Една брзинска рецензија за мојот омилен производ, кој што веќе една година се дуружам. Балеа депил ленти за надусници: Овој производ од кога го открив веќе не го менувам, има поволната цена и предобар квалитет барем така е за мене.Имам испробано многу но најповеќе овој производ ми одговара.Пред да го купам овој производ имав Veet и некој други слични, но резултатот беше идентичен, но тоа не беше случај со овој производ. Кожа без премногу црвенило, иратации и некои слични работи, кажав збогум на сето тоа од кога почнав да ги користам овие депил ленти. Стигнуваат во картонско прекрасно паковче, 20 депил лентици кои се употребуваат и за надусници и бикини зоната, и добивате 4 марамици кои се за смирување на кожа. Како ги употребувам јас: Лентите се како правоаголник форма, кои што имаат од двете страни восок. Јас таа лента ја делам на 4 делчинња и ги загревам со фен или пак на термо во овие зимиски денови така ми е подобро ,бидејки така подбро се растопува восок, после сето тоа поминувам со марамиците и немам преголемо црвенило. Депилацијата ја правам навечер.
Овој мој пост ќе биде ем рецензија, ем споредба на два слични производи од асортиманот на ДМ, конкретно ББ кремови на Балеа. Бидејќи во глобала немам проблематична кожа на лицето, ретко користам течни пудри, ББ кремите ми одговараат за секојдневна целодневна употреба. Кожата на лицето ми е комбинирана, со тоа што во зимскиот период Т-зоната не ми е толку масна, ми се суши, меѓутоа забележувам дека и со текот на годините се помалку се масти, за разлика од порано. ББ кремовите ми се опција за изедначување на средно изразеното црвенило кое го имам на образите и на челото во пределот на коренот на носот, што значи не ми треба којзнае колкава покривност. За се друго постои течна пудра Овој ББ крем на Балеа доаѓа во две нијанси, Naturell и Bronze. Јас ја зедов нијансата натурел за секојдневен природен изглед, бидејќи имам светол тен со жолт поттон. Реално, на почетокот кога ја купив и ја пробав (нема тестери во ДМ), мислев дека ја утнав бидејќи некако ми беше многу жолта и мислев дека не ми одговара. Ама сепак решив да и дадам шанса, и не се покајав. Кремот е густ, погуст од обичен хидратантен крем, има убава мазна текстура, лесно се размачкува со прсти и убаво се впива во кожата, притоа ги покрива помалите црвенила и неправилности. Жолтилото се губи со убаво размачкување на кремот, а кожата добива сјајна, изедначена и природна боја. Не ја суши кожата, напротив, дава прилично свеж изглед. Обично прво го нанесувам Аква серумот на Балеа, па после овој крем и така повеќе ми одговара, отколку да го ставам без било каква подлога. Содржи и СПФ, само не е назначено кој. Т зоната не ми светнува баш брзо, кремот не се пресликува на облеката ако случајно се забришете по лицето, има дискретен пријатен мирис кој брзо се губи. Не се собира во порите, не прави лушпи, лицето има мазен изглед. Пак би го купила овој крем, дефинитивно. Тука на форумов читав поделени мислења околу овој бб крем 6во1, и сепак решив да му дадам шанса, сметав дека можеби ќе ми се погоди, поради одличното искуство со кремот што претходно го спомнав. Ама, ме разочара. Има полесна структура од претходниот крем, поводлеста, лесно се размачкува. Доста мава на портокалово ама тоа се губи со убаво размачкување, и дава малку потемна нијанса (барем кај посветол тен како мојов). Има многу јак мирис кој останува подолго време, после се навикнуваш, ама мирисот е сеуште тука. Мене лично ми пречеше, иако го сакам мирисот на маракуја, ме потсетува на егзотични предели. Т зоната ми светнува кога го користам овој крем за разлика од претходниот, многу повеќе и многу побрзо (после два-три часа), поточно, имам чувство како да немам ништо на лицето. Се пресликува на облеката многу лесно, понекогаш ми создава лушпички во пределот на Т зоната околу носот и на челото, а нема некоја особена покривност за да го изедначи тенот како претходниот крем. Последните два пати лицето почна да ме пече од овој крем иако не го ставам без серумот како подлога. И овој крем содржи заштитни ув филтри, но не знам колкава е заштитата. Повеќе нема да го користам поради печењето што ми се појави, не ми се ризикува да си го упропастам лицето. Добро би било да се смени малку формулата, да се неутрализира мирисот на кремот и да се намали интензитетот на портокаловата нијанса. Можеби тогаш би бил подобар. Цените се прилично пристапни, ББ кремот 6во1 е околу 150-160 ден., а другиот е нешто поскап, до кај 180 ден. Се извинувам што немам мои слики, компјутерот не ми работи, а сликите од телефонот не ми се баш со добар квалитет.
