Проблеми и совети на работното место

Девојки, ајде да ми дадете еден совет.
Работам во фирма каде во администрација сме буквално двајца без тројца и сите мора се да знаат да работат вклучително и теренска работа кај клиенти и потенцијални клиенти. Многу е напорно и захтевно и во текот на моето работење можам да кажам прилично стресно. Не постои структура, офис менаџерот (јас) е и финансии и плати и оператива и hr и тендерист и акаунт менаџер и се друго што ќе замислите. Соодветна замена не постои.
Е сега, јас останав бремена во април, имав и некој кафеав исцедок, претходно сум со спонтан (биохемиска) и примам вагиналети, па докторката ми препорача прво за сигурно да си идеме со патолошка. Јас да излезам човек, побарав трансфер место патолошка да работам од дома. Ми дозволи газдава, веќе трета недела сум од дома и сите обврски ми се завршени освен оперативно по терени што во никој случај не планирам. Е сега, се закарал со колешката што е со мене во канцеларија (2 сме), изгледа девојчето ќе си дава отказ, ми се јавува мене и ме напнува да се јавам на докторката кога ќе дозволи да се вратам во канцеларија. Јас искрено сум преуплашена највеќе од стресот, а потоа и од се што може да бара од мене особено ако колешкава си отиде. На повидок се нови клиенти и спроведување на цела базна оператива што јас не сум способна во ова стање да го правам. Не ми се враќа воопшто, сакам да си продолжам од дома со административната работа.
Совет ми треба како да му го преточам ова без да му давам ултиматум, да се закачам на лева нога со инаети и караници, пред се за себе, мое здравје и здравје на бебче. Од кога го зборев ова сабајле, мир немам на душава….
Да напоменам дека пред година ипол пиев елицеа антидепресиви од панични напади од стресот што го имав на работа тој период, сега веќе не ама тој период беше одвратен.
Се извинувам на долгиот пост дечки.

 

Не се замарај едноставно секоја фирма гледа да не вработи плус луѓе, а работата да се заврши. Секој пат кога ќе ти се јави истото кажувај му го без чувство на вина кон себеси. Секако он те гледа како ќеш пара не како вработена која е трудна верувај. Ако сеуште те напнува на крај оди на патолошка и не работи па нека крши глава. За тоа ти што го работиш е за неколку луѓе поделена работата, а верувам не земаш толкава плата колку што би требало сите тие луѓе да ги вработи.

 

Речи му дека гинекологот не се сложува и што од дома работиш, и дека ти предлага боледување за да ја зачуваш бременоста до крај.
Ништо повеќе. Нек си размисли.

 

Јас мислам дека ти мислиш дека ова малтретирање вреди за платата што ја зимаш, иначе одамна би си заминала нели? Знаеш и самата дека е лудо темпово ама се плашиш дека ако напуштиш нема да најдеш на друго место со помалку обврски приближна плата. Да ти кажам во заблуда си и имаш мнг побитни работи сега. Плс збори со психолог и сопругот и донесете исправна одлука за себе и вашето бебе

 

@baguf4e ти со толку познавање од работава, веднаш ќе најдеш и нова, подобра и поплатена работа(!) после бременоста. А нема зошто да го слушаш работодавачот, тебе не ти е гајле што он се скарал. Битното е ти твојата работа ја завршуваш и толку (и не работи како за двајца, тројца). Ако така те научиле нормално сега е да ти паѓа товарот на твој грб. Кажи на гинекологот, башка имаш разни видови на боледувања смислете го заедно убаво и готово. Чим си ја оставила елицеата, само храбро и смирено. НЕ ти требаат стресови дополнители. Уживај си во бременоста и без нервози. Ако ти е на мисла, барај и римоут како административен работник има доста.

 

Јас не знам што луѓе ќе беа ова.

