Преселба од Скопје во внатрешноста поради работа по струка

Ако факултетот е Тетово, Штип или Гостивар можеш да ја прифатиш работата затоа што се релативно блиску, и да патуваш без да се селиш. Ако е Битола или Охрид, далеку е ама па убави градови се, далеку поразвиени од предходниве. Не знам кај има на друго место факултети.

 

Град што има факултет, не е мал град. А ако тоа е кариерата која ја сакаш, јас на твое место, не би пребирала, пошто изгледа како шанса, една на милион.
Јас сум од Скопје, и искрено во Скопје сега не би можела да живеам. И кога би живеела во Македонија, попрво би живеела во Битола, или Прилеп, или Охрид, отколку во Скопје. Единствено што реално би ти фалело е брз пристап до стручен доктор, ама па млада си, не си пред пензија, за да биде некој аспект. И тоа што би можело сега да е аспект, културно забавен живот, ти реков ми рече, по 5 години ќе биде релативно ирелевантно, а кариерата ќе си има тежина ваљда. Ако си сигурна дека тоа е тоа што го сакаш.

 

Но, гледано реално на запад селата се рај за гледање. Нашиве се запустени, неурбанизирани, сивило и гледано голем дел од популацијата живее во лоши услови.

Битолско, прилепско, ресенско сите села се иселени во Австралија, Нов Зеланд, САД, а колку тие места имаат потенцијал за рурален туризам. Неверојатно. Луѓето таму буквално можат да живеат само од туризам...

 

Се е убаво вака. И јас би во Охрид, Преспа, Дојран, Берово. Ама реалноста е друга. Не е баш така чил и сјајно во: Кочани, Радовиш, Дебар, Кичево, Македонски Брод, Каменица, Куманово, Виница, Делчево, Неготино...
Дисклејмер, Скопје никогаш не ми е бил ни ми е во план да живеам. Ни пак лично го сметам за метропола.
Ама, во овие набројаните животот не е толку убав како што си го замислувате. Пусти се, прво без луѓе, за здравство Бог да те чува. Не дека и во Скопје цвета, ама за се покомплицирано таму те праќаат. На секој чекор има казина... На страна што за работа просперитетот е сведен на минимум, ептен ако немаш некоја среќна ѕвезда. Инаку ќе си во маркет, бутик или фабрика.

Може модератор да ми го премести мислењето за каде мисле дека е соодветно.

 

Ама девојкава збори за работа по струка, ете среќната ѕвезда таму и свети.
И сега?

 

Добра прилика да искусиш нешто ново. Млада си, имаш време да поправиш ако згрешиш, а животот ти дава прилика за учење на нови лекции. Велат при крај на животниот циклус се каеме за тоа што не сме го направиле, пробале, искусиле, за се друго не се каеме макар и да е глупост ( не зборувам за деструктивно однесување). Пренатрупаново, задушено, нервозно Скопје не ти бега. Ќе можеш да си дојдеш некој викенд да се ижуркаш, нашеташ нагужваш доволно за да не ти недостига.

 

Ако си будала да не ја прифатиш. Што има врска ако е мал градот ? Демек живот е само ако излегуваж и одиш по журки ? За се има време во животот. Сега тебе ти се пружа шанса зграби ја, баш тоа што си млада е предност. Ако не ти се допаѓа викаш чао пријатно. Јас бев на факултет во Скопје ама си се вратив да живеам во родниот град - Охрид фала му на бога. Да пре мал е ама и тоа е баш бенефит.

 

@Marte1997, ич да не си се глупирала да одбиеш таква шанса!

И тие што ти зборат да не одиш, да знаеш дека ако се твое место, веќе би биле со спакувани куфери.

А највеќе би сакала да знам имаш ли дечко и ако да, да не е тој всушност причината што не сакаш да одиш?

Е сега вака. Штом станува збор за работа на факултет, ти реално во петок откако ќе ти завршат предавањата можеш да тргнеш за Ск и во понеделник сабајле да се вратиш назад. Ништо нема да пропуштиш од искачањата и социјалниот живот. Што, и сега кога си во Ск, да не шеташ секој ден? Да не одиш баш секој ден на кафе? Празници ќе си доаѓаш дома, продолжени викенди дома, распуст дома. Сигурно имаш невработени другарки кои едвај ќе дочекаат да дојдат кај тебе на неколку дена на поседок. Хоби некое, музика, филмови, усовршување на струката итн- сигурно нема да ти биде досадно додека си таму преку работна недела.

Ако ја прифатиш работата, нема ништо да изгубиш, туку само ќе добиеш и тоа многу.

 

Те молам оди, не знам зошто уште чекаш, и што е тоа што те плаши? Ако не повеќе пробај секогаш можеш назад во Скопје...

 

Јас би пробала, ништо не губиш.
Девер ми млад човек, 21 година, работеше во друг град, мал град, доаѓаше дома за викенд. Сега работи исто во друг град, само поголем. Шансата што му се пружи не се одбиваше

 

И ја ти викам да одиш.Искуство е, башка Македонија е 2 педи земја, ако не ти се сфиѓа, Скопје е на 2 саати од сегде.Два ипол нека се.Таман ќе одмориш од гужва малку.Јас во Охрид кога идам, како на рехабилитација сум, ем пешки сегде, ем чист воздух, ем помалку луѓе, ем непознати луѓе.Не биди будалче, оди.
Можеш кога сакаш да се вратиш, а шансата може нема уште еднаш да ја добиеш.Ајде иде гас еднаш се живее.

