал таков нотес.


Attack on Titan.
Врвот на анимињата. Сите епизоди се оценети над 9.
Не може да се објасни текот на настаните, туку директно се гледа.

Човештвото пола е изумрено, а пола живее зад огромни ѕидови.
Се појавиле титани (огромни суштества во човечка форма, кои јадат луѓе) и светот не постои.
Стотици години луѓето си седат така заштитени, ама одеднаш високо над ѕидот се појавува мнооогу поголем Титан и го урива првиот ѕид. Останатите титани како луди влегуваат внатре, а луѓето се шокирани.

Титаните не зборуваат и не размислуваат, ама тој огромниот титан е паметен и знае што прави.

Зад првиот ѕид седи обичен народ, зад вториот богати луѓе, а зад третиот (најдалеку) е кралот.
Има војници кои се обучени да убиваат и да истражуваат титани.

Преемотивни моменти, пресврти и неочекувани мигови. Мистерии.
Не можеш ни секунда да пропуштиш, пошто се нешто се дешава.
Брзо, динамично и не можеш да претпоставиш следно што ќе се дешава. Се што помислуваш обратно излегува...Никој нема погодено.
ПРЕЈАКО!!!

 

Успешната архитектка Александра е соочена со самоубиството на својот сопруг Оскар. Но подоцна дознава дека тој водел двоен живот со друга жена и нивното дете...

 

Нешто вакво може?

 

To The Lake добра е?

 

Секвелот на WD, Fear of the Walking Dead ?
Новата серија што почна со децата Walking Dead : Beyond ?
Тhe 100 ми е една од поомилените серии.
Тhe Protector, турска серија (не е сапуница) , продукција на Нетфликс.

 

@Mishela,
летово @Angie1432 во темата за серии-општа дискусија побара предлози за мистерии/ хорор серии и од тогаш сум на мисла да седнам и да направам една поголема листа на сите серии од тој жанр кои сум ги гледала, со линкови од имдб, со кратка содржина, со оценка, стокмени како што треба ама никако да најдам време.
Ама доаѓа Halloween и нека ми биде сезоната на тиквите инспирација па ќе се стегнам и деновиве ќе ја направам, за сите кои сакаат да гледаат страшни (или крвави) приказни. Па здравје Боже, само да сме живи и здрави, и само нека излегуваат што повеќе такви серии, како што ќе има нови, така ќе ја надополнуваме и листата
Во секој случај, уште сега ќе почнам да ја правам, па штом завршам, ја турам тука

 

Фала за ова. Ќе се гледа исклучиво заради професорот

 

Тоа секако дека ради него

 

Dali znaete nekoja strana za besplatno gledanje serii?

 

@Nausicaa секој ден ја отварам темава со надеж дека си пишала. Уствари, те потсетувам за листата. И мислам дека ќе те потсетувам се додека не ја направиш.

Ај препорачајте нешто во стилот на The haunting of Hill house.

@theowndemon Твојата нова листа каде е? И тебе ти треба потсетник.

 

@theowndemon И јас не можам да дочекам. Ај замисли си дека е Декември.

Ја гледав Bly и се разочарав. Не ме свиѓаше ич.

 

Приказна за фамилијата Датон која го поседува најголемиот ранч во Америка. Главната приказна е околу зачувување на ранчот кој е под константни напади од своите комшии. Ако некоја серија е достојна за предлог од моја страна тоа е оваа. Оценка 10 од 10 жанр драма вестер. Не би должел повеќе немам зборови колку е супер серијава

 

Речено- сторено. Во чест на Halloween, повелете листа на хорор серии.
За полесно снаоѓање, поделени се во поджанрови. Намерно нагласував колку сезони се, зошто мене лично ми прави разлика дали имам за гледање 30 епизоди или 300 од една серија.




