Совети мои ви се да прифаќате само со верифицирана исплата. Така платформата ве штити. И гледајте ривјус од претходни клиенти. Ако има лоши коментари не прифаќајте.
Е да то е многу битно! @lavinija28 , како шо рече Мила, задолжително да гледаш на огласот дали огласувачот е верифициран, т.е плаќањето или не. Payment verified. И исто се гледа колку има оставено пари на платформата од претходни работи, дали сумата што ја нуди е логична. И дали комуникацијата ја остава на Апворк или ја пренасочува. Ако ја пренасочува на друга платформа, батали. Пример имаше еден, даваше пари големи за мало проектче, неверифицирано плаќање и као демек на друг сајт да се допишува кој е заинтересиран. Одма одминуваш.
Тоа автоматски ти е без пари работа плус апворк може да те банира. Е ретко се случува да се јака фирма која плаќа надвор од апворк. Ама бираат само со јаки профили.
Сакам да прашам, направив профил на Upwork и следно треба да отворам сметка преку Payoneer или треба прво да склопам некоја зделка, па тогаш? Однапред благодарам на одговорите
Прво фати нешто, па отпосле ќе отвориш. Ако заработиш пари, ќе ти стојат на профилот и да немаш сѐ уште сметка. А јас сакам да прашам, дали почнување нов milestone, како и да се вика, дали треба клиентот да го отвори пред почнување на задачата или може и после неа, откако ќе се сработи задачата? Зашто вчера така направија, откако завршив, го додадоа и одма го исплатија. А сумата не ми се свиѓаше, пониска од тоа што мислев за таа задача. Ама кога си тазе дојден, нема бунење. @Mikha4 , помош од форумџија плис. Не знам, да им се побунам нешто или да ќутам. Треба уште нешто да се придодаде на задачата, немам како да се измолкнам а парите ич не ми даваат мотивација кога ги видов вчера.
Ако не сте се договориле однапред од колку етапи /milestones ќе содржи договорот, и по која цена, не се плаши да ги прашаш и барај да бидат поконкретни. Не разбрав добро, вториот мајлстон ти го платија помалку од првиот? И дали е различна сумата од цената објавена во огласот? Инаку има и такви кои намерно бараат фриленсери без искуство за поевтино. Биди внимателна и читај им ги оценките од претходни работи кои ги огласил, обично секако некој фриленсер има пишано кога ги уценувале за евтина работа само за да не им пишат лоша оцена на почетокот. Е сега, на почетокот секако работиш за рејтинг повеќе отколку за пари, па оваа и наредните неколку работи кои ќе ги најдеш гледај да бидат што пократки. Откако ќе добиеш rising talent значка, ќе можеш да си ја качиш цената, да конкурираш на подобри проекти, и ќе добиваш и покани за проекти од клиенти, така да издржи , ќе биде многу подобро.
Договорот е неодреден, кога ќе има работа, тогаш ќе ми праќаат. А цената е одредена во зависност од производот. Ги знам цените, но за оваа задача очекував малку плус, бидејќи беше пообемна, за разлика од trial task којшто ми го платија исто. Не може едно кило и десет кила јаболка исто да тежат и чинат, нели? Едвај ја довршувам задачава, ми збоктиса од седење на газ. Да, на огласот пишуваше дека основно ниво бараат, бидејќи работава е механичка, а мене ми требаа за да се пробијам. Исто не ми се бендиса што задачава ми ја дадоа пример од денес вечерва за утре, а претходно муабетот беше дека ако не ми одговара датумот, да кажам однапред. А сега само стигнува на мејл за кога е, и кога гледаш дека за брзо е, незгодно ти е да ги одбиеш. А и не знам како ќе реагираат. Сега ги разгледував коментарите, позитивни има, со 5 ѕвездички. За следна задача ќе им напоменам да ми ја дадат барем два дена унапред, не сум само фриленсер, имам и друг живот. Само ми е да не звучам грубо, демек ем почетник ем се занесувам. И дали да им речам да ги означуваат етапите на почеток на задачата или да не мудрувам? По колку време се добива значката?
Вака тешко е да се процени, моето искуство со повеќето клиенти од upwork е коректно. Сепак мора да има добра комуникација и сите услови да се однапред договорени. Ако сакаш и понатаму да работиш со нив за повеќе пари, наредниот пат кога ќе ти дадат задача со краток рок можеш да им кажеш дека веќе си зафатена со друг проект, па види реакција. Јас да сум ќе ги откачам културно и ќе гледам да добијам само добар фидбек од нив, не тврдам но штом се тешки на плаќање не вреди да трошиш многу време на нив. Значката се добива после 4-5 работи завршени и профилот да ти е на 100% комплетиран.
Којзнае дали се тешки, сепак ептен на почеток сум и тоа е што е. Само ете, мислев за обемноста бар некој долар плус ќе сум платена. Ама тие гледаат од нивна страна, јас од моја. Бараа почетник, добија. А лесни се задачите и брзо ги извршувам, можеби и затоа набрзо ми ги даваат. Ама наредно дефинитивно ќе ги замолам однапред да ми кажат. После 4 5 работи завршени како мајлстоунс или како проекти од различни клиенти?
После 4-5 работи вкупно, малјстоунс се важат како сегменти од еден проект /работа. Може и од ист клиент да се, но да бидат затворени комплет со фидбек.
Здраво јас одамна размислував за да почнам на Upwork пишав и тука, имав и профил и конечно еве после неколку жесеци почнав со страв (не знам зошто ). Сакам да ве прашам како иде со кредитиве за proposals одкако ќе ги потрошам?
Дечки, не ми е јасно следново-денес пуштив втор пропозал (не сум нешто мн активна), ама уште ми нема ништо стасано за да ме верифицираат, а профилот ми е 100% комплетиран. Кога стасува тоа за видео верифицирањето?
И уште овде да прашам, при аплицирање на платформиве за предавање јазик, дали ако се бара да се приложи диплома истата треба да се прикажи оригинал (пример на накедонски) или преведена и заверена на нотар?
Здраво, мене ме интересира, дали може да биде одобрена пајонир сметка и картичка за лице под 18 години? И како се вади истата?