 

Животот во малите градови на истокот е онаков каков што сам ќе си го направиш..
За мене, мирот на планина е далеку подобар од било кое уживање во Скопје или било кој друг град во Европа ..
Инфраструктурата е секаде мизерна, луѓето од секаде се иселуваат..

Баш и во тоа е убавината на селата...што не се урбанизирани
Да беа, лично мене немаше да ми се убави..
Да живеам во село а да врие од туристи како низ швајцарските села? Ноу тенкс.. боље ќе се вратам во Скопје..


Блажена горо, мори зелена,
убава Малеш мори планино,
в' лете си полна, мори, овчари,
в' зиме си полна, мори, ајдуци.

Spoiler: ..

 

Де кажи за во кој град станува збор поконкретни одговори ќе добиеш, позитивни и негативни страни на градот за разлика од Скопје.
Претпоствка за Штип станува збор?
Зошто мислам да се работеше за Охрид тешко дека некој би рекол Не

 

Споредувате молови и куглање со природа, чист воздух и мирен живот. После маваат последици по ментално здравје, а коренот не го барате во околината.

Секој знае што му е побитно, би ти рекла да не се форсираш ако мислиш дека ќе ти смета помал град. Перспективата е многу битна, за некој е ова голема шанса од стегите на урбанизација, за некого ограничување. Размисли кој тип на човек си.

Темава во светов е тренд, дигиталниве номади направија свои градини и органска храна во места речиси напуштени. Мене ми е инспирација. Работата ја движи миграцијата. Да има понуда за работно место многумина не би размислувале долго.

 

Најпаметна одлука на еден скопјанец е да се исели од таму!
Како живеете во таа џунгла, па мир таму човек не може да има, јас сум за куќа со двор на мирна и чиста локација, нешто како населба, како убави градови би ги избрала Охрид, Струга, Прилеп, Пробиштип, виница(во источна Македонија ви се најкревките, најдобрите луѓе ако тоа ви врши работа)
Најголемо разочарување ми се Тетово и Гостивар толку беше нечисто и све расфрлено стварно таму е алармантна ситуацијата со загадување на природата, а Шар планина им е тука...

 

Источна ми е како потценето духовно богатство. Ќе да е до харизмата на луѓето

 

Мене во очи ми паднаа “предностите “ на Скопје.
Би рекла обратно е,Скопје е убав град но тешко е за функционирање на дневна база.Сообраќај катастрофа,нервозни лица,термини не се почитуваат…
Но ја разбирам и перспективата од очите на млад човек,нормално е да си скептична.
Јас би пробала,се работи за шанса за кариерен напредок која можеби само еднаш се пружа.
И не се сите градови во внатрешноста мртви и досадни,баш напротив.
Нема што да изгубиш,може само да добиеш

 

И пред да ти го прочитам второво мислење тргнав да ти кажам да одиш, ама кога го прочитав и второво мислење уште посигурна сум во тоа дека треба да одиш и ваква шанса да не пропуштиш, а и да не прочитав за какво работно место станува збор сепак ќе ти речев дека тие твои пријатели не ти се вистински пријатели туку ти љубоморат и не сакаат да успееш. Не слушај никој што ти збори од завист, слушај си го срцето, штом ја сакаш работата и имаш можност и за кариерен напредок, ова ти е неповторлива шанса зграпчи ја девојче и ич не се мисли пакувај куферите и не дозволувај никој да ти застане на патот. Скопје не е далеку можеш во секое време да дојдеш. А во друг град и помали ќе ти бидат трошоците. И да беше за друго работно место ќе ти речев оди пробај, ништо нема да изгубиш, можеш во секое време да се вратиш. Ама ова е навистина одлична работна понуда што ја имаш и верувај нема да зажалиш. Нема да посакаш да се вратиш во Скопје. А и чувството кога имаш свои пари во џеб е непроценливо. Можеш само да добиеш, ако ја прифатиш шансата која ти се нуди. Ќе жалиш цел живот ако останеш тука.

 

Ах, бе девојче, за некои работи еднаш ни се укажува шанса и никогаш повеќе. Немој после да се каеш. Да, сум на твое место одма би прифатила, Скопје не ти бега. Па во малите градови кафето е 60 ден, а овде Скопје 100.Таму да седнеш во кафана со друштво ќе платиш солидна цена, а не како овде изгор. Народот во истокот е толку мирен и гостопримлив.
На лето ќе избегаш од горештините, а на зимо од загадениот воздух. Да, имаше вработување во помалите места, мислиш некој би дошол да живее Скопје. Но, ете таква ни е државата само тука се инвестира...
Секој мал град си има своја убавина.

 

Мислев урбанизирани во смисла да си ги средат фасадите, да си го уредат дворчето, улиците да ги поплочат со камења, осветлување итн...Да дадат некоја автентичност и естетика на местото.