„No one can hear you scream in space“ ,
односно научна фантастика / хорор


The Expanse

https://www.imdb.com/title/tt3230854/

Во не толку далечна иднина човештвото ја спраштило во вселената и Сончевиот систем е колонизиран. Но бидејќи ова не се Звездени Патеки, Земјата и Марс само што престанале да се млатат а се назира и трета сила, Алијанса на Надворешните Планети, те Белтерите, луѓето кои живеат во астероидниот појаси кои делуваат преку теророзам. Омраза и нетрпеливост од сите страни, и многу малку е потребно за сите пак да се затепаат. Земјен брод е уништен од невидлив непријател, сите се окривуваат меѓу себе, се спрема почеток на уште една војна а во срцето на сето ова случајно се наоѓа петочлениот екипаж на Росинанте, составен од земјани, марсовци и белтери кои ако не дојдат до сржта на мистеријата ќе бидат сведоци на фатална планетарна војна која човештвото може и да не ја преживее.

Ок, се надевам дека не заспавте од објаснувањево.

Мојата омилена серија која на сите им ја фалам а никој не ја гледа... Првите неколку епизоди се поспори и мислиш дека гледаш визуелно ептен квалитетна серија за политички интриги ама во вселена. И после се појавува прото-молекулата и на крај не можеш да се одлепиш од екранот додека не ја догледаш сезоната. Па наредната сезона, и наредната, и наредната и со нетрпение ќе ја чекаш и петтата која треба да излезе во декември. Не е страшна, иако има хорор елементи. Во принцип, одлична серија за сите кои сакаат квалитетна приказна.



Nightflyers


https://www.imdb.com/title/tt6903284/

Серијава е базирана на постара книга на Џорџ Р. Р. Мартин (Game of thrones) и не е ништо посебно. Откриен е мистериозен вселенски сигнал и екипажот составен од научници одат да го истражат но додека летаат кон непознатото чудни нешта почнуваат да се случуваат низ бродот.

Само една сезона е, 10 епизоди, лесно се гледа. Може да ја гледаат дури и тие кои не сакаат хорор.


Origin

https://www.imdb.com/title/tt7801780/

Вселенски брод полн со заспани патници патува кон далечна планета кога се случува нешто. Група од десет патници се будат и откриваат дека тие се сами на напуштениот брод, и да бидат нештата уште полоши, дознаваат дека еден од нив е заразен со паразит со вонземјанско потекло. Прашањето е дали ќе успеат да откријат кој од нив е инфициран пред сите да настрадаат.

Играат Драко од Хари Потер и Оша од ГоТ

Многу ми се допадна серијава. The Thing, ама во вселена. Од мене има 10.

Само една сезона, 10 епизоди.


Култни серии
Односно- вампири, демони, чудовишта

Supernatural

https://www.imdb.com/title/tt0460681/

Не верувам дека има некој кој не ја гледал серијава, или барем не слушнал за неа. Браќата Дин и Сем Винчестер се ловци на чудовишта кои патуваат низ Америка со нивната Импала, слушаат добар рок и спасуваат луѓе. 15 сезони, над 300 епизоди, кој не ја гледал, сега да ја почне, таман до лето ќе ја изгледа.



Buffy the Vampire Slayer

https://www.imdb.com/title/tt0118276/

Името објаснува се. Бафи е тинејџерка на која и е судено да се бори против вампири, демони, чудовишта. Па се заљубува во добар вампир кој потоа станува лош и...драма, драма, драма.

Пошто не бев повеќе средношколка која ја симнав, не стигнав подалеку од прва сезона ама за тепање време, препоставувам одлична е J


Charmed

https://www.imdb.com/title/tt0158552/

А Бафи, а оваа, исто му доаѓа. Три сестри дознаваат дека потекнуваат од лоза на моќни (но добри) вештерки и се борат против вампири, демони, чудовишта. Попат ги следиме и љубовните авантури на сестрите. „Хорор“.


