Проблеми и совети на работното место

@black-angel Не знам како си истрпела да преќутиш, да наведнеш глава, да се тргнеш настрана итн. Абре кога ќе им спискам, ќе не знаат од која врата влегле, а од која треба да излезат. Уште па се осмелил по задник да те удри, па тоа ќе му биде последно што го направил. Ау што сакам вакви, така ќе им го симнам егото што ќе не можат никогаш да си го вратат. Ќе застанеш цврсто пред сите, со дигната глава и ќе им се заканиш. Закани им се дека ќе ги тужиш, ќе им кажеш се' од почеток до крај на нивните жени и девојки, а притоа за се' ќе биде известен и шефот. Кажи им дека во најбрз рок ќе бидат исконтактирани од твојот адвокат. А покана за суд ќе им стигне и на домашна адреса па после нека објаснуваат дома на жените за што е таа покана. Сељаци одвратни, гадови, уште во првобитна заедница живеат, дивјаци... Уфф, ама се изнервирав. Не му ја мисли воопшто, немаш од што се плашиш, уште денес закани им се. Нивната сила потекнува од твојата слабост и страв. Превземи нешто, зашто ова да знаеш дека ќе продолжи. Туку така од ништо нема да престанат.

Работењето со само машки колеги, знае да биде меч со две острици. Може да бидат многу ок, ама мораш, мораш уште на сам почеток да им покажеш цврст карактер, да си знаат до каде им се границите и каде е нивното место. Инаку ова се случува. Сум била сведок на слична ситуација на работно место каде што бевме само 2 девојки, а 15 машки. Секако се однесуваа со колешката само зашто не им покажа заби уште на почеток. Не им даваше поводи за ништо ама ете помека на карактер и толку, тоа чекаат, слабост. А да видиш како со мене беа и културни и сериозни и фини. Можело и така.

 

@black-angel така ти прават, заради тоа што те унапредиле, затоа што си успеала во тоа, а да знаеш дека не само мажи, туку и жени истото ќе ти го прават, односно на таков начин ќе коментираат за тебе, се само да те тргнат од местото кое го имаш на работа.Посебно за вака сериозни работи, треба да им укажеш до каде им се границите на однесување, да не преќутуваш, не во стил да се расправаш, но да им дадеш до знаење, а веќе ако го претерале, знаеш како, ќе ги пријавиш, сепак и за тоа има решение, како што ти кажаа другите членки.Сепак си ја сакаш работата, чим ти се допаѓа и не сакаш да ја изгубиш, мислам би требало така да направиш или евентуално да разговараш со претпоставениот, од една страна ако па со нив се расправаш, само уште толку ќе се однесуваат така према тебе, со такви не вреди да се расправаш.А воопшто и не ни требало да го направи тоа, што те фатил за задник, имаш основа да ги тужиш.Мое мислење е тоа, да си ја задржиш работата, но сепак да не дозволиш такви работи, доколку не е до тој степен дојдено, за да поинаку постапиш.Како ќе си одлучиш, така направи, само не дозволувај да си играат со тебе.

Кога ќе наидат на човек со цврст карактер, тешко дека ќе успее некој да го сруши, со други зборови

 

^ Па тоа ти велам. Луѓето се многу поголеми калкулатори одошто мислиме. Така што, сакав да ти кажам, шефот, поголема корист во ситуацијава за фирмата ќе има да ти помогне одошто да злоупотреби. А за колегиве, да не почнам да коментирам, решив дека дама ептен ќе стануем у 2015..

Само храбро со оние коишто се хранат од твојот страв. Нека изгладнат на ладното бе.

 

@black-angel најлошо нешто што можеш да сториш е да „нарачаш“ ќотек од будали да тепаат ретардирани. Ме разбираш колку е бесмислено, односно непромислено да се обидеш да реализираш такво нешто и наместо на работа по судници да заглавиш?
Значи потреби ти се сведоци како клучен момент во твојот случај што ќе потврдат дека си малтретирана многу пати, понижувана и на сметка на твојот углед се случуваат несакани дејствија.

Еве ти неколку бесплатни правни насоки што треба да направиш за да обезбедиш силни докази во твојат корист.

а. Прво ќе пријавиш во полиција и ќе ти кажат тие по проценка дали и што треба да се презема понатаму бидејќи и пријавата односно копијата од записникот во полиција влегува како доказ во судски спор.

б. Значи твојот РАБОТОДАВАЧ е должен СПОРЕД ЗАКОН доколку има сознание дека се случува било какво вознемирување на работното место да обезбеди заштита од вознемирување на работното место. Што значи прво што е морално и регуларно е да го известиш твојот работодавач што се случува и тоа преку писмено образложение каде тој ќе стави потпис дека е прочитано и доставено во две копии. Втор доказ за пред суд. Членот од законот што е во твоја корист:

Твоето писмено барање до твојот работодавач треба да изгледа вака ПОВТОРНО ВО ДВЕ КОПИИ (една за тебе и една за него)

Поднесување на барање
Член 19
(1) Барањето од членот 18 став (1) од овој закон се поднесува до
одговорното лице кај работодавачот со својство на правно лице (директор или
друго овластено лице), односно до работодавачот со својство на физичко лице
или друго лице кое тие ќе го овластат (во натамошниот текст: овластено лице).
(2) Овластувањето од ставот (1) на овој член се дава во писмена форма.
(3) Барање од членот 18 став (1) од овој закон може да поднесе и
претставник на синдикатот, лице надлежно за работите за безбедност и здравје
при работа или за управување на човечки ресурси и претставник на вработените,
по писмена согласност на вработениот кој смета дека е изложен на
вознемирување на работно место.
Содржина на барањето
Член 20
Барањето од членот 18 став (1) од овој закон содржи:
- податоци за подносителот на барањето,
- податоци за вработениот кој смета дека е изложен на вознемирување на
работно место, ако не е подносител на барањето,
- податоци за вработениот кој се смета дека врши вознемирување,
- краток опис на однесувањето за кое оправдано се смета дека
претставува вознемирување на работно место,
- траење и зачестеност на однесувањата кои се сметаат за
вознемирување на работно место, како и датумот кога последен пат е извршено
тоа однесување и
- наведување на факти и докази.

