Преселба од Скопје во внатрешноста поради работа по струка

Сериозно збориш дека киното, паркот ... се луксуз ?

Мислам дека не постои град без парк, а и театар има во не толку малите градови, па и по некој не толку исфуран мол .

 

За нас од страна шо секоја година молиме е. За вас од Ск мош и не е.
Театар еднаш месечно претстава, два пати макс. Во мојот град парк нема.

 

Мислам ај да не се лажеме сега, не нема мол во повеќето градови, има неколку бутици, нема толку места за социјализација, клубови, кина, театри, читални, библиотеки.
Стварно ми е жал што само во Скопје се вложува. Да си имаа се помалите градови, зарем некој би си го напуштил семејството, друштвото, домот за да дојде во Скопје.

 

Така ти изгледа пошто ги нема тие работи во твојот град а да живееш у Скопје сигурно ретко би ги посетувала тоа може секој скопјанец да ти го потврди.

 

Сите пријатели и познати ми препорачуваат да не идам а јас сум 50/50, веројатно тука ќе останам но сепак.

 

Mоже да, може не. Во Скопје се живее брз живот. Во помалите е обратно, скоро и монотон.
За млади има само кафичи и дискотеки. Друго нема. Едно кафе, еден круг низ град и дома.
За мене кино моментално ми е луксуз. Пошто јас треба да минам толкав пат за да гледам еден филм, не е мал трошок.
Гратски превоз нема, такси е изгор. Не е баш сјајно и бајно. За привремено е ок, за постојано не е.
За мол, има неколку така да речеме згради со внатре тезги или бутици најчесто со роба од Шутка купена и ја препродаваат за неколку 300-500 денари поскапо.
Нема паркови, во цел мој регион има само еден така подобар парк, во друг град кој е четвртина од тој од Скопје.

 

Јас имам обратна емиграција направено.

А во мојот роден град има доста луѓе преселено од Скопје, бидеќи има една компанија каде на ниво на Македонија се дава една од највисоките плати.


Можеме да дискутираме до утре за кино, театри и слично(иако еднаш во месецот се оди), можеме и за прекрасниот парк... кој навистина ми дава мир(нема во помалите градови таков парк)...
Но исто така можеби да дискутираме за сообраќајниот метеж(во мал град никој не ти свири), за арогантните скопјани(во мали места се фини луѓето)...

Во мал град парите имаат поголема вредност.

На работно место во мал град речи и да немаш стрес... се е нормално човечки, на хуман начин се решаваат евентуалните проблеми.


А најбитно од се во мал град имаш ВРЕМЕ

 

@Marte1997 сум за да се пробаш. Не слушај други што ти зборуваат, ако не се обидеш нема ни да знаеш. Посекако не губиш ништо, а само искуство плус.

 

Јас сум од Скопје а се преселив во Берово..

И поубаво ми е него ли во Скопје..
Со оглед на тоа колку е мало Берово, верувам дека кај и да се преселиш нема да е помало од БЕ.
И малите градови имаат свои предности, јас да сум како тебе ќе се преселам...

Цел свет се сели, на запад од големи градови и станчиња од 50м2 одат во села и живеат комотно и убаво.. во некои случаи дури и куќите им се на 500метри една од друга..
Само кај нас е табу тема живеењето во мало место или не дај боже да спомнеш дека се селиш на село..ауу

 

Во делот дека се е сконцентрирано во Ск да се согласувам, најмногу за институции кои работат на принцип за еден документ луѓето мора да доаѓаат Ск и да вадат.

Во делот на моловите и куглањето верувај не е така како што мислиш. Кога ќе ти бидат достапни нема ни да помислиш на нив.
Еве ќе ти кажам за себе во ГТЦ немам отидено добри 5 години, во Сити мол година може и повеќе, Ист Гејт ми е на 5 мин со кола имам отидено 2 пати.

Во Скопје во парк најчесто се оди за викенд, и најчесто фамилии со дечиња да се прошетат. Останатиот дел гледат викенд да избегат и да отидат надвор од Ск ( најчесто во околината на некое помало градче )
За летно време да не збориме.
Кафичи да има, клубови на една рака се бројат.

