Проблеми и совети на работното место

Дали некој од вас додека бил во отказен рок не ве следувало годишен одмор,според некој си правилник на фирмата,и како сте се справиле со работодавецот во тој случај

 

Што кога некоја колешка ќе ви се испораздере на Вас без Х причини и постојано ви плеска во фаца како она се ве научила.Наместо да е среќна што сум сватила и научила па со тоа и на нејзе и е од помош она го гледа тоа како јас да морам да бидам нејзин роб.На кое работно место и да била секогаш правела конфликти со вработените и е преместувана од оделите.Шефот и рекол дека ова и е последна станица, ако направела пак кавга ќе летала од работа,меѓутоа јас несакам да испаднам гадна и да ја кажам но многу беше јасно дека сакаше да започне огромен конфликт,но јас како 25 години помала од нејзе си преќутев.Исто така постојано оговара за се и секого и а не и одговара муабетот т.е не се сложиш со нејзе одма не чиниш.Инаку работиме заедничка работа само ние две и мора да комуницираме.Совет како да се однесувам со нејзе од понеделник? Наместо да уживам во викендот јас само на тоа мислам.

 

Jас требаше да си одам од фирмата за неполн месец, беше есенски период .Искористив 10 дена во летото за одмор и ми остануваа по закон уште 10 дена од годишниот одмор. Кога реков дека ми остануваат денови неискористени шефицата ми рече дека тоа се рачунало дека треба во зима да ги искористам(демек тогаш ми следувале),а бидејќи јас во зима веќе не бев во фирмата деновите неискористени останаа, така по вода, а по закон ми следуваше да си ги искористам ама ете македонска работа.
Да не и кажев дека ќе си одам можеби ќе си ги искористев па после ќе си заминев секако, ама ајде да не бидам лошата што ќе ја оговара по други фирми.

 

Ако пак се најдеш во таква ситуација ич не му ја мисли поднеси си на писмено барање т.е. известување дека ги користиш тие преостанати денови од годишен одмор и тоа е тоа, тие нека му ја мислат, затоа што законот за работни односи за тоа постои да ги заштити работниците, време е од хартија совршено напишаните одредби да започнат да се применуваат во реален живот во реални ситуации ама за тоа да стане треба вработените здружено да не се плашат да ги бараат своите права. Со слога може планина да се помести.

 

Здраво на сите!
Јас сум нов член на форумов и сакам да ве прашам за совет.
Работам во приватна фирма веќе 10 години, и освен тековната административна работа, имам обврска да воспоставам некој нормален ред на работното месето, вршам одредени проверки врз активностите на останатите колеги, во смисла навремено доаѓање, работење, злоупотреба и да ги пријавувам сите нерегуларности. Исто така, сакам да напоменам дека на работното место немаме директор кој е присутен, па затоа таквата одговорност ми е зададена на мене.
За да го избегнам моментот на "тужибаба", најпрво пробав сите нерегуларности да ги решам директно со колегите, но за жал неуспешно. Под нерегуларности подразбирам: користење на службено возило и гориво за приватни цели (потрошени огромни суми на пари за приватни цели), пиење кафиња и пушење цигари пола работно време, искрадување од работното место по 4-5 саати, неизвршување на зададени обврски, обиди за злоупотреба на финансиски средства итн.
Колегите, знаејќи ја мојата обврска и зададена одговорност, не ми оставаат друг избор освен да се обраќам до директорот поради настанатите проблематични ситуации.
Значи напоменувам пак, пробав неколку пати да ги решам овие работи директно со колегите, со цел избегнување на проблеми, но сето тоа заврши неуспешно.
И поради сето ова наведено, сум под постојана дискриминација, оговарање, избегнување и индиректна провокација од страна на колегите.
Дали некој поминал низ истово или слично, и можеби знае да ме посоветува како да ја решам оваа ситуација?

 

Такви колеги не ти се колеги.
Ако ги криеш еден ден некој од нив тебе ќе те издаде за да те избркаат, и после ќе ти се смеат, затоа издавај ги ако прават нерегуларности нека ги избркаат, тие таму се за да работат, а не да забушаваат и да прават преварантски финти со она што им доделено за извршување на работните обврски.
Штом тие за сами себе немаат самоодговорност спрема работното место, зошто ти да одговараш пред работодавачот заради нив, за да ги криеш нивните забушавања и преварантски финти?

 

Imam potpisano dogovor do dekemvri na rabota, dali mozam da napustam pred toa?

 

Можеш. Се зависи што ти пишува во договорот. Има договори кај што те обврзуваат дека не смееш да напуштиш додека трае договорот.

 

Имам можност да работам на позиција која досега не сум ја работела, имам теоретско знаење но во пракса не сум го работела а исто така ќе треба доста да се трудам да го сфатам сама бидејќи нема нешто премногу искусни со тоа во фирмата а позицијава е одговорна.
И сега се прашувам дали тоа би можело да е преголем залак за мене или да пробам?
Како да го разрешам тоа чувство..

