Проблеми и совети на работното место

Пак ќе речам не е проблем Само сакам да доловам ситуација.

Оваа инструкција ја добив од шефот,пошо наводно згрешив. Т. Е. Сама си згрешив и сама си ја поправив грешката во рок 2 мин ама СЕПАК сум згрешила и нели секогаш работникот ќе биди виновен. Конкретно мојата грешка не беше нешто УАУ за да има галама, реално.

И вака ми се обрати:
Знам дека е жешко, знам дека имате тешки денови, знам дека не секогаш можеме да работиме 100 %, АМА што и да се случува, пример да ти е лошо, нз што СЕКОГАШ гледај да не правиш грешки.

Веќе одамна ги спомнувам условите во кои работам во врска со воздух, светлина и звук.

Во превод умирај на работа, умри и воскресни за да ја завршиш точно работата.

И не прашувајте зошто заминуваат младите.

 

Имам прашање во врска со работата, па ме интересира ваше мислење..
Значи веќе 2месеци иам голема одговорност, ме спремаат за шеф, ги организирам колегите, фактури, нарачки, прием, се јас.. Но како и во секоја фирма има некои што не работат и водат некој инат користат по 100паузи и си терат по свое. И се ствара револт кај колегите кој што стварно работата, и реагирав на нив и плус на менаџерот. И као се смени тоа неколку дена и после пак по старо.. Тие одредени особи кои што не се замарат секогаш си имаат оправадние за се, и си минат најлесно. А трчам, работам како коњ речено и имам покачување само 1500денари..
Се мислам дали да се откажам од сето тоа и целата таа одговорност, бидејќи некако не ми вреде за 1500 ден плус да се замарам и нервирам толку.. Или пак барам јас премногу?? Дали да чекам да мине уште некој месец..

Истото го пишав во темата за платата, отпосле видов дека на погрешно место сум пишала..Се извинувам..

 

Менаџирав фирма со 12 стални вработени и 50-120 сезонски вработени. Исто бев ко тебе 2000 денари на плата повеќе главата да незнаеш кај ти е. Не се предавај одма меѓутоа треба да си го решиш следното:
Ако веќе си шеф да си ги организираш работниците сама, ако не работи да си добие соодветна опомена и ако продолжи со истото казна па отказ. Да не ти се меша менаџерот или газдата во односот со вработените и да го погазува твојот збор односно доколку менаџерот има некој забелешки сета работа за корегирање на истите да оди преку тебе. Држи се на дистанца со работниците, ќе поминуваш најдобро и ќе те ценат најмногу доколку го правиш ова, не злоупотребувај авторитет. Ако ти се одврзани рацете и ако начинот на кој што планираш да се одвива работата има позитива врз фирмата ќе поминуваш добро, ако тие што се над тебе ја погазуваат твојата одлука немаш ефект да се нервираш подобро работник бар едно ќе ти се знае (печам бурек и готово). Ако луѓето шо ти орават проблеми се во роднински врски со менаџерите или газдата мој совет откажи се веднаш, не вреди да доаѓаш до дијазепами за нечиј бизнис.

 

@Tomasa не влегувај во тој филм дека ќе ја оправиш. Нема. Посебно не на места каде веќе со години се тера едно те исто. Според мене не вреди, ама ако сакаш да се пробаш и ти менува нешто конкретниот назив (заради лична сатисфакција) тогаш терај.

 

Кој не се замара и тера по старо треба да биде казнет од плата, а по два жолти картони, третиот црвен, односно отказ, а 1.500 денари е едно пазарење во маркет месечно. И девојче повиши им тон на работниците ако треба, кажи „ова и ова нема да се толерира веќе“, авторитет.

 

Типично македонска работа. Па не се животни, луѓе се. Ако не разбираат од збор си има начини а тоа сигурно не е повишување тон.

 

Реков јас уште на времето дека ти си една од газдиве македонски што печали на грбо на обични смртници што работат за минималец и сите сабото неплатени.

 

Не сум, грешка си. Никогаш не сум била газда. Ама некоректно е едни исти во тимот да работат, а други стопати да ги опоменуваш и по некој ден по старо. Еве ти би работел со такви? Или би бил ли шеф на такви? Во тој случај се токсицира тој што не забошотува или шефот ако е премек човек, попустлив.

 

Ти

Јас би опоменала и би скратила плата. Не се животни и тие што во тимот работат туѓа работа оти другите „не знаат, не можат, заборавиле“... и вака до пензија. Вакви има колку сакаш во Македонија, а опстануваат оти си наоѓаат плодно тло кај шефови, други колеги и од нив скоро се што е квалитетно избега надвор.

Гледам и ти си пишал истото, опомена, па отказ ако тераат по старо.

