Причини за бришење на вашите профили од социјалните мрежи

Читам интересна книга - Ten Arguments For Deleting Your Social Media Accounts Right Now
Еве ги неговите причини, се разбира проверете ја книгата за подлабоко објаснување

1- Ја губите вашата слободна волја (Една од основните психички способности на човекот која управува со неговите свесни постапки и решава дали нешто ќе се направи или не) Ве тера вие несвесно да направите (или помислите) некои работи со тоа што преку некаков пост, муабет или објава предизвикува внатрешни емотивни реакции (тргиери- ве чепка по вашите слаби точки а ние како луѓе универзално делиме мнг заеднички слаби точки иако скоро секој мисли дека неговите рани се посебни)
Внатрешен немир=несвесно однесување.

2. Бришењето на вашите профили е најдобар начин да се спротиставите на лудилото што владее во ова време. Има долго објаснување за оваа поента, но еве мал дел- шемата со која што функционираат овие медиуми ги засилува негативните емоции повеќе отколку позитивините, ова носи повеќе штета отколку корист.

3. Социланите медиуми ве прават да се однесуваат ко селјак (asshole)
Секој пат кога допамин нивото ќе ви скокне, дали за нечиј лајк, коментар итн итн ја засилува вашата ароганција, зависност, претерана самодоверба (најмнг ради анониманоста или доколку не си анонимен СЕПАК немаш физичко присуство со човекот кој што дискутираш) претераност, нарцисоидност итн итн...
Внимателни сме кога ги бираме нашите пријатели и друштва? Такви треба да сме и кога ги бираме нашите технологии...

4. Социалните медиуми немаат допирна точка со вистината..

5. Ви ја уништуваат способната за емпатија. Содржината што допира до вас е верзија од светот која е невидлива за останатите, до толку се е costumed to you. Како ли ќе имаме емпатија кон други гледишта и разбирање за други светови кога само нашето гледиште се засилува..

6. Социалните медиуми не ја подржуваат вашата приватност.

7.Ве прават несреќни

8. Тешко дека можете да имате квалитетен разговор во врска со политика.

9. Ја убиваат вашата душа...

10. Што и да кажете е мнг безначајно...(тука станува збор за губење на контекстот)

Само на кратко ви објаснив, за мнг од точкиве не дадов објаснување, доколку ве интересира проверете ја книгава (или пишете ми ќе ви ја пратам)

Јас лично немам ФБ, кога имав мнг бев несреќна.
Инстаграмот мнг ретко го вклучувам (таму бев некој период поактивна и пак ќе кажам големи проблеми со самодовербата па сега мнг се контролирам кога го користам).
Твитер не сум имала, и никогаш не ја посетувам оваа платформа
На јутуб се трудам да внимавам што гледам и кого следам, но тоа не е секогаш возможно
Само на Пинтерест сум релаксирана и среќна.

 

Јас бев ги деактивирала профилите на фб и на инста скоро година и охо хооо. ми требаше малку детокс од нив имаше преееемногу корона почнаа да ми се појавуваат по почетна многу политички видеа доле со коментари т.е препукувања меѓу етнички заедници и отидоа на деактив до сега немам избришано мој профил од било која ваква слична апликација, али никад се не зна...

 

Го имам деинсталиран фб профил веќе оддамна, 2-3 години можеби.
Можам да кажам дека можам да се согласам со скоро сите од овие наведениве точки погоре.

Генерално сум "посреќна", не се полнам со отровни коментари, не ни морав да коментирам за да се чуствувам така, дури и читајќи ги само коментарите од други. Арогантни, празни и неретко навредувачки.
Не превртувам со очите на секое, повеќе ги сакам луѓето во реалноста.
Кругот на луѓе коишто ги мислам или зборам, мнооогу е помал.
Не донесувам заклучоци за луѓето преку нивните постови, кои најчесто испаѓаале негативни.
Дури и за оние за коишто мислев позитивно во почетокот, после некое време, па посебно ако се премногу активни, ми здосадуваат и наместо како на поранешна објава да гледам позитивно јас се фаќам себеси дека превртувам со очите.

