Проблеми и совети на работното место

Јас колку што знам може. Некои фирми условуваат да мора да се остане толку и толку време во спротивно бараат оштета. Други пак да речеме, инвестираат во понатамошно образование, плаќаат на пример магистерски студии но по магистрирање вработениот мора да остане онолку колку што е пропишано. Нормално е да е така ако фирмата инвестирала во тој човек. Но од друга страна, ретко па се наоѓа и некој што тоа ќе го прифати. Од каде знам јас како ќе стојат работите па да се заглавам наредни две години? Може ќе ме чуваат во место со плата без да ми покачуваат, може ќе ме оптеретуваат со несоодветни обврски, нереални барања или ќе ми вршат мобинг. Јас не би потпишала такво нешто.

 

Чим доаѓаш од мала средина, поинаку ти било луѓето се знаат меѓусебе, си помагаат. Откако си се преселила во поголема средина веќе поинаку се работите, секакви луѓе имаш и не им го знаеш мотивот.

Дека не си навината на вакви турбулетни работни средини затоа волку длабоко толкуваш сé што се случува. Побарај помош од психолог, но да знаеш и дека на другата работа пак истото дека ќе ти е и кога си на работа исклучи ги емоциите. Доколку ти се дераат за глупости ладно гледај ги и прашај ги "Е добро де и?" да видиш како ќе чураат.

Точно така, буквално ти ги врзуваат рацете, они тебе да ти го платат образованието, ти после тоа потпишуваш договор за да им се "раздолшиш" на нив.

 

Се стекнуваш со диплома/сертификат било што за одредена професија, немаш искуство, а сакаш да почнеш од некаде. Значи доброволно се пријавуваш на оглас, не можеш самостојно да работиш ти треба минимум 6 месеци некој да работи со тебе, фирмата вложува во тебе, ти во неа. Условите ти одговараат, плата и се друго по закон. Зошто не би се обврзала или зошто мислиш дека би сакала да избегаш од фирмата?
Стварно ме интересира зашто ме засегаат прашањава моментално.

 

Ти одговорила @Zaljubena26 на ова прашање:

Јас исто се согласувам со неа. Ти ја разбирам твојата страна, и јас би чувствувала страв да не ме зафркни некој така... Ама еве стави се ти во обратната позиција, се врзуваш за фирма во која не знаеш каков ќе им е односот спрема тебе, дали ќе ти е во ред работата итн... Според мене, денес не ти е доволно да знаеш само дека си пријавен по закон и ти стига плата, затоа што тоа е основно, сериозна фирма не би требало да си дозволи да е поинаку. Ама сѐ поважни стануваат и другите услови како однос на работодавец, можност за напредок, прекувремена работа, работа за викенд, работа во смени, висина на плата, затоа што младите знаат дека ако тоа е лошо, недоволно, или ќе заминат за странство, или ќе се префрлат во IT, барем јас така би играла... Не знам како би го решила ова, дали преку платена пракса, каде што ете нема да плаќаш целосна (или барем не висока плата) и за тие 2-3 месеци ќе видите двете страни дали сте добар фит, па ќе можете да продолжите на следно ниво, без да се плашите двете страни дека би биле многу зафркнати. Не знам, може и ова не е идеална идеја заради причина што сега не ми текнува.

 

Еве да се ставам на место на кандидат шо аплицира на огласи...прво ќе се запрашам колку се лоши условите во фирмата шо мора да ме држат у заложништво со договор. Прво ова ќе си помисли секој. Па така тие апликанти шо ќе ги добиете не мора да значи дека се најдобри, туку најочајни.

 

Каков договор ?

 

Морам да објаснам малку зашто не се работи за работа во канцеларија туку за потешка и специфична работа.
Се работи за возачи на камиони. Работата е платена исто како во Европа, разликата е што овде има чекање на граници, а во Еу се вози слободно. Немаш газда или шеф да ти виси над глава, добиваш налог и треба професионално да си ја завршиш работата. Сите се обучуваат овде, па бегаат во странство. Фрустрира многу.
Јас многу добро ја разбирам страната на вработениот зашто и самата бев работник во други фирми 10 години уназад, ја знам и мојата добра намера што вработениот секако не ја гледа и не може да ми верува на старт.
Можеме да вработиме искусни, проблемот со нив е што веќе си имаат начин на работа, навики, прават кочина од кабината, кинат гуми, воопшто не се замараат. Затоа сакавме да почнеме со неискусни, да имаат инструктор со нив минимум 6 месеци, цела плата, значи да ги обучиме според нашите барања зашто не можеш да пуштиш детиште од 22-23 години со чудовиште од 40 тона, 20 коли може да утепа на автопат од мало невнимание, воопшто не е заебанција работата.
И како јас да ја доловам мојата добра намера во огласот, а да не изгледаме како лоша фирма и да не добијам очајни кандидати?

