Проблеми и совети на работното место

Тоа мислам дека од сметководство си носат образци во ПИОМ и таму се пресметува. Загрижена си нешто поради некаков сомнеж? Ако нешто доцни, да не се грижиш, и тие во ПИОМ се турниме да кинисам. Јас кога земав неплатен одмор, ме одјавила, се вратив, ме пријавија, па отидов во ПИОМ да видам дали сум пријавена, таму ми рекоа не сум, па пак го замарав адвокатот да не заборавил да ме пријави, па пак во ПИОМ се вратив и од ПИОМ ми велат „ама ти си пријавена може, ама не е укнижено, треба да помине месец“. Си реков, Боже, во ова време на компјутери вакво бавно работење, ууффф. Во секој случај прашај си на работа, ама мислам дека ти не треба лично да носиш М2 образци во ПИОМ.

 

Да, по правило фирмата и треба м1/м2 да ти даде заедно со сите други документи (спогодбено, денови одмор, такви работи). Ако не ти даде, пошто не се многу вични, инсистирај или ако и тоа не бива, во аврм треба да ти издадат, затоа што за стаж Пиом може да ти ги побара сите обрасци, односно од сите фирми каде со била пријавена(ако не израчунале точно или имаш некаде луфта дека и они се богдачува), па ќе ти биде полесно, во аврм ќе си ги земеш сите.

 

Ако има дупка во стажот, поради грешка на Пиом, баш она мора да ја брка таа работа. Со обрасците од фирма/фирми или од аврм во Пиом.

 

Не би требало до толку да се неажурни во ова дигитално време, ама се е можно. Девојчето треба ако има сериозни сомнежи за дупки во стажот, да си ја побрка работата дури е време, да не биде доцна после. Е сега ако и даваат отказ, таа си дала отказ или фирмата пропаѓа, се затвора, си има документи кои сметководство мора да ги даде за да ги носи во АВРМ итн.

 

Пиом е една од најнеажурните институции во државава, ама не е комплицирано да се реши. Не верувам дека се овие сценарија во прашање, едноставно не ѝ е упишан стажот од последната фирма веројатно дека обично на Пиом им текнува со најмалку една година задоцнување со изговор дека пресметка прават со зкалучување на календарска година.

 

@Tanjamm @Abel Фала и на двете. Инаку, во право си Абел со последново мислење, за тоа ми треба. Дадов отказ и тука ќе бидам негде до крајот на април, и наредната фирма ми предложи да си извадам М2 образец и да им го приложам во ПИОМ зошто се познати колку се ажурни околу пресметка на стаж. Најверојатно или нема да ми го пресметаат стажот од оваа фирма, или ќе ми речат заклучно со декември 2024 само, и од јануари па натаму тие месеци ќе ми паднат во вода. Минатиот пат исто не ми пресметаа точно, ми пишуваше само 10, 11 месеци, абе викам како ова, ама џабе се објаснував, не го оправија тогаш.

Инаку кога сум веќе на темава, да си прашам уште нешто. Во сегашнава фирма имам 19 дена одмор, од кои 5 им ги побарав за користење за време на отказен рок. Наредната фирма рече дека не се префрлале денови од одмор кај нив. Ја прашав моменталнава фирма дали преостанатите 14 дена би ми биле исплатени (знам дека кога они ќе ти дадат отказ, треба да ти ги исплатат, ама за ова не бев сигурна). Од таму ми кажаа дека сметале дека било фер што клиентот ми дозволил да си искористам 5 дена од одморот сега , и дека немам право на никаква исплата зошто јас сум дала отказ, и тие 21 ден што оригинално сум ги добила во јануари биле одмор за целата 2025 година, по 2 дена за секој месец, а јас си одам сега.

 

@blueeparadise за вкупниот стаж мислам дека нема да ти менува многу пошто освен за исплата на минат труд, не ти значи во оваа фаза многу (секако ќе причекаш до крај на година најкасно и ќе притиснеш Пиом да ги впише), разликата во пари е многу мала, особено па ако се неколку месеци во прашање. Не ти паѓаат во вода сигурно, само се ужас во пиом и математика и ажурност се две непознати во нивните равенки.
За одморот, веројатно сте договорени календарски, бидејќи нов одмор се зима од јули 2025, а исплата не е по закон, тоа се обично интерни договори, и фирмите не се ич склони кон ова, преферираат да ги даваат деновите. Дека одиш во друга фирма, таму ќе ти дадат сигурно опција да користиш пропроционален дел додека не поминат шест месеци за да се стекнеш со право на полн одмор. Не си многу во загуба ваљда во смисла на денови, иако би требало да ти дадат во старава фирма да го искористиш тоа што реално си го сработила кај нив (значи 2 дена од месец во просек, тоа фаќа малце повеќе од 5 дена, тоа се 8, на пример ако си одиш во мај, така да пробај на таа карта да играш). Прават проблеми со префрлувањето на одморот доста често, иако реално ти ако сакаш да користиш одмор, можеш, ако почнеш во мај, веќе во август можеш недела дена да си користиш, од што се штитат не ми е јасно. Нема ептен опции, барем јас немам други идеи.

