Причини да се биде атеист

Зошто постиме во среда, а зошто во петок? Затоа што во овие денови се случи најголемата трагедија на човечкиот род! Во среда Богочовекот Господ наш Иисус Христос, втората ипостас на Пресвета Троица - Бог Синот, Бог Словото беше предаден и продаден за 30 сребреници. Во петок Христос беше исмеан, суден, камшикуван, плукан, распнат, умре на Крстот; сето тоа го претрпи поради нашите гревови и за нашето спасение... Зарем може во денот кога нашиот Спасител и Бог претрпе вакви страданија да се радуваме и да се веселиме? Да се прејадуваме и да се опиваме? Нормално дека не. Ние сочувствуваме со страданијата Христови колку што можеме.
Адам во рајот требаше да пости. 40 дена Христос постеше во пустината, 40 дена постеше свети пророк Мојсеј... Сеќавајќи се на Христа во пустината, сеќавајќи се на Мојсеја и што тој доби преку постот, а што Адам изгуби непостејќи ние постиме. Постот и молитвата се двете крилја на душата со кои лета кон вечното единство со Бога - Отецот, Синот и Светиот Дух.
Каноните и правилата (како и канонот за посна храна) се за оние кои веруваат. За оние кои ја видоа вистинската светлина, кои примија Дух Небесен и И` се поклонија на Неразделната Троица, животот продолжува да се одвива по каноните и правилата Божји и Црковни.
Прашањата никогаш не се забранети. Секој може да постави прашање, нема ни незгодно, ни глупаво прашање. Само одговорите можат да бидат глупави и незгодни. Едномислието е веќе друго. Значи ако ние веруваме во Бог, Кој има одредени карактеристики, ние треба да имаме исто мислење за Бога со сите оние кои веруваат во истиот Бог и да имаме доверба во оние кои Бога Го проповедале.
За неписменоста на верниците си целосно во право. Но, кој сака да се образува верски може тоа да го прави. Особено во ова информатичко време кога многу работи ни се прелесно достапни. Тоа е од една страна, а модата е од другата страна. Еве денес по училиштата, повеќето од наставниците се потсмеваат со Бога и со верата. Мојот наставник по географија се потсмеваше како ете астронаутите биле во вселената, а Бога не го виделе. Наставничката по биологија се потсмеваше со создавањето на светот пеејќи и крстејќи се: „Во понеделник Господ ги создаде пајаците, Алилуја, слава Тебе Боже! Во вторник Господ ги создаде рибите, Алилуја, слава Тебе Боже! Во петок Господ го создаде Адама, Алилуја, слава Тебе Боже! ...“ И нормално е дека оние кои немаат други квалитети да се докажат, се докажуваат со атеизмот и така мислат дека се модерни(слично е и денес со модерните религии, застарено е да си Православен да постиш, да се молиш, да се исповедаш, да се причестуваш, онака како Црквата правела 21 век; но, модерно е да одиш во заедницата на Константин Кајшаров и да те молзи, да членуваш во „Секој студент“, срамота и застарено е да се молиш: „Господи Иисусе Христе, Сине и Слове Божји помилуј ме грешниот/грешната!“ и „Богородице Дево, радувај се...“, ама модерно е да пееш и да верглаш „Харе Кришна!“ итн.). Слично било и по ослободувањето. Оние кои што слегле од планините, бивајќи неписмени и необразовани, немајќи како да се докажат и покажат во општеството, тие се докажувале со атиезмот. Често пати (иако не секогаш) превземајќи им ги работните места на квалитетните и образованите верници. (Интересен е фактот дека една од најпобожните скопјанки во цел југословенски период е никоја друга, но самата сестра на Лазар Колишевски, која не пропуштала ни утрена ни вечерна богослужба.)
Кога сме кај научниците, интересно е дека најголемите отци на Црквата, најпрво биле големи научници. Ги изучувале сите тогашни науки и на крај разбирале дека сепак најпотребна е само верата во Бога. Па ја оставале сета суета овоземска и целиот свој живот го предавале на Бога. Во Ромејското Царство (Византија), која била најтеократската држава, до пропастот постоела Магнаварумската Школа (по модерно Универзитет). Универзитет во кој се проучувале сите тогашни модерни науки. Средниот век е темен и црн за Западна Европа и тоа од периодот кога со Римската Црква завладеале слабо образованите Франки (околу 9. век). Тоа за Ромејското Царство и Сараценскиот Калифат не важело.

 

Од зборовите кои ги користиш и начинот на кој ја искажуваш мислата ( не сопствена туку научена) се гледа јасно позадината на твоето образование. Ова е женски форум за лични мислења и дискусии а не за проповеди. Јас овие работи ги знам, сум ги читала и проучувала и уште ги читам, не барав јас објаснување, друга ми беше поентата.

 

1. Која е според тебе позадината на моето образование?
2. Како треба јас да мислам?

 

Не ми е јасно зошто атеистите имаат потреба да ги вреѓаат и омаловажуваат верниците? Тоа ги прави посилни, попаметни и по во право од другите?

Од сево ова заклучив дека ние верниците сме средновековни, примитивни, затапени, глупи, нелогични, заслепени и последно ЛУДИ!!! Имаше и други постови, ама многу е сите да се постираат. Образована сум, современа сум и сепак верувам, чаре? Или сепак сум глупа и примитивна? Ако кај мене е поразвиена спиритуалната/духовната страна, тоа ме прави примитивна? Јас мислам баш напротив.
Видов неколку слични коментари и од верниците кон некои атеисти, и сум против, затоа што како верник душава не ми дава да навредам или осудам. Секој со својот ум!