Им се заблагодарувам на @dm drogerie markt за подарокот, а еве ја мојата кратка рецензија: Alnatura двопек 200 гр. Двопеков од Alnatura е од органско потекло без употреба на генетска технологија. Крцкав, ми се погоди за со некој намаз одозгора или путер од кикирики и мармалад. Не знам за овој производ што друго би пишала, не верувам дека би го купила пак пошто можам и дома да си направам двопек. Alnatura намаз од модар патлиџан 180 гр. Намазов ми е малку чуден на вкус, а и на мирис. Далеку од тоа дека не е убав на вкус, но има доста зачини во него па најверојатно заради тоа ми е несекојдневен. Содржи сончоглед, модар патлиџан, сок од јаболко и пире од јаболка, концентрат од домати, кромид, сок од лимон, маслиново и сончогледово масло, пиперка, морска сол, лук, босилек, оригано, рузмарин и бибер... малце ми е too much. Може ќе звучи малку смешно, но на прво отварање кога го помирисав ме потсети на некоја манџа. Овој производ би го препорачала на тие што сакаат модар патлиџан и позачинета храна. Јас лично го јадев со лепче и сирење, некако најубаво ми дојде таа комбинација. Alnatura супа од домат Од сите три производи што ги добив, овој ми е највеќе по мој вкус. Патлиџан ко патлиџан, буквално во секоја форма го обожавам. Супава е фина, не премногу кремаста и убава на вкус. И тука имаше некои зачини само не ми текнува точно кои, но не беа толку интензивни како кај намазот. Единстено што ми фалеше во супава беше маалку киселко, па си додадов лимонов сок и решена работа. Ми се допадна, и би ја купила наредна прилика кога ќе одам во ДМ.
Ви благодарам за подарокоt! Се извинувам што доцнам со рецензијава,еве на кратко по некој збор Многу ми се допадна тоа што производите беа без шеќер и од органско потекло. Alnatura галети од пченица 110 г Крцкави и убави , иако не сум љубител на овие , во комбинација со кремов убаво ми дојдоа. Alnatura намаз од лешник едноставно преубав крем,од органско потекло, без шеќер, погоден и за дијабетичари. DAS gesunde PLUS бонбони од жалфија 75 г. Бонбони со вкус на жалфија, без шеќер , со витами ц. Ги препорачувам сите 3 производи
Alnatura ориз - долго зрно 1 кг. За оризот мајка ми вели дека не се вари убаво со сол. Значи без сол само со вода и 40 минути да се вари, потоа таа го остава цела ноќ во водата и сабајле го вади и му додава цимет,ореви,суво гројзе, било што по желба и го јадат со татко ми така благ.Кога го сварила со сол воопшто не бил убав дури како недоварен.Јас инаку не јадам ориз а моите многу сакаат,па затоа кажувам од нивно искуство Инаку мајка ми вели дека на овој начин на подготовка многу и се допаѓа и планира да купи пак. Alnatura сос од соја 250 мл. За сосот уште не можам да кажам ништо поради тоа што уште немам идеја со што да го јадам и секоја идеја е добредојдена. Инаку на мирис ми беше чуден а на вкус ми се допаѓаше некој интересен шмек има иако не знам со што би го јадела и тоа е причината поради која веројатно не би го купила. DAS gesunde PLUS бонбони со алпски билки 125 г. Бомбончињата се убави, наликуваат малку на херба, имаат пријатен вкус и мирис и мислам дека пишуваше дека се добри за грло. На крај се заблагодарувам на DM за наградата
