Работа во Швајцарија

Да, да. Дури и некој без образование ќе те упати подобро неголи нашиве испозанесени. Затоа подобра е секогаш дружбата со странци отколку македонци.

 

Ма какво образование.
Не гледајте кој какво образование има, туку гледајте кој како се снашол. Има многу роми без образование шо многу подобро се снашле од нашиве со образование.

 

Еве на форумов ја имаме @dunika , жената ја знаеме само како форумски лик кој живее во Швајцарија.

Дуниче, ај шкртни на темава дали имаш било какво инфо во врска со работа во болница у Швицарска, @Selena01 го почна муабетот , но за жал на фемина нема од таа бранша , плус нема форумџики кои се иселени таму, само ти си за сега.


Лично јас немам никаква поврзаност со медицина, никогаш не ме интересирало, скроз друг сектор сум, затоа не можам да дадам инфо.

 

@Herrera самата работам во здравство
Учев овде две год,моментално сум AGS(Assistentin Gesunheit und Soziales),по наше болничар.
Јас влегов во ова без искуство,ми беше тежок но и предизвикувачки чекор и сум среќна,сега веќе 3 год сум баш уходана.
Од август продолжувам со школо здравје Боже.

Дипломите на медицински сестри со средно како и со диплома(струдии)од Мк се признаени,треба само нострификација,истата се прави преку Црвен Крст во Швајцарија,за комплексноста и времетраењето на процедурата не би можела да кажам,но можам да се информирам па да споделам.
За лекари треба Ц1 јазик,за сестри Б2,сертифицирано со потврда секако.

Ако некому требаат подетални и конкретни информации и насоки,слободно нека ме контактира по порака.

Околу работата.Многу фактори се во прашање за тоа дали ке е човек задолен.Условите варираат од кантон до кантон,јас ке кажам за Цирих.
Има многу различни институции каде би се работело,амбулати,клиники,центри за нега и рехабилитација(јас),домови за стари лица,резиденции за сениори,Spiteх(домашна нега) итн.
Има различни модели на вработување,со договор за стално,проценти(10-100%) флексибилно и адаптирано за мајки,во болниците има и градинки(јасли) итн.
Сменска работа е тоа е јасно,но тимовите се поделени на ноќни и денски,значи ако се одлучите за денска работа,не сте обврзани на ноќни смени,сосем различен договор е.
Викенд и после 20:00 има додатоци,платите се солидни.
Работата се знае,не е баш најлесна,имаат многу високи критериуми и квалитет,но условите се супер.

По групи по ФБ македонски не пишувајте,одма има недолични и плитки коментари,ретко вистински одговор.

 

@dunika , фала од срце за одвоеното време и информациите, баш коректно од твоја страна.

Се надевам @Selena01 ќе си донесе одлука каде сака да се сели , Германија или Швајцарија.

Битно да знае дека еве тука на фемина форум не сме злобни ние што жиееме во странство, оти ептен лошо звучи ко ќе слушаш муабети од наши од Македонија каде се жалат како тоа дијаспорците сме заминале па не сме сакале да помогнеме на оние кои останале во Македонија

Не е така, не сме сите исти.

 

Доцнам една година до одговорот, ама можеби ќе се најде на некој што сака да живее и работи во Швајцарија.

Linkedin профил за професионалци е доста важен, јас мојата работа ја најдов преку Linkedin и тие ми беа гарант за добивање на работна виза.

Најголем предизвик нам нимсе покажа наоѓањето на стан, бидејќи во тој момент само јас работев, а не и маж ми. Но имавме среќа една жена од милион агенции за недвижности, се погоди Македонка и буквално коментарот на жената беше “верувам дека и маж ти за кратко ќе најде работа” и ни го прати договорот за станот уште непреселени во Швајцарија (секако плативме квалитетен депозит од 3 месечни кирии за станот).
Инаку ние доцна откривме, ама за земање стан под кирија, не секогаш мора да имаш илјадници франаци пари за депозит, другата опција е Swisscaution: Плаќаш годишно од 100 - 250 франаци ви зависност од квадратурата на станот и цената, наместо илјадници франаци кои барем за почеток доста би ти го олесниле животот во Швајцарија.

