Агора Моја оценка 10/10 Агора е филм од 2009 година, во шпанска продукција. Ова е историски драма филм во режија на Алехандро Аменабар. Филмот зборува за Хипатија, жена математичар, филозоф и астроном од 4 век во Египет, како и за палењето на стари книги од Александриската библиотека и судирите на христијаните со власта. Во главната улога е Рејчел Вајс. Филмот е прикажан во 2009 година на Канскиот филмски фестивал. Филмот Агора освоил седум Гоја награди во Шпанија, вклучувајќи и награда за најдобро оригинално сценарио. Спојлер Дејството се случува во 4 век во Александрија, за време на владеењето на Римската Империја. Хипатија предава во платонска школа, каде се школуваат идните лидери. Таа е ќерка на директорот на музејот, и вљубена во науката и филозофијата толку многу, што ја одбива љубовта на својот ученик Орестес, кој подоцна станува префект на Александрија. Тоа е време на социјални немири во Александрија и секојдневни кавги и немири меѓу паганите и христијаните. После една борба меѓу нив, паганите се повлекуваат во библиотеката, меѓу нив и Хипатија, и остануваат заробени внатре. Стигнува наредба од римскиот император дека христијаните смеат да влезат во библиотеката. Хипатија заедно со останатите се обидува да спаси колку што е можно повеќе од старите списи во библиотеката, бидејќи знаат дека христијаните кога ќе влезат внатре, ќе ги уништат во својот бес. Така и се случува, па гледаме сцени на кршење на статуи и палење на списи. Во меѓувреме, прикажана е тајната љубов на робот на Хипатија, Давус, што тој ја чувствува кон неа, но и тоа дека тој станува христијанин. Давус учествува во уништувањето на библиотеката, а вечерта се враќа кај својата господарка, Хипатија, и се обидува насила да води љубов со неа. Сепак се откажува од таа намера и бара милост. Хипатија го ослободува и му вели да си оди, сега е слободен човек. После неколку години, христијаните се почитуван дел од населението, а Орестес кој станува префект на Александрија е исто така христијанин. Хипатија се занимава со своите проучувања на небесните тела. Но овој пат судирот настанува меѓу Евреите и христијаните, кои вршат напади едни врз други. Водачот на христијаните, Кирил, откако забележал дека Хипатија има големо влијание врз Орестес и неговата политика, смислува план јавно да го натера Орестес да ја покори Хипатија, која се декларира како атеист. Кирил јавно почнува да зборува против Хипатија, обвинувајќи ја за вештерство, и јавно чита делови од Библијата во кои се вели дека на жените не треба да им се даде право да учат, завршувајќи со заклучокот дека Исус своето знаење го оставил на дванаесет ученици, и сите биле мажи, немало жена меѓу нив. Христијаните се доволно бесни, и ја бараат Хипатија да ја убијат. Давус се обидува да ја предупреди, но толпата веќе ја носи Хипатија на каменување. И додека собираат камења за да ја каменуваат, Давус ја дави Хипатија, со што сака да ја спаси од болната смрт со каменување.
Троја и Александар Македонски дефинитивно најомилени историски филмови. Одново и одново да ги гледам никогаш нема да ми здосадат толку се добри
Провери ги овие филмови: Kundun - 1997 Curse of the Golden Flower - 2006 1911 - 2011 Farewell My Concubine - 1993
Скоро сите убави филмови се предложени, но еве уште некои Life is beautiful, The liberation of Skopje ова е македонски филм од 2016, штета е да не се погледне, барем тоа што го имаме малку да го цениме, LOVE IT WAS NOT филм кој излезе во 2020 јас не можев да го најдам никаде, само во германските и австриските кинотки го има, но е според ретка и вистинита љубовна приказна помеѓу нацистички официр и полска еврејка во Аушвиц, многу малку луѓе знаат за ова, но колку и да е неверојатно, вистинито е. Ако сакате повеќе инфо можам да ви напишам, 300 ова е филм за животот во античка Спарта и за на крај Последниот самурај или The last Samurai, според вистински настан и податоци, прекрасен филм го препорачувам.
Исто и Der Untertag или на англиски Downfall или Падот се работи за последните денови на Хитлер во Бункерот, како и Good Bye Lenin за германија кога била поделена
La Reine Margot - според романот на Александар Дима (таткото), за една од најклеветените жени во историјата. Нејзин грев - раѓањето во династијата Валоа и живот во немирно време на меѓубратски превирања Филмот е навистина посебен и мислам дека претставувал репер за визуелната естетика на доста подоцнежни филмови чие дејствие се одвива во историски период.