 

Здраво на сите, знам дека е нормално да се има проблеми и несогласувања на работа. Но, некој да ти се јави и без грам културно однесување, да ти наложи ситуација која нему му одговара, е навистина арогантно и безборазно. Нормално, без “те молам“, “дали може ова вака да се смени“........ едноставно кажано како нему му одговара.
Во тој момент не знаев како да одговорам, иако нешто од внатре ми кажуваше дека е грешно и треба нешто да кажам, да се спротивставам. Но, јас само се согласив со промената.
Зошто? Бидејќи не сакам да имам (и немам) никаква комуникација со таа личност, само службено поздравување во ходник. Бидејќи доби помош од мене кога најмногу и требаше, а потоа ми го заврте грбот. Како да комуницирам со таква личност?
Не добив ниту едно “фала“ на крајот од разговорот. Знам, треба да бидам построга и посамоуверена, но се' отпосле ми текнува.
Искарајте ме, посоветувајте ме, кажете ми се што мислите, сакам да слушнам различни мислења.

 

Игнорирај ја

 

Можам да напишам книга за "Хејтери на работно место", "Прости и не едуцирани шефови" и "Обвинувања без причина" НА РАБОТНО МЕСТО.
Кога колегите не ти се погодени, а шефот па ич, џабе ти е се. Оди си од таму. Бидејќи, работниците што најмногу се трудат и се замараат, што најмногу вложуваат во работата... најмногу страдаат, нај критикувани се и не се ценети од страна на колеги, шефови и газди. Само привилегираните остануваат. Ова е така во 95% од фирмите во Македонија, а така и ќе остане. Просто и подло понашање им ја храни душата на хејтерите.

 

Баш така. Се пронајдов во пишаново. Што и да направиш или не направиш, колегите ќе зборуваат (кога немаат друга попаметна работа, нели?). За мир во душата, тргај се настрана и работи си, со чиста совест, без кажани лоши зборови на другите.
Само каде да се отиде кога скоро секаде е така? А и работа не се наоаѓа туку така лесно во нашава државичка.

 

Дечки ми треба мислење,
дали е ок да конкурирам за работно место во фирмата каде што работи сестра ми.
Знам дека е глупо малку, али ми треба мислење како би постапиле вие во недоумица сум

 

Зошто да не биде ок? Зошто да е глупаво?
Јас мислам дека е ок, што има врска ако и сестра ти таму работи

 

Аплицирај и не му ја мисли, воопшто не е глупаво тоа, таман работа.

 

Глупаво не е воопшто, само ако сестра ти е некој шеф, па да те зборат дека она ти средила да те примат, а не дека си заслужила да си таму. Мене и тоа не би ми сметало, ако јас си знам дека си ја завршувам работата. Чисто спомнувам бидејќи реално може да ти извадат муабет.

 

Твоја одговорност како работник е да не криеш дејствија кои се на штета на компанијата, дури и да не ти е тоа во работните задачи. Штом ти е - уште повеќе. Си пробал човечки, не се разбрале.
За дискриминација, провокација и се тоа, со конкретни докази исто така можеш да се обратиш на надреден кому му веруваш.

 

Фирмата каде што работам соработува со други фирми, така што за секоја остварена меѓусебна соработка, на двете фирми им следува одреден процент од продажбата.

На почетокот, кога ќе продадев нешто од друга фирма, газдата си го земаше процентот, а после некое време ми рече дека штом јас нешто продадам, јас ќе си ја земам провизијата.
Вчера имав случај каде пари кои требаше да бидат за мене (пари од моја остварена продажба), газдата немаше срам да ми ги побара. Испадна дека целиот муабет со процентите не важи. Денес сеуште не му имам кажано за моите продажби, но од другата фирма ми рекоа дека парите ќе ми ги дадат директно мене и дека не мора тој да дознава за да ми ги зема.
Јас сум скоро почната на работа и сеуште немам доволно доверба ниту во газдата кај што работам, ниту пак во другава фирма. Не сакам да се ставам во ситуација каде би испаднало дека кријам пари и продажби, но од друга страна гледам дека неговото однесување кон мене е крајно неприфатливо и ноншалантно. И не само во однос на парите од продажби, туку и доцнење со плата која законски ми следува и останување на работа многу подолго отколку што треба.

Јас не сум злонамерна и навистина не сакам да работам скришно зад негов грб. Не би можела да си спијам мирно, а да знам дека некого лажам цело време. На моменти сакам да му вратам на неговото лицемерие, ама тоа не сум јас.

Како би ме посоветувале вие што сте поискусни во работниот однос?

 

Ќе ти кажам народски, кратко и јасно: Ич уво да не те боли.
Штом ти рекол да си ја земаш провизијата земај си ја и ако ти рече нешто, потсети го на тоа што ти го рекол, и се разбира прави се на три ипол за провизијата демек не си знаела итн., ова ептен ако не признава тоа што ти го рекол. Поздрав.