Не разгледав баш најдобро, ама колку што видов нема ваква тема. Би сакал најпрво да споделам мое искуство. Работам во една фабрика околу пет, шест месеци. Не е баш тешка работата од аспект на тоа што не се работи со штетни материјали (хемикалии и сл.). Но, она што можам да кажам дека нема никаков ред од аспект на ред и дисциплина. Значи, онај кој гледа да сработи секогаш тој го извлекува подебелиот крај. Од друга страна, саботи се работат 10 месеци во годината, а за саботите (кога е некој празник има опција дали ќе одиш или не, ако одиш +900 денари на плата),а во саботите кога не е државен или верски празник (кога е задолжително) работат едни и исти луѓе (тогаш кога не е празник е задолжително, а сепак доаѓаат само 25-30 души). Што значи за сабота не може да им се зема од годишниот одмор, а една сабота да не дојде некој кој обично доаѓал ќе го масираат зошто не дошол. Друго, познавам жена (млада, атрактивна) што буквално кога сака доаѓа-кога не сака не доаѓа едноставно. Што во просек за 6 месеци (буквално не претерувам 90 дена од вкупно 180 не доаѓа). Во ред, сигурно некој од повисоките хиерархиски шефови користи најверојатно од таа убавина), но што е многу - многу е. А, основицата е законски минималец. Прекувремената работа се плаќа, но многу мизерно е платена, колеги од претходно работно место (кое не беше во фабрика) имам и многу добро се согласѕвам со нив. Друго, кога машини се расипуваат сите работници од таа линија се виновни, иако немаат никаква вина. Би сакал да напуштам, но моментално ништо подобро не ми доаѓа на памет. Какви се вашите искуства би сакал да слушнам?
Зависи во која фабрика работиш и каде понатака би сакал да работиш. Работниците во производство и сметаат за роботи, зависи и како ќе се поставиш на почеток, ако знаеш дека си вреден работник и ќе си се побуниш. Тоа што пд 30 саботи само 1 нема да ја одиш е работи тоа што не се научени ти да ги одбиваш да работиш те имаат научено дека ти знаеш да работиш и дека работата ќе биде завршена, сигурно во сабота нема да го викнат тој што нераоти или дошол за забава и време да му пројде.
Јас немам искуство од работа во фабрика, но со прекувремена работа и тоа како. Дури си млад немаш проблем и да дадеш повеќе од себе очекувајќи дека трудот ќе ти биде валидиран и награден. Едно ќе ти кажам, НИКОГАШ, ама никогаш не го очекувајте ова, тука ретко се случува. Вреднувајте си го трудот сами и БАРАЈТЕ да ви биде платен. Годините ќе си поминат а вие ќе чекате подобар ден со секакви болки начукани од стресови. Ако гледаш дека нема ред и не ти се допаѓа, работи но барај нешто подобро во меѓувреме. Не се плашете да менувате работи, има фирми кои работат согласно законите и плаќаат добро, искуството и трудот се исплаќа, но нема да ви тропне на врата, ако ме разбирате. И не се замарај да мериш кој колку работи или не работи, гледај твоето да е платено. Во врска со ова што си го напишал само ова ќе го ставам овде: https://dit.gov.mk/?page_id=202 Според Законот за работни односи, прекувремената работа може да трае најмногу 8 часа во текот на една недела и најмногу 190 часа годишно, секогаш мора да биде евидентирана и платена согласно законските прописи.
имам работено во фабрика на производство и покрај тоа што тие прекувремени часови се платени (вклучувајќи ги и саботите бидејќи и тие ни се броени како прекумерни) доколку се надмине бројот на одработени прекувреми 190 часови работникот на крајот од годината добива и "13та плата" така знам дека се вика и изнесува колку минималната плата. и кај нас беше речиси така и тоа е кому не му се свиѓа можеше слободно да си замине. Ама исто така зависи и во која фабрика работиш зашто како што знам не е во сите така
13та плата или попозната како К-15 е регрес за годишен одмор, работодавците се обврзани да ја исплаќаат и нема врска со прекувремената работа.
За летен распуст бев во фабрика за храна 2 дена и си ја летнав, како роб се чуствував те гледаат без емпатија без чуства. Навечер пред одење па и подгоно го бришеш мрзе ги да платат чистачка па ги терат вработените да рибат по 2 3 саата... Ужас а платите катастрофа за таа норма. Поарно оди на курс или образувај се нешто за попедантна и поценета работа се надевам дека си во млади години.
