Препорачајте интересна серија со кратка рецензија

Ја има на ХБО?

 

Новата на Нетфликс Firefly lane e интересна сериичка, вчера ја почнав, денес сум на крај веќе. Микс меѓу Big Little Lies и This is us, ќе ви се допадне ако сте љубители на овие.

 

Дали некој се сеќава како се викаше серијата што пред неколку години одеше на МРТВ? Мислам дека беше нешто со убиства,мафија и беше од Норвешка или тој дел ако не грешам.

 

The wilds Серија што многу потсеќа на Lost, но во тинејџ варијанта. 9 девојки заради склоп на околности се наоѓаат заедно на пуст остров и чекаат некој да ги спаси. Обработува многу теми за младите и нивниот живот, жртвите, предрасудите, психолошките проблеми, односот со родителите...

 

Sweet Home

https://www.imdb.com/title/tt11612120/?ref_=tt_urv

Едно навидум обично утро, стараните на една малку урнисана зграда ја затекнуваат влезната врата заклучена и не можат да излезат надвор. Уште полошо, откриваат дека телефоните не работат, телевизијата е прекината и најлошо, пред и во зградата ги чекаат чудовишта.

Кореанска серија во 10 епизоди.
Дали ќе им се допадне на сите? Најверојатно не Ама интересна е, забавна, ликовите се симпатични, дури и тие кои на почеток не се. Базирана е на вебтун- кој сака да го чита, го има на нет. Специјалните ефекти во првата епизода се малку чудни ама после се подобрува квалитетот. Исто така, првата половина на серијата е супер забавна, со хумор и шеги додека втората половина е повеќе драма. Не е најавена втора сезона ама се очекува да има поради популарноста на првата сезона. Брзо се гледа, кој сака ваков тип на серии нема да згреши ако ја симне.

 

Ја препорачувам крими серијата Мост ( The Bridge ). Данско - шведска продукција која е снимена во 4 сезони. Прекрасна серија, на љубителите на ваков тип серии сигурно ќе им се допадне.

 

Ted Lasso


https://www.imdb.com/title/tt10986410/?ref_=tt_urv
имдб рејтинг: 8.7

Главни улоги се Џејсон Судејкис кој се закити со Златен Глобус за улогата на Тед и Хана Вадингхам, која ја знаеме како Септа Унела од ГоТ и која всушност е ненормално згодна женска.

Топла, feel-good, позитивна серија која е едноставно совршена. Серија со срце.

Тед Ласо е амерички тренер по рагби кој доаѓа во Англија за да тренира фудбалски тим.

Суптилен хумор, физички хумор, англиски хумор, малку драма, супер музика, многу шарм. Одлично сценарио, симпатични ликови, инспиративна приказна.

Од мене има 10ка, една од ретките серии која мислам дека би им се допаднала на сите, дури и на оние кои не се по комедиите.

 

WandaVision

https://www.imdb.com/title/tt9140560/?ref_=ttep_ep_tt

Дали сум фан на Марвел, и општо суперхерои? Ич. Дали мислам дека ВандаВижн е одлична серија? Дааааа!
Дали би можеле да се вклопат оние што не се запознаени со универзумот на Avengers? Не знам.

Како да ја опишам серијава а да не откријам премногу?
Набгу по настаните од Endgame, Ванда и Вижн живеат навидум идиличен живот, налик на америчките ситкоми. Секако дека работите не се како што изгледаат на прв поглед.

Само 9 епизоди, од кои дел се во формат од 30 минути. Брзо се гледа, има солиден хумор, приказната е интересна и крајот е фантастичен!

Од мене има 10ка и засега е најдобрата нова серија што сум ја гледала во 2021.

 

Јас на темава изгледа сама со себе муабет си правам...
Resident Alien


https://www.imdb.com/title/tt8690918/

Хари е вонземјанин кој пред четири месеци се насанкал на Земјата и времето го поминува обидувајќи се да си го најде бродот. Држејќи се на страна во својата изолирана колиба на крајот од градот, тој успева да ги избегне останатите жители се до дента кога саканиот градски доктор е убиен. Во моментот кога полицијата чукнува на неговата врата, Хари дознава дека тој всушност го превземал идентитетот на д-р Хари Вандершпигел, фраер доктор од голем град и му станува јасно дека нема друг избор освен да ги превземе докторските должности додека да дојде друг доктор.

