Проблеми и совети на работното место

Се затекнав пред еден проблем, не знам што да правам..

После 1 Јан. фирмата ќе се префрла на нова локација.
Дотаму ме чека пат од 40мин. возење (а, досега имав околу 15мин.), работното време ќе е ново, од 9-18ч., од пон.-саб. и првите 5-6 месеци ќе немало вц.

Јас практички нема да имам живот. Цел ден ќе ми е земен на работа, плус сабота. А, тоа што ќе сме без вц е и тоа многу голем проблем. А, и далеку ми е местото од дома.
Се на се, ми се превртува во стомак од нервоза.

Поголем проблем ми се од дома кои ми прават притисок. Ми велат мислиш лесно се наоѓа работа, како им е на другите, многу пребирирвиш...
Не ме сфаќаат и не ме подржуваат да си дадам отказ.
А, новиве услови не ми се допаѓаат, се плашам дека нема да имам бел ден.

Платата не е многу мала, ама не е ништо посебна.

 

Од 9-18 часот, па уште и сабота плус, па плус и без тоалет Многу експлоататорски од страна на одговорните, морам да кажам. 9 часа работа секој ден е многу, а не па уште и сабота. Не верувам дека некој може да биде 100% продуктивен во работата со такви нереални и пак ќе речам, експлоататорски услови.

Јас би постапила вака: Би продолжила да работам во фирмава и откако ќе се пресели на нова локација, со тоа што би почнала веднаш активно да барам нова работа, за да можам, штом најдам, веднаш да си заминам од сегашната.

Некогаш е подобро и да работиш за помалку пари, но на место каде што работодавачот е фер во однос на условите за работа (што е вистинска реткост), отколку за повеќе пари, а нозете да ти се враќаат секое утро додека одиш на работа. Сум ги искусила и двете, и до денес денес имам само добри спомени од местото каде што работев за помала плата, а каде условите и атмосферата за работа беа одлични, додека од помислата на местото каде што земав поголема плата се уште се ужаснувам, и не би се вратила таму ни животот да ми зависи од тоа. Второво место добро ме обезбедуваше финансиски, но ми обезбеди и константен стрес заради кој имав хронична несоница и искрено жалам што сум потрошила две ипол години таму со стресови и нервози, но враќање нема.

Премери си ги уште еднаш позитивните и негативните страни, но мој совет ти е да не даваш отказ додека не најдеш нешто друго претходно, зошто за жал, сите знаеме колку „лесно“ се наоѓа работа денес

 

Морам да признам дека твоите се во право, затоа што ако непуштиш ќе останеш на нивни грб. Ајде вака да ја разгледаме ситуацијата, тешко е и сето тоа го сваќам но. Дали ќе имаш живот ако напуштиш?
Дали ќе се чувствуваш подобро кога ќе бараш пари од твоите за цигари, улошки, дали ќе се чувствуваш убаво што на 26 год ќе треба твоите да те ранат кои се веќе луге накај 50та години. Дали тоа е подобро или да работиш до 6 ама да си бидеш свој газда а не да се чувствуваш како паразит, кој се храни од тугиот труд.
Дали некогаш си се прашала дали на твоите родители им е лесно, дали тие имале свој живот и низ што се поминувале додека те одгледале. Што ако они рекле, не ми чинат условите и напуштам не ми е гајле што ќе јаде ќерками. Мислиш дека нив им било лесно? Они не сакале да имаат свој живот?
Незнам како утре ќе го издржите бракот кој е исто така полн со предизвици, и таму ли на првата препрека ќе кажете дека ќе си одите кај мама? И, не заборавајте дека сеуште има луге кои трчајки би дошле на вашето место. Слободата не е во тоа колку слободно време имате туку во тоа колку имате во џебот. И, да го имате сето време на овој свет а без денар во џеб, дали ќе се чувствувате слободни?

