Проблеми со цимери

И кажавме, таа ни рече дека си е наш проблем, не сакала да се меша. Плус, не ја интересира што се случува, само сака да ги платиме сметките.

 

Соберете се сите, не само ти да ја тераш и само ти да и зборуваш. Сите чекајте ја од надвор/работа да се врати и седнете ја и кажете и како стојат работите. Ако е сака да плаќа, од 1ви дека ќе барате нова цимерка и крај на приказната. Договорете се пример на 20ти плаќате и кирија и сметки, парите да си ги планира и точка.
Арно што сум немала до сега работа со ваква цимерка.

 

Прашајте ја дали има некој проблем може па немаат од дома да и дадат ..раберете се за се има решение..

 

Веќе ја пробавме и таа варијанта, ама знаеме дека таа само ги троши парите на излегувања, алкохол, цигари и алишта. И плус и кога има пари поради некои причини не и се даваат - не знам зошто, а не па кога нема.Таа работи, не чека од дома, и зема плата доволна да се покрие во месецот ама ете...

 

Ако веќе толку не можете да се разберете или кажете и да си бара стан или вие си барајте др нема..тое е веќе во крјаност ако до толку не може да се управите...

 

Луѓе ајде малку реални да бидеме.

1500 денари како прво за студент, од друг град, со минимални примања не се воопшто малку па туку така да се дадат за џабе. Таа цел месец трошела и на крај други да и плаќаат, па и јас да не сум нема да платам зошто никој не е должен да плаќа туѓи сметки. Има крајно безобразен и некултурен народ. Следна прилика збори со другите две цимерки седнете ја и отворено и кажете дека сте зборувале со газдарицата, сте го дале вашиот дел од парите а газдарицата рекла за нејзиниот ако не плати нека си ги собере парталите и нека си оди. Сите сакаме да се шетаме и дотеруваме, ама колку ни е долга чергата толку треба да си ги испружиме нозете. Кажете и дека со таков однос и неодговорност никаде и никој нема да ја трпи, или нека се уозбили и на време нека си плаќа или чао пријатно.

 

@WarriorAngel Имав идентична ситуација во малку поразлични околности, но муабетот беше тој. Сега секој си има свој струјомер и водомер и секој си плаќа според тоа колку потрошил. Чиста сметка, ниту кавги ниту ништо. За конкретнава сметка разберете се некако, а за понатаму секој за себе. Мое мислење.

 

А се греете на струја или на парно?

И да бидеме реални, и никој да не седел во станот сметка за струја ќе ви дојде секако,има работи кој што не ги исклучуваш кога ќе излезеш од него, на пример фрижидер. И си има такса која мора да си ја платиш без разлика дали ти користиш или не користиш струја.

Мој предлог. Земете ја најниската сметка за струја која сте ја добиле и поделете ја на три или четири зависи колку цимерки сте, остатокот нека си го доплати она. Истото е за вода.
Додека за интернет, чистачки,осветлување, телевизија, нормално ќе си делите.

И ако одбие да плати, ќе си платите вие. Неможе вие ако не седите пола година она да си ги подмирува трошоците, седите и вие не правете трошок дома. Секој ако одпосле му истекнуваат вакви работи кај ви е крајот некои работи со лењир неможеш да ги мериш.Си се фатила на орото сега играј го.

А доколку не ви се допаѓа како цимерка има и за тоа решемие или замолете ја да си оди или од догодина барајте друга.

 

Јас и реков дека највеќе што можам да одвојам да и помогнам е 500 денари и ништо повеќе. Свесна сум дека минимални сметки ќе си доаѓаат ама не можам да плаќам еднаков дел со некој што седел цел месец додека јас не сум седела месец ипол. На струја се грееме инаку.
Проблемот беше што се инаети не сака да дава пари, па барав совет како да се извадиме од оваа ситуација. И не е пола година туку е месец ипол во кој апсолутно немам што да правам тука и не сакам да седам и само да трошам пари бидејќи немав обврски. Затоа, киријата си ја платив цела, да ми седи местото во станот, значи не бев одселена, е сега таа струја не ја потрошив јас.
А за друг начин на делење не сака ни да чуе, сака само сите еднаков дел да платиме.

 

Значи седнете сите цимерки и направете убав муабет и договор. Ако некоја цел месец не дошла во станот нема потреба да плаќа сметки (вода, струја), зошто да му плаќаш на некој тоа што тој го направил? А киријата, парно, интернет и други фиксни трошоци треба да си ги делите измеѓу сите секој месец, ама за она што варијабилно нема потреба да го делите ако не сте го трошеле.

 

Се арно тоа што го кажуваш ама нема разбирачка со ова дете, не може да се прави муабет. Одлучено е дека ќе лета само сакаме парите да ги добиеме. Се заклучи в соба сношти и дури во три вечерта кога јас си легнав до веце отиде. Утрово пак е излезена и нема да се врати може до 10 вечер. Не знам веќе што да правиме.

