Малку покасно ти враќам, инаку имам искуство и со Колорес и со Црвенкапа во Аеродром. Моментално и двете деца ми одат во Црвенкапа, едното во јасли, другото во средна група и многу многу сум задоволна. За јасли и тетка Светле што ги чува, немам зборови, сите деца ја обожаваат. Исто и другите се многу фини. Малото едвај чека да влезе во градинка За Колорес морам да кажам дека воопшто не бев задовола. Првото дете почна таму од 11 месеци па се до скоро две години одеше. Најголем проблем беше тоа што персоналот цело време им се менуваше и детето не можеше да се навикне. Цело време имаше нови воспитувачки, а и од самиот однос таму не бев задоволна.
Се мислам помеѓу градинка или едукативен центар во Битола, за градинка сум за Мали Чекори или Мали Генијалци, одеше во друга од која сум задоволна но ми е далеку. Па ме интересира каква е програмата или која е подобра доколку има мајка да сподели искуство.
Моите две деца одат во мали чекори од самото отварање на градинката, јас сум презадоволна, секој ден имаат различни активности, кога е времето во ред обавезно се во двор па и сега во снегот, не можам да кажам за другите градинки ни да споредам бидејќи само овде сме од сам почеток.
На прв поглед се супер, ама се е за сликање за на инстаграм, мое мислење дека не се баш темелни и посветени како што се претставуваат.
Ама не знаеш зашто го носам во приватна, секој со своја причина нели? До сега се е супер и задоволна сум од негователките и од се, син ми го земам насмеан и среќен, слики кога и да посакам. И мене не ми се даваат 300 евра верувај, ама кога ќе се изгориш еднаш друго е.. пак ќе речам секој со свое искуство
Се сложувам, ние исто имавме обид од мало да го дадеме за да одвојувањето помине полесно. Но за жал нас ни беше разочарување. Како и да е, среќно.
Кај мене не е за полесно да помине, јас морам да се вратам на работа со оглед на тоа што сум самохран родител и нема кој да го чува. Во државна нити нема место нити се замараат со 8 месечно бебе. Буквално го ставаат у креветче само да заспие да плаче да рика. За јадење да не праам муабет. Разочарана сум тотално од се што е државно
Секој родител го сака најдоброто за своето дете. И ние бевме испаничени од разделбата без помош од баби и се одлучивме на 9 месеци да почне во Амичи. Она што не ни се допадна во старт ама дадовме шанса беше не потпишување на никаков договор, сепак нели дете им оставаш, треба да има правна процедура пред отпочнување на соработката. Ама ајде рековме нели се супер ајде ќе им текне ќе не викнат и сл. А да не зборам за согласност за сликање тоа па не се ни спомнува. Второ, немање континуирана комуникација те. апдејт од нивна страна што прави бебе. На мое инсистирање ќе ми пратеа по некоја слика. А во другите градинки си имаат група родителите на вибер и сл и на едно место се праќаат сликите. И трето, не се користеше наша козметика која им беше дадена, нити измиени шишенцата. Сепак да нагласам многу малце бебиња имаа нели 4-5 се и на крајот на денот плаќаме 300 еур и ова што го барав не е луксуз туку согласно закон за првото а за другите две работи мора да се овозможи таков третман.
Незнам зошто така.. до сега кога и да побарам имам апдејт дали спиело јадело и слично.. и тоа што сум ставила козметика, гледам дека го користат, шишенцето исто беше измиено. Исто имаат апликација на која родителите можат да видат што правело детето во текот на денот. Со оглед на тоа што имам роднини што работат во државна градинка. 25 -30 деца со две негователки, каде попрво, не се замараат со ништо, онака тоа што се мора, никаква активност,"морало се да јаде" на 8 месеци ако не да му дадам ребро со коска да јаде, нема смисла...за спиење у креветче само ќе пишти ќе вришти дур не се измори па да заспие, а госпоѓите надвор цигара ќе пушат и кафе ќе кулираат. Моето уште пие адаптирано не сум му дала кравјо, ми викаат ааа па мора кравјо, не дозволуваат ни да си донесам мое, јас не барав они да ми купуваат адаптирано. Друго, барам контакт за да прашам како е што прави, неможело контакт пошто сме досаѓале, епа со 25 деца богами и во право се. Од многу работи сум изреволтирана што незнам што е најпаметно, јас би го носела у приватна барем дур прооди, прозбори па после у државна. Барем да ми каже ако има некој проблем и нема да е беспомошно како сега. Значи од блиски луѓе што работат у државни знам какво е однесување со бебе од 8 месеци.
Мило ми е стварно ако се подобриле, ние бевме се на се 4 дена но доволно ни беше да пресечеме. Не се ни понудија да прашаат пари да вратат да се потрудат да го "испеглаат" односот. Ама тоа е секој со своето искуство.
Јас го запишав моево, ќе почне за два месеца. Ми дадоа документ каде треба да одберам дали се согласувам да го сликаат или не. Причина зошто го запишав е дека одиме на физикална и е исклучително напоменато од физиотерапевтот дека бебето мора е да е на под. Исто сме на хипоалергено млеко кое ми рекоа дека не е проблем да го однесам и да му даваат од тоа. Јас планирав во државна да го пратам дека ми е премногу блиску и за другарчиња да си најде од населба. Сепак не можам поради овие работи. Другарка моја го носи рече следела преку апликација се за детето.
На другарка малиот со неброени алергии успешно одеше во државна градинка каде и специјална храна примаа за него и внимаваа што му даваат. Ене го во школо толкав дечко. Не ги правете државните кланици.
Не сметам дека се кланица, напротив штом завршиме со физикална и прооди планирам да го префрлам во државна. До тогаш се надевам ќе го надмине и рефлуксот, а и недокажаната алергија на кравји протеин. Моменталните услови во јасли за моето дете на кое му треба друго внимание се тие во државните.
Исто и јас... реално незнам зашто таков впечаток добила кога не е така. Во државниве како што реков 8 месечно бебе не го фермаат а и со 30 деца 2 негователки може да замислиш што е, за разлика што тука во приватна се 5 деца со 2 негователки и му посветуваат внимание. Секој со свое мислење
Има ли некој информација за цена и искуство со јасли во ИПС во Карпош? Веќе еднаш не вратија од државната до нив, па ако не најдеме место нигде за месец дена бар да соберам информации. Читав ама се се постари мислења назад..
