Престанок на доењето - одбивање

Почнав и јас денес со одбивање. Не можам да издржам веќе, пренапорно ми стана. Сабајле околу 5 се разбуди и цицаше мислам цел саат. Кога конечно се тргна, немаше пола саат пак сакаше да цица. Си реков нема веќе, отидов и си ставив црн пипер и ѝ кажав дека цицето е какано.Проба и виде дека луте па почна да плаче, да урла, да вика и да се треска од креветот, едвај се смири, па пак почна да плаче. Ептен со драми минавме сабајлето. Преку ден посака неколку пати, ама и кажав дека луте и дека е какано. Ноќеска не знам како ќе минеме, секој ноќ по два пати се буди да цица. Страв ме фаќа. Дај боже се да биде како што треба

 

Колкаво е детето?
И моето се буди ноќе за цицање, околу 2-3ч, па во 5:30-6ч и потоа цица кога ќе се разбуди околу 8-8:30.

 

Скоро коментирав во темава, и како проаѓа време само се потврдува тоа што мислев. Бебе има скоро 7 месеца, си цица без проблем, не сум имала мака со доење, ама со душа чекам да престанам. Едвај чекам да јаде три цели оброка и да и дадам млеко во шише. Упорно читам како уживаат мајкиве во доењето, не знам дали проблемот ми е во тоа што од секогаш велев повеќе од година не дојам, ама еве малку повеќе од пола помина и не можам да дочекам да не цица веќе.
Ни мастит сум имала, ни мака со фаќање цице, бебе цица ефективно за кратко време, ретко се случува да цица цел саат, ама ете не гледам некое уживање во ова. Ја дојам чисто од хранлив аспект. Знам дека има еден куп мајки што душа дале да имаат успешно доење, дури си викам ова моево не е арно.
Супер си играм со бебе, цело време е со мене секаде, и има леснотија во тоа извади цицка и одма среќно бебе, ама сакам да се затвори кујнава. На речиси секое доење го мислам ова, морав да си се искажам негде.

 

Колкаво е?
Не разбирам зошто мора моментално, сега,одма да се одбие детето. Две деца имам, страсни цицачи беа, по скоро две години ги доев и ги одбив постепено со кратење на подои и не видов никаква мака. Процесот на одбивање траеше месец дена кај големиот, кај малиот два месеци. Прво ги скратив "полесните подои" т.е преку ден. Кога ќе побараше да цица излегував од соба, а мм го занимаваше да заборави. После подојот пред работа го скративме, па ноќните, па пред спиење и на крај подојот после работа ( тој беше најбаран, од врата во соба ме носеше) . Се одеше постепено и спотано и без стресови, така да ни децата не почувствуваа мака, нити јас со градите.
А мачкање на градите со кафиња, сенфови и други работи ми е ај замисли тебе некој да ти направи такво нешто во омилената храна и да ти се згади. Јас ти препорачувам постепено да одиш.

 

Јас така постепено скратив/скратувам.
И заглавив на доењето за заспивање навечер.
Денски не ни бара, заспива секако.
А навечер, а ја легнам отвара уста и се мести.
Навечер кога се буди презаспива одма со нишкање.

 

2 години има

 

Од синоќа до сега три пати цицаше. Кај нас нема да успее намалување на подоите. Ноќеска два пати цицаше, вториот пат пола час и кога ја тргнав плачеше, сакаше уште. Како да ги прекинам ноќните подои? Мислам дека никогаш нема да се одбие

 

Нуди вода.
Јас со вода ги укинав ноќните подои, некогаш али ретко може и со цуцла и кратко нишкање.

@TeddyGrey јас уште наоѓам начин да го откажам тој еден и единствен подој, решението трае со месеци
Ретко, во исклучителни Х ситуации цица и друг пат..

 

Jas spiev vo druga soba. Da ne znae deka sum doma. On so mm. Imase placki, no pominaa za nekoj den.

 

Јас мислам најлесно поминав.
Со тек на време сама си скрати од подоите.
Докторката на прва контрола рече да ја одбијам,повеќе не дадов и не побара.
19 месеци беа доволни.
Сеуште се буди по 100пати,пие чај и презаспива.

 

Исто. Кажи го решението ако го најдеш.