Одличен спој на црна комедија, детективна приказна, научна-фантастика спакувани во 11 епизоди.
Забавна серија и Alan Tudyk (Firefly ) е предобар во улогата на socially awkward вонземјанин.

Snowpiercer



https://www.imdb.com/title/tt6156584/?ref_=ttep_ep_tt

Првата сезона ја изгледав уште лани кога излезе и не ми беше нешто особено. Дефинитивно не ми беше за пишување во темава. Дури и не планирав да ја гледам и втората сезона, не додека не разбрав дека Шон Бин ќе игра и точно знаев кој лик ќе биде. Втората сезона е предобра!!!! Ако првата сезона е млака 6, втората сезона е огнена 10ка!

Седум години после глобална катастрофа која целиот свет го претворила во замрзната пустина, тоа малку од човештвото што останало се наоѓа на Snowpiercer, воз кој постојано се движи и кој не смее да застане, зошто во спротивно сите што се на него ќе замрзнат. Возот е строго поделен на класи но во моментот кога ќе почнат да се случуваат грозоморни убиства, сите незадоволства и класни разлики ќе излезат на површина.

Првата сезона повеќе е запознавање со светот на Snowpiercer и неговата динамика, ама затоа втората сезона ќе сакате да ја изгледате на едно седнување, е толку е интересна и добра.

 

Them 2021

Едно црно семејство се преселува во Los Angeles, во населба каде што сите се бели. Тие не се прифатени и започнуваат нападите врз нив 7/10

 

Јас те пратам и паралелно ги симнувам само ти пишувај

 

Напорно ми е пишувањето на рецензија од тел кратко ке кажам ГИ ИЗГЛЕДАВ ВО ЕДЕН ДЕН

The Barrier(2020)
Behind her eyes (2021)

Двете се на Нетфликс

 

@Nausicaa и јас сега идев на темата да ја препорачам Resident alien. Многу е јака, јас се изненадив колку е добра, хуморот ми беше врв.

Spoiler: Сцена

Моментот кога збореше со октоподот за добра и лоша вест, ќе умрев на крај, одамна не сум се смеела така

Многу е интересна, сите да ја гледате.

 

Behind Her Eyes

Луиз е разведена самохрана мајка и секретарка во психијатриска ординација. Таму почнува да работи новодојдениот во соседството Дејвид, на кого таа случајно претходната вечер налетува во бар и за малку не ја поминуваат ноќта заедно. Дознава дека е женет и стапува во чудна врска со двајцата истовремено - афера со него, а пријателство со сопругата Адел скришно од него - паралелно барајќи решение за своите редовни ноќни терори.
Серијата има само 6 епизоди и цело време изгледа како прилично предвидлив психо љубовен триаголник со натприродни елементи (луцидни соништа, астрална проекција), но финалето е тотален шок и mindfuck вреден за паметење.

 

Mare of Easttown

https://www.imdb.com/title/tt10155688/?ref_=tt_urv
imdb оценка: 8.6
моја оценка: 10.0

Место кратка содржина, само ќе го прераскажам сижето од imdb: Детективка од мало градче каде сите се знаат решава случај на убиство на млада девојка, притоа обидувајќи се да си го среди сопствениот живот.

Зошто ако почнам да опишувам, мислам дека нема да престанам додека не напишам цел реферат, па затоа најлесно е само површински да кажам за што станува збор.

Mare е совршената серија. Го поставува златиот стандард за сите серии што ќе следат.

Дел драма, дел детективска истрага, дел студија на карактери, Mare of Easttown е тоа што можеше да биде True Detective, или тоа е The Outsider, само без натприродните елементи. Реалистична, брутална, сериозна, но во исто време и со доза хумор, ова е серија што не прави компромиси. Апсолутно ја препорачувам на СИТЕ!

 

La casa de papel или Money Heist
Невообичаена група разбојници се обидуваат да го извршат најсовршениот грабеж во историјата на Шпанија....

 

Project Blue Book


Ако ве интересира научна фантастика, серијава е како X-Files на стероиди.
Оцена 10/10