 

На нас атеистите не ни е целта никого да потценуваме ама сепак врз основа на што еден верник ја прифаќа религијата? Го знаел лично, Исус, истражувал за неговиот живот, Исус дошол кај него дома, му го спасил животот или пак едноставно вашите семејства веруваат и вие уште како деца го прифаќате без да знаете било што? Што напраил Исус ај жити се? Го спасил човештвото ? Ма ај. Во ред дека постоел како човек и можеби правел добри дела, ама зошто добрината на еден човек е причина денес половина свет да се залажува со илузијата на совршеното? Освен тоа, тогаш луѓето имале тешки маки, биле необразовани итн. И денес има луѓе што прават добри дела, и имаат неверојатен удел за развојот на науката па ај кога ќе умрат во нив да веруваме. Или ако се помолите и ви се случи нешто добро леле веднаш господ помогнал. додека пак некој кој убил човек и подоцна самиот умре демек господ го казнил. Тој ништо не прави, зборовите ги кажувате но како сте сигурни дека некој ги слуша. Луѓето постоеле и пред религијата, имало војни и убиства, имало добри дела, раѓање и смрт. Што се смени на добро?
Ако животите ни зависат на нашите дела, зошто тогаш умираат и добри луѓе?

 

На вас атеистите не ви е да потценувате, ама сепак потценувате. За жал, тоа ви е најголемиот аргумент. Верниците се глупи, ние сме паметни, и затоа сме кул.
Мислам дека човек со неразвиена духовност не може да разбере што верникот чувствува и што доживува. Ова што го кажувам не е да навредам, ама ете има луѓе кои едноставно се духовно неразвиени и се потпираат на рационалното. Од друга страна има луѓе кои повеќе се потпираат на духовното. Ако ти си во оние првите, тоа не те прави ни најпаметна, ниту Ајнштајн, ниту пак во право кога кажуваш дека ние сме безвезни или глупи. Ниту пак тоа што ти си духовно неразвиена, не ми дава право да те осудам, или навредам.
Секој човек на свој начин го перцепира светот, и не можеш ти да им кажуваш на сите дека твоето е право, а другите се примитивни. Ако јас сум осетила на своја кожа што значи Бог, Божјата милост и светост, ти не можеш да дојдеш и да ми кажеш дека сум примитивна/средновековна. Ама гледаш и сама, јас не те напаѓам, туку почитувам дека се потпираш на она другото - рационалното.
Кај мене дома имам родители кои се сосема спротивни. Татко ми секогаш бара рационално објаснување за се, се треба да може да се пресмета, докаже и секако - лошото ти се случува оти не си размислил(осмислил) добро. Мајка ми пак верува во духовното, и е духовно многу издигната. Верува дека многу работи се случуваат со причина, и верува дека лошото е нешто што ти одржува лекција во иднина, и дека некои работи мора да се случат. Двајцата се високо образовани и успешни во својата кариера, одлични родители и одлични луѓе. Од каде испадна дека верниците се неписмени простаци што заостанале во времето? Или пак дека верниците се верници оти од дома ги учат така? Очигледно јас сум имала избор дома.
Не им се потсмевајте на вистинските верници, кои духовно се отвориле и поврзале со 'нерационалното', далеку сум и јас од нив, за жал. Тие што ја сфатиле смислата се поиздигнати и помудри од сите нас тука кои како волци ќе се напаѓаме кој е паметен, а кој глуп. Тоа не прави сите глупи и примитивни, на крајот.

 

Потсети ме во кои тоа теми сум бил гласен бидејќи не можам да се сетам на такво нешто.
Не ми е страв од се што мрда, не знам зошто пишуваш такви работи освен ако не е обид да се нападне лично соговорникот бидејќи се немаат факти. Или тага по партиски тролови кои го напуштиле форумот.

http://en.wikipedia.org/wiki/History_of_atheism#The_Middle_Ages
Можеби е добро да постои барем основна информираност околу атеизмот.

И која теза ја застапуваш сега, дека науката се појавила благодарение на религијата?

Јас ти пишувам дека атеизмот бил неприфатлива појава во времето пред секуларизацијата а не дека имало запалени научници после 17.век, не разбирам зошто сакаш евидентирани примери за нешто за кое не сум го напишал.

Протестантите не само што не се совршени туку на нивна душа има толку зло што би го посрамиле и самиот ѓавол. Релативизацијата на грозоморните злосторства на протестантите со фрази како ``жртва морала да падне`` се добар показател за каков соговорник се работи. Ниту оддалеку протестантското зло не е ограничено на нивните судири со католиците. Геноциди имаат правено.

Инквизицијата не завршила тогаш, информирај се подобро.

Книги се пишувале на ``несвети`` јазици уште од античко време. Сигурно мислеше на превод на библијата на ``несвети`` јазици и тоа го искомбинира со ``книги``, бидејќи само една е Книгата, нели?

Добро е што го знаеш научниот метод, но лошо е што не можеш да ја видиш контрадикцијата со верата како феномен.

Не постои откровение. Тоа е фантазија која може да егзистира во свет на циркуларна логика и никаде повеќе.
Споредбата со вонземјаните не е добра. Кога би се појавиле вонземјани би ги виделе сите, би ги чуле, сетилата и инструментите би го регистрирале нивното присуство.

