Проблеми и совети на работното место

Би реагирал бурно, односно нема да прифатам нешто што не би знаел да го работам.

 

Би рекла јас ова не знам. Ако стварно има потреба од помош, би била колегијална да помогнам, со напомена дека не одговарам ако нешто не искочи ко што треба зошто не знам да го работам тоа. Не гледам голем проблем во тоа да се покрие некој на боледување, ама тие задачи треба да бидат сработени како што треба, не само да се каже дека биле направени.

 

Не е срамота (туку е и пожелно!) да дадеш причина и скроз е прифатливо да не знаеш. И ова дури го кажуваш не треба да осеќаш срам, зашто на некој начин тие бараат услуга плус од тебе.

Ти треба да си стручна за твоето, а за останатото пред сè ако можеш и секако, онолку колку што можеш. Јас би одбила, евентуално да помогнам нешто ситно. Ако можам, ако не штети на мојата работа.

Едит. напиши мејл, стави засегнати лица и плус додај во cc останати кои сметаш дека треба да се известени. Асертивно ќе одговориш и не се влечкај со денови оти ќе излезе дека мора да ги завршиш.

 

Дали можеш да се осигураш приватно пензиско и здравствено (преку Винер, Кроација осигурување и сл) неколку месеци, ако работиш како фриленсер?

 

Приватните пензиски фондови се засебни, така што не може да ти се смета во вкупниот стаж. А имаш право на здравствено осигурување бесплатно (имаше некој праг, на страната на фондот го пишува мислам), така да ако не го надминеш годишниот праг на заработка, си имаш право на здравствена заштита. Ако го надминеш прагот, си плаќаш делумно или целосно за здравствено осигурување, што е задолжително.

 

Ако сакаш да ти "тече" стажот треба фирма на твое име и така воедно ќе си плаќаш осигурување за себе

 

Ако сака да работи како фриленсер неколку месеци само, не цел живот, тогаш треба да е луда да отвара фирма кај што влог е пет илјади евра плус други администртивни трошоци плус сметководител, или уште полошо, да стане ТП. Или да има многу пари за фрлање, во тој случај не ѝ треба ни стаж, а ни работа

 

За приватно пензиско: за стаж не, а за примања да, бидејќи приватното пензиско работи по принципот „кога сакаш, колку сакаш“. Сум уплатил и 1 денар. Се купуваат сметководствени единици.
Со Винер, Кроација осигурување… не може, бидејќи немаат дозвола од МАПАС.
Може само со Сава, КБ, Триглав и ВФП.
Доброволно капитално финансирано пензиско осигурување – трет столб

 

Ми треба краток совет околу пуштање плата и слично. Не е дека не ни пуштаат плата, се' си е коректно и супер навремено, само многу ме нервира што секој месец пуштаат различно плата па некој месец ти испаѓа скоро како да си 35 дена и повеќе без плата. Пример предходниот месец пуштиле на трети овој на петти уште нема.

Дали освен на морален основ имам како да се обратам и повикам на тоа дека би било добро да се знае отприлика кој ден ќе добиваме плата и да биде тоа 30 дена нормално после последната плата? Знам дека законски не се може ништо зошто технички имаат право до 15ти да пуштат плата но сакам да се повикам можеби на морално/човечки дека не може еден месец на први другиот на 6ти итн....

Секој совет е добредојден, фала ви.

 

Да доставиш барање/молба до фирмата? Ти можеш секако, никој не може да ти забрани да си побараш такво нешто, само мислам дека тешко е изводливо секогаш на иста дата да се пушта плата, обично е +-1 ден.
Некогаш ќе фати викенд, празници и ете 3 дена плус.

 

Џабе ќе се обраќаш, ништо нема да смениш. Они ќе си тераат по законскиот рок за пуштање плата.

 

Каков е тој морален/човечки аспект, искрено прашувам? Секоја фирма во рамките на законот има обврска да пушта плата до 15-ти во месецот. Некои фирми пуштаат плата на крај на месец за тековниот месец, некои точно на 15-ти, некои на први, некои на трети... Зависи од интерна одлука, од тоа дали од некаде надвор ги добиваат парите, кој работи сметководство (интерно или надворешно), зависи од тоа колку луѓе прават пресметка на плата, зависи од тоа колку луѓе сте во фирма, дали тој број се зголемува/намалува често, дали исплаќаат и бонуси, празници, дневници, исплати по друг основ, а исто така зависи и од УЈП, од нивниот систем, па може да зависи од тоа дали твојата фирма добива исплати од добавувачи/клиенти навреме. Премногу работи се во игра. Мислам дека барате понекогаш влакно во јајце и начин да се жалите на непостоечки проблеми.

 

Апсолутно какошто напоменав не барав влакно во јајце туку сметам дека не е фер еден месец да пуштаат на трети другиот на 10ти. Човечки морален аспект е дека веќе поминало доста време од предходниот месец кога сме земале плата.

Во фирмата сум супер задоволна и сѐ е ок, само сакав да слушнам мислење од луѓе со можеби веќе искуство итн. Сигурно дека нема да си ќутиме ако едниот месец ни пуштат на први а следниот на 15ти ама фала ти за лекцијата

 

Јасно, фала ти!

 

Не верувам да се смени нешто какошто пишаа и другите членови така што ќе го оставиме така. Фала ти за мислење

 

Како што ти пишав, не мислам дека не е фер, затоа е дадена законска рамка то ест датум после кој не смее да се оди, проблем би било кога би го пробивале рокот. Ги занемаруваш сите можни фактори кои се во игра кога се пресметува плата, од човечки до технички. Исто како што не би ти било право кога за една грешка во работата на пример, би добила моментален отказ. Така отприлика се мерливи ситуацииве.

 

Не можеш ништо да направиш. Законски можат да пуштаат плата до 15ти. Немаш основа за да реагираш.

 

bookslover Законски треба да добиеш писмено известување кога има голема разлика во датумите на исплата.
Само кој го чита Законот.

 

Така е, член 109. Ама дефинирај голема разлика. Не се смета за разлика кога не го надминува месечниот рок. Не знам дали постои работник кој се буни ако ден-два порано му се исплати плата? Или најубаво за сите раат да бидат, точно на 15- ти да се исплаќа за да нема неправди.

 

За мене, „голема разлика“ е повеќе од пет работни дена од денот определен за исплата на платата, што самата фирма ќе определи.