 

Да не бидеме до толку строги, мене Сливер не ми оставено ич впечаток дека сака да живее на туѓ грб и да се гребе, баш напротив, ама реално ова се апсолутно несоодветни услови за работа.
Ако не, ајде на сите нека ни го укинат вецињата на работа, што е тоа, толет папир и сапун за џабе трошиме, страм да ни е. Не се во право твоите, да си мое дете не би ти дала до толку да се мачиш, не е фер, не е љутски.
Јас не би работела вака, жими се, може размазено делувам, ама без веце и плус 9 часа на ден, 6 дена во неделата, треба добри парички да ми даваат за да голтам некое време додека не ми се смачи.
Мислам дека тогаш за инат повеќе ќе ми се иде во веце, и тоа по 2-3 пати, детка поствесно си знаеш дека нема каде да одиш, уште повеќе ти јавува потреба. Ќе јадеш сигурно, вода ќе се напиеш 2 часа во текот на тие 9 часа, кафе, ќе ти се приоди сто посто
Ај за далечината, тоа некако може да се голтне, некако, ако ја сакаш работата и те мотивираат финански не е проблем, барем мене искрено не би ми бил.
Убав совет ти даде Сексибејби, барај нова работа, додека не ја најдеш нова работа не давај отказ.
Тешко се наоѓа работа, свесна сум и јас за тоа, ама не човечки односи никој нема да трпи на работа, за парче леб. Никој не бара не знам какви улови, ама основното мора, вц луѓе вц, без вц не знам како некој може да функционира. Не е лускуз тоа, загарнарирано право ти е.
Па и 54 часа неделно, не е надвор од дозволен лимит законски, зашто тоа не овертајм,туку регуларно време.
Барај друго чаре, дај боже да најдеш 100 пати подобра работа, со вц побогу.
Дотогаш, распрашај те се, каде во близина има некоја проданица, не знам било што каде има вц.
Па купувај им секој ден од таму јадење, само у вц да ти даваат да одиш.

 

Ќе се снајдеш ти , сила си..
Озбилна сум јас, одамна те читам и мислам дека си личност која не се откажува лесно.
И сеуште не си пробала на новата локација, мора да има некое скришно место.
Помисли што ќе речат инспекторите за труд кога ќе побараат да одат во тоалет.
Како вакви фирми добиваат дозвола за вршење дејност не ми е јасно

 

Само уште ова и веќе не коментирам на оваа тема. Претпоставувам погрешно ја разбравте за WCто претпоставувам не се работи за буквално немање каде да се врши нужда туку можеби е тоа некој импровизиран објект, или надвор од објектот во кој работат во кој привремено ќе вршат нужда. Бидејки невозможно е не само работените туку и шефовите и останатите раководни лица да издржат 8 часа без WC. Претпоставувам дека Силвер, во таа смисла рече дека ќе нема WC, мислејки на современо WC. Значи не бидете буквалисти туку читајте малку мегу редови и размислувајте логички.

 

Никакво вц нема да има 5-6 месеци, потоа ќе се правело (сега газдата немал пари за трошење), што значи вака низ муабет рече дека ќе се прави тогаш, што не мора да значи.
Но, за млад човек, некако работново време не ми одговора. Не сум јас мажена со деца, па до толку да морам да работам се и сешто. Колку за себе можам да се снајдам и на други места. Барем така мислам...ако се снајдам нешто...

Од дома ми прават притисок бидејќи работата ми е по струка, зошто тешко се наоѓа по струка...
И зошто работата ми ја најде пријател од татко ми, па сега му е незгодно од пријателот. Затоа и не сакам работа по врски, за да ми ја истават низ нос потоа.
Иначе не е проблем за помагањето, зошто ние сме семејство и секогаш сме си помогнувале меѓусебно, не го гледаме тоа како гребење. Затоа и постои семејството.

Најголемиот проблем е што ќе морам да потпишам нов договор на 3 месеци после 1 Јан., а јас ако не можам да издржам, не знам што ќе правам...
Фала ви на советите, ќе се помислам уште извесно време што да правам...