Дува климата во мене, наеднаш почнав да се тресам и имам температура и ај торелирам. Се напив Тајлол Хот.
Ме видоа дека се тресам и никој ништо не ми рече. Само, оди си дома ако имаш температура.од чиста култура би понудила помош јас, пример имаш ли нешто за да ти е подобро?

Не, они си пуштаат клима ко дома да си се.
Ај отвори прозор велам, ауу не мене ми дува у грб.

Многу треба да се работи на емпатија и хуманост.

Мене не ми е проблем, сама ќе си направам се и ќе си земам се.
Ама немање осет....

И си играме вклучи, исклучи.

Ако не речам, никој не мрднува за климата.

Јас сум била разгалена и да ме преместеле... А бе ај.

 

Па ако дува во тебе, секако ке се преместиш.
Како да мрднат за климата? Може да се усмери аголот, но веројатно не ја ставаат на 18.

 

Пред се, на каков договор си?
Ако си на неопределено, многу тешко може да те отпушти ако дојде до конфликт.
Второ, настапуваш човечки, имам забрана од лекар, или да вршам работа од дома, или морам на патолошка.

Направи приоритет на задачи, па нека одлучи сам што може да правиш ти. Постои и опција да најмите некој додека си отсутна, макар и на пола работно време, секако и за понатаму би му требало.

Со вакви што ти вршат притисок не можеш да излезеш на крај, или отсечно или ќе те малтретира до последно, па понуди му решение на проблемот како погоре, верувам ќе прифати на крај зошто нема друга опција.

Ако си заминете и ти и другата, ќе му биде многу полошо.

 

Ја усмерија према горе и пак дирек е во мене. Мала соба е.
Кој и да седи ќе му дува во него.

 

Или премести се или стави тенок џемпер.

 

А бе џабе, ова не можи вака.

Ставам и шалче подебелко.
Ама вака изигравање здрава средина за работење?

Морам со тимот да сум.
Фирмиве се чудни, сакаат да му работиме а услови бетар од Африка.

Зградава не е ни наменета за канцеларии.
Туку ајде.

 

@Brpbrp @Dentina @eliesaab @KittyAgnes @Калатеа

Девојчиња, пред се` да ви се заблагодарам на сите вам за одвоеното време да ми дадете совет, навистина ми значи.
Инаку, да одговорам на неколку прашања, на неопределено сум фала богу и затоа што една обврските ми е и ХР документација, релативно добро си ги познавам правата како вработен, единствено сакам да одбегнам конфликт бидејќи газдата е многу терсене карактер и нема карактеристики на тим лидер, егоцентричен е премногу и со него мора секогаш политички да разговараш, од се и сешто може да се навреди и 2 недели муабет да не ти прави, како во основно да сме, не на работа. Платата е исто така релативно океј за нашиов пазар и досега сум се плашела да мрднам на друго место ради онаа класика, голем кредит, одредена сигурност, планиравме бебче долг период и сл.
Јас кога му објаснав пред 3 недели беше многу коректен и ми рече само да бидеш добро, остани од дома што дури и ме зачуди да бидам искрена. Денес веќе друга приказна, па веќе 3та недела ја тераш, па докторката што мисли до кога вака ќе бидеш и натаму веќе го знаете муабетот.
Во вторник сум на контрола кај докторката, ќе смислам нешто со неа како да му пренесам дека од неа ми е препорачано патолошка, а јас на своја рака прифатив да работам сепак од дома, да не сум на боледување.
Сега зборував и со маж ми, ме поддржува во тоа дека ако ми прават проблеми и уцени, дека ќе си одам на боледување бидејќи законот е апсолутно на наша страна, па последните месеци од породилното ќе си аплицирам на други места. За аплицирање на други места планирам и ако се тече добро, бидејќи притисокот е навистина огромен и мислам дека никогаш нема да се состави структура и ред во фирмава. Нова фирма е, 5 години постои на пазарот, јас откако дојдов 80% од работите и темелите ги имам поставено, од правилник до темплејти и правила за работа, до сериски и инвентарни бројчиња измислував сама. Додека да дојдам јас ништо не функционирало како што треба, немале ни архива.