А богови има илјадници и сите ја имаат таа заедничка карактеристика - да не постојат.
Ти веруваш во твојот Бог, ја практикуваш твојата верзија на верување во твојот Бог (а ги има илјадници верзии) други веруваат во други и се убедени дека баш тие ја знаат вистината која им била пренесена преку нивни пророци и така до бескрај. Во што е твојата вистина повистинита од онаа на бог на некое племе од Амазон?

Навистина ми е смешно кога верник бара евиденција за некоја работа. Човек кој верува во безгрешно зачнување, воскресение, претворање на вода во вино, одење по вода, вознесение, игранка на мртвите во Ерусалим, дрвен брод во кој пловел Ное и животните, грмушки кои горат и зборуваат и уште милион целосно ирационални приказни - и тоа на база на едноставна верба - бара евиденција ???

А има секакви вистини, можеби можеш да се сетиш на Пилат и неговото прашање кон твојот спасител?

 

^ #Жалче.

The middle ages или по нашки, средниот век траел од 5 до 15 век. Ако не ти оди со вековите, од 400 година до 1499 година.
Последните акции, ако може да се наречат акции во склоп на инквизицијата се пред нешто повеќе од 100 години, кога официјално завршува. Тоа значи дека Тесла на пример, живеел во време на инквизицијата, ама да не те гњавам и јас тебе со спинови како ти што ми ги игнорираш фактите мене.

Па, да почнеме со имињата кои @EvAngelos ги напиша.

Кеплер - 1571-1630.
Бојл - 1627-1691.
Њутн - 1642-1727.
Ојлер - 1707-1783.
Фарадеј - 1791-1867
Пастер - 1822-1895
итн...

Ја застапувам тезата дека овој список е список на побожни луѓе, кои воедно биле научници. Потоа ја застапувам и тезата дека дури и да не биле побожни некои од нив, не биле палени на клада ниту „морале“ да бидат верници, ниту биле номинално религиозни. Биле религиозни. На крајот на краиштата, еден Дарвин, најголемиот противник на теоријата на црквата во однос на создавањето на човекот има напишано
„one hand has surely worked throughout the universe“.

Овие луѓе не биле номинално религиозни, туку така одлучиле. Њутн и компанија да бидат религиозни, Галилео и Коперник да не бидат.

Го спомнав и Никола Тесла, човекот најзаслужен за тоа како модерниот свет изгледа. Можеби најголемиот гениј и научник во историјата на човештвото. Верник.
„The gift of mental power comes from God, Divine Being, and if we concentrate our minds on that truth, we become in tune with this great power. My Mother had taught me to seek all truth in the Bible.“

Исто така, застапник сум на тезата дека си страшно голем конформист и не се трудиш да размислиш малку повеќе од она кое ти е сервирано. Впрочем, исто како рајата in the middle ages кои ги спомна во однос на религиозните сфаќања и исто како денешните интернет трендови, кои наметнуваат атеизам.

А застапник сум и на тезата дека никој никому не треба да му кажува како треба да се чувствува и како да размислува. Особено не да му каже дека не е исправно тоа што е верник или партиски ориентиран или во крајна линија конформист како тебе. И застапник сум на тезата дека вербата во Бог не е одраз на незнаење или неукост, туку на лична самоопределба која во огромен број случаи е поттик и мотивација за големи достигнувања на разни полиња во животот кои потоа може да доведат до напредок во општествени рамки или барем лична сатисфакција.

 

Многу јака теза, нема што. Секако дека имало научници кои биле религиозни, имало и такви кои биле номинално припадници на некоја религија. Тоа не значи многу од едноставна причина што научниот метод е целосна спротивност на верата како феномен. Науката се базира на разум и емпириска евиденција што е спротивно од верување во непостоечки феномени, чуда, откровенија или што и да е.
Членот кој ги постираше научниците е спинерот бидејќи сака да прикаже дека науката се појавила благодарение на религијата и тоа не било која туку неговата - протестанстката.
Тоа што рекол некој научник во врска со религијата е ирелевантно бидејќи кога влегувал во лабораторија ја оставал верата надвор. Или можеби достигнувањата на Тесла се резултат на молитва, пост, чуда, откровенија, чатење и горење Темјан.
Напредокот на човештвото е поради научниот метод а не поради религиозна догма.

Науката е наука и научните постулати се исти секаде, од Северна Кореја до Аргентина.
За разлика од нив, верата е предмет на безбројни толкувања, доктрини и теолошки интерпретации кои немаат апсолутно ништо добро донесено на човештвото, само смрт и страдање.

Тезата дека вербата била лична самоопределба е глупава од причина што децата од најмала возраст се индоктринираат да припаѓаат на одредена религија или по автоматизам ја наследуваат верата на родителите. 99% од верниците ниту размислиле за други религии или за атеизам туку автоматски се чуствуваат припадници на религијата на која им припаѓаат родителите.
Би рекол среќа што не си се родил во Арабија, сега ќе беше муџахедин.

Јас не кажувам никому што и како да прави, но слободен сум да имам став кон тоа, без разлика дали е Муџахедин, вмблоец, Православен или што и да биде.
Тоа што луѓето очекуваат нивната определба да биде апсолутно и некритички прифатена или се чуствуваат загрозени доколку некој критички се однесува кон истата - е нивен проблем.

Интернет трендовите наметнувале атеизам
А новопечени верници на секој чекор.

 

^ Чудесно е колку речиси секоја реченица која ќе ја напишеш блика самодоверба, а основа за тоа имаш колку што сум јас неврохирург. А не сум неврохирург.