 

Струмка е кај виде ти дека ВЦто е надвор, јас никаде не видов такво нешто. Ете и Силвер си појасни. Силвер мила, бегај, кај ти очи таму ти глава. Тој твој самонаречен газда ВЦ никогаш нема да направи, што му менува нему, ете газда на фирма, да направи ВЦ со време. А и работното време, види богати, кај го има тоа, 9 саати без ВЦ, па бешиката ќе си ја уништиш, недајбоже ќе си направиш некој сериозен проблем па што треба после да го удавиш во ВЦто што “ќе“ го направи? Ма дај те молам. Ако твоите негодуваат пушти ги еден ден 9 саати да трпат за во ВЦ. Што ќе се деси ако те стегне дијареа на работа, ќе се избербатиш во гаќи? Ма те молам, нема смисла ова. Јас лично сум работела досега во повеќе фирми, во една од нив немав ама баш никакви услови за работа, струја снемуваше затоа што газдата не плаќаше на време, телефон исто, и без греење не оставаше, се греевме на струја, на климата, и кога ќе снемаше струја ние мрзневме. Аха, знаеш колку издржав, многу малку, а можеше да го има во мене главниот работник, бар за работа што си ја сакам сум си посветена. И сега не ми е многу многу погодено, во иста канцеларија со пушачи кои не почитуваат закон против пушење, ама бар топло ми е, имам струја, вода и греење, имам телефон и интернет, имам нормално столче за седење а не столица која се клати целата и се разбира се е поинаку. Фати си магла мила моја, вака никад нема да најдеш работа и ќе се одложува цело време и ти на крај ќе пукнеш

 

За газдите и шефовите сигурна сум дека ќе си одат во тоалет по кафанчиња и кафичи, сигурно нема никој да им рече каде ти?
Тоа е проблемот што стандардите нема да се исти. Они ќе си одат на ручек на кафе и ем нема да работат 9 саати 6 дена во неделата ем нема непо..ани да останат.
Значи ти прифати сега за сега, барај друга работа и барај обавезно пауза од 1 саат најмалце за да одиш во вц и тоа јасно да си го кажеш.

 

Silver пробај види некое време како ќе се одвива,како ќе се чувствуваш ти на работното место со тие да не речам лоши услови,а во меѓувреме барај си пристојна работа,со пристојни услови,па макар и да се работи за помала плата.
Земи во обзир тоа дали ти е платен патот,дали има храна,зашто всушност ти цел ден ќе бидеш излезена од дома и нема човек што може да издржи да не оди во вц во текот на еден работен ден.

 

Aко на газда не му се фрлаат пари за WC ,ондак предложете му вие вработените или да ви купи нокшири од кај пластичарската улица(на големо де,поевтино,оти повеќе души сте) или нека зима лопата и нека копа септичка јама,нема да биде ич во зијан

 

И јас го имам истиот случај како тебе. Работам 4 месеци, а работата ич не ја сакам. А и платата ми е мала - 6 200 денари. Освен тоа, не сум земала плата 2 месеци - за октомври и за ноември. Кога прашав кога ќе ми дадат плата, тие ми рекоа - после празниците. А јас до тогаш треба да трпам. Да бев сама немаше да има проблеми, ама јас имам семејство. Маж ми не заработува доволно за двајцата и за синчето. Кога ми ја понудија работава, многу се мислев дали да ја прифатам или не. Ја прифатив затоа што тешко се наоѓа работа во денешно време. И на мене работата ми ја најде пријател на татко ми. Кога и да му речам дека не сакам веќе да работам, тој се расправа со мене. Ми вели - човекот ти помогна, а ти не сакаш да работиш. Ама тој не сфаќа дека јас секој ден се нервирам на работа. Дома дури и плачам од што не ми се оди веќе на работа. Инаку, не живееме во заедница. И јас, како и ти, треба да потпишам нов договор на 1-ви Јануари - на 2 месеци. Се мислам што да правам. Од маж ми и од другарките имам поддршка, ама од татко ми не.

