Промени во образованието

Во интервјуто вели дека се надева дека ќе има собраниска седница на темава каде ќе учествува и таа.

Образование и политика исто... и после главен град на Турција бил Истанбул. Епа Истанбул.

 

Не сум ни СДСМ ниту пак ВМРО.
Сум за реформи во образованието.
Ама прво треба да се создадат "новите" наставници во соработка со факултетите или да има евалуација на истите наставници кој може да предава по новиот образовен систем.
Со семинари или обуки не се спроведуваат вакви измени.

А без тоа,како и досега ќе биде една голем експеримент кој ке биде на товар на нашите деца.

 

Уфф, да видиш само колку беше убедлива, самоуверена и слаткоречива на разно-разни интервјуа пред некој месец кога се фалеше и чукаше во гради за Националната платформа..

Па тоа обуки фрчеа во минута до 12, за 3 дена да поминеш се живо и диво, да се обучиш, ИТ техничари станавме, од младо-па се до старо.

И зошто сето тоа?
За да работиме преку Тимс?

Просто утопија во образованието чиниш прави,а уствари се потрошија 5 мил евра(мислам толку беше) за што???

 

eden neka mi objasni spojakta megju biologija i fizika vo prirodni nauki,??
kako prvo fizikata e brat-sestra na matematikata, samo magisteski i doktorski studii se interdisciplinarni megju fizika i biologija.
da se najdat nekolku lugje na forumov da mi objasnat....................................................
.ne samo eden, se popravam od pogore

 

Ете сега обуките ќе почнеле во март, 3 месеци ќе траеле. Значи нема да биде last minute offer.

 

Кои обуки кога сеуште не е ништо изгласано.

Ниту една релевантна институција не се согласува со овие реформи.
(Факултети, институти, потоа наставници/професори, добар дел на родители, и многу други. )

Со главата во ѕид ли ќе одиме кога немаш ни 10%поддршка од буквално никого?!

 

И самата Царовска не знае да ти објаснат. Прават експериментални глувци и од учениците и од наставниците. Рандом од денес за утре се се работи во нашата државичка. Никаков концепт никаков договор, никој не ги прашал наставниците дали се согласуваат со таквиот концепт. Да треба реформи во образованието но не со укинување и спојување на предмети. Прво треба да се ангажираат да создадат услови за работа во училиштето, кабинети по тие предмети ( физика, хемија, биологија)
Знаете дека 90% од училиштата во внатрешноста немаат нагледни средства за работа? Карти по географија, историја, микроскопи, хемиски материјали и прибори за работа итн,итн....Тука треба да се работи да има ефект пд секоја настава и заинтересираност од страна на учениците ПРАКТИЧНА НАСТАВА,тоа фали во образованието а не интегрирање на предмети. Грујо го почна уништување на образованието со тој Кембриџ сега овие ќе го доуништат....

 

Ја укинаа по две генерации од разбирливи причини, добро знам за што пишувам и потполно исто размислувам за тие експериментални паралелки како опишаново во потцртаниов дел, ама не сум сигурна дали за истите паралелки зборуваме, ама ми делува дека да.

 

Да, но пак не ми одговори ништо конкретно што те прашав. Ниту име ми кажа, ниту какви се тие катастрофални резултати. Биди конкретна. Ако сакаш де.

 

Мене не ми се допаѓа реформата од неколку аспекти.
Прво, треба да се направат поосновни искоренувања како што е Кембриџ и слично.
Друго, би требало да се искоренат и тие многу тешки задачи по математика кои реално се и непотребни и брзо се забораваат. Би требало да се додаде поголем број на изборни.
Само ќе се спојат часовите, кажа министеркава од 6-9то одделение ќе имале пак минимум 5 часа во денот.
Пологички ми е да се сменат книгите него ли правење вакви предмети во еден.
Книгите треба да се сменат сместа.
Условите во училиштата се благо речено катастрофа.
Треба да се воведе некој тест психолошки, а богами и за знаење пред некој да стане професор.
Денес се живо стана професор само треба книшка да имаш, затоа пола младина е неписмена.
Наставникот од 45 минути час, 15 минути касни. Па, каде го има тоа?
Ако сме искрени, реформата е нешто најлесно. Толку има проблеми и дупки кои на крај памет не и се ни на министеркава ни на оние што се на власт.
Лошо е, многу е лошо.