The X- Files

https://www.imdb.com/title/tt0106179/

Реално, можеби најкултната од наведениве серии. Ја изгледав повторно пред неколку години и уште го има задржано шармот од пред скоро три децении, ама па може и во прашање да е носталгија, зошто дете бев кога прв пат ја гледав.

Накратко, Фокс Мулдер е one man show фби агент кој работи во одделот „Досиеја Икс“ каде истражува мистериозни случки кои немаат типично логично објаснување. Мулдер верува во паранормалното, во постоењето на вампири, демони, чудовишта. А да, и вонземјани. Добива нова партнерка, Дејна Скали, здраворазумски ориентирана докторка која рационално им приоѓа на случаите на кој работат. И останатото е историја J

Не сите епизоди се исти, некои се поквалитетни, некои не баш. Многу епизоди одат на теориите за заговор кои или ќе ви се допаѓаат или ќе ги скокате и ќе одите директно на „monster of the week“ приказните.


Викторијански серии
Односно -темно, тажно, трагично.


Penny Dreadfull

https://www.imdb.com/title/tt2628232/

Светски патник, медиум, американски револвераш и научник се борат против силите на злото во Лондон. Интересна, визуелно величествена серија. Во исто време и многу мрачна, депресивна и тешка за гледање.


The Frankenstein Chronicles

https://www.imdb.com/title/tt4206804/

Ако Penny Dreadfull беше тешка за гледање, оваа ме уби. Убиства на деца. На брагот на Темза е исфрлено тело на дете. При аутопсијата се открива дека телото е всушност составено од различни делови, од различни деца... Покрај мистеријата околу убиецот, уште една мистерија- дали Шон Бин за промена нема да умре на крајот?


Carnival Row

https://www.imdb.com/title/tt0489974/

Детектив и самовила решаваат серија на убиства.

Да нема недоразбирања, ова не е лесна серија за гледање. Мислев дека ќе гледам готска детективска серија, нешто лабаво за опуштање, место тоа гледав политичка драма која го истражува расизмот, нетолеранцијата, елитизмот во еден свет каде покрај луѓето постојат и различни раси на фантастични суштества кои се третирани како жители од втор ред. Дефинитивно не е за релаксирање.


И на толку депре серии, еве една повесела:

Houdini and Doyle


https://www.imdb.com/title/tt4539954/

Во 1901, во Лондон им се вкрстуваат патиштата на Хари Худини, најпознатиот магионичар на светот но воедно атеист и скептичен циник и Артур Конан Дојл, „таткото“ на најпознатиот детектив на сите сите времиња но паралелно и голем верник во постоењето на паранормално кој често учествувал во сеанси за повикување на духови. Заедно решаваат мистериозни и бизарни случаи кои полицијата не може да ги разјасни.

Не е баш хорор-хорор, ама е забавна и интересна. За жал, само една сезона од 10 епизоди.

Антологиски


American Horror Story

https://www.imdb.com/title/tt1844624/

Најверојатно ова е од оние серии кои или ти се допаѓаат или не. Мене во целост ми е изгледана само првата сезона и тоа чисто од што не сакам да оставам недовршени серии. Уште два пати ( 4 и 6 сезона) дадов шанса и ја баталив.

Channel Zero

https://www.imdb.com/title/tt4820370/

Нешто малку поинакво, покреативно, и дефинитивно со помал буџет, ама интересно.

Castle Rock

https://www.imdb.com/title/tt6548228/

Првата сезона почна преинтересно ама глупо заврши. Во подрумот на затворот е најдена келија каде се чува затвореник, младо момче, кое никој не знае кој е. Во моментот кога момчето е пуштено на слобода, чудни нешта почнуваат да се случуваат низ градот. Очекував многу, многу, многу повеќе од серијава, имајќи во предвид колку моќно почна.

The Terror

https://www.imdb.com/title/tt2708480/

Предобра, и во исто време претешка за гледање. Серија која ретко ја препорачувам зошто знам како ме исцрпе емотивно додека ја гледав. Уште не ми е догледана втората сезона.

