Проодност на јајцеводи (HSG)

Јас прашував во државна алерго - тест на пеницилин, меѓутоа тоа бил долг протокол од 2-3 недели, каде првата недела ми земаат крв, и проверуваат реакција со антибиотикот (поточно амоксиклав и оспен, пошто јас на тоа имам реакција, само што никогаш не сум правела алерго).
Втората недела проверуваат реакција на кожата со грепкање.
Ако ни едното, ни другото не јави реакција; третата недела те хоспитализираат, и секој ден примаш од антибиотикот, под постојан надзор, за да се утврди реакција.
Работата е што не објаснуваат добро. Ако станува збор за толовски, тие не сакаат да преземат ризик (пошто си јавила алергија на пеницилин), да не се направи алергиска реакција на контрастот, бидејќи немаат соодветен лекар - анестезиолог.
Затоа, или направи си хсг на ГАК во државна, или во систина; или земи примерок од контрастот во толовски, напрај алерго, за да правиш хсг во толовски.

 

Колку плативте за испитување на контрастот од Толовски во Систина и дали веднаш ги добивте резултатите?
Ви благодарам за насоките кои ми ги дадовте.

 

Мила, јас не направив алерго на контрастот, се одлучив да правам хсг во систина.
Ама можеш да земеш упат од општ матичен, за алерго тест на контрастот.

 

Погрешно ве разбрав на почетокот, се извинувам. Тогаш подобро да закажам во Систина, па доколку се појави некоја несакана реакција на контрастот, се надевам имаат соодветен лекар за навремено реагирање...
Со Божја помош, ви посакувам што побрзо да дојдете до посакуваната цел.

 

Со лесно мила, се ќе биде како што треба

 

Закажав да, ама ова беше со грепкање и таму бев мислам 2 саата чекав за да видат реакција дали ќе има. Е сега можеш и кај нив ХСГ да си правиш, прашај ги за испитувањево, за да не носиш од кај толовски од течноста, дирекно од кај нив.

 

Ви благодарам❤️

 

Јас имам испитувано на ист начин за состојки на анестезијата кај нив, претходната година, пред да ме прават операција. Затоа се изненадив кога вчера рекоа дека пеницилин не испитуваат овде туку праќаат во Турција. Ќе се јавам пак во понеделник.
Ви благодарам.

 

Страшно се изнервирав, Систина ми откажаа апаратот им се сервисирал а 9ти ден од циклус, морав одма да вртам во Толовски да барам термин, среќа ми закажаа.. Како сте задоволни од таму? Ве читам повеќето таму одите но да препрашам, рекоа гинеколог они викаат некој Златановски мислам ми кажаа..

 

Јас бев кај Толовски, задоволна сум, не знам кој беше гинекологот, и др. Блажен ми правеа хсг, многу се фини, се објаснуваат, кога ќе штипнело, контрастот кога, се.
Инаку мене не ме болеше, осетив само штипкање малце, не ни крварев.
Се напив Дијазепам пред хсг, ми кажаа немало потреба, ќе ти препишат и антибиотик 5 дена да пиеш.

 

Фала ти многу на одговорот, се надевам ќе пројде се океј и кај мене

 

Јас веќе неколку дена чекам да потврдат дека е пуштен во употреба. Два пати на ден се јавувам во Систина, со цел да не го испуштам овој циклус.
Претходно бев решена да закажам во Толовски, но во Систина ми потврдија дека контрастот не содржел пеницилин и моментално ми се единствена опција.
Доколку не успеам да се снимам таму, ќе направам алерго тест и следниот циклус најверојатно би испитувала кај Толовски.
Имаат далеку повеќе препораки од Систина низ форумот и цената е дупло пониска.

 

Многу некоректно од нивна страна, минатата недела закажав никој не ми спомна дека им е апаратот на сервис, денес на ден на закажано им текнува да кажат, верувам сите што поминуваме низ некој ваков предизвик сето ова ни малку не ни е сеедно па уште вакви одложувања.. и така сум цела во паника и страв како ќе поминам па уште вакви глупости

 

Потполно се согласувам.
Страв е присутен кај сите нас. Помолете се и земете некој седатив за смирување.
Јас во животот немам користено дијазепам од 5мг, но пред овој зафат планирам. Се надевам дека помага да се опушти мускулатурата, бидејќи јас и на обични прегледи сум напната.
На крајот сѐ ќе биде добро.
Со лесно

 

И јас сум против Дијазепам, ама тогаш морав, и пред да влезам ми се замати хаха, кога влегов од страв се расонив, и не ме болеше, ништо страшно не беше.
За во Систина прв пат слушам дека не содржел пеницилин, и јас не бев сигурна дали сум алергична, не направив алерго тест, ама амоксиклав содржат пеницилин и имам пиено, па така отидов.

 

Јас им реков дека не знам дали сум алергична и ми рекоа дека нема во контрастот. Искрено, се изненадив и повторно прашав. Се надевам не е недоразбирање, но и ако е така, многу побезбедна сум таму, отколку во Толовски, од причина што имаат цел тим на доктори. На толку читање, размислување и стресирање, само сакам што побрзо да завршам со таа процедура.

 

И јас не бев сигурна дали сум алергична, ама прочитав дека амоксиклав содржат пеницилин, Ако си пиела не би требало да си алергична, ама секако ти си знаеш, ако ти е страв направи си алерго тест. На секого ни е страв, јас за вакви работи што сум плашлива отидов без да направам.

 

Помина, за среќа не осетив ни штипкање ни болка само како некој притисок долу.. Многу кратко траеше процедурата, и двајцата доктори беа пријатни, јас мислам бев пребледена од страв хаха Испив два Б6 и кафетин менструал пред тоа за секој случај..

 

Јас правев кај Толовски и премногу се фини. Беше еден постар др. Гинеколог.
Постапката е кратка само треба да бидеш смирена да не се грчиш, јас почуствував само слаба менструална болка и тоа на кратко. Никакво апче не се напив пред процедурата.
Ти посакувам среќа

 

Повеќе мене ми беше скокоткање отколку штипкање. Ете помина.