Долго се мислев дали целосно да се исклучам само поради она чувено: ама како би била во контакт со некои далечни роднини и пријатели? Е па како? Ако сум со некој во контакт секако ќе останам на друг начин, ако не сум, па и не мора да се гледаме по слики до каде сме, ниту ме занима ниту треба да ги занима. Ете сега ниту ми некој недостига, ниту некому јас највероватно.

Инстаграм имам и да, можам да кажам дека почнав и таму да гледам се негативно. Само реклами, фејк постови, нереалноста, глупирање за пари итн. Групирања од типот, лајкови и коментари да се поддржиме, запрати ме - ќе те запратам и јас тебе. Дури и тие што уживав да ги следам како некои хоум декор профили се променија, пораснаа малку, па секој пост реклама. Разбирам некои поголеми, посебно страни профили и живеат од тоа ама после некое време сите "губат душа" ,стандарди им се изместуваат и не се она што биле. И така еден по еден профил отследувам и накрај изгледа целосно ќе го избришам.

Без оглед ставала нешто или не по соц. мрежи, една од големиве негативни ставки е што ми одзема(ше) време. Скролам, скролам и накрај отидоја пар саати. А за што? За да гледам туѓи мачиња, кучиња, кревети, деца, храна и сл?

Имам пинтерест, тоа го отварам по потреба, ако ми треба идеја за нешто и толку.
Осаменички прилично живеам.
Колку сум постара се помалку имам и желба и време и живци за секакви глупости.
Дури и форумов ме презаситува, тенка граница е од придобивките и штета. Може да служи како занимација, разонода, може да се напнеш, зависи како го користиш.
Секогаш кога изгубам време си помислим ех подобро нокти да направив, нешто да прочитав, серија/филм да изгледав, колач да направев

 

И јас се мислам да деактивирам и фб и инста, но нели сепак тоа е се навика и се прашувам шо ќе праам во тоа слободно време, дали навистина ќе можам да издржам ?
Не е дека сум зависна, но не знам дали и колку би издржала.
Фб ми служи само за допишување со најблиските, а инста како што кажа некоја членка седам, го губам така времето за да скролам 3 саати што другите ставиле, а бенефит реално ништо.

Па ајде некој предлог што да се прави во тоа слободно време ?

 

Најди си реално хоби.

 

Плети

Учи јазици, земи некој безплатен курс.

А за плетењето, озбилна сум. Посебно ако работиш нешто што го заморува мозокот, а не физичка работа, плетењето е пуштање мозок на паша.

 

Да, но со коронава мислам дека опциите ми се намалуваат...пред тоа одев во теретана, во кино, се собиравме по дома, сеа од тоа нема ништо, освен книга...не знам шо друго..

 

Toa не е хоби. Ти пишала Анѓа погоре што е хоби. Само би дополнила, ако работиш психичка работа, физичко хоби би било подобро. Секогаш би одбрала трчање место теретана.
А денес на пример ќе пробам да посадам грав. Баш да видиме дали нешто ќе биде.

 

Можеп фб да го деактивираш пробно а месенџерот да го оставиш за допишување така направив ја...

 

Профилот на фб го деактивирав пред една година можеби и повеќе.
Па не сум била по раат мислам бе луѓе.
Само некој глупости читав,политика,препукувања,кавги,навреди..
Па за време на коронава многу мие мило што немав фб,да читам само такви работи.

 

Same here. And best decision ever. Сметам дека никогаш не сум била зависна од платформи како ФБ, Инстаграм, Твитер итн., но многу подобро се чувствувам кога не ги употребувам. Мене лично сето тоа скролање, лајкување на ФБ ми е губење време и трошење на позитивна енергија. Messenger користам заради комуникација иако преферирам irl средби но со корона ситуацијата сум ''принудена" да имам барем messenger. Youtube профил имам но како што реков не сум зависна. Можеби порано бев поприсутна таму со коментари но сега и баш не сум. Едноставно уживам во малите нешта, како на пример да испијам кафе во двор без да зјапам во екран. Океј, пишувам/ читам на форумов ама и тоа не е пречесто.