 

Она си пие вода секако ноќеска. Ама кога сака цице, ништо друго не прифаќа. Ќе пробам да спијам во друга соба, барем ноќните подои да ги скратам. Не се издржува веќе, во 2 години дали 5 ноќи сум ги отспала без да ме разбуди за цице. Она спие и цица, а јас дремам.
Не ми се верува дека ќе успееме, сигурно ќе стане да ме траже по собите

 

Бебе мое ќе се исповади од памет ако се подразбуди и не бидам до него и не да ќе ме бара, туку ќе рика дури не ме најде.
Ова мене никогаш не би ми било опција!
Но да сум искрена ни мм не е некој смирен, сталожен, па да се убедат некако.
Бебе мое ни цицаше, ни вода нешто пие, битно му е да голтне нешто и ќе се успокои

@TeddyGrey не сум цврсто решена, но кога ќе е денот едноставно нема да дадам, ќе чекам да се премори и знам, но липајќи ќе заспие некако..

 

Мојот од март е одбиен,уште станува сто пати ноќе не било за цицањето на крај испадна.

 

Не било,јас се надевав дека ќе спие после одбивање,ама не

 

Јас подојот за заспивање му го заменив со ад, а ноќните со вода. Ноќните будења многу брзо се проретчија.
Сега веќе нема ни млеко за заспивање - заспива со приказна или само со лежење и гушкање и ноќе многу ретко се буди и презаспива со водичка.

 

Ама она си траже цице. Нудам вода, пробувам да нишкам, не и не. Кога викне на цел глас КАКА ЦИЦЕ сите ја разберат. Мош ќе и остане навика да се буди, ама барем нема да е залепена за мене пола саат, да не можам да мрднам.

 

некако не најдов време да ви се исповедам јас и мојата приказна за одбивање...Доев 26месеци,право уживање ми беше.Дете беше најголем цицкар.Само цицето да си е до него,ко цуцла,па се смее,па се мази.Блискост.Ми беше тешко да донесам одлука да го одбијам.Се наметна поради отсуство од дома ради службен пат. Се чудев на кој начин би го успивала кога ќе го одбијам.Единствена идеја беше враќање на количката дома.Првите два дена му ги укинав дневните подои Ноке имаше навика 1-2 да се подразбуди,ама му давав тогаш Третиот ден-ништо.Првата ноќ на одбивање помина зачудувачки лесно Дете се разбуди,почна да плаче.Јас у полусон и одшто ме мрзеше да тсанам да го нишкам у количка ,само го гушнав и малку му пеев да заспие.За минута се успа.Наредната ноќ исто.И толку беше.Го одбив.И понатаму се мазиме,а блискоста е тука но во друга форма.Доењето ќе ми остане во едно убаво сеќавање ко фаза од преминот на моето новороденче во тодлер <3

 

Кратам подои веќе два месеци..ама ноќново не знам како ќе го скратам..со првото 2 години и 3 месеци..ова исто сега е баш 2 год и 3 месеци..ама не заспива поинаку со мене...се сум пробала..и со мм да спие..јас во друга соба..ноќе не станува од неколку месеци,убаво си спие..но што да правам..како да го заспијам.цуцли шишиња немам .не фати ни тој ..пееме,читаме,легнувам дп него..прво му е интересно, се смее..но после почнува да плаче..мама цице...од септември и градинка ќе оди..овој период мора некако да најдам начин...

 

Еве и јас да ви кажам, па вие решете дали сум (не)мајка
Стратегијата беше да сум дома, празник беше, неработен, 4 дена споивме. Да не мисли дека сум ја оставила/напуштила. Првиот ден нормално, со тоа што гледав да ја најадам пред да и дојде време за цицање. Си заспа со мм. Вториот ден се намачкав со Аура против грицкање нокти. Проба и се згади. Поплача малце, ама ја заигравме помина. Три дена се мачкав, да не и текне да побара. Бараше, и давав, ама кога ќе ја видеше градата викаше бљак љути и се мрштеше. Преспиваше од одма по цела ноќ. Ако се разбуди нудам вода. Неколку пати и цуцла и дадов, ама и претходно а ни сега не ја сакаше.
Заклучокот е дека мене ми беше потешко.