Различни цени на ист производ поради нееднаквост на квалитет?

Прво се извинувам за долгиот и можеби збунувачки наслов.Но,искрено не ни знаев точно во која категорија да ја сместам темава и како да и дадам наслов.
Темава ја отварам првично поради оваа дискусија која се развила на твитер:
https://twitter.com/cherga_omnes/status/1193162005135450117
Имено,цената на ист производ на дезедорансите на Dove/Rexona/Nivea во различни маркети е различна поради потеклото.
Се мисли дека овие производи се со намален квалитет и се веројатно производ на западноевропски отпад.
Не е новитет тоа дека во нашава земја добиваме секакви,буквално секакви производи, но со многу различен и покатастрофален квалитет за разлика од поразвиените земји.
Храна,средства за хигиена,мобилни итн.
Но,зошто?
Дали сите „посиромашни“ земји добиваат ваков третман?
Ако сме сиромашна земја не значи дека ние не сме луѓе и зошто да трпиме ваква тортура.Ова буквално е труење.
Јас,за ова прочитав првично на твитер.И со оглед на тоа што се случи деновиве со ОХИС верувам дека е точно.
Дали вие сметате дека тие 50+ денари многу менат во квалитетот или не?
Јас мислам дека да.Не е толку за парите како што дека е со намален квалитет и со што самите маркети сакаат „да се отарасат“ од производот на нивните полици.
И,секако дали вие практикувате купување на одреден производ од одреден маркет пошто сте убедени дека таму е производот со најдобар квалитет?

 

Има вистина во ова. Сестра ми има позната што работи во една наша фабрика. Кажувала дека за во странство ја праќаат поквалитетната роба. Се работи за фабрика за слатки. Се си мислам дека кај носат чкарт роба.

 

Квалитетот на производот што се прави за западен пазар и за нашиов не е ист, зошто еве не знам. Ваљда мислат дека тука неандерталци живеат па не мора толку да внимаваат на квалитетот шо го пуштаат у оптек

 

На кој хумус, на тој од Greenfood што го има Кам.

 

Пишуваше по новините за тоа, нутелата, кока колата,дав козметика, нивеа и речиси се што се увезува, е со послаб квалитет, не само во Мк него и за Србија и Хрватска било исто. Од што зависи дали ќе пуштат шкарт или квалитет не знам. И овде имам видено пример кока кола, увезена од Полска мислам беше, цената и е пониска од др.кока коли.

 

Има разлика и очекувано е. За наш стандард 700 денари ќе беа дезодорансите што се 150 сега. Разликата не е 50 ден.

 

Заради законските рамки, многу едноставно. Послабо контролиран квалитет = поевтина цена на продукција. Да имавме законска рамка за квалитет на производи како ЕУ, производите ќе беа многу поскапи затоа што се царинат а во ЕУ е слободна трговија.

 

Купив еднаш Рексона од 99 денари и никогаш повеќе. Исто ко да не си ставил дезодоранс, никаков квалитет. Ќе дадам 50 денари плус за друг барем поквалитетен ќе купам колку толку.

Катастрофа. Не знам зошто никаква контрола на квалитет не се прави и се продава без разлика дали чинело или не. Колку пати имам чуено луѓе да кажуваат на пример дека "нашите" кока кола или нутела си немаат врска со оние што се продаваат низ Европа. Којзнае колку други неквалитетни производи користиме а не сме свесни, страшна работа.

 

Да е само храната со вакво потекло
Почнувајќи од храна, електроника, гардероба и се останато што се увезува кај нас е со помал квалитет
За во држави во ЕУ има други правила
За греота сме

 

THOMMY мајонезот на кој НЕј пишува со црвено неколку проценти дека се гратис и испаѓа малку поскап дома ни е повкусен, за разлика од тој со вишок грамажа а иста амбалажа и исти супермаркети.

 

За кока колата не се согласувам.
Но,има разлика во други производи.
Еве,на пример шампониве Шаума.Кај нас има 2 верзии.Има пакувања на кои напред е употребен Германски јазик и пакувања на кои се употребени некои од Балканските јазици.
Да се праша човек зошто...
Приметив разлики во Дав дезодоранс купен во маркет(супер) и во Зегин(катастрофа).

 

Имам приметено дека во Дм многу ги “начукуваат” цените,истите работи што ми се потребни за лична хигиена ги купувам од кам. Која е поентата да купам дезодоранс од дм што е 150 а у кам 90

 

Во 2011 користев Памперс за ќерка ми, за најквалитетни, ама кога ми донесоа еден пакет од Бугарија, врска си немаа нашите, бугарските каде каде подобри.

 

За производите од ДМ, со германските нема споредба (а таму и дупло поефтини се) парфемите од Зара иста цена овде а помал избор и разредени некако едино кока колата ни е една од подобрите (ова може и до водата е)

 

Кока колата у Грекос и нашава се небо и земја. Ај тоа донекаде ми е разбирливо, нели Кока кола лиценцира фабрики за производство па може од таму разликата. А коа ќе размислам сеа може истото се дешава и со други производи

 

Кока Колата се произведува кај нас, низ цела МК си е иста.. Мислам дека од регионов имаме најубава Кока Кола..

Во последниве 2 и нешто години поради близината на Бугарија, претежно од таму купувам Персил, Ариел, Колгејт, омекнувачи а и многу други работи и можам да кажам дека врска немаат со тие во МК што се продаваат. Но сепак мислам дека за нијанса се подобри оние во Грција што се продаваат..
Последен пат купив Ариел капсули од кај нас и ене ги си стојат..


Сепак мислам дека производите произведени кај нас се со ист квалитет по сите маркети..

 

Зегин и обични аптеки на 50 посто од прозводите и се различни цените по 20 30 денара повеке

 

Интересна тема, баш мислев на истово со дезодорансите. Има некоја финта во цените ама незнам што е. Пример dove важат за скапи дезодоранси (околу 190 ден) но еве веќе некое време некои од нив ги има за 99 ден. Е сега тоа не е само во Македонија, сум имала прилика да го видам и низ други држави, континенти. Е сега тие што се ефтини имам приметено на амбалажата имаат дополнително знакче, нешто како запаливо дека е. Кај скапиот дезодоранс го нема тоа знакче. И во Еу и Америка сум споредила така да мислам дека веќе секаде има секакви производи и треба да се внимава