Прослава на 1-от роденден во време на Ковид 19

На 01.06. здравје Боже синко полни една година.
Ситуацијата со вирусот е таква каква што е, и искрено ми одговара, кога станува збор за бебе, роденден и т.н.
Таков тип на личност сум, што сакам само со најблиските да се одбележат нештата.
За роденденот од синко ќе бидат поканети 10 гости, поделени во 3 групи.
Дома, планираме балони, торта и сервирани неколку овални со мезе, месо, салати.
Најмногу на што се радувам е фотосесија од нас тројца.
Се надевам на убаво време и дека ќе испадне се по планот.
Што мислите вие мајки? Кои се вашите размислувања и ставови на оваа тема?

 

Моите близначиња славеа прв роденден во октомври.
Кај нас во двор, само моите и на мм. Никој друг. Сосема доволно.
Тогаш ситуацијата беше далеку подобра од сега.
Во овие услови, јас не би организирала ништо што вклучува гости. Сепак, секој си знае.

 

Нас 4 гости нема да ни дојдат. Сега бројката ќе биде 6 во две групи.
И, погоре напишав дека роденденот ќе е дома, но не се доискажав. Во дворот ќе славиме.
Само да не послужи времето.

 

И ние правевме фотосесија во парк за прв роденден и многу, многу убаво си поминавме.
Дома беа само баба му, чичко му еден ден и другуот ден вујко му и вујна му.
Имавме балони, торта, слатка маса... Многу убаво си поминавме
Следен ден со кола свртевме да однесеме торта до пред зграда/куќа на старосватицата, кумовите и кумашините. Го видоа кратко пред зграда и си доби поклони.

 

Браво! Паметно сте направиле.

 

Пишував во една тема ама ајде ќе пишам и тука. Првиот роденден е за 20 дена Ќе дојдат моите и неговите. Јас искрено периодов сум преплашена и немам контакт со никој, но моите прележаа и се сомневам дека свеки исто прележа, па само затоа ќе ги спојам. Инаку, ќе го прославевме само ние тројца. Ќе украсиме дома, роденденска торта и smach cake, ќе ангажирам кетеринг за храна и тоа е тоа. Ќе се сликаме дома.

 

И кај нас постои опција, само ние тројца, ако не се намали бројот на заразени. Бидејќи, никогаш не може да бидеме сигурни од каде и кого вирусот може да се закачи?
Минатата година кога се породив, полицискиот час почнуваше во 16 часот.
До јуни може сешто да се случи.
Но, наше како родители е да планираме, како тој прв роденден да го направиме убав (иако нема да памтат ништо), а сепак безбеден за бебе.

 

Славевме прв роденден во Август минатата година. Иако тоа време, овде се славеа детски родендени во кафулињата во парк, и иако состојбата беше далеку подобра од сега, сепак моментот на глобална пандемија ми беше одлучувачки да не славам со луѓе. Средив се како за гости, декорирав, нарачав торта, ама славевме само ние тројца, јас маж и бебла. Вечерта кратко наминаа свекор ми и свекрва ми, само и само оти со нив се гледавме и поради бебла беа екстра внимателни, а и ситуацијата беше далеку полабава од сега. Пријатели ни пратија подароци кој по курир, кој донесе до врата.

Во ваква ситуација ни на крај памет не би ми паднало било кој да поканам. Овој Август како ми стои, пак ќе си бидеме само ние.
Мене ми е битно да сме само здрави и живи и сите на број, па здравје ќе славиме понатака како сакаме.

 

Прв роденден е роденден кој славеникот нема ни да го осети како некој значаен ден ни да се сеќава на него, па во услови на вакви бројки на заболени, не би славела со гости, ни со еден гостин воопшто. Ем стрес за детето кое цела година не видело никого, наеднаш толку луѓе, ем непотребно изложување на ризик. Моите се поголеми и разбираат па и лани и годинава, здравје и живот, родендени само со нас петмина дома, а баба дедо ќе честитаат преку видео повик.

 

Уф. Се согласувам со многу работи, погоре напишани.
На крајот на краиштата ако остане вака како што е само ние тројца ќе си прославиме.
Најважно е здравјето на синко.

 

Ако се гледате со бабите и дедовците со нив во две групи да не ги мешате можете слободно.
Ако се гледам со нив зашто да не дојдат на роденденот на внучето.

 

Ние се гледаме и со моите и со родителите од мм.
Но, сепак стравот постои. Бидејќи, никогаш не се знае со кого може да дојдат во контакт?
Еве мене вчера што ми се случи.
Влегов во маркет и налетав на личност што пред неколку дена излезе од болница. Коските ми се стресоа. Здраво, здраво и да ме нема.
Пред автомобилот му велам на мм дај средство за дезинфекција. Ја фрлив и маската и повторно средство за дезинфекција.
Седнав назад до синко.
На мм ништо не му кажав.
Господ сите да не доварди. Ќе влезеш леб да купиш и триста чуда може да не снајдат.

 

Па тој човек е прележан и негативен сигурно што толку страв не си прави стрес нема лепроза

 

Да,прележан. А, така може и некој да е со симптоми,а да се шета.
Бидејќи, има многу луѓе што знаат дека се заразени, дека треба да се во изолација. Да се почитуваат правилата.
Малку од малку нешто да научевме за една година од пандемијава, немаше сега да го правиме овој муабет.
Туку, ќе уживавме во подготовките за првите родендени од бебушите.

 

Па не излегувај воопшто тогаш, извини ама понекогаш навистина се претерува. Самите стрес безпотреба си правите.

 

Страшно. Свест, воопшто да се нема.

 

Мајки,би ве замолила за рецепт, за торта.
Бидејќи, белката ќе ја воведам 12+, вообичаено ставаат цело јајце па ми треба помош.
Ако може, мајки да споделат искуство што го прославиле првиот роденден?

 

И децава во градинка што се во изолација ради учителка.
Никој не седи дома. 3 ги имам во зграда , еден татко како го подбрав. Кажал на мајките , здраво не викаат. Гуски. Не можеле дома детето да го доседат, една недела. А решенија немаат. И ова сега, да го пријавам? Немаат решение , нема доказ.
Детето си го носат на фудбал, на лулашки , а битно боловање земале ради дете во изолација .
Многу сум бесна значи.