А да направиш професионалец од неискусен човек и да ти избега надвор, е бога ми ќе го удрам по џеб барем моето да ми го врати, сори нот сори.

 

Во право си , инвестијата треба да се врати, што се однесува до огласот или што и да е има PR агенции , ако веќе имате пари за инвестиции , ќе имате пари и за професионалец да ви работи PR.

 

HR мислиш?

 

Не , мислам на PR за да изградите имиџ на фирмата , а HR ти треба за однос со вработените
а за менаџментот тоа е друга приказна

 

Не знам искрено, можеби преку оглас да ги наведете убаво сите услови (работно време, плата, како и најважни одговорности од страна на вработениот)? Некако влева повеќе доверба кога фирмите не ги кријат овие работи, ако веќе не сте позната и препознатлива фирма на пазарот. Во случај да не се пријави никој, ќе знаете дека нешто треба да смените во барањата или во тоа што нудите... Не знам кои професионалци работат на вакви прашања да ве советуваат подобро, можеби ете како што вели @mandrace, PR?

 

Мислам дека не можеш скроз да се заштитиш од такво нешто.
Буквално нема начин да задржиш вработен на работа, дури и да пробаш, дури и да е обврзан со договор, ако сака да си оди во најмала рака нема да ја работи работата или ќе ти касни, или нема да се појавува, или ќе се појавува фушерајски. Како што работодавачот може да ти направи услови за сам да си дадеш отказ, и вработените можат да се понашаат така што сам ќе им дадеш отказ.
Јас би се фокусирала на тоа како вработените да се задоволни од платата, односот и работата за да не си одат, а за селење во странство и тоа како може после да се отселат ако тоа им е замислено, зошто дури у пенали да плаќаат, можат да се решат дека им се исплаќа да ти ги дадат парите и да си одат.
Знам дека не е фер, ама тоа е, капитализам, секад ќе победи тој што дава поголеми пари и подобри услови, во случајов тоа е некоја странска земја.

 

Странска фирма е, повеќе позната во странство отколку тука ама може да го разгледам предлогот на @mandrace.
Ништо не е проблем да се направи, ако верувате платата на возачот е поголема или еднаква на профитот на газдата посебно кога се вози невнимателно, па една гума те кошта 500 евра. Ние да најдеме добар вработен, не мора да е идеален туку барем минимум да дава нема да го пуштиме ама никој не ти верува на почеток. И платите се исти во странство и кај нас ама таму си одиш 1-2 пати неделно дома (во смештајот таму), тука не е баш така зашто мала ни е државата, не можеме да и се фатиме на Германија на мало прсте.

 

Секоја држава свои проблеми , ќе се снајдете

 

Ова што го барате не може да се изведе со договор за вработување согласно ЗРО, но може да се изведе со договор на дело согласно ЗОО, затоа што ЗРО предвидува како обврска на работодавачот да му ги овозможи сите услови за работа на работникот, имено, обврска за работодавачот е да ги обучува своите вработени заради правилно извршување на работните задачи и обврски (единствено може да се заштите со конкурентска клаузула за да не може да се вработи во друга фирма со слична дејност како вашата ако се вработи тогаш може да барате надомест на штета и да ви ги врати парите кои сте ги вложиле за неговата обука).

 

Ти благодарам многу.

 

Кога има конкурентска клаузула на пример 2 години , тогаш работодавачот е должен да исплаќа надомест од минимум 70% од платата што ја земал вработениот во текот на тие 2 години или да се договорат за отпремнина

 

Најмалку половина од просечната плата на работникот во последните 3 месеци од работниот однос, односно 50% од просечната плата која ја земал работникот во последните 3 месеци, не може да се договори отпремнина наместо паричен надомест заради конкурентска клаузула.
Отпремнината си е посебно право од работен однос.

 

Може мислам да се стави како клазула во договор, ама не верувам дека некој би се нафатил на тоа.
Да се обврзам на 2 години и ако решам да си одам порано да плаќам пенали? Мало морген
Како прво, 2 години е предолг период за да се нафати човек да работи во фирма. Никогаш не можеш да бидеш сигурен како ќе ти легне работата
Може на почеток да ветуваат мед и млеко, ама откако ќе влезеш да не е така и да си обврзан да трпиш 2 години?
Можеби ќе излезе подобра шанса за подобра работа, подобро платена, подобри услови.
Со сила ништо не се постигнува

 

Не е така ! Дали работата ти е да изградиш кариера или само да се работи некаде па кому иде , прва шанса и гитла.