Пудра во прав/камена пудра

Камена пудра што ја користам последниве 2 месеца е таа на MAC Blot powder. Пудрата е со слаба покривност , но одлично матира , ја носам секојдневно над бб крема/ течна пудра и не светнувам се додека ја извадам шминката. Нијансата ја утнав , мојата е Medium , друг пат ќе ја земам Medium dark. Во продавницата кога ја пробував ми изгледаше баш како мојот тен , но ете
Дава природен изгледа на лицето , далеку по природен од studio fix камената пудра. Исто така , како и течната , ја препорачувам и оваа за тие со комбинирана-мрсна кожа

 

Каде е 250?
Јас ја купувам околу 330 во ДМ. Еднаш ја имам начекано во Веро 260 денари и дури се вратив да купам уште една, заврши акцијата.

 

Супер, ќе проверам деновиве. Не дека ми треба, ама не е на одмет да земам особено кога има ваква цена.
Многу ретко се задржувам на штандот на Римел во ДМ, затоа и не сум приметила.
Фала ти.

 

@sorbet, проверив вчера во ДМ, пудрите уште се со таа некоја слична цена.
Камената Стеј мат и онаа Инста фикс, за други не погледнав. Си ја купив Инста фикс, па ако е добра океј, ако не...веќе не експериментирам со камени пудри.
Инаку цената е 279, ептен ја намалиле. Мислам дека не е на акција никоја од пудрите на Римел.

Инаку вака од подолга употреба, банана пудрата на MUR воопшто не ми се погоди.
Лицето ми изгледа како кора од портокал кога ставам од неа, само за под очи ја бидува, ама вака нема шанси да ја искористам во период од неколку години...
Не е за мене очигледно, си се враќам на старите пудри кои досега сум ги користела.

За разлика од неа, банана пудрата на Есенс ми беше одлична. Не ми одговараат мене продукти за фиксирање во прав, па во иднина ќе ги избегнувам.

 

001 ја имам јас и многу е светла, неутрална сум и не ми се допаѓа како ми стои нешто со розев подтон.

Со таков подтон патем, е само 002 мислам, другите сите се жолти.

 

И јас не сум задоволна од пудрите во прав на Алверде. Воопшто не ми ја матираат Т-зоната, а се собираат како ситна песок на површината на кожата, не можам да опишам поточно како изгледа, ама грдо е.

Јас сум задоволна од камените пудри на Римел, ама немаат некој избор за потемен или потопол тен.
Ако ти е само за фиксирање на Т-зоната, погледни ја новата Insta-fix. Транслусентна е и мислам дека ќе ти се допадне, многу е нежна а одлично матира и не го прави лицето бело.
Погледни некој тестер во ДМ, па ако не ти се допадне ќе предлагаме некоја друга.