Проблеми и совети на работното место

Не велам дека ги издаваш, туку самото криење асоцира дека нешто е забрането, неправилно, и од тој аспект би разбрала некоја од колешките да се осеќа изиграно.
За оваа конкретно, што измислува и вади муабети, јас најотворено би му кажала на шефот/деверот: таа и таа дојде и ми кажа тоа и тоа. За да не ти ја полни главата со невистини, ако уште еднаш слушнеш било каков муабет во кој сум јас вмешана, те замолувам да дојдеш и да ми кажеш и да видиме дали е вистина.
А со нејзе би се поставила баш како снашка во фирма, а никако како жртва, па нека пукне во себе.
Ако се добри условите, платата, одмори, за вакви препуцавања не вреди да се нервираш, во секоја фирма ги имаш.
Тргни го чувството на вина и срам дека работиш во фирма во која деверот ти е шеф, и сфати го како предност. Така поубаво ќе си поминеш, а на љубоморните што и да правиш секако нема да им чини и ќе наоѓаат маани.

 

Па буквално истото го направив. Веднаш го побарав и му го кажав истово што ти го велиш.
Он ми рече да, она ми се јави, и реков рекла казала муабети не ме интересираат, ти првон си требало да разговараш со неа а не со мене.
И он и рекол да дојде и да ми каже ако има нешто. Не сакал сам да ме контактира затоа што кај би бил кога би опавал рекла казала муабети. Нити па сакал да помислам дека дава на значај на такви глупости.
Затоа велам најмногу ме повреди што она место да седне со мене земала се затрчала да каже а притоа не е ни сигурна дали муабетите се точни.

Прв пат се наоѓам во ваква ситуација и затоа и ми е многу глупаво. Од друга страна па се прашувам зошто постојат такви луѓе како неа. ајде да е млада па да речам има оправдувањее. Ова возрасна жена, да трча одма кај шефот да пренесува рекла казала. А секој ден со сите е по кафиња и прави по 20 паузи дневно. Сите трачеви ги знае. Ама за работа не ја прашувај затоа што појма нема, прво ќе ја праша таа вчера дојдена па ќе ти одговори. Ваљда со таквото улизнување си ја тера кариерата. Не знам што да кажам.

 

Ехеее, ако се повредуваш од постапка на колешка кај ќе ти биде крајот. Колешки НЕ ти се пријателки. Не очекувај ништо.
Чудно ми е што обично личност од овој калибар, ќе дојдеше и на тебе ќе ти се умилкуваше, мислејќи дека ќе има корист и од тебе како “привилегирана”. Или си се поставила премногу “мутаво” да мисли дека може да те влече за нос и да те малтретира, или друга е работата.
Како и да е, глава горе и подалеку од вакви муабети.

 

Да, ама тогаш подготви се секогаш да слушаш муабети од типот дека имаш некои привилегии затоа што тој ти е шеф, секогаш ќе има сомнеж и муабети дека работата не ја работиш како што треба и дека шефот е тој што те "држи" таму.
Сум била во слична ситуација каде што многу блиска колешка беше унапредена и ми стана шефица. Ниту можеше да ме награди, ниту да ме унапреди, ниту пофали зошто секогаш ќе беше погрешно протолкувано, муабети еден куп, исти такви прашања, сите мислат дека имам некои привилегии, а уствари спротивното се случуваше баш од тие причини да не рече некој нешто.
Такви колешки има секаде буквално, верувам дека измислила намерно за да направи сплетки и сигурно ова нема да и биде единствен обид.

 

Па да, истата ситуација.
Многу пати и ќе си излезат порано од работа, си спојуваат слободни денови, се оди на кафиња со саати....
А јас сметам дека ако го направам истото ќе се ставам во непријатна ситуација.
Буквално како што велиш се е спротивно од она што се предпоставува.