Тоа го мислиш зашто верата едноставно ја поистоветуваш со епрувети и физички закони кои во моментите кога верата е потребна се корисни за светот исто колку и твојата самодоверба што ја споменав, значи ич.

Науката која луѓето што ги напиша Евангелос ја практикувале сосема лесно може да се одвои од нивната вера зашто двете се сосема два различни светови.

И ти со спин против спинот, а? Браво, печен си за прес пред новинари.

Инаку, да не џабе ти постирам на англиски, да не не знаеш? Тесла вели „The gift of mental power comes from God“ - дарбата на силниот ум доаѓа од Бога. Ако тоа не сакаш да го прифатиш како факт, дека Тесла бил убеден во своите „молитви“ дека му помагаат, тогаш ќе го препишеме тоа на твојата неоправдана самодоврба дека си најпаметен и... следствено, ќе ти одбиеме на истото.

Ова е само доказ за она што го пишував претходно, дека си конформист и ја прифаќаш актуелната струја, ондосно конкретно струјата на атеистичките размислувања.
Прво, верата апсолутно секаде е иста, зашто луѓето кои се верници единствено својот Бог го нарекуваат со различно име, но на секој од нив тој им служи како водич и патоказ низ животот.

Исто така, најголемата атеистичка бламажа е кога некој од вас ќе напише „заради верата имало смрт и страдање“. Верата никогаш, никого не повредила, напротив, таа стотици векови наназад била мотив повеќе за покажување на човечноста и алтруизмот на човекот, додека оние кои биле најголеми еретици и моќта на религиите ја користеле за замајување на масите и искористување на простиот човек, спротивно на религиозните начела и записи во религиозните книги се виновни за смртта и страдањето.
Ама, не се секирај, не ни очекувам од тебе да можеш да ги разграничиш тие две работи.

Токму твојата теза е екстремно бесмислена. Како тогаш се појавиле атеистите ако во средниот век сите биле верници и сите раѓале деца кои безусловно ја прифаќале религијата?!? Како се појавила личната самоопределба или Луцифер почнал да зачнува деца и да им го вградува атеизмот во умот?!?

Еден од најголемите гласноговорници на атеизмот на крајот на 20 и почетокот на 21 век - Џорџ Карлин, секогаш нагласувал дека потекнува од религиозно семејство, па дури и посетувал верско училиште. Според неговите зборови, не верува во Бог, зашто бил способен да размисли и сфати.
Сакаш да кажеш дека Тесла, Кеплер и компанија биле премногу глупави да сфатат дека Бог не постои, ама биле доволно паметни да ги откријат сите тие life changing научни откритија?
Не бе пријател, се чувствувале убаво со влијанието на Бог во нив.

Значи ти имаш став и мислење кое е безусловно точно, а тој став и мислење е дека сите што не размислуваат како тебе не се во право? Тоа знаеш како се вика? Арогантен сноб или по мое се вика жалче.

Прво треба да почнеш да размислуваш и да прифатиш дека туѓото мислење колку и да не ти звучи логично, мора да се почитува, а потоа, врз основа на сопствените ставови и размислувања да го изнесеш своето мислење.
Исто така, кога некој ќе дојде и ќе се постави критички кон твојот прилично често бесмислен став, немој да го нарекуваш него конзервативен или неук, нарекувај го човек со критички став. Тоа што тебе не ти одговара таквиот негов став - е твој проблем.

 

Знам зошто упорно се обидуваш да ја наведеш дискусијата на лично ниво, при тоа користејќи нималку суптилни квалификации но не е важно, тоа си е твој проблем, ако така ти е полесно. Мене воопшто не ме интересира каков си, уште помалку би трошел пет минути време за аматерски психоанализи на непознато лице кое постира на форум.

Науката која тие луѓе ја практикувале нема апсолутно никаква врска со верата. Тие не дошле до научни факти со помош на верата туку со помош на научниот метод кој е целосна спротивност на верските догми и доктрини.

Ако се бара корелација може да се најде и поинаква, да се стават имиња на психопати и убијци кои биле номинално или реално христијани и да се каже дека биле убијци поради христијанството - што нема да е точно. Но ако некој сака да остави впечаток - може да го стори тоа, иако би било нечесно.

Ова е ноторна глупост. Ниту интелегенцијата ниту креативноста ниту ``менталната моќ`` (што и да значи тоа) не доаѓаат од никаков бог. Има соодветни научни дисциплини кои се занимаат со тие проблематики и секој кој се интересира може да најде за што се работи и на кој начин човекот еволуирал во она што е денес. Вклучително и менталните процеси.

Може некој да верува дека се работи за некаков бог но тоа не е факт туку глупава циркуларна логика.

Приказните за Адам и Ева, првиот грев и настанокот се глупави митови, не особено креативно составени во кои многу луѓе веруваат. Но тоа нема да ги направи факт. Земјата е постара од 8.000 години како што тврдат многу христијански ``научници`` и човекот е резултат на сложени еволутивни процеси а не на ``креација од кал и блато``.

Тоа се вика Not true Scotsman, http://en.wikipedia.org/wiki/No_true_Scotsman и само служи за самооправдување на злото.

На тврдењето дека верата не повредила никого лесно ќе се најде одговор преку безбојни примери за зло кое го вршеле христијаните но тогаш следува одговор дека ``тоа не биле вистински христијани``. Што е глупаво.
Сигурно и педофилските афери на католичките попови се од ``невистински христијани``.

Ако си ја отворил твојата света книга, Библијата, можеш да најдеш колку сакаш повици на правење зло, уништување и геноцид, тоа не е нешто што е тешко да се направи.