Терор и Еребус се два брода кои навистина постоеле и кои настадале додека се обидувале да најдат премин низ Арктикот. Базирана на историски факти, но и проткаена со натприродни ситуации, серијата ја претставува борбата на екипажот да преживее во битката со зимата, но и со чудовиштето кое демне надвор, во снегот.


The Haunting of Hill House

https://www.imdb.com/title/tt6763664/

Серија која го надминува жанрот. Да, е хорор ама во исто време е и многу повеќе. Сите кои сакаат одлично раскажана приказна треба да ја погледнат. Ликовите, дијалозите, сцените...Неверојатно добра серија.

Втората сезона, The Haunting of Bly Manor, реално, не е хорор, туку приказна за љубовта, загубата и живеењето со тагата. Можела да биде и пократка, ама вреди да се погледне.


Слешери
односно- концепт „Whodunit“, само со повеќе крв и човечки делови


Scream

https://www.imdb.com/title/tt3921180/

Тв верзија на филмската франшиза. Океј е, три сезони, од кои првите две се една приказна. Како и во филмот, маскиран убиец почнува да убива средношколци и останатите деца мораат да откријат кој е убиецот пред да биде предоцна.


Slasher

https://www.imdb.com/title/tt4667888/

Антологиска серија, исто три сезони. Маскиран убиец почнува да убива и жителите на малото градче мораат да откријат кој е убиецот пред да биде предоцна.

Scream Queens

https://www.imdb.com/title/tt4145384/

Полу-антологиска серија. Демек хорор-комедија ама реално, не е ни едното ни другото. Џејми Ли Кертис беше фраерка тука...и тоа е тоа. Реално, гледајте ја ако навистина ви е досадно. Маскиран убиец почнува да ги убива во студентски кампус и девојките од сестринството мора да откријат кој е убиецот пред да биде предоцна.

American Gothic

https://www.imdb.com/title/tt5257744/

Глуми Holander од The boys.

Членови на популарно богато семејство се сомневаат дека еден од нив е соучесник на озлогласен сериски убиец и мораат да откријат кој е убиецот пред да биде предоцна... Ок, you get the drill.


Натприродни
Односно- „Бу!“

Dead of Summer

https://www.imdb.com/title/tt5210998/

Само една сезона, брзо се гледа. Се случува во летен камп и место да уживаат во сончевите денови, младите советници се соочуваат сатанистички култ, но и натприродни настани.


The Exorcist

https://www.imdb.com/title/tt5368542/

Уште една тв верзија на култен филмски хорор. Кој не го гледал филмот, серијата ќе му биде интересна. Демон опседнува млада девојка и свештеник се обидува да ја спаси нејзината душа. Гледајте го филмот.



Marianne

https://www.imdb.com/title/tt10875696/

Ок, ова е језива и страшна серија. Можеби нај„хорор“ од сите наведени. Крвава, вознемирувачка и на моменти дури непријатна за гледање. Добра е.


The Living and The Dead

https://www.imdb.com/title/tt4928166/

Англиска мини-серија. Шест епизоди, преубава атмосфера, добра музика, интересен пресврт на крајот. Млад брачен пар наследува фарма но кога ќе се доселат чудни случки почнуваат да се случуваат околу нив.


The Ghoul

https://www.imdb.com/title/tt3613314/

Индиска хорор серија во само три епозоди. Се случува во дистописка блиска иднина и младата Нида е лојален воен офицер специјализирана во „испрашување“. Најопасниот терорист Али Саед е фатен и Нида има задача да го испраша но кога ќе стигне во бојната база каде е држен ќе затекне сцена на масакр. Обидувајќи се да дознаат што се случило, Нида и останатите војници набргу дознаваат дека меѓу нив демне чудовиште.

Одлична мини-серија, диманична, брза и преинтересна.