 

Silver.E досега,откако ти ги читам мислењата,ми имаш оставено позитивен впечаток,во смисла на силна девојка,која сама сака да се бори низ животот
Знам дека си свесна колку е тешко да се најде работа денеска,и затоа би рекла да пробаш да ги истрпиш таквите услови,барем сега за сега.
Се сомневам дека газдата буквално мислел 5,6 месеци да бидете без wc.И верувај,нема да си единствена вработена на која тоа ќе и смета.Сите ќе почнат да се бунат.А и верувам, дека газдата е совесен човек,и не би требало да дозволи такво нешто.
И спомена дека платата не е нешто премногу,или помалку.Мислам дека алудираш на тоа дека делумно си задоволна
Така што,мислам дека сега за сега,треба да стиснеш заби и да го издржиш притисокот.
Сепак нели одлуката е твоја.
Ти посакувам многу среќа и рационалност,при донесување на одлуката

 

Феминки ве молам за совет. Работам 3 месеци во една фирма. Се вработив преку агенција за вработување и воопшто не си ја сакам работата. при крај сум со мастерот и многу сум бесна што морам да работам за 10 000 денари. Е сега работата е што има 2 нови девојки и тие земаат 12 000 и многу сум лута бидејќи сите исто работиме а они земаат повеќе од мене. Врвот беше денеска кога дојде сестра ми на пауза и порачав кафе за неа (60 денари) и менаџерот ми рече; ќе ти одземам од плата за кафето???????? (иначе имаме бифе и гратис ни е кафето) а морам да напоменам дека никогаш никој не дошол кај мене на работа и не сум почастила некој кафе.
Значи ненормални се газдите. ве молам за совет. После ова сакам да дадам отказ

 

devojce znaci so gazdi nemozes da izlezes na kraj. sekogas se vo pravo kolku i da se neskoluvani. toa licno go iskusiv. Za da ne trpam nervozi i stresovi se otkazav od rabotata i znam deka sum sposobna da najdam i podobra. ke te sovetuvam da si apliciras za bugarski pasos i da ne se zamaras. svetot e golem i nekade te ceka sovrsenata rabota.

 

Газдите стварно се замислуваат дека никој и ништо не и може.Така ги научи власта.Сега и власта почна да се свести дека прави грешки оти касите почнаа и таму да се празнат.Овој месец кај нас имаше доста казни за газдите, но тие и понатаму си тераат по старо.Или казните се мали, или има кој да ги покрие после.Пример вчера недела и речиси сите конфекции работеа без дозвола и плус со работнички на црно.
Разбрале за инспекциите и затвориле напладне.Денес истите тие работнички се втора смена.
Ако инспекторите за труд ги засукаат ракавите и стварно се фатат за работа (се разбира од страната на работникот)газдите ќе се однесуваат поинаку.Мислам дека на работниците им е потребна една огромна помош од страна на државата.Треба да се запраша сегашната власт како да излезе на крај со сите прекршувања на законите од страна на газдите.

 

Што направи Silver.E, како се снајде на новата локација?

 

Ме интересира какво е тоа Известување за забрана за вршење на вознемирување на работното место?Газдарицата ми кажа да потпишам и не ми ни кажа за што станува збор,морав да бркам во документација за да видам што сум потпишала

 

Доставен до сите фирми, и сите вработени задолжително треба да имаат потпишано. Се однесува на тоа дека сите се заштитени од сексуално и психичко вознемирување, и ако има некој проблем дека треба да се пријави. Детално е објаснето што спаѓа под вознемирување, а што не.
Не се секирај, ништо не си пропуштила, има многу листови, да пукнеш од читање, а суштината е таа. Немај гајле

 

сакам да прашам дали би прифатиле работа каде газдите не се македонци туку друга националност. лично немам ништо против дригите етички националности, мене ми се пружи можност да работам во таква фирма и наскоро ке треба да почнам. дали може работодавецот да не ти дозволи да се откажеш од договорот некогаш во иднина или да те уценува и да мора да продолжиш да работиш. ми треба искрено некој ако има искуство да сподели