 

Не сум избришала профил досега од никаде, ама фб веќе долго не го користам, околу 2 години веќе многу ретко ќе се приклучам, ќе се сетам зошто не го користам хахах и ке исклучам. Многу негатива, политика, посебно па со вирусот, катастрофа стана. А јас и пред тоа престанав да го користам, ми стана многу досаден.
Инста го користам, шознам инспиративни работи има, следам страници што ме интересираат, попрво фб би го избришала отколку инста.
Ама секогаш кога скролам гледам тоа да не премине граници за после да си велам ех изгубив време. Си имам еден лимит поставено за да не претерувам

 

Ја ги бришев дека преку глава ми е овие модерниве пензионери шо ме аднуваат стално. Сите научија фејс и инста да користат, не се на работа и ко камери снимаат. Непријатно ми беше некои да ги одбијам а и веќе од кога старите ги нападнаа мрежите кај што беа само младите, ми изгуби убавината.
Порано се сподлеуваа интересни фотки од излаз од дружби, сега мислиш секој своја реклам кампања си води, па мора се да биде тип топ на сликата, се внимава што се објавува, ептен ми стана извештачено и не ми е она што беше.
Имам само профил кој го користам ради поврзување со колеги и толку, дека и таа комуникација се сведе на поврзување преку групи на фејс...

 

Не би го бришела ниту па деактивирала, немам потреба од тоа искрено. Фб ми е супер, инста исто. На фб има доста убави работи кои што можеш да ги гледаш, а исто и групи убави, како на пример, дворчиња, да гледаш цвекиња, да споделиш исто некоја слика тамо, групи околу книги. Е сега ако нешто ми смета како околу короната, или некои политичарски работи, едноставно тоа го игнорирам, така да не ми сметаат тие работи кога се има опцијата прескокни и не гледај. Така да немам проблем со овие работи јас. А башка си имам и луге со кои си комуницирам. Според мене фб си е добар.

 

Деактивиран фб, користам само месенџер зашто ми треба за работа и факс. Се осеќам супер,порелаксирана сум не се напнувам, немам на што да љубоморам. Ништо и никој не ме интересира. За тие што сакам да знам кај се што се како се или да се видиме им звонам. Малку се ама доста ми се.
Се изгубија во преводот народов. Не ми се верувало какви работи гледам или читам од луѓе. Затоа еве веќе две години мирна глава. За други социјални мрежи не можам да коментирам зашто немам.

 

Фејс имам, не користам Го имам затоа што за моето хоби има групи во кои добивам совети, критики итн. Учам од нив.

Инста имам, затоа што е медиум каде што и ги споделувам фотографиите.

На главниот акаунт, оној што не ми е за хоби, речиси не се ни вклучувам. Ужасно ме нервираат рандом луѓе - секој пост реклама за некои порано сум имала добро мислење, ама откако почнаа себе, децата, кучињата да ги користат за реклама на се' и сешто, не мо-жам. Затоа и не се вклучувам таму.

На другиот - хоби акаунт, следам луѓе што ме инспирираат, избегнувам лајк фор лајк, фолоу фор фолоу ликови, блокирам досадни "понуди за соработка" и така создавам катче со работи кои ме интересираат и инспирираат.

Не е лесно оти премногу ги има "инфлуенсери", ама во поголем дел успевам да следам само тоа што навистина ми прија.

 

Не гледам причина зошто би ги избришал, не сум зависен од нив или па да ми претставуваат товар.
Има денови кога не ми е до ништо али тогаш едноставно го ставам мобилниот на ладење и то је то.

 

Da da sigurno

 

Имам помислувано на тоа да ѓи избришам али немам храброст, што би правела тогаш во слободното време?
Јас буквално наутро станувам и право на нив се закачувам и овде.