Typewriter

https://www.imdb.com/title/tt9310372/

Три другарчиња се договараат да провалат во локалната напуштена „проклета куќа“ во потрага по духови но нивните планови се менуваат кога во куќата ќе се всели ново семејство и чудни работи ќе почнат да се случуваат низ градчето.

Индиска серија во само пет епизоди. Зошто главни протагонисти се деца, атмосферата потсеќа на Stranger Things. Има и дискретен хумор кој добро го балансира мрачниот дел од приказната.

 

Зомбињааа
Односно, мојот омилен жанр

Типично кога ќе се спомнат зомбиња, првата асоцијација е „The Walking Dead “, иако не би требало да е така. Базирана на (многу посупериорен) стрип, серијава во златните денови и парираше на Гот по шокантни умирања на саканите ликови, и фановите со страв ја очекуваа секоја наредна епизода. Стрипот го симнав веднаш откако ја изгледав последната епизода од првата сезона ама има големи отклонувања во приказната и судбината на ликовите па од трета сезона натаму не се ни вклучував на фб додека чекав да се појави на торент најновата епизода (спојлери). Поминаа неколку години, групата стигна во Александрија, и како што ја почнаа шестата сезона ја оставив за после, ај нека се соберат повеќе епизоди, па на еднаш ќе ги изгледам и... и... и кај и да е, ќе излезе 11 сезона а јас уште чекам да ми се соберат повеќе епизоди

Кратка содржина- главниот лик ни се буди од кома во напуштена болница каде талкајќи по ходниците наидува на врата врзана со железни ланци и графити натпис:„Don’t dead, open inside“. Или „Dont open, dead inside“, зависи како гледате J И 10 години и 177 епизоди подоцна, дечките уште се бркаат со зомбиња.

https://www.imdb.com/title/tt1520211/

Серијава има и приквел, „Fear the walking dead“, кој излезе додека уште бев прилично „загреана“ за оригиналната серија ама човече, колку тапа серија! Ко да го земале најлошото од TWD (глупави одлуки, несимпатични ликови) и го спакувале како приказна за почетокот од епидемијата.

https://www.imdb.com/title/tt3743822/


Колку што TWD е сериозна и трагична, толку Z Nation е забавна! Да, има зомбиња (и тоа различни видови) ама има и хумор, и интересни ликови, и мрднати епизоди. Факт е дека првата сезона е најсолидна, ама па ова е серија која себе си не се сфаќа сериозно и затоа е толку уникатна.Не е за секого ама заслужува да и биде дадена шанса. Мене ми е една од омилените серии.

https://www.imdb.com/title/tt3843168/


Исто како и TWD, и оваа си доби тотално непотребен приквел. Се што беше оригинално, забавно и шармантно во Z-Nation, во Black Summer го нема. Генерична серија со зомбија што трчаат и луѓе што вриштат.
https://www.imdb.com/title/tt8923854/


Helix

https://www.imdb.com/title/tt2758950/

Веќе еднаш ја фалев на темава, и тогаш пишав дека ми е guilty pleasureJ А како да не ми биде? Во истражувачка подземна база лоцирана на Арктикот се појавува чудна болест. Тим на доктори и научници доаѓаат да им помогнат на инфицираните но одеднаш се наоѓаат во срцето на чудна мистерија.


The Strain


https://www.imdb.com/title/tt2654620/

Уште една екранизација на стрип, но оваа, за разлика од TWD, дефинитивно вреди да се погледне. Само 46 епизоди, собрани во четири предобри сезони, серија интересна од почеток до крај.

Зомбињата тука не се баш класични зомбиња, туку повеќе одговараат на ghouls, односно strigoi, како што ги нарекуваат. Суштество меѓу вампир и зомби, ама подеднакво страшно.

Во Њујорк се појавува мистериозна вирусна инфекција која е поврзана со митските преданија за вампиризам. Во првата сезона го следиме ширењето на инфекцијата, додека во останатите навивиме нашите херои да го победат Мастерот.