 

Тие тебе те спремат да те стават за главна, ти даваат поголеми обврски, а прашањето е кога ќе те стаат? Тоа е само ветување и благо покачување на платата, а може и да не те ни стаат. Немој да им каживаш ништо, они може да прокоментираат на тие над тебе па воошто да не те ни стаат.Се додека не си потишала нешто не ги ни зимај обврските и нервозите. После кога ќе биде официјално прај како мислиш, не прифаќај ако мислиш, а и би те советувала да ти ја зголемат цифрата, ако им ја прифатиш понудата.

 

феминки се мислев дали да пишам за проблемов но денеска е крајно. Вака каде што работам 3 години во мала фам.фирма(син,татко,мајка, снаа ..) имаа неодамна брачен проблем синот и снаата -која ми е другарка. Е сега ситуацијата е што другаркава го напушта мажот поради х причини и бара развод. и после месец дена денес овој ми вика да си барам друга работа меѓу редови поради негови лични причини а на професионален план сум била одлична и немал замерки( ако ми требало трудничко, одмори отказен рок 30 дена, и да си одлучам јас кога ќе си одам се ќе било фер од негова страна? а меѓувреме јас и дм се свршивме и планираме бебе и мислата ми е еве да си отидам крајот на јули тогаш да ме одјават а останам бремена како ќе зимам јас трудничко не ми е јасно?дали може со спогодбен отказ па да зимам надоместок од бирото и колку можам така?нз како би постапиле вие во оваа ситуација му прокоментирав само ако моето другарство е мерило за мојата работа ок ... разочарана сум искрено после ова денеска секогаш работата сум ја работела како што треба сум идела и болна и со повредена нога и на крај ова да го добијам.

 

Луѓето се поголеми говеда од говедата, што има врска пријателството, служба си е служба, дружба си е дружба... Кажи му барем од Септември - Октомври.

 

@nice-girl пробај да го искомуницираш ова со истите зборови како што и напиша тука. Ако е човек, ќе излезе фер спрема тебе. Инаку, чисто како совет држи се понастана и од другарка ти. Да не ме сфатиш погрешно, немој на средина да те ставаат. Тоа нивното какво е такво е - сами нека си го решаваат.

Разочарана нема зошто да си, па и да работиш и вложуваш над максималното не е гаранција за стабилност. Сешто има, посебно вакви релациски врски се многу лоши. И буквално зависи од личноста..

 

Ај кажете чаре за клима. Значи, јас сфаќам дека ни е жешко на сите. Ама треба усул да се има.... Сеа им кажувам дирек у мене дува, значи буквално цела моја лева страна и плус в нозе ми дува.

И сеа, не им текнува да ја исклучат климата, се јас сум се бунела. Не ми чинело.
Да сум се преместела, демек некој др ќе ме заменел, и еден дур ми се потсмева и иронично , еве ако не сакаш, јас идам, мене ми е прежешко.

Значи, солуција нема.
Мора некој да го крка.

Зошто луѓево не сфаќаат дека коа ќе дува клима во тебе не е здраво?

Демек лето е, жешко е, убаво било клима да ти дува.

Оди објасни им, дека не чини во лето, ни многу жешко, ни многу ладно да е.

 

Дај земи барај друга работа, веќе некое време те пратам дека не ти е како шо треба. Наместо да губиш нерви реагирај и смени на подобро

 

@GirlLove ај сега да ме послушаш за ова. Ќе зедеш еден стол, ленир и ќе се качиш и нагоре ќе ја свртиш. Сите среќни.

 

Ама, ај да не не е до мене. Да не пребарувам многу.

Централна е, не можеме ништо.
Сите креваат раце никој ништо не превзема

 

Во хала си, ваљда работиш во метју и џонсон скопје или прилеп бт. Така?

 

му ги кажав истите зборови што ги пишав тука уште одма кога ми кажа, иначе со другарка ми се слушаме сепак намалена ни е комуникација не е како што ни беше ( бидејќи некако знаев дека може да дојде до овој степен). Др ден после изјавава од господинов мајка му дојде и ми кажува како демек пробав да го разубедам ама решен е и после ми вика и кажа ли на другарка ти дека поради нејзе ќе останеш без работа на тоа одговорив нема што она да знае и толку. Се некако мислам дека ова ми е некој тест да не и пренесувам информации на другарка ми од друга страна па викам овој да не си има некоја друга што сака да ја донесе тука. во секој случај почнав да си барам друга работа

 

@nice-girl ништо да не ѝ кажуваш, ако те бара за на кафе одбиј ја културно. Тоа е, говедо е човекот и ништо не можеш. Ти посакувам многу среќа, па и да ти биде уште поубава новата работа!!