не е исто 13та плата и к-15 сестра ми к-15 зема лани јули месец а декември крајот веќе и 13та плата. Ама не се добројуваа саботите кои ги одработи. Буквално по 3 саботи месечно работеше во текот на цела година.
Работам во фабрика и освен што во денот ми умираат по милиони мозочни клетки од глупи муабети, друго е се тамам. Да не претерам ама можда е една од најдобрите фирми кај нас. Платени саботи ако се работни, к15 и 13та плата обавезно. Ретко кој си заминува, редовно не мотивираат со напредување на плата и сите имаме мотив да биде сработено како што треба.
Секоја фирма различно ги "толкува", најчесто им се кажува за к-15 дека е 13 плата на работниците, ама ова дека им ја исплаќаат за прекувремена работа првпат слушам, посебно што 13 та плата правно не постои освен како дополнителен приход на кој се исплаќа само персонален данок. Законот е јасен и веќе го цитирав погоре, можеби ви исплаќаат некој бонус плус, но не е и не може да биде за прекувремена работа, за која часовите се исплаќаат со редовната плата уредно евидентирани и пријавени со секоја месечна пресметка за плата во УЈП и не може да биде повеќе од 190 часа годишно. Разбирам зошто не се пријавуваат неправилности кај фирмите и газдите, иако сме сведоци на безброј кршења на работнички права, НО и непријавувањето и молчењето е избор и соучесништво во овозможувањето на истото.
Јас од тебе прв пат слушам дека исто ги толкувале к15 и 13та плата. Кај нас една фабрика ги исплаќа и двете. За к15 сите знаеме дека законски мора да се даде, а ова не. Ако знае некој повише нека пише
К-15 треба да земе секој вработен, а 13та плата е друго. 13та плата фирмите треба да им исплатат на оние вработени кои ќе го надминат дозволениот број на прекувремени работни часови на годишно ниво. Ама за жал ретко која фирма исплаќа. Треба да тужиш за да добиеш.
Формално нема задолжителна 13-та плата. Фирмите задолжително мора да исплатат бонус за прекувремена работа. Е сега пошто фирмите на вработените тоа им го објаснуваат како 13-та плата, затоа така сите го знаат.
Бидејќи бонусот е во висина од една просечна плата, затоа и се вика 13-та плата. Ама тој бонус, воопшто не може да се изедначува со К-15.
Имам работено во "саглам" фабрика, во администрација. Платен превоз, платен оброк во кантина, редовна плата, се што е сработено прекувремено се плаќа, празници и викенд не сум работела и не можам да кажам како се плаќало. Е сега знаеме каде се лоцирани фабриките, нема шетање за пауза по бутици, нема кафич негде да седнеш, цело време си во круг на фабрика. Од аспект на работата може доста да се учи и напредува.
Постои бонус за над 150 часа прекувремена работа, дозволениот број часови е 190 годишно, сѐ над е кршење на законот. @forumce пишав толкуваат, но поентата ми беше секакви приказни им кажуваат на работниците, пак ќе кажам 13та плата во никој закон или пропис не постои како исплата.
Се мешаат работи. Има редовна плата, има регрес од минимум 11200 и кусур нето сега е моментално, има бонус за прекувремена работа во износ од една просечна плата и плус на сето тоа има 13-та плата која може да ја исплати работодавачот. Може е клучен збор, пошто не мора.
Проблем е што е демек "задолжително", а тогаш ние што сме "најбудали" одиме, некои воопшто не одат, па никому ништо. Разбирливо е да е објективна причина, ама ич да не се појавуваат 100-тина луѓе, а некои од тие 30 едвај што одат еднаш да не дојди ќе слушаат коментари. Не е воспоставен добар систем на дисциплина, секој си прави што сака.
Па не дека е задолжително да работиш прекувремено ако договорот ти е на 40 часа, ама те уценуваат и кратат бонуси или плата. Барем кај нас е вака. Инаку, 13та плата се исплаќа на оние кои работеле најмалку 150 часа прекувремено во тековната година (сабота, недела или било кој друг ден). Нормално, ако е соодветно платено. К15 зема секој работник што работел најмалку 6 месеци во тековната година кај ист работодавач.