Ash vs. Evil Dead

https://www.imdb.com/title/tt4189022/

Уште една приказна префлена на малите екрани од големото платно. Како што во Strain имавме strigoi, тука имавме deadits. И како што Z-Nation не е за секого, оваа навистина не е за секого! Ама многу е добра серијава!!! Најсупер е. Величествен спој на (сериозно грозен) хорор и (одличен) хумор.


Kingdom

https://www.imdb.com/title/tt6611916/

Одлична кореанска серија. Среден век, низ кралството се шират гласини дека во една од провинциите се појавила некоја чудна болест. Младиот престолонаследник е испратен да истражи што се случува и набргу се среќава со сцена излезена од кошмарите. Динамична, напната, без вишок на непотребни дијалози и сцени, ефективно си гази од почеток до крај.

Малку политика, малку историја, многу зомбиња!

Две сезони, само 12 епизоди вкупно. Предобра Нема да сакате да станете од пред монитор додека не заврши.


Екстра популарни

Се мислев дали воопшто да ги пишам, зошто не верувам дека некој не ги знае и не ги гледал, ама ајде, нека фигурираат.

Stranger Things- феномен од серија. Три сезони, со нетрпение ја чекаме четвртата.

https://www.imdb.com/title/tt4574334/

Кога детенце ќе исчезне, неговата мајка, шефот на полицијата и неговите другарчиња мораат да се соочат со страшни чудовишта за да го вратат назад.

Заразна, одлична, предобра.


The Witcher

https://www.imdb.com/title/tt5180504/

Една сезона, само 8 епизоди. Нека дојде побргу 2021, за наредната сезона.

Гералд од Ривија е многу згоден ловец на чудовишта кој покрај што лови чудовишта запознава и куп интересни личности за време на неговите авантури. ( Да, знам дека ова е најбазичното сиже на Вичер ама пукнав додека да ја напишам листава па кој го интересира повеќе, нека си ја симне серијава)


Почесно место: Dr. Who

https://www.imdb.com/title/tt0436992/?ref_=tt_ov_inf

Не превртувајте со очи!

Знам дека за многумина Др. Ху е детска серија со мачки облечени како болничарки и канти за ѓубре што пукаат со ласери но кој сака да мрчи, нека ги изгледа прво епизодите како Blink, Silence at the Library/ Forest of The Dead и Heaven Sent па ќе правиме муабет дали и колку Доктор Ху е хорор серија.

 

Малку постара серија ама интересна и со доста хумор. Се работи за едно нефункционално семејство што води погребално претпријатие

 

Us- мини серија (4 епизоди) од ВВС за едно трочлено семејство што тргнува на патување низ Европа иако имаат меѓусебни недоразбирања. Серијава би била интересна на 40+ публика, моја претпоставка или оние што сакаат семејни драми, со комични ситуации.

 

The Queen's Gambit (2020)



The Queen's Gambit е нова мини серија во продукција на Нетфликс (има само 7 епизоди) и го следи животот на младата Бет Хармон, гениј во шах.
Во серијата се начнуваат и некои други теми освен шахот. Па ако не се пронаоѓате во него, можеби оние за феминизмот, како и зависност од лекови, алкохол, секс и останати пороци ќе ви привлечат внимание.
Дејствието е во периодот на Студената војна, каде што шахот доживува вистинска експанзија и популарност. Самата кинематографија е одлична. Актерската екипа...подобра не можеле да изберат. Младата Бет глуми фасцинантно, а и ова е прв пат Ања да ја видам во главна улога во некој филм. Треба да ги добива почесто. Одлична глумица е. Уникатна.

Серијата е снимена по истоимената книга. Главниот лик е фиктивен и иако се земени елементи од други шахисти, базиран е на самиот автор.
Ја немам читано, но по завршувањето на серијава размислувам да ја почнам. Звучи доста примамливо.

Дефинитивно дајте и шанса ако сте во потрага по одлична психолошка драма.