 

Пошо имам работено со амерички клиенти на два пати, да ти одговорам дека се многу тешки луѓе. Надмени, очекуваат многу и комуникацијата е тешка оти се е виртуелно. Работиш пример со некоја од апликациите, ама во меѓувреме имаш некој претпоставен со кој имаш секојдневна комуникација. Ако не одговориш веднаш на мејл се нервираат, не се некои чесни и поштени работодавци, често праат смутки. На една бивша колешка и се случило клиент да ја навредува, искрено никогаш не дознав зошто, оти ако не е задоволен можи веднаш да ја отпушти, таму нема како кај нас рокови и најави. Во секој случај, очекувај дека од тебе се очекува да го дадеш максимумот. Нема таму пробен период месец во кој некој те обучува, се учиш сам. Јас имав главоболки, се жртвував, ама сега сакам како другиве и јас со лесно да си поминам. Сепак сум во Македонија, нема причина овде да се докажуваш.

Конкретно за апликациите, знам дека постојат, никогаш не сум работела со нив.

 

Верувај не е толку тешко, освен ако не бараат некои тешки аналитики, за секое твое прашање има одговор затоа што ова се системи за кои има претплата и мора да има инструкции за користење за секој тип на функција што ја имаат, дури и техничка поддршка имаат па можеш слободно нив да ги прашаш како да направиш нешто, а не шефот.

@simoncelicius Во никој случај немој да се правдаш на колеги, без разлика дали ти си дала информација или не, никогаш.
Ќе и возвратиш најсериозно со подрзок тон дека си ти тука за работа, а не за малограѓански трачарења и дека слободно може да му каже на кој сака, за секој останат проблем ќе се консултираш на повисоко ниво, а нема да го коментираш меѓу вас.

Не се потресувај и немој да се каеш, побогу 21 век сме, може да се погоди со било кој да да работиш, тоа што си во средина со простаци нека не те демотивира.

Само дрско и отсечно, без никакво коментирање, објаснување.

 

Не се замарај со никој, во секоја фирма ќе се погоди по некоја таква подла, што ќе прави сплетки и секогаш тие се најблиски со шефовите пошто се лижат. Држи си став, не раегирај на провокации, терај се на смешка и продолжи со да си работиш како до сега

 

Клиентот не е од Америка, всушност далеку од Америка. Ниту outsourcing агенцијата не е од Америка. Мене само ме интересираше како се одвива онлајн обуката, дали обучувачите ти покажуваат преку shared screen на Zoom call, преку материјали како handbook на пример... Значи конкретно тоа сакав да го знам, и знам дека за секој е различно но ете отприлика.

 

@blueeparadise јас сум била на онлајн обука. На зум не знам дали имаш опција, ама ако има, обавезно record meeting, секако со согласност на тој што објаснува. Пошто не се запамтува се што ќе каже во рок од еден сат, па после кога ќе ти затреба ќе може да ја изгледаш уште еднаш снимката за да се потсетиш.

 

Мора да се Израелци
Каде имате состаноци обично? На Гугл meet, teams…?
Таму и би требало да е обуката, handbook тешко дека ќе имаш чим ти рекол дека треба да памтиш од првиот пат.

 

Јесте, Израелци се секако Нагрнаа у Македонија во последно време. Инаку интервјуата беа на Гугл Meet и со агенцијава и со клиентот, ама мене обуката конкретно ќе ми ја држи агентот што им е од Македонија, што го спремаат за senior позиција, јас ќе бидам junior и можно е некој друг да асистира од тимот, ама и не се нешто многу луѓе, од 2021 постојат. Е сеа, едниот од газдите пошто ми рече после месец дена самостално ќе држам смена, ваљда у текот на тој месец или после неќе да биде потпрашуван многу многу господинот. А ја сум чоек шо до пред една година на сегашнава работа не знаеше точно како треба да стаи new row на Excel или нешто слично, па сега види. Иначе агенцијава си бара да бидеш на Zoho People, овие други апликации и платформи, а јас неќам да ме замараат многу многу, затоа барав и remote, ама изгледа сум се зезнала.

 

@blueeparadise

Секогаш кога можеш, барај од колегата да ти праќа кратки видеа на Loom, наместо да имате meetings.

И чим го добиеш видеото, правиш Google Docs со секој чекор + слики што ќе ти ги објаснува.
Пр. Кликни тука, па тука, па внеси ова итн.

Така ќе можеш ем да се потсетуваш на видеата, ем одма да имаш guide за да направиш нешто, оти се заборава.

Јас оваа практика ја користам за џуниори, и многу е ефективна. Еднаш ќе им снимам, и не ме замараат. Плус, секој нов што ќе се вработи, веќе има пристап до цела документација со сите guides и видеа.

