Проблеми и совети на работното место

За било каков сектор 12 дена без слободен ден ќе паднеш и физички а и психички не ја гледам поентата колку да има човек ли е работата? 6 работни дена константно и еден слободен па пак си утепан,а не пак 12 дена без сон да бидеш, законски после 13 дена мора да бидеш слободен да не ги гони законот они не би дале ни еден ден слободен при тоа и не платени како што треба. Затоа луѓето го гледат излезот надвор, сите одат за плата на работа, а не да се оптеретуваат од колеги што се вработени преку врски при тоа да ги местат и омаловажуваат.

 

Катастрофа. Како што рече ти, како да сме робови и како да нас не ни треба ништо освен да бидеме робови на лакоми газди. Некогаш така се однесуваат газдите како да се Господ и како на после нив готово, крај на свет, потоп ќе биде. Како да душа ќе ти земат. Но, тоа го направија институциите. На одмор запознав жена која работела 10 години и знаела дека е пријавена и дека има 10 години стаж. Ова од времето кога не можеше да се гледа електронски дали си пријавен или не. На крај испаѓа дека ја лажеле и дека има само 1 година. Каде биле инспекциите сите тие 9 години? Значи таму кај што работела, не поминала инспекција никогаш инаку ќе била откриена. Газдите знаат дека има голема невработеност, и затоа се однесуваат како ќе им текне. Но, се водам по девизата дека ако јас спум спсобен работник, како нив ќе најдам, а тие како мене нема да најдат.

 

Новиот одмор за 2021 од кога може да се користи? Дали од мај или од јуни?

 

Од јуни

 

Годишниот одмор за тековната година можеш да го искористиш по правило од 01 Јануари до 31 Декември, но, вообичаено работодавците овозможуваат во тековната година да искористиш 12 работни дена и тоа претежно во летните месеци, а останатите 8 работни денови ги овозможуваат да се користат заклучно со 30 Јуни наредната година.
Сепак ако ти треба користење на цел годишен одмор (наеднаш сите 20 работни денови) можеш слободно да го бараш од работодавачот и тој согласно закон не може да одбие, освен ако со тоа ептен се нарушува работниот процес.
Ако те интересира нешто поконкретно пиши ми во порака.

 

Дали смее да те одјави работодавач додека си во карантин со решение? Пријавена сум со договор на определено. Се налути газдата зошто јас имам решение за изолација заедно со ќерка ми. Во градинка има корона воспитачката. Требало мм да бидел во изолација, а не јас. Па само јас ја носев во градинка. Не им кажав јас да ме пишат мене. Едноставно такво решение добив. Ама немаме држава, па ако реши да ме одјави не знам дали би ме заштитило решениево.

 

Исто имам пример каде државата дозволила да не се плаќаат придонеси и луѓево се без стаж. Ова за 2001, 2002 година во војната. Ама чудно ми е како газдата има стаж, а сите други не

 

Тој дел после распаѓањето на СФРЈ беше страшен и хаотичен. Никој не водеше ред за буквално ништо.

 

Работам во фирма каде се работи 7 дена неделно. Инспекции сто поминале. Еден ручек во кафана им ги затвора устите. Луѓево земаат минимална плата за работа од 6 дена неделно а неретко и 7 дена неделно. Јас сум таа што ги пресметува платите. Не се плаќа минат труд, не се дава к-15, нема 13 плата и плус работат неколку месеци без осигурување пред да бидат осигурани. Сето ова го знае инспекторот трудов, ама казна еве 5 години сум таму, нема стигнато. Затоа државава ни се празни.

 

Вакво размислување начекав од работодавец. Мора нешто да ти фали ако менуваш работа цело време. Мајката...Само кај нас го има оној менталитет, ќе се вработам и ќе седам во истата фирма до пензија.
Јас не 7, туку и повеќе работни места сменив. Со што да се задоволам, на едно место експлоатација, на друго место непријавена, на трето ниска плата, итн.... Па ќе ги свртам сите ако треба, на крај ако не остане ништо, ќе си одам од државата. Нема да седам на работното место, пошто зашто. Или го добивам она што го барам, заслужувам, ми следи или збогум.

 

Знам, ама скоро секаде е исто. Ако имаш шанса за надвор бегај. Тие се свесни дека немаш таква шанса и затоа одиш од фирма на фирма.

