Преселба од Скопје во внатрешноста поради работа по струка

Па не е џабе најубава населба јас ако се прашувам
Додуша зборам за стариот дел, овој кај Блаже школото на ништо не личи веќе...
Иако сум за да се пренаменат старите бараки нека е и за згради, ама можеше многу поубаво да се изведе, она сега е ужас, џунгла.

 

Цела скопска црна гора на пример, Сопиште натака таа страна, каде што живеат луѓе а има природа па тоа е голем град, мн јасно нема у Дебар маало да одам да се релаксирам ако сакам ливади
Ама дека има Скопје се, има. Бар за мене

 

Зборуваме за секојдневен живот, не за релакс 2 саата за викенд.
За секојдневен живот ако живееш во Скопска Црна Гора, прво не си во Скопје, второ со среќа за превоз за деца и слично.
И јас знам да идам куќа во природа да си направам, ама утре децата ќе нема како во школо да ми идат во државава. Да не зборам дека некаде сеуште нема основна инфраструктура.
Тоа што за тебе е предобро Скопјево не значи дека објективно е добро за живот

 

Не сум во сцг ама не е крај на свет и тие деца учеле и основно и средно и работат. Боље од некое село во ск да идам 20км до центар, отколку од Велес до ск да идам да речеме
Или да живеам во мал град.
Мене ми е добро за живот тука, а и да не беше немаше толку да е населено.
И не знам како не се во Скопје овие села, па тоа си е факт.
Ама веќе не сме на темата така да не е потребна дискусија

 

Апсолутно неточно.
Населеноста е врзана исклучиво со работните места за тие кои не успеваат да заминат во странство, не со квалитет на живот. Ко во друг свет да живеете, не знам каков квалитет на живот гледате во Скопје стварно, освен еден куп болести на старост што ќе имаме сите од контаминација на вода и воздух.

 

Знаев дека ќе настапиш одма со ова, не сметам дека доаѓаат за работа само во Скопје.
Зошто пола плата ќе ти оди на кирија, така да подобро тогаш со помала плата во друг град отколку во Ск да ја трошиш пола на кирија и сметки.
Сум живеела една година во Штип, за мене мал град е гушење нема каде да одиш едноставно.

 

Не те разубедувам ништо, чисто ме интересира. Што ти менува дали од Велес ќе патуваш до Скопје или од Ракотинци, Побожје кое и да е?
Можеби само воздухот е почист. Во Велес бар продавница имаш леб од сабајле да купиш. И не, не живееш во Скопје, далеку се тие места од Скопје реално. Мене од Аеродром до Автокоманда да отидам ми се плаче, 20 минути мостот го поминувам.

 

Јас не сум од Скопје и морам да кажам дека кога ќе отидам се приметува повисокиот стандард на живот и тоа ми се свиѓа. Навистина не е толку лошо како што мислите, сигурна сум дека на вас што живеете таму ви е преку глава, ама реалноста е дека има преголема дупка меѓу „модерноста“ на Скопје и било кој друг град во Македонија. Не е ич за потценување.

 

Шо е со заљубеноста во Скопјенце ја не знам. Една од ретките убави работи околу Скопје ми е носталгијата за пред 20 години. И секоја прилика да не одам во Скопје ја користам.

 

Јас ги имам навикнато гужвите не ми сметаат, може ете 1%не ги перцепирам веќе
Боље ми е да возам на пластичарска него на партизанска мене.
Од центарот на Скопје се далеку.
Па не е работата сите да се напикани у центар се да ти е на 5мин и што?
Мене не ми е хендикеп да живеам во населба на 10км од Центар

 

Ама вие изгледа не разбирате дека луѓето не доаѓаат по поголема плата, туку уопште да имаат работа.

 

Епа пак ќе дојдеме до тоа дека животот во Скопје севкупно е подобар отколку во малите градови.

