Препорачајте интересна серија со кратка рецензија

Фалаа

Ако имате и други предлози пишувајте

 

Yellowstone. Само што ја завршив 5тата сезона, едвај чекам да излезе и 6та, пишуваше крај на 2024та ќе излезе. Леле волку јака серија немам гледано. На Филмовиплекс ја гледав.
Пак ќе ја гледам од почеток. Бет ми е прејака. Може се гледам себеси во неа во одредени животни ситуации, па затоа и толку ја сакам.

 

Гледај ја "1883" ако ја немаш гледано, една од најдобрите серии некогаш снимени е според мене. И "1923" не е лоша.

 

Фала, ќе ги гледам. Не сум фан на ваков тип филмови, ама приказната на Бет и Рип кога почнаа да се вртат по Фб видеа, ме натера да сакам да ја гледам.

 

You на Нетфликс.
Одличен психолошки трилер според мене, за момче кое се опседнува со одредени девојки.. има 4 сезони, за прекратко време ги изгледав сите

 

1. Shining girls 7.4

Патување низ времето, мојот омилен наратив. Мрачна и страшна приказна за сериски убиец и структурата на времето која дефинитивно е на негова страна. Одличен хорор наратив за трауматизираниот живот на Елизабет Мос, во улога на Кирби, архивистка во познат весник во Чикаго. Кога се случува уште едно убиство, налик нејзинот претходен напад кој успева да го преживее, почнува да се отвара истрага која води до голема мистерија.

Наративот започнува во 1974 година, со Харпер и потоа има неколку временски периоди, со истиот тој Харпер, претставен низ призмата на убиец, меѓутоа со неговиот нималку променет лик. За него не постои време. Меѓутоа, најлошото не е тоа што Харпер не старее, ниту тоа колку ја има уништено сега веќе возрасната Кирби, единствената преживеана жртва. Вистинските непријатели се уствари, времето и просторот.



2. Dear child 7.3

Libes Kind е оригиналниот наслов на оваа германска мини серија, која обработува психолошка манипулација, токсична зависност, угнетување, контрола со изговор безбедност.

Вистинскиот хорор започнува кога Лена, претходно исчезната веќе 13 години, повторно се појавува во болница по доживеана сообраќајна незгода, заедно со нејзината ќерка Хана.

Родителите на Лена брзаат да ја видат, но само за да потврдат со сигурност, дека жената која се претставува како нивната ќерка, тоа не е. Од друга страна, малата Хана го има истиот лик на Лена кога била мала. Тие се сигурни дека таа е нивна внука.

Јас сум големо девојче, се сетив точно на се, правам се како што треба, се зборови на малата Хана, кои прогонуваат во текот на серијата со само една цел, мистериозен и вознемирувачки наратив од кој се чини дека нема излез.



3. The girl in the mirror 6.3

Шпанската серија, девојката во огледалото, со оригинален наслов Алма, е комбинација од драма, хорор, мистерија, со отворени прашања за тоа што е реалност, а што е имагинација. Се работи за психолошко патување на главните ликови, а во кое постојано демне опасност.

Алма, по преживеана сообраќајна несреќа, се буди во болница и има амнезија. Трауматизирана од истото, се обидува да ја реши мистеријата која стои зад несреќата.



4. Tabula rasa 7.9

Ова е вистински психолошки трилер, во кој изобилуваат неколку временски нивоа. Се работи за мајка која страда од краткорочно губење меморија, која прави белешки со цел да се сети на настаните. Завршува во психијатриска болница, а едновремено е и осомничена за исчезнувањето на Томас, кој последен пат е виден со неа.

Приказната движи напред, назад и обратно, затоа е потребно големо внимание за секој еден детал. Предобра!



5. The innocent 7.8

Марио Касас, треба ли да кажам повеќе?

El inosente, уште еден шпански, предобар психолошки трилер во низата, чија наратив не само што има суштина и логика, туку држи и голема доза на неизвесност. Еден куп прашања и одлични пресврти.

Матео, осуден за убиство од небрежност, се вљубува во младата Оливија, но иднината за двајцата е далеку од светла, се чини дури и невозможна поради тајната која ја крие Оливија. Таа, заминува во Берлин поради работни обврски и исчезнува. Ова е моментот, кога Матео се вплеткува во се подлабока мистерија, уште повеќе кога ја запознава детиктивката Лорена која истражува убиство кое некако има или можеби нема никаква врска со Матео и Оливија.

 

Јасна Ѓуричиќ е феноменална, интересна тема, многу добро сценарио и кинематографија...најдобра серија од 2023 година.

 

Каде ја има?

 

Ја препорачувам 30 Coins одлична серија 10/10

Опис на серијата:

Протеран свештеник се обидува да ги избегне своите демони додека живее во зафрлено село во Шпанија.

Отец Вергара, егзорцист, боксер и поранешен осуденик кој е протеран од црквата да биде свештеник во еден оддалечен град во Шпанија. Додека неговото минато и старите непријатели се враќаат да го прогонуваат, чудни работи почнуваат да се случуваат. Се формира неверојатна работна група додека градоначалникот Пако и локалниот ветеринар Елена ја бараат вистината, додека реалноста е искривена со проколната паричка која е во срцето на глобалниот заговор.

Не е за оние со слабо срце, стомак итн.





Ја гледав на HBO MAX

 

Dark од 2017 до 2020

Првата германска продукција од водечката светска Интернет ТВ мрежа е сместена во денешен германски град каде исчезнувањето на две мали деца ги разоткрива двојните животи и нарушените односи меѓу четири семејства. Во 10-часовни епизоди, приказната добива изненадувачки пресврт што се поврзува со истиот град во 1986 година.

 

Ја почнав Liebes Kind прејак почеток.

 

Препорака за добра медицинска драма?
Мислам дека скоро све ми е изгледано.

 

a mene predlozete mi sci-fi serii so,patuvanje vo paralelni dimenzii ili niz vremeto pr ko quanrum leap, moze i film na taa tema
ili nekoja druga interesna sci-fi serija,

 

@www123 the sandman? Ептен сум на почеток, втора епизода ама вака ми стои како солидна.

 

Од овие ја имам гледано само "The gril in the mirror" и многу ми се допадна.