 

Не ми е јасно како може трите да ве изигрува вака? Јас би ја начекала, би ја разбудила, би нашла начин.. Се надевам дека во капарот при најмување на станот имате учествувано подеднакво - доколку не сака да плати, нема да го добие назад својот дел од учеството...
Ми се допадна предлог од погоре, платете дел од сметка за струја која е најефтина,остатокот нека си го доплати таа што трошела, сепак не е тоа фиксен трошок,можеби и воопшто не водела сметка за потрошувачката на струја оти планирала дека ќе си ја дели сметката Но сепак неможе ни вие воопшто да не платите...
За следната што ќе ја викнете на нејзино место - убаво ќе и објасните какви правила имате...

Off topic:
Животот со цимери не е лесен, кога бев бруцош останавме две цимерки во двособен стан, и другата (не ми беше ни другарка ни врсничка) си викна колешка од факултет и на црно си седеше кај нас месец и пол,се додека газдарицата случајно не дозна.. Среќа не ме обвинуваше мене,а јас смотана незнаев како да реагирам и ми беше незгодно да и кажам да си ја отсели другарката...
А една што ја имав ми носеше од мојата гардероба без да знам, за време на викенди кога си идев дома,а таа остануваше во станот..Дознав сосема случајно, беше постирана нејзина слика во моја сукња на facebook

 

Знам дека секако си иде сметка и и понудив да и дадам колку за таксите и сличните глупости. И не сака да чуе за друг начин на делење освен на четири еднакви делови а што нема смисла бидејќи две цимерки не бевме тука месец ипол, само тие две беа.

Таа одбива да плати ама тоа не е решение ние да и ја платиме сметката за цел месец што седела. И мене некогаш не ми стигаат пари ама што сум потрошила ќе платам. Какво решение е одбива да плати, ќе платите вие? Не сум седела нејќам да и дадам повише од 500 и не знам зошто да не ги подмири таа трошоците кога таа е таа која што го направила тој трошок, нејзин е. Може сум имала обврски кои барале дома да седам, а сум немала обврски со факултетот за да седам во станот и тоа е мое право дали ќе седам или не. Пак ќе повторам киријата ја платив цела без побуна оти нема што да се бунам, киријата си е таа.

 

Abe zivotot so cimeri e dobar nachin za da se vidish kako utre ke funkcionirash vo brachna zaednica.
Iako ne e isto, odlichen trening e.

 

Значи не е исто да трошиш тој месец струја и да не трошиш..Значи и да си отсутна 1 месец ке си платиш само основнота сума што иде од некои 100 или 200 ден а нема да платиш некоја сума што ја потрошила цимерката ..Како бе така размислувате кој е должен да плака за некој кој трошел...Девојакта си напомена дека си ги подмирила трошоците за кирија за станот ама за струја мислам дека нема логика да дава пари...

 

Ако знам дека 4 ќе живееме и ќе делиме сметки, така и ќе очекувам. Ако некој не сака да седи и да не плаќа сметки, за тој еден месец ќе си викнам друга цимерка за да можам да делам сметки.
На почеток требало да и се каже, јас и втората цимерка 2 месеци дома ќе седиме, снаоѓај се ти за сметки. Јас на нејзино место ке си викнам нови цимерки за тој период. Оти и една соба да грее, кога 4 седите во истата соба исто се троши. Вака, од 4 останале 2, за истиот простор.

Сигурна сум да знаела уште од почеток што ја чека, немало да се сложи да живее со вас. Јас на нејзино место ќе плата, за тој месец, ако треба и ќе се задолжам, ама има со цртки да бројам после кој колку време седи у станот, се бања и колку троши.

За рутерот уште не сфатив, земаш надоместок за користење, ко кирија за рутер, кој твој ќе си биде на крај?

И дали ќе плаќаш вода и интернет за месец и пол или и тоа сама да си плати девојкава?

 

Значи не, не се истите сметки со уште две цимерки и без нив. Во тој месец се греела само нивната соба - тие двете беа тука, не и нашата бидејќи не немаше, не се грее во заедничката соба бидејќи има печка за која немаме дрва, во таа соба само се готви.
@Cka не кажувај многу дали ќе се сложила да живее со нас оти не ја знаеш, не знаеш какви се глупости има правено во станов, па ти да си таа што ќе каже дали да не знаела ќе сакала да живее со нас. Прво крадеше пари од нас, од новчаниците пари ни земаше, па сега сака и сметката да и ја платам.
Значи таа на мене ми дава пари за интернет бидејќи интернетот е на мое име и тоа е се. Другите трошоци за интернет, кабловска, вода и чистење ги поделив, дури и и дадов 500 за таа сметката за струја. Епа што повеќе сака?

@Sesil Да се греам на парно ќе платам, ама не се греам и нема да платам. Ниту сум сопственичка на станот и да, 1000 денари и тоа како прават разлика во животот на еден студент кога нема поента тие пари да се дадат за туѓ трошок.