Причини за бришење на вашите профили од социјалните мрежи

Премногу напорни ликови,еднолична додржина,многу прости луѓе се довлечкаа на facebook,искрено стана бедотија.....

 

Не знам дали има веќе ваква тема, не успеав да најдам па затоа јас ја почнувам, доколку има нека ме поправат админите или нека ја префрлат.

Оддамна сакам да ја почнам темава ама додека бев сега на одмор ептен се почувствував како да е моментот, и сфатив колку сум неприсутна во секојдневието. Јас не сум човек што постојано седи на телефон, затоа што постојано си наоѓам некое хоби, дали тоа било читање, боење, учење и слично никогаш не сум си седела така од досада.

Додека бевме на одмор и додека скролав на ТикТок сфатив всушност дека јас го губам вниманието многу лесно и дека всушност затоа и внимание понекогаш на читање, учење не ми се задржува премногу затоа што сум навикната да гледам кратки видеа и да ги скролам. Како попче си избришав ТикТок и твитер затоа што немаше поента веќе. Откако првиот ден избришав, цел одмор читав, боев, нормално се бањав и бев поприсутна во сите разговори со дечко ми.

Прочитав исто така 5 книги на одмор што мислам дека ми се нема случено, секогаш сум читала до максимум 3. Не ми е поентата сега да се фалам колку сум прочитала ниту пак да избришам се' од социјални мрежи, туку да ве прашам дали некој се одлучил на детокс од социјални мрежи и ако да, што практикува да прави во текот на денот се' со цел помалку седење на телефон. Јас гледам постојано да работам нешто по дома, додека сум на работа да не го чепкам толку, на пауза исто, да читам, гледам серија или слично но се плашам дека брзо ќе ми здосади и повторно ќе се осврнам кон инсталирање на тикток и твитер.

 

Ги деактивирав, само дискорд имам и ут ако се рачуна.
Многу одвлекуваат непотребно внимание и залудно потрошено време е а и фокусот се губи од премногу брзи и кратки информации, плус тоа што ретко е нешто паметно да се начека.

 

И јас сум детоксирана веќе подолго и многу ми е пофино.
Никој не ме замара, не читам и не гледам разноразни непотребни коментари и работи и луѓе кои не ми се уопште битни.

 

Веќе 2 години немам Тикток (многу време трошев на тие кратки addicting смешни видеа), а повремено бришам и Инстаграм. Освен повеќе време за домашни обврски, хобија, готвење, забележувам дека сѐ помалку посакувам/ми требаат работи. Од облека, производи за нега, до патувања, желба да јадам и пијам надвор, итн.

На Инстаграм сите шетаат, си купуваат работи, се кул весели шизици со партнерите/ките, друштвото, колегите и тоа ми прави да осеќам потреба и јас да сум постојано дел од тој шизик конзумеризам. Зошто јас да не јадам во ова кул местенце, ее баш ваква кошулка немам, ејјј овде не сум била на пијачка, ее само јас не сум била на рафтинг, итн... Се чувствувам како нешто да пропуштам, а пред да го видам не сум го ни сакала тоа нешто.

Дури и премногу сум свесна дека Инста није живот, и презадоволна сум со тоа што го имам, но сепак така ми влијае мене Инстаграмот конкретно и затоа го бришам повремено. До крајот на годинава сакам целосно да исчезнам и од таа социјална мрежа.

Единствен downside е што Инста ми е место и за информирање за настани и случувања од типот на бесплатни концерти и настанчиња, собиранки, итн.

Од Facebook и YT не сум зависна, си скролам mindlessly но многу ретко, и никакви „негативни“ чувства не ми будат.

Така што... Детокс од социјални мрежи FTW!

 

И самата приметив дека од тој short content немам воопшто концентрација за нешто кога треба да се прави подолго без да погледнам во телефон и да почнам да скролам, сакам скроз да се излечам од тоа искрено....

Немаш никакви социјални мрежи? Сакам да сум ти ама скроз да знаеш хахахха!

Тотално тотално те сфаќам, јас инстаграм искрено си ја гледам како алатка кадешто си гледам и некои корисни работи и мислам дека скроз ако избришам ептен па ќе се оттргнам од такви работи ама се приметувам дека и на инстаграм почнувам да скролам реелс и одма гасам зошто пак истото влијание како тикток ми го има..... инаку знае да е многу практичен и информативен, особено профили што си ги следам за книги, за уредување дом и такви работи и не знам дали сакам да се оттргнам скроз од инстаграм иако би сакала да пробам.