Ова мора да го направиш најдоцна до 6 месеци од последниот пат кога е сторено вознемирувањето. Иако дел од законот е за општо вознемирување ти истиот можеш со писмени докази да го спроведеш во твоја корист, односно во твојот случај.

Доколку работодавецот не преземе ништо ќе си ангажираш адвокат и ќе стегнеш тужба и за лицето кое го врши вознемирувањето и за работодавачот, односно за неговата неодговорност при преземањето на акции за заштита од вознемирување.

 

ЌЕ ВЕ ЗАМОЛАМ ЗА МИСЛЊЕ/СОВЕТ: работам во една фирма веќе трета година, но летно време ме одјавува и не работам зашто нема работа (иако мислам дека не е коректно). Воедно, имам доказ од Агенција дека сум пријавена на 9 месеци, полно работно време, но немам потпишано договор. Што мислите во врска со оваа ситуација? Имал некој вакво искуство? :/

 

Се вработив во Септември, но будалава ме одјавил за време на зимскиот распуст (не одев на работа). Ниту ми кажа дека ќе ме објави, нуту ништо. Е сега утре треба да почнам на работа. Планирам да не се појавам. Дали ми може нешто да ме тужи или било што, со оглед на фактот дека немам потпишано никаков договор, туку само согласност дека нема да работа наредни 2 години во друга фирма во близина.

 

Бев пресраспределена на пониско работно место, и условите се под нормалните стандарди. Во канцеларијата каде што сум моментално компјутерот е од 1999 претпоставувам, и расипан е маусот, мониторот кога ќе се уклучи буквално да се ослепи човек. Па морам да носам сопствен компјутер, среќа имам лап топ и го носам секој ден, но тежок е, грбов ме боли од тоа.
Уште полошо што е, нема соодветно греење. Панелот грее со слаб капацитет, само на 3 см дува топло, буквално треба да се залепам до панел за да се загреам.
Дали намерно ме поставија овде за да си поднесам сама оставка незнам, но од друга страна незнам како ќе издржам овде? Не ми е ни блиску работното место од дома, секој ден патувам по 50 минути до таму. Платата е 16 000 ден, од кои 2 000 за месечна карта плаќам, значи 14 000 чисти.
Незнам дали вредит да идам на работа: од една страна се осеќам лошо бидејќи од многу повисоко работно место ме симнаа на ова, колегите како да се ситат со мојава ситуација дека бев горе сега сум долу, тешко можам да ги поднесувам, остај тоа и условиве се ужасни, се смрзнувам секој ден.
Но од друга страна ако напуштам каде ќе најдам друга работа во ова време? Бидејќи знаеме дека се е преку пријатели секаде. Се наоѓам во двоумие. Некој совет добро би ми дошол.

 

@maricka За инает на тие што те симнале и колегите не покажувај слабост, седи и работиси а во меѓувреме барај си нова работа. Во моментот кога ќе ја најдеш заминиси без збогум. Ако откажеш одма ќе останеш и без тие пари а сигурно ти значат.
Тие што се ситат и радуваат на туѓата несреќа бетер ќе ги снајде.

 

@maricka Како доби прераспределба на пониска позиција? Со доставено решение? Ти го прифати ли? Што се случи со твојата претходна позиција - постои и некој друг е на неа или е затворена?

 

Да, со доставено решение. Мораше да го прифатам, претпоставениот одлучи така, немаше кај да се бунам. А на мојата претходна позиција донесоа нов човек (близок човек - роднина на претпоставениот)

 

А во решението што стоеше, зошто те прераспределува?

 

Знаеш што?Биди горда на себе,работи си ја професионално работата.Тој што е приман со врски кога и да е ќе сноси последици истото важи и за претпоставениот.Таквите пријателства брзо завршуваат, посебно што се засновани на матријална основа и од личности кои најверојатно ги води алчноста.

Spoiler

Ќе му зине га..т за пари кога и да е,што од завид што ќе бара да му се возврати за услугата.тогаш ќе дојдат твоите пет минути.

 

Ама знаеш дека смее да те прераспределува согласно твоето образование, квалификации и искуство, на ИСТО ниво како претходното?

 

Ај некој паметен да каже како да се справам со ајкули и улизици? Имаме нова шефица и не може да се стигне на ред, како да успеам да се спријателам со неа, да добие убаво мсилење за мене?

 

Работи. За нормален шеф тоа е доволно.

 

Работам, се што ми е дадено навремено, ама џабе е ....

 

Зошто џабе? Ти наоѓа мани?
Се жалиш на лижачи, а сакаш и ти да станеш една од нив. Шефот не може да ти биде пријател. Тој ти е шеф, ти си му работник, и треба да имате еден коректен однос каде работникот ќе ги извршува задачите што му се дадени, а за возврат да добие плата на време и здравствено. Толку.