 

Јас се изјаснив по темава, ако сакав да пишам детали ќе пишев ама смеатм дека е надвор од темава. За резултатите какви се катастрофални се истите како што претходно е пишано во потцртаниот дел, може и @Bridget да ја прашаме за таквите негативни разултати, ако сака да каже де.

 

Мислам дека тек ќе има дебати. Секогаш за нови работи има отпор. Ама ако ја истераат до крај реформата, нема да е лошо.

Некои одговори зошто е неипходна реформа има тука, ако некој сака да чита.

https://www.unicef.org/northmacedonia/media/4836/file/OECD study MK EDU.pdf

Имаше едно време две паралелки експериментална настава Пекснас беше кратенката. Две години траеше, потоа не се продолжи и учениците требаше да се преместат во редовна настава, а тоа беше катастрофа. Тие претходно учеа по сосема друга програма, имаа можност за голем избор на предмети, учеа подететално за некои предмети, ама по други многу помалку од редовната настава. Имаше протести, двете генерации завршија, ама реформата баш неславно заврши.

Не знам дали на ова се мислеше, ама ова е еден случај за кој знам.

 

Ќе пишам пак, се почнува од темелот, а не од кровот. Се сеќавам кога бев во основно, вецињата ни беа хорор филм, јас трпев по неколку часа од што ми беше језиво и гад да одам. Имавме чучњевци, не ретко страшно смрдеше, и имаше посебен дел за миење на раце, од времето брат ми кога учел основно па и порано, ужасно изгледаше, беше преладно и живи темници, кога бев втора смена сама никако не сакав да одам таму. Од чешмите висеа некои искинати крпи, језа ме фати сега само што се присетив. Прозорите пола ни беа искршени, подот беше цел излитен и искорнат на места.

Друга работа, брат ми кога учел основно имале кабинети по биологија, хемија и правеле експерименти по тие предмети. Јас бев толку желна да научам и многу сакав да гледам низ микроскоп, во 4 години мислам дека учевме само теорија, немавме никаков практичен дел.

Сметам дека на децата најпрво треба да им се овозможат основни и нормални услови за работа, добри учебници и квалитен кадар а после некои некст левел реформи што според мене добро знаеме зошто баш сега се случуваат...

 

Сите заебанции што ги видов на темава е дека децата немало да знаат кој е Гоце Делчев или зашто славиме 11ти Октомври, а за природниве науки никој не видов да се мајтапи.

 

Прочитав претходно тука дека се направи паралела на програмава со ИБ меѓународната програма. Во Скопје во две училишта се изучува програмава (Браќа Миладиновци и Кирил и Методиј) и за Кирил и Методиј морам да кажам дека е фијаско. Програмата како програма е многу добра, ама реализацијата кај нас е страшна. Бев на презентацијата и бев воодушевена од неа, од идејата, начинот на учење, се, ама.... како можеше да се спроведе таа програма во Кирил и Методиј кога таму се уште немаа/т сала за физичко? А одделните кабинети за кои се збореше? Па и ботаничка градина? ВЦ-њата не сакам да ги споменувам...
Е сега, ако оваа програма е слична со ИБ, супер, ама џабе ќе биде програмата ако реализацијата потфрли. А се си мислам дека ќе биде така. Не сакам да бидам песимист, сакам да дадам шанса... Ќе видиме

 

Ја пак оптимист сум... иако праксата оди против мене со децении

 

