Проблеми и совети на работното место

Вистината е некаде на пола пат. Газдата гледа да плати што помалку, да заштеди, работникот сака да заработи повеќе пари, ама да си заштеди на енергија, да не го мачи мозокот. Отпуштените се во кредити, станбени, што значи дека е тоа терет плус. Бизнис е тоа, не е црвен крст. Додека им носиш пари немаш гајле. И двете страни се злобни и не се наивни. Една бивша колешка работеше кај еден бизнисмен што имаше кабелска, фирмата не носеше пари оти забошотуваа, почнаа да доцнат со плати и затвори. Муабетот на колешката беше "ееее Тањо, знаеш ли тој колку пари има, кабелска има". Реков колку и да има, не значи дека некого ќе го чести плата и придонеси и ќе држи фирма која не носи приходи. Демек ако бизнисменот има пари, на црни очи, за седење по фејсбук и приватни разговори во работно време плата некому ќе даде. Ако се вложуваш со 30% како очекуваш на дол рок да биде фирмата стабилна и да не ти биде загрозено работното место? Истата што очекуваше по автоматизам да зема плата оти бизнисменот имал пари, отвори своја фирма, ама барала некое младо дете, да и работи за хонорар, без придонеси. Кога таа е работник смета дека треба да и дадат пари скоро за џабе и да и плаќаат стаж, а кога таа е газда, сака некој нејзе да и работи скоро за џабе.

 

Дадов претходно најавен отказ од временски период од еден месец, уредно е извршена мојата работа до последен ден, но на платата ми се скратени 30%. Нема никаква писмена или усна казна, ниту прекршок немам направено, ниту одмор. Чаре? Некое правно лице или некој со искуство да ми пиши. Да пријавам во инспекторат за труд колку ќе се заангажираат?
Не ми е толку за парите, туку за тоа што достоинствено си одработив се како што треба и некој да се подјебава на мојот труд..

 

Во секоја фирма кога даваш отказ макар бил и пред 6 месеци најавен кинат на пари. Затоа отказ се дава прво земија платата и следниот ден телефонски му кажуваш дека неодиш поќе.

 

Во ред нека кинат, по која основа и по кој закон ми кинат? Сакам закон, член, став кај што пишува дека е тоа законски.
Баш и поради таа причина имав најавен отказ, да си ја земам цела плата.

 

Исто ти е. Секако плата земаш еден месец покасно. Пак ќе скрати.

Ако земеш плата на 1ви не земаш, за тој месец што вчера завршил на 31ви.

 

Нормална фирма не му крати на вработениот ако уредно си најавил отказ, остави тоа што така прават повеќето. Секогаш може и двете страни да не се пронајдат во нешто, ама затоа и постои комуникација да се разберат убаво. Со лошо секогаш се може, работата е со убаво да се среди @AAKG.

@Mazegin од ЗРО, парична казна, чл.84 вели вака „Во зависност од степенот на одговорноста на работникот, условите под кои е направена повредата на работните обврски и на работниот ред и дисциплина, поранешната работа и однесување на работникот, тежината на повредата и нејзините последици, работодавачот може на работникот да му изрече парична казна, која не може да биде поголема од 15% од последната исплатена месечна нето плата на работникот, во траење од еден до шест месеца.“

Да си бараш да ти образложат по кој основ е тоа, освен ако во договорот за вработување немаш некоја посебна клаузула во случај да се оправдаат тие 30% кратења.

 

Здраво, здраво.
Дојдов и јас да ме опоменат усно.
Вчера, се закаснив 2 минути на едната пауза, а на другата 5.

Знам, ни имаа кажано и да знаеме дека ќе закаснеме, МОРАМЕ да ги известиме тим лидерите, колку сме каснеле и зошто.

Е, арно ама јас од што брзав сосем изумив да им кажам.

Ми пиша, тим лидерката : Вчера на првата пауза си закаснила 2 минути, а на другата 5, кажи ми која е причината?

Значи, толку ме изваде од такт, што ми дојде отказ да дадам ист момент.

Колегата, што е скоро 4 години во фирма ми рече, да се смирам и да не му земам за зло, и да не му противречам пошто ќе си наштетам сама себе и не вреди да се фрла моето здравје за нив.
На сите им правеле така....

Ова е Контакт Центар, пак е за Америка, не откривам кој е.

Мислев дека полабаво ќе ми биде бар овде, ама сфатив дека сите се исто sh*t.

Не верував дека во 21 век вака се подобрува перформанс на агент.....
Дајте кажете фирма, да се спасам.