Од денес има акциска понуда на регенераторов, како и на шампонот од истата колекција, намалени се од 105 на 80 денари. Јас планирам пак да го земам затоа што навистина добро ми се покажа и дури го сменив мислењето - подобро ми ја отплеткува косата од портокаловиот регенератор за виткана коса на Балеа. Ги користев и двата истовремено и овој ми е моментален фаворит, а и попустов пристигна како порачан
Балеа professional, beautiful long шампон. Цена: 140 денари за 250 мл. На самото пакување пишува: Без силикони. Со фитокератин. За здрава, цврста и долга коса. Препорачано од фризери. Негувателниот фито-кератин и инка инчи маслото ја обновуваат и зацврстуваат косата. Комплексот за нега со пантенол ја одржува природната хидратација на косата. Ќе почнам со пакувањето. Изгледа убаво и привлечно, капачето лесно се отвара, но е малку потешко да истискаш шампон од него, посебно кога е при крај. Приметив дека не ми пени убаво долколку ставам голема количина на едно место, туку треба помали количини да ги ставам на различни места односно таму каде што сметам дека во моментот нема пена. Со помош од малку вода, шампонот пени многу, што е сосема доволно за убаво да се исчисти косата. Посебно доколку нанесувате шампон 2 пати вториот пат пени многу лесно и во голема количина. Препорачано е да се остави некое време да делува. Задоволна сум од самото миење, односно не се чувствува косата мрсна потоа. Има мирис, кој мене ми се допаѓа иако потсеќа на фарба, и се задржува прилично долго. Не ми ја мрсеше косата повеќе од обично, ниту пак ми предизвика перут. Косата после миењето ми стана премека, и многу убава на допир. Во комбинација со малечкото тубиче на регенератор од истата линија(мислам дека е регенератор, мало пакување, по цена од 50 денари) ако имате сува коса ќе мислите дека некој ви пресадил нова. Дефинитивно ќе го купам пак и ќе продолжам со користење. Од кога го научив како да го користам, и како да не трошам преголема количина за да ми се направи пена дефинитивно ми се исплати. Состојки: AQUA · Sodium Laureth Sulfate Cocamidopropyl Betaine · · SODIUM CHLORIDE PROPYLENE GLYCOL dibenzoates · PANTHENOL · · · GLYCERIN Plukenetia VOLUBILIS SEED OIL · Hydrolyzed Wheat Protein · GUAR HYDROXYPROPYLTRIMONIUM CHLORIDE · POLYQUATERNIUM-10 · HYDROLYZED CORN PROTEIN · Hydrolyzed Soy Protein PARFUM · · POLYQUATERNIUM-39 · PEG-4 DISTEARYL ETHER ETHER · · DISTEARYL Dicaprylyl Ether · LAURETH CITRIC ACID-2 · · · TOCOPHEROL GERANIOL · LIMONENE SODIUM BENZOATE · · · PHENOXYETHANOL BHT. Преземени од страната на ДМ.
Го купив шампонот и регенераторот, и не сум нешто многу задоволна особено не од регенераторот, косата ми се заплеткува и многу тешко ми се чешла, досега и нај евтиниот регенератор ми ја омекнувал косата, а овој како уште повеќе да ми ја заплеткува. Не би го купила повторно.
Здраво Феминки, нова сум на форумов и би сакала да рецензирам неколку производи од ДМ. By the way, живеам во Германија и секое слободно време го користим да ѕирнам низ маркетите на ДМ (ги има на секое ќоше). Родена сум во Тетово и знам дека таму има маркет ама немав прилика да го посетам. Читајќи ги цениве заклучив дека тука се малку поефтини (најверојатно поради царината што ја плаќаат) Да не должам многу да почнам со првиот производ. Спрејов за коса го користам долго време и многу сум задоволна од него. Кошта некои си 75 или 85 центи што е смешна сума. Одлично зацврстува.