Каде тоа сум нарекол некого конзервативен или неук? Веруваш дека некого сум нарекол така или знаеш, имаш факти дека сум нарекол некого таков?
Јас можам да верувам на пример дека ти си генијалец но тоа е проблемот со верата нели, често се коси со најелементарните факти.

Не мора да се почитува туѓото мислење, треба да постои слобода за секое мислење да биде изразено и тоа е се. Голема разлика.
Инаку би требало да се почитуваат и мислењата на исламски фанатици кои масакрираат поради нивната вера во Алах.

Се обидуваш да протнеш аргуемент од авторитет - ``Тесла бил гениј, ако Тесла верувал - тогаш верата е реална`
Можам да постирам изјави од научници кои била атеисти и да кажам ``гледаш, генијалци кажуваат дека не постои бог.``
Кој авторитет ќе се земе за порелевантен?

 

Духовноста е дел од човекот, а истиот има право на избор, дали ќе го слуша умот кој е аналитичен или срцето. Од секогаш во човештвото постоела и ќе постои таа борба меѓу умот и срцето, во сооднос на тоа некои решиле да размислуваат рационално, што тоа не ги прави атеисти.Начинот по кој човек ќе гради своето размислување во однос на тоа дали постои Бог или не, зависи многу од она што претходно го реков.Атеист кој верува во нешто, а не во Бог, не е атеист.Лично, сметам дека таа вековна дебата , се надоврзувам на претходните коментари, за луѓе кои биле прогонувани во име на Бог или биле по науката, а трае од тогаш, па се до ден денес, е само еден пат кон она што се вели "Спознај се себе си ".Така да ако човек верува дека нема Бог и ќе нема, иако е само ќе речам, врз основа на мое лично мислење има Бог и за атеистите, само не си дозволиле да дојдат до него, секако метафорично, кажано, па поради тоа мислат и стварно нема Бог.Иначе, вака интересно е и може со недели, да се дебатира, а ќе остане само на убедување и ништо друго.

 

Не сакам да сум атеис.И сега што?Зошто да барам причина да бидам атеист?Зошто да барам причина да верувам во нешто?Јас верувам во бог и верувам дека постои, без причини, без притисок, онака од срце.Зошто да бидам неверник кога и вака ми е убаво?Тука нема причини и не треба да има.Кој си сака си сака.Тоа доаѓа од срце, некој верува некој не верува.

 

Види, во ред е да се инаетиш, ама не можеме да водиме никакв дебата ако она што го пишуваш е бесмислено, а постојано го правиш тоа.

Болдот - основата од која тргнува целата дебата ти не ја разбираш или одбиваш да ја прифатиш како основа околу која ќе размениме мислења и ставови. Ако ти не можеш да разбереш што значи зборот „вера“, тогаш ти објаснувам равенки, а ти си во пелени и не знаеш што значат бројки.

Верата не се темели на никаков физички и хемиски закон, не можеш да ја истражуваш во лабораторија, но е непобивливо присутна во животот на сите луѓе, особено на оние кои се верници. Ако Тесла, од каде го тргнавме последниот муабет бил верник, ти не можеш да донесеш конечен заклучок дека таа вера не помогнала за неговите достигнувања, зашто секој оној кој нешто работел и се стремел кон напредок во која било област знае дека кога ќе дојдат кризните моменти во кои сакаш да се откажеш, сè што може да послужи како мотивација е добредојдено. Верата е основен двигател во животите на многу луѓе.

Пак ќе кажам, не го разбираш зборот „вера“. Мислиш дека религија, црква и вера се едно исто, а тоа во оваа проблематика е како да изедначиш квантна физика, археологија и астрономија зашто се наука.

Прво, верата е лично чувство, верба во виша сила, Бог, она кое сите луѓе припадници на различни религии го носат во себе.
Второ, религија е систем на верувања темелен на одредени правила, принципи и етички норми. Да ти биде полесно, сфати го како збир на истомисленици.
Трето, црква е институција која е самопрогласен претставник на припадниците на една религија. Секако, црква за христијаните, за другите религии има различни имиња. Како институција, со сите земни предности и негативности, виновна е за многу злодела. Црквата е водена од луѓе, не од Бог, ниту од чистата форма на верата која не може да биде извалкана со злодела, туку од луѓе водени од желбата за моќ, пари и власт.

И токму затоа „Not true scotsman“ е без врска, зашто повикот на еден лидер селаните да земат оружје и да се борат со некого, не можеш да го наречеш вера, можеш да го наречеш повик на војна, а дали дошол тој повик од поп или научник, исто е.

Патем, изедначувањето на религијата и верата со убивањата е исто како на Марија Кири да ѝ се припише смртта на сите во Хирошима и Нагасаки зашто била пионер во откривањето на нуклеарката.

Па токму тоа и треба да го правиш ако сакаш сериозно да бидеш сфатен и тоа се вика дискусија и дебата. Нема да го решиш прашањето дали Бог не постои и дали е исправна верата само ако напишеш на овој форум „Не верувајте луѓе, бидете атеисти“. Треба да изложиш свое мислење и тоа е максимумот. Бидејќи твоето мислење е „не може да си научник и верник“, јас ти давам доказ дека може и тоа не само научник, туку и еден најголемите научници на сите времиња, може да биде и верник и научник.

И, јас не трошам пет минути на „аматерски психоанализи“, јас знам со кого имам работа во дискусијава.

 

Сосема обратно, ти си оној кој не разбира.
Науката се базира врз научниот метод кој е спротивен на верата. Верата е бескорисна во доменот на научните истражувања.