 

Абе реално да збориме животот во странство е некаков пристоен живот, за во Македонија кај и да си, проблемите се општествени.
Јас уште стојам на ставот дека практично приморана сум во моментов да живеам во Скопје.
Да можев да работам онлајн или да имав работа, немаше два пати да помислам да идам во друг град ако веќе моменталните прилики ми се такви да не можам во странство да идам.
Сите работи ти здосадуваат после 2 години живеење некаде, едноставно ми нема значење дали имало Бершка и кино. Може да има разлика за помлади, ама кога ти се мењаат приоритетите во животот, Скопје е поприлично лош град за живот Пошто секако немаш време нешто многу, 100 саата патуваш во денот
Оти прекрасна инфраструктура има

 

Леле што збориш? Уф кога би можела така. А може и до мене е. Јас кога бев слободна во смисла без дете ништо не ми сметаше. Сега не можам да дишам, сакам природа, сакам тишина, не сакам гужви. Убаво ми е тука, преубаво, си ги сакам паркчињата, седенките со пиво и друштво на клупи ама многу би сакала и куќа со голем двор во некое градче или селце.
И ноќниот живот ми е безвезе, ептен. Порано сектор, хавана, маракана и тоа па тоа. 1212 пред короната што искачав дека блиску ми беше ама ултра досадно за мене. Се ми е досадно

 

Дека си во убавиот дел на Аеродром
И мене ми беше како дете убаво ама сега таму кај што шетав нема веќe паркови
Да не зборам дека ако си во дел кај што се гради, не само што ќе се надишеш азбест, лепаци и прашина, туку имаш и вечни другарчиња бубашваби после што се раздвижуваат заради градењето

 

И после 28години мене ми е убаво за живеење, не ми е здосадено, имам буквално се што ми треба и работа и семејство и места и активности и се што сакам, не би се селела надвор од Мк иако имам прилика и за тоа. Ама секој различно си го доживува анд итс океј

 

Може и јас со дете ќе бидам ваква

 

Скопје е најзагадениот и најгласниот град во целата планета!
Можам да кажам дека да не е сконцентрирано све во Скопје од болници до моливи (поголем избор и прилики)јас никогаш не би стапнала таму, а луѓето се присобрани од насекаде благодарение на друже тито што на времето им дал бесплатни станови е баш тие ти се најископлексираните што глумат стари скопјани и имаат најмногу против провинцијалци
Бегајте што подалеку од скупје

 

Здраво, размислувам за преселба ид Скопје во помал град во Македонија заедно со детето 2год и сопругот. Од Скопје сме двајцата и сите роднини ни се тука па немам блиски луѓе по други градови каде би имала некој свој или било каков имот за полесен почеток, така да ништо не ми менува конкретно каде би одела. Имам желба да е по јужно, конкретно Богданци сум била два пати и сум многу позитивно изненадена и би го земала во опција. Ми треба искрено мислење на жени кои живеат во помали градови каде нормално може да се функционира, да има градинка, педијатар, општ доктор и слично. Секој совет и мислење е добро дојдено, Благодарам!

 

Јас сум преселена од Скопје во помало место. Јас сум во Западниов дел, не можам да ти кажам баш за тој дел кај што се интересираш, ама ќе ти кажам од моја гледна точка.
Мене на пример ништо не ми фали. Македонија е таа. Може е потешко за наоѓање работа и толку, ама па познавам овде доста луѓе со одлични кариери, а во Скопје познавам другарки што едвај до интервјуа стигаат, не па до работа. Така да и тоа е релативно.Се друго реално, барем мене ми е исто. Да, ми фали понекогаш Скопје, зошто сепак таму сум родена и порасната, ама се друго е исто.
Мене лично за упис во градинка ми е лесно. Никакви врски не фативме. Езерото ми е тука, зима/лето за шетање (бањање, плажа) е одлично. Најмногу што ме нервираат се гужви, така да надвор од Скопје се помалку, што значи мене ми одговара. Кафичи, ресторани, пицерии, колку сакаш има. Може има одредени недостатоци, ама јас знаев на што се нафаќам и со други предности се пополнуваат тие недостатоци.
Ако не си многу поврзана со фамилијата, мислам дека лесно би се прилагодиле.
Со среќа што и да одлучиш.