 

Пред скоро ги деактивирав сите социјални мрежи, ама кратко траеше тоа, само една недела. Првиот ден ми беше ужасно тешко да се навикнам, после во текот на неделата таман полека се навикнував и паднав на искушението и се вратив пак.
Сфаќам дека сум зависна и баш во голема мера иако не си го признавам тоа. Иначе без телефон можам да седам да речам час два без да го допрам воопшто, ама после тоа како манијак мислам дека сум кога ќе го земам во раце.

Сега овие денови се мислам за повторно да деактивирам се, ама овој пат сериозно сакам скроз да се исклучам од светот дури и телефон да исклучам. Иако реално е тешко, за најосновна потреба некој нема да можам да побарам или да ме побара, не знам дали би издржала и колку.
Ама макар пак една недела како мала рехабилитација, мислам океј ќе ми дојде.

 

Од социјални мрежи имам само инста со 2 профили. Едниот бјути блог другиот рачни изработки. Доста ми е. Повремено сум тука на форумов чисто да прочитам нечие секојдневие некои совети и сл или да слушам некој поткаст на јутјуб додека работам по дома.

 

Напраив убав детокс првата половина од годинава, пошо имав ментален burnout од премногу doom скролување, се фаќав себе си дека скокам од форум на инста на тикток, така во бесконечен круг цел ден, секој ден. Минимализав користење на сè, одморив, се соземав, си ги преуредив принципите и сеа сум ултра внимателна на шо и колку време трошам. Реалноста е дека социјалните мрежи ја утепуваат психата, те дехуманизираат, ти го крадат буквално животот пошо времето е сè што имаме, а на што го трошиме - на зјапање у екран. Ако имаш изградено самоконтрола и идентитет надвор од социјалните мрежи, океј е, ќе си допуштиш некад да скролнеш, да исцрпиш некоја инспирација за нешто. Ама треба многу многу внимателно, иначе отиде времето.

 

Сѐ повеќе мислам на фактот колку време поминувам на телефон - 3 саати во денот, на крајот на неделата е како скоро цел еден ден да го имам поминато во скролање. Цел еден ден изгубен пред екран... Scary stuff

 

Јас немам инстаграм долго време, фб не користам за онака класично скролање, сториња не гледам многу
Е сеа, телефонот ми е стално у рака или блиску мене затоа шо буквално работам на него. Ама најчесто само гледам меил, враќам и го оставам телефонот. Или Тимс и толку.
Сеа отворив да видам, Месенџер користам највеќе и Хром

 

Одамна ме демнее оваа мисла. Неодамна исклучив нотификации и само повремено, можеби кон крајот на денот отварам инстаграм да видам пораки од другарките. Фејсбук одамна немам, за комуникација само вибер. На твитер се информирав сега и тоа ми е избришано.

Секогаш кога ќе прочитам некоја глупост по инстаграм осеќам потреба да се реконектирам со природата после тоа.

Кај и да е ќе избришам се. Буквално немам потреба, само бесцелно губење време.

 

Испадна случајно, и да ти кажам уопште не посакав да се вратам.
Непотребно сум дремела и читала разни глупости, лажен сјај на луѓе што ако не обесат фотка кај биле и што јаделе као да не се ни десило, умислени инфлуенсери, па како сме постоеле пред нив стварно е запрепастувачки.
Ако нешто ми треба, за купување, одење на пат, било што, ќе си најдам на интернет и ќе си видам, све што ме занима полесно здравје.
Така да не е тешко ако сака човек да се исклучи, знам дека тоа е сега нормален дел од секојдневие но мене ми доста.

 

Мал апдејт. Темава ме поттикна и деактивирав се.
Сега да видам колку ќе издржам овој пат.