Апсолутно со ништо не придонела верата, каква и да била и која и да била. Апсолутно во ништо. Тесла дошол до резултати со примена на научниот метод. Сигурно до своите инвеститори и финансиери дошол со помош на молитва, пост и целивање икони. Или не било баш така?
Или до своите сознанија не дошол со макотрпна работа и експериментирање, туку со вера?
А можеби верувал дека ќе успее па затоа успеал, тоа вишата сила му го озовможила, бидејќи нели, верувал

Мнозинството верата ја исповеда како дел од институционализирана религија. Може да е лично но и не мора.
Верата во живот во Џенет со 72 девици им овозможува на фанатичните исламисти да убиваат луѓе. Како што верата на христијаните во единствената ``вистина`` им овозможувала да масакрираат цели народи.
Обидот да се претстави некаква персонална вера надвор од институционализираната религија е бесмислен. Ако беше така секоја единка ќе си имаше своја вера и немаше да постои црква или џамија, секој ќе имаше свои лични ритуали, немаше да се крстат луѓе, нели. Но, не е така.
Врз основа на религиската митологија се базира и верата кај луѓето. Кои си чуваат икони, носат деца на крштевање или сунет, не јадат свинско и поп им ``крсти`` вода и воглавно верата е сосема униформна, т.е. некое врвно семоќно битие кое е таму некаде ``горе``.

Следна е самоидентификацијата како дел од некоја група, не се тоа никакви ``истомисленици`` туку ``истонемисленици``.

Верата е ирационална категорија, триумф на незнаењето со еден збор и ја отвора вратата кон злото, геноцидот, масакрите и сите оние ``убавини`` кои човештвото ги доживеало поради тоа.

Не постои ништо логично и ни оддалеку смислено во твојот пост.
Верата не може да е априори ``добра`` затоа што секој не верува во исто. Некој верува во генеричка ``виша сила``, колку да се рече, њуејџерски или помодарски а можеби и сосема искрено. Тоа зависи од човек до човек.
Има луѓе кои веруваат дека ``бог``, ``вишата сила`` им кажува како да се однесуваат и што да прават. Како што беше случајот со поранешниот претседатл на САД, Џорџ Буш на кого Бог му соопштил да го нападне Ирак.
Има луѓе кои имаат вера во ``чистењето``, сосема искрено дека треба да ги истребат оние кои не веруваат во истото во кое самите веруваат.
Има луѓе кои веруваат дека ``глас небесен`` им наредил да ја убијат сета своја фамилија.
Полни се лудниците со луѓе со искрена и чиста вера, проблемот е што не е нивната вера компатибилна со општо прифатената.

Да не заборавам да прашам, таа ``вишата сила`` во која веруваш е добра, лоша или неутрална?

 

Веќе почна со сарказмот? Толку беше од семоќните научни факти?

Глеј, не можеш ти да кажеш што било mind fuel за Тесла. Не можам ни јас, но можам да најдам негови цитати од интернет, а во нив, тој вели дека верата е она кое му помогнало да истрае. Инаку Тесла живеел и умрел релативно сиромашен, инвеститорите го лажеле и мотале, а вистински пари од неговите изуми направил Едисон, кој си припишал заслуга за еден куп работи кои токму Тесла ги направил. Тесла сакал на светот да му даде бесплатна електрична енергија, имал и план за тоа, но Едисон го спречил за да се збогати од неговиот изум. Сто години подоцна, плаќаме ненормални пари за струја.

А да, во приказната, Тесла е верник, а Едисон замисли бил атеист. Тесла е добротвор и умрел сиромашен, а Едисон е крадец.

„Nature made us — nature did it all — not the gods of the religions“ - Едисон, позајмено од Википедија.

Секако дека секоја единка си има своја вера, затоа ти ги пишував точките погоре, да разграничиш вера од религија и црква. Но, дури и да го прифатам како битно твоето мислење дека сите луѓе на светот се во заблуда од религијата, повторно доаѓаме до едно расчленување кое е огромно. Само во склоп на христијанството статистичарите евидентирале 34 илјади здружувања.
Во светот, на различни делови од земјата има илјадници религии кои луѓето ги практикуваат. Почнувајќи од џиновските христијанство и ислам, па хиндуизам, будизам, кинеските филозофии, да не зборуваме за оние древни верувања во непристапни делови ала африкански џунгли, јужноамерикански прашуми и острови во полинезија. Дури и атеизмот е една голема религија, на која припаѓаш и ти, иако сакаш да се декларираш како независен, ама и во политиката се гледа колку си независен.

На крајот, во Македонија, на нешто повеќе 2 милиони луѓе земајќи ги сите делови на Македонија во 4 различни политички граници, луѓето кои се декларираат како православни христијани имаат различни обичаи, односно повеќе супкултури во склоп на една поголема култура, наречена религија „православно христијанство“. Па така, за различни празници во места оддалечени по десетина километри се практикуваат различни обичаи, односно религијата се практикува различно. Но на крајот на „денот“, односно животот, сите религии мртвите ги закопуваат под земја со надеж дека душата ќе отиде горе кај Бога, од Ванату до Прибилци.
Секако, постои и кремирањето, но верувањето дека душата оди на друг свет е идентично. Го пишувам тоа за да ја нагласам вербата во Бог, која е идентична, но практикувањето е лично.

И, челниците на институциите се оние кои ги убедуваат луѓето дека треба да убиваат за 72 девици. Не го прави тоа нивната верба во Бога. Споредбата е иста со познатата англиска „Guns dont kill people, people kill people“, што е многу исправно. Верата е чиста и безгрешна, луѓето не се.

