Принцезата султана е една вистинита приказна за една Саудиска принцеза која раскажува вистинита приказна за нејзиниот живот како жена. Таа раскажува како во земјата која живее не е од никакво значење само затоа што е женско. Тие се десет ќерки и еден син затоа кон брат и на султана се однесуваат како кон бог. Таа се труди да докаже дека религијата не игра никаква улога за жените да бидат потчинети туку напротив религијата тврди дека со добрина и со праведност треба да се пристапува кон припадниците на понежниот пол. Таа кажува дека првите 4 години од својот живот наверојатно ги поминала смеејки се и играјки но понатаму нејзиниот живот станува толку мачен но таа навистина е среќница и силна жена што успева да ги скрши овие обичаи . Оваа книга ја пишува нејзина другарка од лондон од дневникот на принцезата султана и е права вистина. Таа се соочува со забрана да јаде, забрана да го искажува своето мислење, нејзината сестра е силувана и разведена но цел живот мачена заради тоа што мажот што и да прави жената треба да трпи, нејзиниот брат силува мали девојчиња од 8 години и тоа султана се го гледа.. Оваа книга има 2 продолженија ви препорачувам да ја читате
Прицезата Султана-Џин Сасон 2005 Преубава книга. втор дел - Ќерките на Султана трет дел - Кругот на Султана
Јас го имам прочитано Прстенот на Принцезата Сулатана.Ги барав и останатите делови но ги немаше во нашата бибилотека.Инатересна книга.Една од книгите кои го покажуваат тешкиот живот на жените во некои држави како и борбата за рамноправност.Немам лоши зборови за книгата,прекрасна е.
Прекрасна книга. Реална, базирана на вистинска сторија. Којзнае уште колку девојки ја доживуваат истата судбина. Би прашала во библиотека и за другите делови, кои за жал не сум ги прочитала.
Прекрасна книга. Една од моите најомилени книги. На главниот лик,Султана и‘ симнувам капа. Убаво опишана книга. Моментално го читам третиот дел Прстените на принцезата Султана.
Леле сега ја видов темава Јас ги имам прочитано сите 3 книги,Принцезата Султана,Сестрите на Султана и Прстенот на Султана.Јас сум воодушевена од книгиве мене премногу ми се интересни.Книги за несекојдневниот и тежок живот на жените од Саудиска Арабија,нешто што на мене не ми беше познато и баш затоа ме заинтересираа книгиве.Само позитивни критики и на секого му ја препорачувам.
„Принцеза која блеска од скапоцени дијаманти и бисери и живее во незамислив луксуз, а во реалноста таа живее во златен кафез..“ Јас пред некое време го прочитав првиот дел и книгата можам да кажам дека ме импресионираше. Совршено добро опишани моменти, чувства, ситуации, состојби. Секој збор допира до срце, перфектно е прикажан и најмалиот детал од нејзиниот навидум лесен живот. Прекрасна книга, една од најубавите кои што воопшто ги имам прочитано. Останува во сеќавање, вреди секоја минута потрошена на неа..
Во книгава се заљубив. Ја прочитав летово на одмор. Премногу се соживеав, најмногу поради тоа што знаев дека е вистинска приказна. Не ми се веруваше што читам. Едвај чекам да ги прочитам и останатите дела.
Изминативе две-три недели ги прочитав трите книги ,,Принцезата Султана,, ,,Ќерките на Принцезата Султана,, и ,,Прстeнот на принцезата Султана,, Сега ми се како една целина, всушност содржината на сите три книги е една те иста ,,раскошен живот во златен кафез,, После овие книги можам да кажам дека е многу полесно да се биде жена во сиромашна земја како нашата, отколку во богатата со извори на нафта Саудиска Арабија ! После тие гнасни трагедии кои ги има во книгите на Џин Сасон раскажани од принцеза од владеачкото семејство, искрено сум благодарна на среќата да се родам овде а не таму!
Можеби единствени книги кои ме оставија уште долго од кога ги прочитав да размислувам на некои теми. Дали е навистина толку прекрасно да си жена, кои се твоите предности, можности,значење...не секаде жената го има истото значење, во некои делови е создадена и постои само за да го продолжува родот, да биде една обична “машина“ за деца... Оваа трилогија ја прочитав за 6дена, беше навистина нешто што неможев да го оставам, едноставно таа недела живеев во светот на Султана, нејзините проблеми, маки, бев таму со ќерките, птиците во градината... Книгите се навистина прекрасни, а и целиот труд на Султана да успее да му го прикаже на народот начинот на живеење во нејзината желба, покрај такви конзервативни размислувања, граници, е навистина голем успех. Јас искрено во вториот дел дознав дека е вистинска приказна, а тоа беше причина плус многу да истражувам за муслиманскиот начин на живот, каде , во кои делови како се живее. На саем за книга ги имаше овие книги, јас кога ги читав ги земав од градската библиотека(во Скопје), но сакав да ги имам за себе, имаше прилично голема разлика во цената на македонското и српското издание, па се одлучив за српското(не ми смета воопшто). Од срце им ја препорачувам на сите
Преубава трилогија. Ги прочитав сите во еден здив. Многу потресна и истовремено поучна животна сторија. Ако ве интересираат вакви тематики, Џин Сасон ја има напишано и "Љубов во ранетата земја". Слична содржина, уште потрогателна, но и посилна... Вакви книги обожавам од причина што ме тераат да размислам за смислата на животот...
Трилогијата ме воодушеви. Прекрасни книги кој дефинитивно вредат да се прочитат, го внесуваат читателот во еден поинаков свет во кој владеат многу различни правила. Главната јунаќина Султана е борец кој ќе не потикне да размислиме за многу животни прашања. Ги препорачувам на сите кој сакаат да се впуштат во нова авантура и да запознаат еден поинаков свет.
Сега ја видов темава. Пред некое време ги прочитав првите два дела, но третиот никако да го најдам. Го нема кај нас во градската библиотека, а многу сакам да ја завршам приказната околу Султана со читање и на тој дел. Вака осеќам ко да сум застанала на сред книга со читање. Се воодушевив од книгиве, препорачувам на сите кои се заинтересирани за животот на арапските жени и нивната положба во општеството. После овие два дела, прочитав уште многу други книги со слична тематика, и сите ми се допаднаа. Дури тогаш му се заблагодарив на Господ што живеам во слободна земја со свои мислења кои можам кога сакам и каде сакам да ги кажам на глас
Го има и тоа неколку само потруди се да го најдеш само мене третиот најмалку ми се допадна Многу убави книги ми се допаднаа ептен Џин Сасон има прекрасен стил на пишување, има прекрасани животни приказни овде ќе ја издвојам и Љубов во ранетата земја прекрасна трогателна книга за моќта на љубовта, за животот на курдите и за војната.
Дури сега го начекав во библиотека третиот дел Прстенот на принцезата Султана! Конечно после толку време! Ја земав книгата со нетрпение дека ќе биде исто или барем приближно толку добра како и првите два дела,ама се разочарав. Многу случки и настани се повторуваат, и не е тоа тоа некако. Добар е и овој дел, како некое заокружување на целата приказна за принцезата, нејзините ќерки, традицијата во Саудиска Арабија и сл. Можеби јас очекував премногу. Во секој случај, препорачувам да се прочита трилогијава.