Фала ви уште еднаш!

 

@baguf4e тогаш само напред, заслужуваш многу повеќе! Да не се задоволуваш со ова, да целиш повисоко

 

чим е нова фирма искористи ги работите малку во твоја полза! Тересене човек ако премнг се толерира он секогаш ќе ти ги поместува границите и гледам дека не е стабилен карактер така да никогаш не знаеш каков му е денот.... Мој предлог додека си дома малку физички ќе бидеш одалечена од неговото присуство, и дури тогаш ќе сфатиш со каков човек си имаш работа! Ако толку мнг си помогнала со фирмата и си ги поставила темелите, понуди му УСЛОВИ! Или партнество и нови асистенти да ти вработат или си идеш. Според пишаново мислам дека си малку исплашена од целава ситуација (бебе, терсене газда итнитн) ама мој совет, пред да напуштиш (откако ќе аплицираш и ќе најдеш нешто подобро) пробај нешто малку ризично со овој човек и да биде во твоја полза, бидејќи до сега се било во полза на фирмата а ти си мислиш добра е платава, ќути си и издржи. Дали ова ти е како прво посериозно раб. искуство? Не се секирај, играј ја играта малку и не мора секогаш да размислуваш и да се поставуваш како само работник Иначе и јас сум била во тазе фирма, со девојка која исто ко тебе слично работи и исто ги поставуваше темелите за некои основни работи кои треба секоја фирма да ги има уредено. Сега си чила со убава плата и не се нафаќа на се и сешто без разлика што и збори газдата, туку си вработува луѓе за тие позиции

 

Абе он кога нема разбирање за ситуацијата во која се наоѓаш, најмалку треба и ти да имаш разбирање кон нив. Пробај прво со разговор, со убаво и со фино да им кажеш дека ти е ризична бременоста и дека не сакаш да го ризикуваш животот на нероденото бебе, а ниту твојот, па сакш да ги почитуваш препораките и насоките на докторката. Ако е човек ќе разбере, ќе сфати колку е саатот и нема да те замара натаму, ако не ќе продолжи да те замара, и тогаш реално треба да бидеш и малку погруба затоа што кога некој не те почитува тебе нема зошто ти да бидиш добра и фина и ти да го почитуваш него.

 

Каде бе ова вака?
Сите гзот си го тргаат.
Јас имам дете не можам да дојдам. Ама и јас имам дете не можам.
Некои ги разбирам, ама некои кај што знаам кој му го гледа детето и дека можи да дојди на работа, не разбирам.

Па и уште шефот ги штити бе.
Ау имаш дете, ау ич.

А јас шо немам превоз и пари треба за такси да давам?
Фирмата не ми плаќа.

Ма ајде. Па, зошто си одиме.
Ради ова.

 

Имам напуштено работа ради ова. Некој ќе каже разгалено, али да губам здравје за некоја работа епа не фала. Освен ако не ти се ептен погодени работата и колегите, а гледам во случајов не ти се, аплицирај си на други места.

 

И јас имам напуштено работа ради ова.

 

Гледај ако можеш да си земеш породилно од фирмава па после ќе бараш друга.
Не разбрав кој месец си, дали може со патолошка бременост да бидеш на боледување цела бременост?

 

Најискрено и од срце би ти кажала да си аплицираш на други места за работа и да си одиш. Во неколку наврати те читам дека скоро ништо од фирмава не ти одговара затоа од срце ти го кажувам ова.

Аплицирај на секој можен оглас и сѐ што ќе видиш за да си одиш во друга фирма, не се живее цел живот незадоволен и несреќен на едно место.

На крај краева доколку не можеш во МК, пробај во странство. Хрватска ене каде е, бар на море ќе уживаш.