 

Како некоја која ради сплет на околности прилично растела без интернет, не станав класично зависна од него. Долги години немав социјални мрежи и дури ми беше чудно да ги гледам сите залепени за екраните. Си направив ФБ профил тек кога започнав трета година на факултет чисто за добивање информации. Во денешно време ми служи само за гледање вести и понуди од разни продавници.
Е, Инстаграм е друга приказна. Од тукашни личности ми дојде идеја да си направам профил.
Отворам секој ден и се случува при поголемо слободно време по скоро цел ден да гледам. Cat reels се преинтересни. Губам време и на драми.
Имам и други социјални мрежи, но тие ретко ги отварам оти не ме влече содржината толку. Ќе гледам или прочитам нечија глупа објава и гасам оти ме нервира.
Не сум за деактивирање оти колку и да не отварам, сепак не сакам да се осеќам како отсечена од светот.
Ќе речам дека е до волјата. Ако се одлучиш да не висиш со саати, оди зафати се со нешто што нема екран и ќешки со тек на време ќе се одвикнеш од долго скролање.

 

Се користам, ниту ми смета во завршување на обврските, ниту пак ми претставува проблем користењето на социјалните мрежи, со добро организирање на времето се постигнува се.

 

Искрено, не би можела целосно да ги отфрлам социјалните мрежи. Во денешно време тоа е еквивалент на отсеченост од светот, како порано кога немале ни радио.
Некој погоре спомна за настани како концерти и слично, без социјални мрежи буквално би немало како да знам, бидејќи телевизија многу ретко гледам, на пример, но за некои ни на тв кај нас нема да чуеш.

Со добро организирање се постигнува сѐ. Е сега, ако си хронично онлајн и отсечен од реалниот свет, тогаш тоа е проблем.

Инаку ме натера ова да видам daily average time колку ми е на некои соц мрежи. И се разбира најмногу на Инстаграм имам.


Мислев дека многу време поминувам на Инстаграм сѐ додека една другарка не ми кажа дека daily average ѝ е 10 саати. Но се труди да го користи помалку сега.
И јас би го намалила, само ми требаат повеќе активности.
Фејсбук веќе сосема ми е намален, отворам скролам неколку минути затворам, и така неколку пати на ден.
Други што ги користам се Дискорд (за комуникација), Телеграм (за новости), Твитер, Вконтакте, но последниве дури помалку од фб ги користам. Форумов ако би се сметал за социјална мрежа би бил нешто под Инстаграм.

 

И јас неам. Вибер за комуникација, но не е ниту таква платформа Виберот.

Фрустрирачко и вознемирувачко ми беше тоа следење на туѓи животи, се задлабочував со саати гледајќи кој што објавува. Приметив оти не ми е убаво, угасив и раат сум.

Е сега, дека на телефон не дремам, е лага. Но темава за социјални мрежи е, па тука можам да кажам дека сум детоксирана. А зависноста од телефон е огромна, не ни требаат социјални мрежи за тоа, од нив еве фала Богу неам потреба, и добро ми е вака.
Ама затоа Google Chrome, Viber, Youtube Music на максимум ги користам, тука влага полека но сигурно и Temu и ChatGpt. Сум се чудела како батеријата за 10 часа ја потрошив, за после да видам колку всушност сум дремела на телефон..

Искочив од темава извинете, на тема социјални мрежи, тоа имам само да кажам. Не сум зависна од нив воопшто, и можам скроз без нив.

А форумов ко што вика Амели, се рачуна за социјална мрежа или?

 

Од време на време ги деактивирам али па се случува нешто да ми затреба баш од таа социјална мрежа па повторно морам да ги активирам така да се одлучив да не биде ригорозно ограничување скроз да ги исклучам туку намалено користење само по реална потреба за информирање.

 

Генерално мислам дека е многу важно на подолгорочен план да научиме како да градиме здрава врска со телефоните и социјалните мрежи и да ги користиме како алатка што ќе ни помага за да дознаваме нови работи, да следиме тоа што не интересира но не да користиме по секоја цена.

Јас си се фаќам како пак пред спиење се фаќам за телефон и на инстаграм скролам реелови и одма гасам телефон и си легнувам, колку пати ми се случувало од се' што се случува низ текот на денот и информации од секаде, да легнам демек да одморам да си скролам тоа уште толку потсвесно мозокот прима информации сакала јас или не, затоа и решив да одморам малку.

Сега се учам како да си градам врска со инстаграм и да го користам помалце а не само за скролање ќе видиме како ќе ми оди. До сега добро ми оди со сите хобиња што ги испробувам, дури и се научив да месам крофни