Обиди се да си претставиш една поинаква реалност од сегашнава во која незнаењето е на пониско ниво од моментално постоечкото. Нека биде незнаењето пресметано со IQ, нели, коефициент на интелигенција.
Да речеме дека во таа паралелна реалност, место сегашните 95 кои се просек, луѓето просечно имаат 130. Во таа ситуација, повторно ќе има луѓе со преку 200 и луѓе кои се токмаци. Мислиш ли дека во таа ситуација оние кои сега имаат по 130 во таа ситуација ќе бидат исто така паметни и нема да бидат во категоријата „триумф на незнаењето“?

Незнаењето не е она кое раѓа насилство. Верата уште помалку. Насилство раѓаат алчни и безмилосни луѓе чиј коефициент секогаш варирал. Оние заслужни за геноцидите секогаш биле високоинтелигентни, но безмилосни, религијата секогаш ја користеле како изговор за нивните желби за пари, власт и моќ.

Повторно изедначуваш работи кои само неук човек може да ги изедначи. Верата се практикува лично, од себе кон Бога и назад кон себе. Верата не е eight-ball која ќе ти каже денес што ќе ти се случи. Изедначувањето на ментално нестабилни луѓе, лидер желен за моќ и власт кој веќе го споменав погоре и верник е одраз на твоето незнаење и веројатно треба да ти биде прогледано низ прсти зашто не си способен да размислиш подлабоко од површината.

Прво, никаде не напишав дека верувам во што било. Второ, верата во вишата сила goes a long way, но крајната поента е дека само зашто ти мислиш дека „вишата сила“ е илузија, не значи дека си во право.

 

Тесла воопшто не бил сиромашен и никој не го спречил да се збогати, дури му дал 10 милиони долари во тоа време на неговиот финансиер и пријател Вестингхаус. Сиромашен бил на почетокот и крајот на животот иако и тоа е релативно, живеел до крајот во познат Њујоршки хотел.
Планот за бежична струја го оневозможил Џ.П.Морган а не Едисон, уште еден од неговите финансиери, бидејќи не сакал да има извор на енергија кој нема да се наплаќа.
Борбата со Едисон била околу воведувањето на стандардизирано снабдување со струја, Тесла ја промовирал наизменичната а Едисон директната. Тесла ги добил сите судски спорови против Едисон.
Информирај се пред да пишуваш.

Не ми е мака да повторам - Тесла дошол до своите сознанија врз основа на примена на научниот метод кој е целосна спротивност на верата.

Атеизмот е религија? Зошто тресеш вакви глупости, најсериозно прашувам.
Дали невозењето автомобил е автомобилизам?
Гледам дека ќе треба да се објаснува и што е тоа атеизам.

Организираната религија е невозможна без верата, не може да постои. Ако луѓе немаат вера во вишата сила ќе нема цркви, џамии, синагоги и други храмови во кои се слави ирационалното.

Не знам дали Македонија има воопшто два милиони бидејќи пописот беше прекинат од страна на власта а последниот бил пред 13 години. Со оглед на иселувањето и мизерниот наталитет, цифрата е секако помала денес. А на тој последен попис дали знаеш колку луѓе се изјасниле како атеисти?

Делот за 4 политички граници е нејасен, Македонци има во најмалку 40 различни граници со оглед на емиграцијата, веројатно мислиш на ``Обединета Македонија`` но тоа е веќе друга тема, ако постои таква тема може да се дискутира на неа.
Отсекогаш ми била трогателна верата во ``вистински`` граници, знаеме што таа вера донесе на просторите на поранешната држава.

Закопувањето и кремирањето не се заслуга на религијата туку тоа е потреба, здрав разум.

Верата на оние кои се разнесуваат е сосема искрена и е факт. Нивната верба во нивниот Бог и нивната вера во задгробен живот е доволна за да сеат зло и смрт. Да, верата е далеку од чиста и безгрешна како феномен, напротив.

Тоа е твоја замисла за верата, базирана на ништо, надвор од сите причински и последични односи, како децата кога не можат да прифатат нешто и пискаат ``е не е така, е не е така``.
Желбата за моќ и власт е некако магично неспоива со верата во виша сила? Сериозно?
Ако некој човек верува, автоматски е добар поради верата?

Поентата е дека не ти се јасни работите.
Веруваш или не веруваш во виша сила?
Ако не веруваш тогаш си атеист или во најмала рака агностик а ако веруваш - тогаш да видиме во што тоа веруваш.

 

Да ти кажам искрено, знаев дека си оток, ама не знаев дека си волку.

Прво, Тесла живеел и умрел сиромашен и тоа е факт. Меѓу 35 и 55 години бил богат, тоа е вистина, но умрел во долгови и живеел во хотел кој му го плаќал Вестингхаус. Патем, и денес, како и тогаш во САД, не било некој статусен симбол да живееш во хотел, напротив. Прашај луѓе кои подолго живеат таму, ќе ти кажат дека е малце срамота да кажеш дека живееш во хотел.

Исто така, Морган му бил бизнис поддршка на Едисон и не само што не му бил вистински финансиер на Тесла, туку за остварувањето за безжичната струја му останал должен. Со денешни зборови, Морган го изиграл. Затоа и напишав Едисон го спречил.

„Edison could weather the storm because he was backed by the millionaire financier J.P. Morgan“ - извор.

