Производи кои не би ги купиле повторно

И од авон се исти

 

Повеќе производи имам испробано од Орифлејм, помалку од Авон, ама само по неколку квалитетни можам да издвојам.

 

Мене спрејчињата за тело од Авон не ми се допаѓаат,воопшто не се трајни и треба цело да го испрскам за да се осеќа дека имам нешто на мене. Единствено ми се допаѓа тоа со јагода и бела чоколада.

 

Ужас мирис, лепиво, никакво. Остава бело и едвај да го размачкаш.Зимата го купив и едвај го потрошив, дефинитивно големо не. А, инаку амбалаживе од балеа ептен лажат, ама па кјут се.


Маскарава освен што дава интензивна и црна боја што едвај ја ваѓам со многу трзања - не прави ништо. 400 денари дадени за ништо, гарантирам би нашла подобра и со упола цена.

Hydro прајмерот на алверде. Освен што е многу течен и непријатен за нанесување, после нанесување на пудра - се лупи. Иако после нанесувањето на прајмерот, колку и да е течен и воденкаст, тој пак се впива во кожа и ја прави мат. Ама не гледам никаков ефект, со и без него.

 

полош туш немам пробано.

Остава дебела неубава линија која одма се пресликува

 

Порано имам нарачувано многу производи од Орифлејм, од кои добар дел биле неквалитетни, поучена од тоа искуство, не нарачував после ниту од Авон. Се сеќавам еднаш нарачав од Орифлејм чорапчиња за третман на стапала и кога стигнаа беа премали, дури ја стегаа ногата, а демек стандард големина.

 

Последно купив лакчиња од Голден роуз.
Земав од линијата WOW и City Color, се разочарав. Водлести се премногу, на ноктот даваат бледа боја, а не онаа каква што е во шишенцето иако го повторив пет пати. Катастофа, ќе почекам да се стврднат, ако чинат или ќе ги измешам со друг лак.

 

Со тек на време стануваат уште полоши тие city color. Мојот не е ниту пола потрошен а се нанесува нерамномерно, многу лошо изгледа.

 

Можам да се согласам. Маскарата е ужасна и јас ги имав нарачано заедно со маслото за уста беа мислам 350ден. Маслото е прекрасно, а маскарата ужасна дури и сува е внатре.

 

Јас до сега не сум нашла маскара што ми одговара. Или како да не сум ставала, или како панда во очите сум.

 

Никогаш повеќе: Интеса лак за коса,шаума,било кој лак за нокти,скапа маскара не доаѓа во предвид не ме интересирс кој бренд е.. Никогаш Бијонсе парфем,спреј ништо од тоа. Кристина Агилера парфем исто така никогаш,мириса на ракија...

 

Дали си пробала Max factor 2000 calorie ? Jaс исто имав пробано доста маскари но само оваа ми се допадна и често е на акција до 300 денари.

Имам од овој туш само со светки и го користам за акцент понекогаш. Искреноо не е нешто што го препорачувам.

После секое користење косата ми е како не миена Не ја препорачувам.

Пудра катрис мене ми ок и ако има далеку подобри пудри. Кореторот од истата линија катрис камуфлаж течен Не не не. Премногу сув ми е и е неднаков како бекаде да сум ставила некаде не

Истиот шампон исто мислење. Дефинитивно Не.

 

Колку што сум задоволна од кремата за масна кожа на Конопка, толку не сум задоволна од маскава. Всушност, прилично сум сигурна дека ова е најлошата маска што некогаш ја имам пробано. Си ја испокинав цела коса при чешлање. Катастрофа.

 

Пена за коса на Алверде за волумен, јас не сум фан на пени за коса, ама затоа што скоро се ми беше погодено од Алверде ја земав. Буквално никаква разлика не ми прави со косата, добро е што не е барем стандард како другите пени што ја слепува косата и мирисот не е лош. Џабе фрлени 200 денари.

 

Ова е замена за сув шампон и е во форма на пена. Ништо не прави! Откако ќе се нанесе треба да се протрие и потоа со фен да се исуши, што ми одзема многу повеќе време од спрејот. Не остава бели траги, но и нема некоја разлика откако ќе се нанесе. А и многу побрзо се троши отколку спрејот.

 

Мирисот е премногу јак за сув шампон кога ќе ставам осеќам дека цел ден ме прати мирис на нешто кисело.Освен тоа ми ја лепи косата и ми паѓа од него. Дефинитивно се враќам на Батисте бев презадоволна од него.

 

^ Истиот сув шампон го имам и можам да потврдам дека со мирисот можеле мааалку повеќе да внимаваат. Загушлив мирис има и не можев дома со саати да проветрам. А за намената, јас сум задоволна. Се наоѓа кога треба да издржи неколку саати до миењето.

Не знам дали на некој друг му се случило ова со лабелата од Авон, но неколку пати откако ќе нанесев од нив по ден-два устата ми пукаше или беше иритирана на краевите.
Дали сум чувствителна на некоја состојка внатре или беше чиста случајност ова- не сум сигурна.
Но, не би ризикувала повторно да ставам, веќе неколку дена не можам да се оправам, уште на долната уста има пукнатини.

Штета, како за секој ден, дава нежен сјај и боја, малку мирисот не ми се погоди, јас ги имав Butterscotch, Chocolate не ми е пробано уште и не знам дали би се нафатила и воопшто да го пробам.

 

Катастрофа. Никаква покривност. Буквално како ништо да немаш ставено на лицето.

Шампонов ми го уништи скалпот. Го земав бидејќи видов тука дека помага за мрсна коса и навистина, косата додека го користев не ми се мрсеше воопшто, но почна да ми се лупи скалпот и еве веќе можеби година дена не го користам, пробувам шампони против првут, ниеден не ми помага и полна ми е главата со лушпи, а згора на се и мрсната коса си ја носам уште.

 

Можеби не е за тука но на крајот од секое миење измиј се со оцет нека постои и пак измиј се со вода само. Помага многу зс првут, и јас го имам проблемот но мене овој шампон воопшто за мрсење не ми помогна