 

Ова во Скопје или во внатрешноста? Ако е за Скопје баш чудно. Јас секаде сум земала к-15 и бонуси за празник. Барем тоа е добро. Но, имало и непријатени ситуации, во смисла да мрчат некој период скоро нон стоп.

 

Ova se

 

Ако ви даде отказ т.е. одјави без врачување на писмен отказ од негова страна, обавезно испратете му препорачано писмен приговор, за да може да имате после право да тужите за неоснован отказ, затоа што веројатно и тој е свесен дека не смее да ви даде отказ само заради тоа што сте во изолација, на крај ако не сака да ве врати или ако помине времето за кое е склучен договорот ќе треба да ви исплати надомест на штета, работодавачот не смее да ви даде отказ поради тоа што сте формално во изолација.

Ако ве интересира нешто подетално пишете ми порака, не можам да ви пишам, не ми дава опција да ви пишам.

 

не е во Скопје. Инаку да, мрчат. А овде има случаи во фирмичкиве да земаат к-15 и после да ги вратат. никој не пријавува од страв за работното место

 

Фала ти многу на одговорот. Немам некое прашање поконкретно. Сепак фала ти!

 

Благодарам

Инаку, не го оставај туку така ако ти даде отказ заради изолација одма приговор, и претставка до трудов инспекторат ама до Скопје, не во општина во твојот град, и ако трудовиот инспектор не утврди повреда заради пријателството со работодавачот, тогаш известување до министерот за труд и социјална политика, и известување до директорката на трудовиот инспекторат, затоа што сите знаат дека изолација не може да биде причина за отказ, и најверојатно ќе го добиеш предметот во суд, изгледа до сега никој од вработените не презел конкретни правни дејствија заради заштита на своите права од работниот однос и затоа вака прави работодавачот.
Во секој случај ти нема да изгубиш ништо можеш само да добиеш.
Во секој случај претходно ако те повика да потпишеш спогодба за отказ и слично, не потпишувај, башка наведи дека не плаќа К-15, минат труд, и други неправилности.
Кратко и јасно, има правила на игра кои работодавачот мора да ги почитува, никој со сила не го тера да вработува, но штом веќе вработува мора да ги почитува правата на вработените од работниот однос, доколку не сака да почитува нека сам си го работи бизнисот.

 

Здраво, имам еден проблем, па можеби малку ќе избега од темава, но не замерувајте.
Живеам со мајка ми која е разведена и останатите од семејството. Таа на секој муабет, става 10 лаги. Денес, земала плата, си иде дома, плата нема, само 500 останале. Кажува дека многу кредити имала, од каде тие кредити? Јас како што знам има само 3 и тоа еден најмногу до 2000. А и имам пронајдено лист од плата (од ноември 2020) дека зима 19000. Мислам дека ова стварно не е во ред што лаже. Сега во овој момент сме многу во семејна криза, таа не се замара, и демек не можела да извади кредит. Работи во конфекција.
Прашањево ми беше, дали стварно поради коронава, не можеле да се вадат кредити?
Ве молам, доколку има некоја од вас што работи во конфекција, или таква познаничка, да ми одговорете.
А еве, мене сега ми требаат пари за матурска, факултет и ред други работи, а таа не се замара.

 

Поради нестабилност на работните места точно е дека потешко даваат кредити. Но, сепак најголем интерес на банките е да дадат кредит и да земат камата. Види, 19.000 и не е некоја плата. Со таа плата тешко се покриваат домашните потреби, а плус на тоа и кредит да плаќаш. Можеби жената е во право. Јас земам повисока плата од таа, и верувај тешко ми стига. А немам кредит. Разговарај си со мајка ти убаво. Јас сум дете од село. Татко ми земаше околу 25.000 плата и работевме тутун сите од дома ( секое лето уште од 15 години го поминав во тутун берење и нижење) и пак ќе зачкрипеше. Многу е скап животот. Тоа е тоа. Поздрав

 

Па ако си пред матура веќе си доволно голема да би требало да увидиш некои работи. Конфекциска плата од 19.000 денари воопшто не е голема. И не мислам дека мајка ти не се замара. Мајка ти нема. 3 кредита велиш дека има. Трите по 2000 денари се 6000 денари. Дали плаќате сметки за греење, вода, кабелска интернет, телефони- претплата или картица- сеедно, струја? Дали јадете дома? Едно скромно пазарење во продавница е 3000 денари. Животот е скап. Ако се има запишано на вересија или на рати во некој дуќан нешто вам да ви земе , или пак можеби и за храна, толку се парите.