Здравственото осигурување во Швајцарија ти е многу важно, имаш рок од три месеци од денот на влез во државата да избереш основно здравствено осигурување.
Тоа е задолжително и цената на осигурувањето варира во зависност од кантонот, општината и висината на франшизата и основниот модел во главно можеш да го промениш секоја година.
Доброто е што кај дел од осигурителните компании покрај стандардните јазици има и Англиски (Helsana,Swica,Sanitas…), па наш избор беше Helsana.

Покрај основното имаш и дополнително здравствено осигурување кор не е задолжително.

Што се однесува до административните работи, барем во Базел и Базел Ланд кантоните можеш да се разбереш на англиски и вработените се доста експедитивни.
Продолжувањето на работната дозвола беше само со праќање на мојот договор на емаил и тие ми ја оратија новата работна дозвола по пошта.

Што се однесува до телефонските опреатори, Swiss дефинитивно имаат најдобра мрежа, но ние отпочеток сме со Sunrise - комуникацијата со нив е исто на англиски.

За банка, ние сме во UBS, комуникацијата исто ни е на англиски и најбрзо беше да се отвори сметка, a twint ќе ти стане најдобар пријател овде.

За барање на станови homegate.ch / Flatfox.ch/ comparis.ch (компарис е добар за споредба за се)

За купување на мебел со најпристапни цени: IKEA, CONFORAMA и FB Marketplace

Што се однесува до данокот на доход, за лица со L или В работна Виза данокот се одзема директно од платата. Истиот е прогресивен и варира од кантоните и местото на живеење. За лица со работна виза C или швајцарски државјани, данокот се плаќа еднаш годишно (до крај на Март) потребно е за тоа да имаш сметководител

Што се однесува до јазикот, јас учам Германски бидејќи сакав да го научам јазикот барем за официјална комуникација. Сепак Германскиот од книгите и германскиот во Швајцарија се два различни светови.

Макар да од мое досегашно искуство, во 80% од случаевите секогаш може да се разбереш на Англиски и/или Српски, ако тоа не е случај A2 гррмански и ChatGPT помагаат доста.

Друго што морам да додадам, не е се така лошо моето искуство со македонците па и швајцарците е доста позитивно, барем во околината во која што сум јас.

Јас имав многу среќа бидејќи сестра ми беше тука пред мене (нецели 2 месеци ), но сепак ми помогна доста со кое прво треба да се направи.

Најтешкиот дел вообичаено е да се излезе од маѓепсаниот круг:
-> за да имаш работа ти треба виза -> за да за да добиеш виза ти треба стан и работа -> за стан ти треба работа.

Штом го добиеш едното, најчесто работа, другите лесно ќе се најдат.

Знам дека темава е за наоѓање на работа, но се надевам дека оваа информација ќе се најде на некој што има работа и треба да се снаоѓа во Швајцарија.


linkedin, jobs.ch, jobsbasel.ch, hayes.ch и агенции за привремени вработувања.

 

Директно со наш мк пасош отиде таму ?

 

Да

 

Не најдов друга тема за да пишам, па морав тука. Ме интересира дали е океј Басел за шетање на 2-3 дена и дали повратна за Интерлакен е 50евра отприлика од Басел или тие се цени за еден правец?

 

Имаш на интернет карти и да ги видиш термините и да си резервираш...
Цената е од кај 47 евра до 70+ во еден правец

Базел мене ми е баш убав, нема да згрешиш ако го посетиш

 

Уште едно нешто ме интересира, дали си приморана одреден период исклучиво да работиш за фирмата која ти гарантирала за виза ? Дали може во меѓувреме без проблем да смениш работа ?

 

Здраво, не најдов друга тема па морав да се обратам овде. Дали знаете некој од шофериве кој што вози Швајцарија (конкретно Берн) до Скопје за праќање на лични работи, за оваа недела мие потребно?