Некое поново искуство со осигурувањево? Не ме интересира за бременост, изоставете го тој дел, не би го правела за тоа туку “за секој случај”. Од кое сте задоволни, како е со исплата, колку плаќате и што ви е покриено? Ме интересира лично искуство како на @Spidy погоре, не рекла казала муабети.
Преку фирма ни пратија меил ако сакаме да се осигураме преку Uniqa. Испаѓа да ни стопираат околу 800 ден секој месец. Искуства?
Јас имам приватно здравстевено во Сава осигурување. Ги покрива сите специјалистички прегледи. Итни случаеви не покрива. Лабораториски анализи, РТГ, ЕЕГ, ЕКГ, компјутерска томографија, магнетна резонанца, гастроскопија, колоноскопија, биопсија...Од хируршки зафати, не покрива комплексни операции. Моето осигурување покрива пораѓај и хронични болести до одреден лимит. Функционира на принцип, земаш упат од матичен доктор го праќаш во сава, ако ти го одобрат веднаш ти закажуваат преглед. Се плаќа според возраста. Мене месечно ми е 1000ден.
Може, затоа при склучување договор за полиса потпишува секој согласност за издавање медицински податоци со што ги ослободуваш медицинските установи од одговорност. Не знам дали има опција да не потпипеш и како тоа влијае на полисата. Најголем дел од полисите имаат исклучок или ограничување на покритие, франшиза, за претходни состојби. Важно е да се прочита убаво договорот пред да се потпише, мора и осигурителните некако да се заштитат од злоупотреба.
Значи мора матичен доктор да ти даде упат за одреден специјалистички преглед или низа лабораториски анализи? А и што ако сакам да одберам кај кој доктор/болница сакам преглед. Доколку матичниот одбива да ми даде упат, а имам Х симптоми и сакам консултација со специјалист, тогаш ништо од покривање на прегледот.
Приватното осигурување е за прегледите кои не ги покрива фондот. Затоа ќе одиш во приватна болница или лабораторија, не ти треба упат од матичниот.
Разгледај ја добро понудата и сѐ прашај го агентот кој ти ја продава. Јас бев заинтересирана и гледав понуди од повеќе компании и ниту една не ми одговараше бидејки покрај предности има и маани. За мене лично, пошо имам претходна дијагноза, ништо од офталмолошки прегледи немаше да ми покријат. Идна операција на очи исто така не бидејки претходно сум правела (ова било исто за било која состојба, дијагноза, така ми кажаа). Редовни гинеколошки прегледи не се покриени, за бременост некои компании нудат со доплата, некои воопшто не нудат. Ако матичниот не те упати на специјалистички преглед не ти покриваат. Некои компании сакаат закажувањето термин да оди преку нив. Ако настане нова состојба, а се утврди дека е поради нешто од претходно исто не покриваат. Мене ратата месечно ми доаѓаше колку што си плаќам кога имам мака и одам на лекар. Вака ем ќе платам во моментот на лекар па ќе чекам да ми вратат пари, ем рата ќе плаќам. Можда се исплати ако не дај боже заболиш од рак или не знам што такво големо. Повеќе поволности наводно добивале компании кои им прават на сите вработени со задршка на плата, вака индивидуалниве не се нешто нај нај.
Матичниот лекар не може да ти даде упат за приватна клиника. Ова е приватно здравствено осигурување. Упат ти треба да го приложиш во асистентскиот центар на осигурителната компанија и врз основа на дијагнозата ти закажуваат преглед. Ако имаш доктор кај кој сакаш да бидеш прегледан, ти закажуваат прв слободен термин (доколку соработуваат со него). Во некои осигурителни компании е со рефундација на средства. Не те најавуваат, сам си го плаќаш прегледот потоа ти ги враќаат парите, секако доколку полисата ти покрива.
Здраво девојки Дали некој знае дали Халк приватно здравствено осигурување покрива НИФТИ тест доколку има извештај од специјалист дека има индикација? Кои останати прегледи и анализи во бременост ги покриваат?
Зависи каква понуда имаш од нив. Кај мене покриваат ама пак тој Нифти тест е над 30 000 мислам а они покриваат 24.000 со тоа што сите анализи за бременост се вклучени во таа сума.Така да ќе треба да доплаќаш. Иначе сите анализи што се за бременост ги покриваат.
Значи чисто да ве информирам ако некогаш сакате се осигурате преку Халк осигурување немојте. Ги чекам по 2 месеца за пари да вратат од прегледи. Цело време само да потсетувам да пишувам за да извршат рефундација а плаќам за тоа. Катастрофа!!
Здраво, бидејќи сум заинтересирсна за истово осигурување дали имате информација освен за породување за се друго после колку месеци покриваат од осигурување, или пак на пример за прегледи гинеколошки, интервенции како ХСГ дали покриваат и од кога по осигурувањето. Исто ме заинтересиравме со делот за забар, дали при поправка на заби одете со фискалната и ви враќаат 70%?
Сега имаат некои промени во пакетите и не би знаела да ти кажам точно како стојат работите. Најубаво да се јавиш таму и да ти објаснат детално.
Пиши им, ќе ти пратат информатор. Имаат пакет од 515 ден, ама реално речиси ништо не опфаќа. Се исплати само за породување. После 3 месеци покриваат осигурување од 70%. Ти плаќаш, тие рефундираат. Хсг не загледав, можеби покриваат, не знам. Во однос на забите имаш годишно 1 заб со кариес на пример. И ако тој заб ме кошта 700 ден на пр, тие ќе ми вратат нешто над 500 ден и кога ќе видиш какви трчканици се, ич не вреди. Пиши им или јави им се, ептен се услужливи.
Zdravo ,da prasam dali nekoja moze da mi kaze dali ima privatno zdravstveno osiguruvanje SN i dali go isoristila za poroduvanje ,dali se refundiraat sredstvata i kako e zadovolna od taa polisa
zdravo i jas sum zainteresirana za istovo privatno zdravstveno osiguruvanje imam SN dali gi refundira sredstvata pri porogaj so 100 pokrienost sum i kako ste zadovolni od taa polisa
Halk никако, имам договор и правев испитување, сум го надминала лимитот а не ми кажа и сега после 3 месеци стигнува опомена пред тужба сум имала долг! Кој ме известил, од каде систем за следење на фактури кои они ги платиле. Јас не знам колкави фактури они плаќаат. Многу лоша грижа за корисници и страшни преваранти.
Дали имате искуство со приватно здравствено осигурување за дете, преку кој и што покрива? Колку месечно се плаќа, дали однапред плаќам за услугата во болница па они ми рефундираат? Лаик сум. Ми треба искуство и совет.