Производи кои не би ги купиле повторно

За чајче да го пробаш туку ај, премногу мислења на глупост потрошивме...

 

Ние дома го користиме цело семејство за различни потреби и сме презадоволни. За што сте го користеле вие?

Иначе точно е дека се раствара во вода. Ние дома си го раствараме за киселини во желудник. Иначе баба ми имаше хеликобактер и цела шема на лекарства што и ја дадоа во државна болница не и помогна. 15 дена по ред го раствораше алунитот и го пиеше пред секој оброк. Потоа направи анализа и конечно беше решен проблемот со бактеријата.

 

Го активираше профилот само за овие мислења? Премногу е очигледно дека рекламираш.

 

1. Врвот на производи кои никогаш не би ги купила повторно го делат сите производи од Alverde.
Посебно:
- Шампонот ја затестува косата, посебно ако е густа, не ја домива како што треба и брзо се замирисува и мрси.
- Ролонот дезодоранс е толку ужасен што подобро е ништо да не ставаш отколку да го ставиш овој , затоа што те умирисува онака како што никогаш не би замирисала и без да ставиш воопшто дезодоранс.

2. Кармините мат од Голден Роуз.

- За многу кратко време се прават топчиња, устата се собира. Воопшто не е пријатно ниту за носење, ниту за гледање. Има далеку подобри кармини на Голден Роуз од овие.

3. Пудрата на Catrice.

- Една недела е добра и толку. Потоа брзо оксидира и мене лицето ми го направи лом, што никогаш не сум имала проблем со лицето. Никогаш повторно не би ја купила.

 

Тианде фармаси лимес ми се ко секти некои сегде ги има,ама буквално СЕ лечат од "искуство" а 99 посто се незадоволни од нивните производи.

 

Големо НЕ...за дами со мрсна кожа ! Лицево ми е целото црвено и секој ден по некоја акна . Го добив за подарок и го пробав неколку пати . Штом престанав лицево ми се стабилизира.

 

Никако не е за сува кожа, уште не сум го ставила убаво, веднаш лушпи се прават.
Исто така по неколку ставања сунгерчето се извади.
Штета, има убава цена и нијанси, но не и за мојата кожа.

 

1. Golden Rose - Bronzing Terra Powder SPF 15
Шминки од голден имам пробано многу и ги користам долго време - посебно маскари, туш и кармини и сум задоволна но пред некој ден го зедов бронзеров затоа што цената беше многу поволна 200 и нешто ден. ама нема никаква пигментација, го пробав на тестер пред да го земам и ми беше океј, не беше многу темен па си реков ќе ми одговара на моево сирење бело лице. Четката ја расипав од толку што се трудев да извлечам некаква боја, немам земано други бронзери од голден, можеби има подобри него овај but this is definitely a fail




2. Alverde - False Lashes Mascara
Алверде многу си ги сакам посебно за продуктите за лице и нега за кожа. Од линијата за шминки ги имам пробано прајмерите и пудрите и двете ми се океј, се додека ја купив оваа маскара. Од сите маскари што ги имам пробано можам да кажам дека оваа е најлошата, прво мириса премногу лошо, иако се ''oргански, природен'' бренд ова ми мириса кака на некој хемикали, ништо не прави на трепките освен што ги прави црни. Не е ич трајна многу се размачкува и не дај боже допир со малце вода лицето ти е како оние што плачат на шпанскине серии. Исто забележав дека после вадење шминка целосно од лицето со мисц. вода, масла итн. трепките ми се сеуште црни

 

Најлошата до сега !

 

1. LVLY by Paola Maria маска

Маската беше на акција во ДМ и бијдеќи често ја гледав во Што последно си купивте решив и јас да ја пробам. Освен убавиот мирис оваа маска не направи ништо за мене. Кожата не ја чувствувам потхрането и нема сјај после третманот како останатите маски кои сум ги користела. Не би ја купила повторно.

2. L'oreal Elvive Extraordinary oil шампон

Колку што го фалам и обожавам зелениот шампон со три вида глина, толку овој го мразам. Ме прелажа преубавиот мирис и присуството на кокосово масло во составот. Требаше огромна количина да нанесам за да ја почувствувам косата чиста и по одредено време користење ми се појави првут, а и побрзо ми се умрсуваше косата. Продолжив да го користам мојот омилен шампон, овој повеќе нема да се појави во мојата бања.

 

'Биковиве'

Уствари кој им го даде името? Ова е се, само бик не. Два пати под пазуви не можеш да се средиш со нив, само мазнат, влакна отпаѓње кога поминуваш со нив, што беше тоа?
Можат вода да им носат на оние портокаловите од 10тина денари кои се со едно сечило, а не како демек со три.

Одбегнете ги дефинитивно во ДМ, јас бајаги им се залетав за ништо.

 

Најлошиот туш за очи што некогаш сум го купила. Премногу блед, минимум 3-4 слоја треба да се стават за да се добие вистинскиот ефект. И најефтините тушеви од пазар се подобри од овој.

 

Се согласувам.Истото го купив само розево.
Ете ги во фиока зафаќаат место

 

Добро е што барем малку си го искористила со сунгерчето, јас не успеав ни да го пробам со сунгерче откако го купив...

 

Не е којзнае колку ужас, некако многу е водно нема ладење после ставањето не ја хидрира кожата, како вода да тече повеке од него ми мириса на слатки а амбалажата е интересна затоа го зедов.

 

1.Најлошата мицеларна досега, воопшто не ја отстранува шминката, поготово маскарата. Не би ја купила повторно.

2.Попрозирна и поводеста пудра не сум користела досега, не знам дали не одговара само на моето лице или сепак до пудрата е.

3.Трајноста и структурата можеби и не се толку лоши колку што е бојата на црвениот лак.

 

Никогаш не сум користела продукти за нега на лице, освен понекогаш креми доколку ми е суво и нормално чистење (со вода насабајле и навечер и со мицеларна вода и марамчиња за вадење шминка).

Бидејќи повторно ми се појавија суви делови на кожата, сакав да си купам крема со која што ќе овозможам хидратација на тие делови.


После долго пратење на форумов забележав дека оваа крема е доста фалена па се решив да ја купам. И опасно зажалив. Премногу ми е мрсна, и многу долго и требаше за да се упие. Мирисот исто така малце ми сметаше ама тоа беше најмал проблем. Кремава ми направи гнојни мозолчиња а јас такви освен пред да добијам циклус (па и тогаш ретко) не сум имала никогаш во животов!! И тоа не едно, туку сигурно по 5-6 се појавуваа одеднаш. Прекинав да ја користам. Пред некое време кога ептен залади повторно си реков да ставам со цел да го заштитам лицето, ама повторно иста приказна дури и бетер. Пределот помеѓу веѓите ми беше пополнет со 2 големи болни, гнојни бубуљици и неколку помали, ми се појавија неколку на образите и на брадата. Уште ги лекувам местата.

 

Никогаш повеќе, текстурата на маската сама по себе е океј може да се размачка низ цело лице но мирисот не можам да го поднесам ме печат очите и носот од алкохолот што го содржи. Исто така, не сите делови целосно се сушат и процес е додека ја извадиш цела, а при вадење е посебна хорор приказна бидејќи мислам дека ми го депилира цело лице дури и болно е што не ми се случило со друга маска од ваков тип. Единствено позитивно, е што разладува првите неколку минути кога е ставена на лице. Исто така, барем јас немам приметено некои промени после користење.

 

Потполно се согласувам со тебе.Толку ужасно мириса едвај дочекав да ја извадам.Досега сите маски од Дм ми биле ок ама оваа никогаш повеќе