Јас колку што знам Авокадо е дел од состојките кои се основни за добивање на Гуакамоле, но неопходни се и други. Патлиџани, значително поголем број на зачини и луто во класичната варијанта. Во друга без патлиџани но со лук, бибер и повторно луто. Лимон, петерсилие, лук, бибер во трета. Постои варијација на состојките, поради која претпоставувам оној предходно споменатиот рецепт од моја страна се категоризира помеѓу салати, а не дип.
Луѓе имам ја една салата што ја правам ем за слабеење ем за освежување во летниот период се што ви е потребно е 1 тиквица 1 краставица 1 парче сирење 1 кисело млеко малку лукче малце ораси, тиквицата и краставицата ги рендаме и ги цедиме од водата, сирењето го рендаме и го додаваме во нив лукчето и орасите и на крај се става киселото млеко и се се меша, стварно е убава и ефикасна за слабеење.
Па не е баш интересен, ама урнебес салатата мене ми е омилена, а верувам дека ја знаеш. Ставаш црвена пипер во садот за матење во кој претходно е ставена урдата, ја обработуваш за да добие праска боја, сецкаш некоја чесничка лукче на многу ситно, по желба додаваш мелен црн пипер или букова сол и тоа е тоа. Некоја интересна декорација направи и' и ќе ти биде жал да брцкаш со вилушката за да не ја расипеш.
1 кг урда , 1 тегла кисели краставички, 300 гр шункова салама, 1 помала главица стар лук, 3 големи лажици павлака, 3 големи лажици мајонез, 1 голема лажица буковец, 100 гр сецкани ореви, 3 варени јајца, се се ренда на крупно ренде, се меша, зачинува и декорира по желба
Состојки 1 чаша ориз варен и цеден 100 гр. кашкавал сецкан на коцкички 100 гр. салама сецкана на коцкички 150 гр. сирење дробено 5-7 парчиња кисели краставички сецкани на коцкички 400 гр. кисела павлака 5-6 чешниња лук толчен 100 гр. ореви мелени Упатство 0 Сите состојки се мешаат заедно и се додава малку сол, по вкус. Се става во помали чинивчиња, а одозгора се премачкува со павлака и се украсува по желба. Се чува во фрижидер.
****француска салата***** 300гр салама 300грама сирење 300гр ореви 500гр компири 2 свези крраставци 2-3 лажици мајонез павлака се сесецка и се меша заедно
Еве една салата која јас ја обожавам,а откога им ја направив и на моите дома сега постојано ме тераат да им ја правам Постојано си ја правам и многу е вкусна.. Потребни состојки: Пилешки стек Домати Краставица Кромид Марула Ротквици Сирење Кубети Вегета Бибер Останати зачини по желба Најпрвин го сечеме стекот на мали коцкички и го зачинуваме со вегета и останати зачини по желба..Потоа го пржиме на маслиново масло се додека не добие некоја златеста боја..Го вадиме и парчињата стек ги ставаме на салветка да се исцеди маслото.Во чинија ставаме сечкани домати,краставица,марула,ротквици,кромид..Одозгора ставаме сирење и кубети..потоа се ставаат парчињата месо,одозгора наросуваме малку бибер за вкус и на крај ставаме маслиново масло. Пробајте,нема да зажалите Добар апетит
Моја омилена : зелена салата (марула), пилешко (сецкано на коцки) месо, кубети, шери патлиџанчиња, кашкавал, масленце и киселинче мх мх Исто така сакам и марула во комбинација со туна и павлака. Марула во секој случај- омилена ми е.
Павлака салата во еден сад се ставаат 3 чашки павлака, се сецкаат 4-5 краставици на ситни коцки, и 400 гр маринирани шампињони и се заедно се меша ( многу брзо и вкусно) Праз салата Се сецкаат 2 страка праз на тенки кругови, се ставаат во еден сад 3 чашки павлака, 3 лажици мајонез и 250 гр ситно издробено сирење , се додава празот и се заедно се меша. ( ова е хотелски рецепт, ми го кажа сестра ми која одеше на пракса во хотелска кујна, и искрено се изненадив од извонредниот вкус)
Рецептите во споилер Спојлер Зелена салата со кисело млеко Потребно: 4 зелени салати 200мл кисело млеко 50мл масло сок од еден лимон 30гр шекер Приготвување : Салатата добро се чисти и се мие во ладна вода. Кисело млеко, сок од лимон и малку шекер се разматуваАТ со жица. Пред сервирање салатата се прелива со овој раствор Зелена салата со шампињони Потребно е : 1 главица зелена салата 10 шампињони 100г домати 10г пиперки 50гр кромид 100гр моркови 50мл јаболков оцет мелен црн пипер, масло и сол Приготвување: Зелената салата се сече на широки парчиња. Морковите се рендаат крупно, пиперките и кромидот се сечат на резниња, доматите на четвртинки, шампињоните се сечкаат на тенки листови. Сиот зеленчук се меша, се посолува и се додава црн пипер. Салатата се прелива со јаболков оцет и масло Салата од домати и јајца Потребно е : 500г домати 4 јајца 50гр кромид една китка магдонос масло и сол Приготвување: Тврдо варените јајца се лупат и се сечат на тркалца. Доматите, исто така се сечат на тркалца. Во плиткА чинија се реди венец од домати и јајца. Се посипува со ситно сечен кромид, се посолува и се прелива со малку масло.На крајот салатата се наросува со иситнет магдонос. Скопска салата Потребно е : 500г домати главици кромид зелена пиперка 200гр овчо сирење 2 краставици сол и масло Приготвување : Доматите и излупените краставици се сечат на коцки. Кромидот се сече ситно. Смесата се посолува, се налива со масло. Се попрскува со ситно сечени лути пиперки, рендано сирење и ситно сечен магдонос.
Мој рецепт брзо,лесно и едноставно,а пред се многу вкусно Се сецка салама(било каква по желба) околу 200 гр,една свежа краставица,се додава 300 гр павлака и се убаво се меша.Не се остава подолго од саат време зашто краставицата пушта вода и не е убаво.
здраво на сите, мене ми треба некоја посна салата дали некој знае ми треба за слава ако некој знае пишете поздрав до сите
Посна слата Едно пакетче ситни макарони 2 големи конзерви туна (цело парче, не сецкана), заедно со зејтинот, не треба да се цедат Неколку млади кромитчиња, може во замена една главица стар кромид 10-15 маслинки сецкани Едно пакетче смрзната пченка (шеќерац) претходно обарена, никако немој од таа во конзерва, не е вкусна Сок од два цедени лимони Сол и бибер по желба Се се меша и многу е вкусна
Јас открив една и многу ми се допаѓа Потребно е - свеж спанаќ по можност од оној со помали ливчиња за да не мораш да го кинеш на парчиња, ставаш во една здела па додаваш козјо сирење (ако немаш можеш и друго кое го сакаш), сецкани бадеми и зачинуваш со маслинов зејтин и балсамико оцет. По желба можеш да додадеш и малку рендан лук. Оригиналиот дресинг е со сенф, мед и бело вино.
Баш сега кај колешкава кога бев на гости, се прејадов малиџано салата со павлака, лук и ореви. Не е за пред излегување. Многу е едноставна. Толчиш цело чешне лук со малку сол во аван, истураш една павлака, малку оригано, една тегла малиџано и рака толчени ореви, да се осеќаат додека мезиш. Совршено за со ракија и студени денови.
