Мислам дека сите знаеме дека за да се заштитат растенијата земјоделците ги прскаат со најразлични хемикалии. Како вие се заштитувате од тие хемикалии одкако ќе купите овошје или зеленчук кои што се веќе прскани? Што мислите за прскањето на храната со хемикалии?
Ќе ставиш вода во подлабок сад, ќе раствориш во неа лажица, лажица и пол сода бикарбона и во неа ќе ги ставиш зеленчукот или овошјето да постојат 15 минути, потоа убаво ќе ги измиеш. Истото може да го направиш со алкохолен оцет, или пак со 3% хидроген. Секако дека после убаво ги миеш зарзаватите. Јас ова го немам пробано со листест зеленчук, ама за тие зеленчуци (спанаќ, блитва, марула, рукола...) може да ги ставиш со сад со вода и лимонов сок.
Вчера излезе статија во еден весник, дека на пазарот во Хрватска се наоѓаат лимони со потекло од Турција, третирани со опасен фунгицид без да биде означено на декларацијата. Исто така низ некои маркети се наоѓало и лимон по потекло од Шпанија третиран со имазилил, еден од најопасните пестициди. Што под автоматизам значи дека ако ги има во Хрватска ги има и кај нас. Мене ми се нема случено кога купувам лимони или мандарини да има декларација која го кажува потеклото и начинот на третирање на производот, ниту пак дека кората не е за конзумација. Имазилилот навлегувал директно преку лушпата во самата внатрешност, и кај малите деца и бебињата предизвикува проблеми во средниот нервен систем, а кај возрасните се одразува лошо на репродуктивните органи. А само што се израдував оти малиот пие сок од лимон.
Најдобро е овошјето и зеленчукот да се измијат со вода и сода-бикарбона, да постои некое време, па потоа да се измие стандардно. Посебно имам забележано дека портокалите често се лепат на прсти, што значи дека премногу се хемиски третирани.