 

За кој град се работи ако не е тајна?
Зошто да не одиш и пробаш некоја промена?
Посебно ако станува збор за убава и добро платена работа, не знам колку вреди да пропуштиш таква прилика. Во меѓу време барај слична /иста работа во Скопје.
Скопје тука е, нема да ни избега. Ако не ти одговара нешто во другиот град, можеш во секое време да се вратиш назад.
Размисли си убаво
Јас сепак мислам дека треба да оди, ништо не губиш само искуство плус ќе си имаш.
Ти посакувам среќа што и да одлучиш

 

@Lotus Girl
Секако нема да се постигне. Милионски град со толкава плоштина. Може таа фамозна куглана или кино ти се пола саат со бус или кола.
Ама млад човек во град со околу 50.000 луѓе и едина занимација да е кафич е монотоно. Нема никакви атракции и актуелности за младите.

 

Од Скопје сум. Во ГТЦ и јас не одам, освен по потреба ако барам нешто конкретно. Ама Сити мол и Ист Гејт скоро секоја недела. Кино исто така доста често посетувам. И за болници поголем избор, и за спорт, и за искачање. Во поголеми градови како Битола и Охрид пример, можеби и би живеела. Не знам дали си посетила помал град, пример Кочани, Вевчани.. да ми извинат членките што живеат таму- ама ништо нема.

 

Паркови и природа секаде има. Имам живеено и во СК и во БТ, и можам да кажам дека Бт ми е сто пати поубаво. Се е поблиску, паркот ми е поблиску сто пати од Ск што ми беше, ако во центар живеев, и е преубав. Има кафичи колку сакаш, ресторани, теретани, куглана... не треба сто автобуси да смениш за да одиш негде. Преспанско езеро ни е до газот шо се вели, за пола саат си таму, за Пелистер да не зборам. Пијачките и храната поефтини, не е изгор како Скопје... за ништо не би се вратила, каде каде ми е поубав и поорганизиран животот, а ништо не ми фали.

 

Девојче, иди пробај ако не пробаш како ќе знаеш?
Што ако успееш?
Гледај малку позитивно.
Млада си смени неколку места, ќе стекнеш и повеќе искуства.

 

Зависи шо работа и колку плата искрено хахахах. И општо каква перспектива ќе имаш, и дали ти вреди "жртвата" во поглед на работно искуство и идни вработувања.
Јас имам живеено во повеќе помали градови низ Мк. Зависи од местото, и колку е оддалечено од Скопје. Ако можам да стигнам за саат-саат ипол би се преселил.

Цел свет се сели кон помали места, предградија и села.
Кај нас се уште трендот е обратен, пошо ние сме назад во многу работи...
Инаку факт е дека поголем град нуди поголеми можности за пополнување на слободното време.

 

Сум била во поголемите градови и се најнормално си функционира Битола, Охрид, Гостивар, Велес, Штип, Струмица, Гевгелија ... само разлика у цени. За жал во Ск животот стана прескап. За едно искачање од дома секако треба да имаш 500че во џеб.
Голем/ мал град секој според својот начин на живот. Во студентските денови и јас мислев дека Ск е мн подобро место за живеење, ама со текот на годините почнав да гледам поинаку на работите.

 

Зависи што ти е важно во животот. Секоја шанса поврзана со работата е добра за стекнување искуство кое и тоа како вреди за понатамошното напредување. Ако приоритет ти е друштвото и излегувањето, тогаш не мора да се селиш заради работата, можеш да си седиш невработена, а друга таква прилика да не ти се укаже повторно. Не е дека понуди за работа има во изобилство.
Ама, ако сакаш да напредуваш во кариерата, добро е да почнеш некаде, макар и во мал град. Нема цел живот да останеш таму, а Скопје не ти бега.

 

Ми се нуди одлична шанса ќе работам баш тоа што го сакам Асистентка на Факс после ќе гурам сигурно и до професорка но сепак Ск е Ск, а таква шанса нема можеби да ми се отвори пак.

 

Македонија не е голема држава и не живее голем број на население, па со квалитетна инфраструктура, автопатишта, локални патишта, брзи возови може драстично да се скрати патувањето од еден град до друг град.

Така Скопје ќе се растерети, помалите градови ќе живнат, но треба инвестиции за работа, квалитетно планирање и реформа на образованието, како и добро распоредување на дисперзирани студии.

Со добра инфраструктура секаде патувањето ќе се скрати за час до час и половина.

Инаку, народот во Источна Македонија е многу срдечен и добродушен. Мои пријатели не ни размислуваат да се женат со девојки од Скопје. Голем дел си фатија девојки од таму и викенди си цепаат кај нејзе дома.