 

@Abel да, па за исплата на минат труд и ми треба. Инаку со тие месеци фактички кога ќе ги собереш, ми се зголемува стажот за една година, така да зашто да не ги земам тие пари плус како минат труд. Како и да е, ќе пишам на сегашнава фирма, веројатно нема да направат проблем околу образецов.

За одморот, зошто си одам при крај на април, јас првично сама си побарав само 5 дена зошто немаше како поинаку, две колешки се на одмор исто во април и немав простор за повеќе. Ама секако дека имам право барем на 6 дена, не знам од кај им е тоа дека клиентот бил фер што ми дал да си искористам 5 дена одмор. Добро, во секој случај тоа е, си потврдив тоа за исплатата, тоа најмногу ме интересираше.

 

Претпоставив дека е за минат труд, секако твои си се и треба да ги земеш, во Пиом мораш да ги напнеш, друго нема, фирмата секако нема да може да исплати ако не е израчунат стажот, а и нема што да се бунат, не е твоја вина што не пресметува Пиом на време, такви се, катастрофичари, работава биди среќна што не ти фали повеќе од стажот
За одморот ако фаќаш четири месеци, осум дена можеш да искористиш, не гледам каква врска има клиентот, тоа е твое право, клиентот нема што да се буни, ама ако се и другуте на одмор тогаш, што викаш нема многу простор за маневри. Затоа за у будуче, прво користење одмор, па давање отказ бидејќи вака изговори ќе си најде фирмата.

 

Инаку, што мислите, дали е паметно на одреден временски период да одиме во ПИОМ, да си бараме М1 образец и да ги чуваме. Јас гледам електронски, ама што знам, можеби и вака не е лошо да се има.

 

Електронски ти е идентично, тоа ти го вадат и на шалтер.

 

Здраво, сакам да прашам бев на интервју за нова работа и откако се договоривме потпишавме договор со кој би требала да почнам на работа во Мај во таа фирма, но приметив дека во договорот износот на платата не е тој што го договоривме, ме интересира дали доколку е потпишан договорот може да барам исправка на износот или доколку се премислам да не почнам да работам таму дали правно важи договорот или може со не појавување на работа 3 работни денови истиот да се раскине?

 

Никогаш не потпишувај нешто, а претходно да не го провериш убаво. Најдобра опција ти е да си го бараш на мејл договорот, па во живо пак да си го прочиташ и тек после да потпишеш.

Ама дека биднало, сега зависи од ситуацијата, ако те избрзале можеш да се извадиш на ова (но не знам колку би се нафатиле, ќе ти речат потпишано е); другото што го спомна да не се појавиш три дена во мај е некако..некоректно на претходно потпишан договор. Не знам што точно да те советувам оти сум немала ваков случај, но тоа со непојавувањето некако не ми стои добро.

 

Законски готово е, потпишано. Најдобро да разговараш. Може е грешка и ќе корегираат, ама искрено не мислам дека е така. Ако не мислиш да работиш за таа плата, уште сега да најавиш отказ и да се надеваш дека ќе ти речат ич да не почнеш. За непојавување, види во договорот да не имаш пенали за прерано раскинување без отказен рок.

 

Да, ќе разговарам со нив ви благодарам на одговорите.

 

Полека не се затрчувај со откази. Укажи им на грешката, може да се работи едноставно за грешка, колку и да се внимава, некогаш може да се направи утка. Провери со нив, па после во зависност од тоа дали ќе се коригираат или не, ќе испланираш наредни чекори. Доколку е превид во договорот, секако може да се исправи без никаков проблем, тоа што договорот е потпишан не е никаква пречка, законот не ти ја регулира платата туку фирмата, значи фирмата ќе си исправи. Само убаво провери што сте договориле (бруто или нето) и како ти е платата внесена во договорот (бруто или нето).

 

Здраво, би замолила ако сака некој да ми пише ЛП. Фала ви однапред.

 

Тргнав на работа на 01.04. убаво почна се ама се договоривме на 8часа а не и работа од дома .имам две мали деца на кои треба да им се посветам и што се случи завршив со детето кое е 5 години на детско 4 вечери никој не сака да му се разболи детето.изгубив 2 работни дена,за возврат работев како луда до 3 наутро за на крај во петокот газдата да ми рече од први најдов нова ти растиси ги децата,кога ќе пораснат ќе те барам на сред работно време станав и си заминав.

 

Многу некоректно...... жал ми е.
Не се откажувај, ќе најдеш друга работа каде ќе бидеш почитувана.

 

Како тоа си изгубила два работни дена, си најавила отсуство, им кажа дека ќе отсуствуваш дека ти е болно детето или едноставно не отиде на работа? Имаш право на боледување, слободен ден, или ако е неопходно до толку, можеш да надополниш за викенд или слично со саатница? На кој основ те отпуштиле туку така, отказен рок? Многу чудно.