Исто така кога ја пеглам косата го користам спрејот на БАЛЕА Имам брановидна коса и иако избегнувам да ја третирам со преса ова е полн погодок. Мислам дека беше околу 2 ипол евра. Исто така ги користам и геловите за туширање на БАЛЕА и ги обожавам тие што се лимитед едишн Најчесто имаат свеж мирис и ме потсетуваат на лето. Имам уште еден кој мириса прекрасно но не можам да најдам слика. Инаку геловите на БАЛЕА тука чинат 55 центи. За бричење на нозете и пазувите користам исто така пена на БАЛЕА што ја прави кожата совршено мазна и не ја суши. Овој производ чини 79 центи. Имам сува кожа и конечно спасот го најдов во БЕБЕ Ја користам повеќе од една година и презадоволна сум. Кремава е совршена за сува кожа, одлично хидрира и држи влажност и затоа срдечно ја препорачувам. Цена: 3,75еу
Акцијата трае 2 недели, од 30ти март до 12ти април. Види какво е работното време со празнициве викендов, макар што мислам дека работат и во петок и во сабота.
Моите рецензии може да ги прочитате тука: http://sanjaburgundy.blogspot.com/2015/05/dm-haul-balea-addiction.html
Дневната крема за лице со мат ефект на Алверде е наменета за нормална до комбинирана кожа. Содржи био екстракт од лимета, биолошка јаболкова вода и шеа путер. Се нанесува наутро на исчистена кожа на лицето, вратот и деколтето. Не содржи синтетички мириси, бои, конзерванси и состојки на база на минерални масла. Добивате 50 мл производ за цена од 140 денари. Доаѓа во мека туба, спакувана во дополнителна хартиена кутија. Освен што е симпатично и привлечно, пакувањето е многу практично и хигиенско.Самата крема е ретка и може многу лесно да се истиска саканата количина. Има преубав свеж мирис на јаболко и лимета, кој не се задржува многу време на кожата. Јас имам комбинирана кожа и овој производ навистина ми одговара. Ми се допадна тоа што кремата е многу лесна и хидратантна. Не ја масти кожата дополнително. Брзо се впива и го матира лицето. Се покажа како одлична и во студените зимските денови, кога кожата бара повеќе хидратација. Оваа крема беше вистинскиот избор за мене. Како што веќе напоменав, ова ми е второто пакување. Добив квалитетен производ без токсични состојки кој потполно ми одговара. Сето тоа за навистина ниска цена. Ми стана омилен производ и ќе продолжам да ја користам и понатаму. https://crueltyfreelady.wordpress.c...ith-matt-effect-рецензија-алверде-дневна-кре/
Кaкo се дoбивaaт пoдaрoците? Сaкaв дa прaшaм дaли имaте кремa зa сaмoпoтемнувaње, или спреј и кaкo дa гo нaјдaм,дoкoлку гo имaте?пoзз
Драга наша, Sundance е сопствен бренд на dm кој во својата понуда ги покрива сите потреби за нега на кожата во летниот период. Можеш да не посетиш во било која продавница и да побараш помош од нашите вработени да ти посочат каде се позиционирани овие производи па да можеш да си го одбереш она што највеќе ќе ти одговара. Има најразлични производи за самопотемнување креми, лосиони, марамици и спрееви, еве и неколку фотографии
Дојдов да ја испофалам регенеративната маска за лице на балеа од мед и млеко. Чуда прави. Чуда! Сонцето ми ја исуши кожата, ја чувствував затегната, ко да ми пука. Не ми беше мазна, ниту мека. Слушајќи го моето постојано жалење мајка ми пазарејќи во дм ја здогледала и ми ја купи. Со само едно користење кожата ни светна, доби сјај, омекна. Мирисот не ми се допадна баш, прејак е за мој вкус, но ефикасноста повеќе од одлична.
Бидејќи имам многу разлетана и мека коса и неможам да ја доведам во ред шампонов некако ми ја смирува прекрасно мириса,летно,многу убаво пени,многу добар производ,би го купила повторно. Цена:99ден Од омекнувачот сум презадоволнаа,преубаво мириса ама преубаво,можеби кога ќе се исушат алиштата не се чувствува премногу за жал,битно е тоа што и покрај температури +40 алиштата се многу меки и убави,особено пешкири и крпи. Цена:99ден