 

Мене отсекогаш ми било полесно со written guidelines. И вака сум имала, ама е исцрпувачко. Самото тоа што не им се пишува документот, кажува дека се мрзливи хиерархиски. На видео не се запамтува се, дури и да снимаш, многу време се поминува да гледаш пак одново.

 

Имаш АИ буквално да ти направи summary на видеото. Имаш chatgpt или други алтернативи да ти направат guidelines од текст и видео. 5 минути работа е.
А и секогаш документацијата паѓа на џуниорите, тоа им е работа.

@blueeparadise Ако не сака да ти снима видеа, или да го снимаш ти состанокот. Имаш различни АИ кои ќе ти го дадат цел состанок во форма на нотес.
Пр.
https://fireflies.ai/

 

Така, ако беа ажурни зошто не и ја дадоа алтернативава. Ете пиша и со ексел имала мало искуство. Мислам, бараш од вработен проактивност, ама не сме сите толку длабоко навлезени. Сепак сум во право, изгледа дека ги мрзи малку.

 

@Spicy Senorita Лелее, премногу ја развлековме работава, до зошто не ми дале алтернативи стигнавме а јас уште го немам ни официјалниот стартен рок, уште недела дена сум на старата работа. Јас не ни знам они како ќе ја држат онлајн обуката, чисто прашав од некој кој има искуство со онлајн тренинг како се одвивал, дали му било тешко/лесно за сфаќање, дали оди преку митинзи, кои апликации вообичаено се користат, дали има и пишани насоки и слично.. Одма се почна со претпоставки, они не ни знаат дека јас сум slow learner, тоа не го спомнав, а и не знам како агентот што ќе ми објаснува ќе се постави со мене па да зборам пред време, тоа отом потом, мене друго ме интересираше и им благодарам на сите членови што ми објаснија.

 

Секако дека не си во право.

Нема фирмата да се прилагодува на твоите побарувања како џуниор. Ти ќе се прилагодиш.

Не може ти да очекуваш од сениор да троши време тебе да ти пишува документ за што да работиш.
А тоа што тебе те мрзи да земеш едно видео со АИ да го преведеш во текст, е доказ дека не си добар работник.

Добар работник ќе биде проактивен и нема да чека се од сениорот. Или во случајов, Блу Парадајз ќе изгледа туторијали и ќе направи акаунт за да тестира како работи Hubspot, Zoho и другите што ќе ги користи, да биде веќе спремна за работата.
И тоа што се интересира овде, е огромен плус и говори многу за неа, дека сака да научи.

Огромна среќа е ако имаш постар колега кој е тука да ти објасни, да ти реши проблем и да прашаш ако заглавиш некаде.
Ја немаат сите таа комоција. Имаш јуниори кои влагаат во фирма и ги фрлаат одма во оган. Па мора се да гуглаат пошто нема кој да прашаат.

 

Како ме мрзи ако не знам дека постои? Треба да се бафтам по форуми, а еве тебе на пример не ти е ни пет минути работа да пратиш два линка.
Брат ми е програмер, не тука во странство. Се зафркаваме еднаш за тоа каков однос се зафаќа со некој што е почетник во Македонија. За било што, не само програмирање. Одма те мрзи, не сакаш, не прашуваш доволно. Како ви се живее со ваква токсичност, не знам.

 

Здраво, не знаев каде, па мислев оваа тема ќе е најсоодветна.
Имам диплома од факултет, но за жал го завршив без многу мерак и имам работено по струка на неколку работни места, но никако не сум задоволна, ни од плата ни од себе, не осеќам исполнетост, а жртвата ми е голема.
Ссга сум дома, од повеќе причини, меѓу кои и чување на децата.
Ми треба мислење, дали вреди, дали е исплатливо и дали се влегува во шема да речеме за година -година и пол доколку почнам со учење на фронт енд, па по тој период да си се вработам? Ова отсекогаш ме интересираше многу, но кикснав на 18 години. Сега морам да сум дома, пречек од градинка, па мало дете од година и сите обврски се само мои, не можам никаде да бидам физички присутна, ни на работа ни со часови, па дали мислите дека онлајн ми можела да се ориентирам во овлј правец? Како е со учењето, а потоа и со барање на ваков кадар на пазарот?