И мене не ми е мака да повторам, не може никој на светот да знае во што Тесла наоѓал мотивација во многуте моменти која се чувствувал безизлезно, кога работел како копач на канали и слично.

Си гледал Big Bang Theory? Никој не му се воодушевува на Шелдон колку е паметен, туку публиката му се смее за неговата неспособност за разумно размислување и претераното буквалистичко разбирање на сè што е кажано. Кловн е. И ти си како него. Досаден и напорен за оние со кои си во директен контакт, ама забавен за оние од страна.
И, ако не можеш да сфатиш во кој контекст е напишано „дури и атеизмот е религија“, тогаш следен пост ќе ти постирам компир, пошто толку капацитет имаш.

Оф сонце, те погодив да си го искажеш политичкиот револт кон власта? Ако, олесни се, жалче тоа...

Инаку, во врска со верувањата поврзани со умрените за кои спомнавме, повторив повеќе пати, ама за да ме сфатиш, треба да го разбираш концептот на верата и духовноста. Ако не го разбираш, што би рекол ти, информирај се прво пред да пишуваш.

Глеј, можам и јас цело време да ти пишувам дека ти не ги разбираш работите, ама стварно е многу детски тоа. Сега не знам, може си тинејџер па мислиш дека така се води дискусија, ама стварно нема поента да ти реплицирам на секое со истата реченица.

За последен пат, обиди се овој пат да го вклучиш мозокот на максимум за да сфатиш што ти пишувам или прашај дома некого, мама, тато, комшија некој да ти поедностави ако не можеш сам.

Верата на луѓето е совршена, без каква било негативна дамка во кој било поглед и секој твој обид да ја дискредитираш е само твоја борба со ветерници. Вера е чувството искажано пред Бог преку молитвата во каква било форма. Чувството е позитивно без исклучок. Ако не е позитивно, не е верба во Бог, туку е лага.

Кога повеќе луѓе имаат иста вера, тие се дел од една религија. Таа религија ја практикуваат во храмови. Цркви, џамии, катедрали, сеедно.

Сè она кое не е позитивно за и од верниците, не е вера, туку е човечка слабост. Затоа и во христијанството кое го мразиш од сржта на коските, се вели дека само Бог е совршен, а луѓето се грешници и грешни ќе умрат. Но додека се живи, тие му се молат на Бог да ги избави од лукавиот, односно да им даде способност да се добри личности дури и кога нешто одвнатре ги тера да бидат лоши. Тогаш се вели дека ѓаволот ги искушува, ама да не ти правам вакви верски муабети, ти основата не можеш да ја разбереш, за вакви духовни муабети, треба да поминеш прво одделение.

Јас можам комплетно да ги разберам верниците, зашто ги разбирам луѓето, а можам да ги разберам и атеистите и тоа од истите причини.
Фактот што ти не ги разбираш верниците не значи дека 6-7 милијарди луѓе на светот треба да се убијат, туку дека ти живееш живот во кој имаш уште за учење.

За разлика од тебе, јас не колнам, велам, да си жив и здрав и побрзо да пораснеш и да се опаметиш. Убави работи ти мислам, ама до тогаш сепак ќе си #жалче.

 

Не е темава за животот на Никола Тесла но она што го пишува на Википедија е дека Вестингхаус му го плаќал хотелот и му давал месечен износ од 125 долари односно 2.200 долари прилагодено за инфлација. Живеење во реномиран хотел кој е платен и 2200 долари џепарац - не е симбол на сиромаштија и не може да биде.

Тоа како менаџирал со огромните мултимилионски своти кои ги поседувал и како успеал да ги потроши не знам, можеби човекот не се снаоѓал најдобро со финансии.

Види ги неговите ставови за жените и за еугениката.

Атеизмот не е религија во ниту еден контекст.
Ја немам гледано таа серија но како и да е, ова е само обид да се избегнат последици на пишување ординарна глупост со помош на навреди и дисквалификации. Тоа не ми смета воопшто бидејќи не само што не ги побива јасно изложените аргументи туку кажува многу и за елементарното воспитување на соговорникот. Веројатно од страна на посветени верници но што е тоа е.

Не можат сите да имаат безрезервна поддршка кон власта, мора тоа да го разбереш. Власта не е од бога дадена, како што не учат религите. Дали сфаќаш? Посебно не на ваква власт која владее во земава.

Чувство искажано преку молитва имаат и муџахедини и талибани и католички свештеници педофили, порано имале и конквистадори, имаат и американски војници кои убиваат во Ирак - сите тие се молат на својот бог.

Точно, во основата на христијанската теологија е совршениот Бог. А тој е и добар, безгрешен, безвременски и семоќен.
Контрадикцијата со постоење на зло во свет создаден од добар Бог е една од оние религиозни бесмислици кои со векови биле предмет на теолошки дискусии. А тие сеуште траат

За разлика од христијанските догми, во реалноста - децата не се раѓаат грешни. Самата помисла на тоа е ужасна. Нема потреба никој да ги избавува од лукавиот бидејќи не постои такво нешто како ѓавол.
Може некој да верува дека постои ѓавол но верувањето нема да го направи ѓаволот реален.

Повторно тешки глупости. Јас не напишав дека верниците треба да се убијат, тоа е нешто кое произлегува од твојот ум, што не е изненадувачки.
Во Р.Македонија помалку од 2% од населението биле атеисти или верски неопределени според пописот во 2002.

Мене ми е јасна потребата да се бавиш со соговорникот бидејќи немаш што да кажеш на темата. Така прават и политичарите. А тоа не е добра особина.