Буквално истово го мислам и пишував претходно особено оној дел каде од наставник- ментор, стануваат наставници- советници. Прво треба да имаат соодветна обука и едукација за ова и не мислам брзински и семинарски тип на доедукација колку да се рече се одржало. И јас сум за реформи, ама не избрзано и неплански при што се жалат многу еминентни порфесори дека не се ни консултирани. Ама ако транспарентно се одвива се како што најави министерката и бар овој пат да вработуваат нов кадар според заслужени и стекнати знаења со соодветни дипломи а не по партиски препораки, може да профункционира. Кадар има, само да се вклучи соодветно едуциран на вистинско работно место и да има добар мониторинг и евалуација на се ова и особено да се следи кариерниот развој на секој наставник засебно од соодветни кадри. Не да се пушти во оптек и да се импровизира како во претходниот обид што го спомнав.

 

Се' што треба да научат наставниците, е тимска работа
А не секој-за себе.

 

Сакав, доколку некој има искуство од прва рака со ИБ програмата во „Браќа Миладиновци„ да сподели искуство. Имам познаници кои се преселија во Аеродром само за нивното дете да го посетува училиштево и првично беа многу задоволни. Одамна не сме се виделе, па не знам дали се уште се.
За „Кирил и Методиј„ веќе споделив дека е неуспешна имплементацијата на програмата, меѓутоа доколку во „Браќа Миладиновци„ е поинаку, убаво би било да се прочита искуство. Особено што новава програма ја поврзуваат со ИБ.

 

Читам дека некој пиша мислењата не биле релевантни во темава зошто биле исполитизирани.
Еве дури и откако објаснија подетално како ќе е пак си стојам на истото. Иако искрено и не ме засега лично моментално ситуацијава, завршува и брат ми основно, немам ниту вработен близок во основно што предава тоа, ниту брзо ќе имам деца, буквално ништо, ни па сум политички настроена.

Но, бев прва генерација деветолетка и ние мислам први имавме природни науки воведен предмет. Имам неубаво искуство со тој предмет. Ни предаваше професорка математика, мислам беше хаос цел материјал и се. Имав 5ка по предметот, но дома барав многу да ми дообјаснуваат работи зошто се беше споено и испомешано, не ми беше доволно тоа од книгата, оставаше многу прашања од биологија и хемија на пример. Професорката реков беше по математика и не учела факс за биологија и хемија, туку си беше стручна за математика и колку и да се трудеше немаше пак одговор на многу прашања како што би имал професор биологија или хемија, што со години си ја учи само таа наука. Наставничката ни рече се ќе ви е појасно од 7мо натака кога ќе си ги учите сите овие предмети посебно, вака знам дека е тешко, но тоа е деца, така е програмата, жал ми е. Во 6то па професорка природни науки ми беше по хемија и тогаш веќе почнавме да сфаќаме подобро, но за делот хемија. Пак за биологија ни фалеше наставник биологија.

Каша попара е кога се мешаат така предмети.
Нека си има македонски, англиски, математика, биологија, хемија, историја, географија, информатика, ликовно, музичко и физичко во основно. И уште еден странски јазик секако ете, нека е изборен тој наместо тие глупости што ги биравме во основно. Се друго нека исфрлат и таман ќе си е. Место иновации, техничко, етика, граѓанско и не знам какви не изборни за религии имаше и беспотребно не замараа за тоа, нека се фокусираат само на овие предмети и готово.

Во средно да се прават реформи сум за, поготово за стручните.
Во гимназија си е океј, таму треба да е опфатено се.
Затоа што ако имаш добра основа од основно, во средно стручно особено треба фокус да си има на битните стручни предмети што во иднина се битни за работа за тој смер што е избран, да има повеќе пракса и да има ете да речеме во средно медицинско биологија и хемија општо 4 години задолжително, значи општи предмети, но битни за струката. Затоа што јас кога завршив пред година ипол само 2 години беше задолжително хемија и биологија, исто толку беа и историја и математика. Мислам дека ќе беше подобро да имаме 3 часа неделно хемија, 3 биологија отколку да учевме историја во средно медицина.
Е тука си требаат реформи. Не во основно кога децата треба да добијат основа и кога сите учиме исто.