 

немој сестро тоа се стилови на изразување. се е тоа ок освен нејзиното понашање после твојата реакција. Значи ако во компанијата комуникацијата треба да е на англиски тоа е ок ама ако не е не мора некоја да "изведува" . Секој еден има право на мислење и на реакција доколку некоја комуникација не е соодветна и секоја треба да има разбирање доколку нешто не и се свиѓа на другата страна. Ама како идат генерациите се позанифде се луѓево во табиети

 

Па ти уште си во таскфорс. Нели си отиде?

 

Заминав оттаму бре.
Сега сум во друга фирма слична

 

@GirlLove јас работам во фабрика за производство и исто така е за жал

 

Каков хитлерски режим водат па и тие?

 

Како тоа во секоја фирма, врз основа на што? Секогаш ми исплаќале и цела плата и бонуси и се што ми следува, нема врска што е последна плата. Членката убаво да се распраша зошто е тоа така и да си бара платно ливче со пресметка на плата. Освен ако не си била на боледување тој период, не може да кратат, без разлика што си во отказен рок.

 

Имаме семеен бизнис , работам по 2, 3 часа секој ден а имам и слободни денови кога немам за работа, земам плата 25.000 со можност да падне и на 15.000 ако откаже клиентот, но се надевам на подобри времиња дека ќе напреднеме. Со работата не сум обврзана имам слобода во секое време. Од друга страна, имаме нов клиент, фирмата ми нуди 40.000 плата ама да работам од кај нив со полно работно време - 8 часа од пон до петок. Во овој случај би имала приходи и од двете места.

Во моментот не сум зависна од пари, не плаќам сметки не купувам за јадење, ми стигаат и тие пари што ги земам моментално. Што би избрале на мое место "слобода" или повеќе пари? Како размислувате?

 

Која опција би ти донела повеќе бенефит за 2-3-5 години?

Да речеме дека си млада личност, ако работиш на својот бизнис, и гледаш иднина и просперитет во него, сега можеш да уживаш во "слободата" кога не ти требаат толку пари.

Од друга страна, доколку не гледаш никаква можност за поголеми примања преку сопствениот бизнис во иднина. Те кочи. Не ти дава можност за напредок, за учење. А преку работното место има потенцијал во иднина да напредуваш, тогаш ризикувај го слободното време сега за подобро утре.

 

Ме заинтересира што направиле така да те исплатат, дозна?
Единствено што ми текна е дека те одјавиле 10 дена порано. Пријави ги.

 

За 3часа равота зимаш 25.000 , плус не секој ден имаш и слободни денови.
Споредбено со 40.000 плата секој ден по 8часа не вклучувајки и пат со него би дошле 10.
Слобода дефинитивно, штом не зависиш од тие пари и ти стасуваат.
За 15.000 плус ќе работиш дневно плус 5 часа и тоа секој ден, осносно тродупло.

 

Да ама пишала ако откаже клиентот може да и падне и на 15 000, мене ми делува на нестабилен семејниов бизнис.
На друга страна има фиксни примања кај клиентов, кои претпоставувам ако работи таму со години ќе и растат, па башка ќе шири познанства и ќе се развива, а може и да научи многу нови нешта од таму и ги вгради во бизнисов па да тргне.

@devojkata1234 се приметува дека си многу млада и дека не учествуваш во домашниот буџет и можеби немаш увид колку се сметки, пари за храна колку треба итн. ама нема да си вечно млада, а во животот се цени покрај парите и искуството. Сега не знам точно колку години си, ама независно од се, јас на твое место би го избрала она што ми е посигурно и би ми обезбедило подобра иднина наместо нешто што е во можен развој, ама и пад и башка нестабилно.

 

Ако си млада, немажена, без деца, без размислување да ја прифатиш новата опција.
Сега е моментот да вложиш во себе, да собереш искуство, зошто утре со сопствени сметки, фамилија, деца, и да сакаш нема да можеш да напредуваш лесно. Не од аспект на финансии, туку во искуство и способности. А поголема плата секако ќе си дојде сама по себе со тек на време.

 

Многу малку тоа 25.000 па да падне на 15.000, а семеен бизнис. Веројатно е некој мал семеен бизнис во мал град. На долг рок не е добро да не се учат нови работи и да не се прават деловни контакти. Од 40.000 денари плата со патување, одбија храна и пат, веројатно за трошок ќе останат помалку од 30.000 денари. Мудро одлучи дури си млада.