Рецепти за салати

може ли да ми пишеше колку сставаш количински мајонез и павлака?

 

1-2 лаж мајонез и 1 павлака (може и повеќе во зависност колку ќе биде потребно за да се соединат сите состојки т.е колку ќе впијат павлака)

 

Компир салата со павлака
ПОТРЕБНИ СОСТОЈКИ:
* малку мала лажица Црн пипер
* 1 лажица/ци Сол
* 100 грама Марула
* малку Магдонос
* 1 парче/чиња Лимон
* 150 грама Компир
* 150 грама Кисела павлака
* 2 лажица/ци Дафинка
* малку Босилок
КРАТОК ТЕКСТ:

Компир салатата со павлака е ладно предјадење кое е лесно за правење а убав додаток во главниот ручек.
ПОДГОТОВКА:
Ги вариме компирите. Откако ќе се сварат ги сечкаме на коцки. Ги ставаме во подлабок сад.
Зачинуваме со сол, зачин (вегета) и со црн пипер.

Додаваме исечкан магдонос и босилек и на крајот ја додаваме и киселата павлака.
Убаво промешуваме.
Лимонот го сечеме на 2 дела. Од едниот дел ја рендаме кората.
Ја додаваме и изренданата кора од лимон.

Повторно промешуваме.

Компир-салатата ја сервираме на чинија декорирана со три листа зелена салата.



Цезар - салатa
ПОТРЕБНИ СОСТОЈКИ:
* 20 милилитри Оцет
* 1 лажица/ци Маслиново масло
* малку Магдонос
* 100 грама Мајонез
* 1 Кришка/ки леб
* 20 грама Краставица
* 80 грама Зелена салата
* 30 грама Домат
* малку Дафинка
* 30 грама Блага павлака
* 20 милилитри Brandy
* 60 грама Пилешко
* малку мала лажица Црн пипер
КРАТОК ТЕКСТ:

Цезар - салата
ПОДГОТОВКА:
Зелената салата ја сечеме. Ја сервираме во длабока чинија. Пилешкото филе го сечеме на коцки. Го ставаме во тава со загреано масло да се пржи. Потоа се промешува, па се зачинува со вегета и црн пипер, па се промешува. Кога ќе се пропржи пилешкото, го вадиме на чинија и го оставаме да се олади.

Лебот го сечеме на коцки и него го ставаме во тавата каде што се пржеше пилешкото, за да се пропржи. Промешуваме и веднаш штом ќе се пропржат коцките леб ги вадиме на чинија и ги оставаме да се оладат. Краставицата ја сечеме на коцки и ја ставаме во подлабок сад.

И доматот го сечкаме на коцки и го ставаме во садот. Во садот ги додаваме испрженото пилешко на коцки и испржените коцки леб. Состојќите ги промешуваме и ги ставаме врз зелената салата. Мајонезот го ставаме во подлабок сад. Во садот ги додаваме оцетот, благата павлака и коњакот.

Зачинуваме со црн пипер, исечкан магдонос и убаво промешуваме за состојките да се изедначат. Со ова ја прелеваме салатата. На крајот ставаме малку исечкан магдонос.

 

Пилешка салата со цвекло
3 парчиња пилешки гради
500 гр конзервирано цвекло
500 мл кисела павлака
4 лажици мајонез
сол и црн пипер
Месото се вари, а потоа се сецка на коцки. И цвеклото се сецка на коцки и се додава во месото, се додаваат мајонезот и павлаката и се зачинува.

Салата од шампињони и компири
1 кг варени компири
500 гр свежи шампињони
1 главица кромид
300 мл кисела павлака
120 гр мајонез
зејтин, сол и црн пипер
Шампињоните се сецкаат и се пржат во малку зејтин. Кромидот се сецка ситно и се посолува, компирите исто така се сецкаат и се посолуваат и се додаваат во садот со кромидот, во нив се додаваат и шампињоните и павлаката и мајонезот и се убаво се промешува.

Салативе се превкусни.

 

Се извинувам ако некој претходно ја има пишано.

Не знам име, но се прави на следниов начин:

Потребно е:

- варен компир
- варени јајца (се одделуваат белките и жолчките)
- сирење
- варен морков
- мајонез и кисела павлака (во една павлака од 200г одат три лажици мајонез)
- мешан зачин

Во сад се рендаат три од состојките по желба, едно по друго, потоа се нанесува од измешаниот мајонез и павлака и мешаниот зачин. Ова се повторува неколку пати, додека не се потрошат состојките

Некаде гледам дека ја мешаат салатата, ама препорачувам да не го правите тоа затоа што се губи вкусот. Не е тоа тоа.

 

Италијанска салата
ПОТРЕБНИ СОСТОЈКИ:
50 грама Сланина
120 грама Сирење
1 Пиперка/ки
3 Пикантно пиперче/ња
5 милилитри Оцет
10 Маслинки
30 грама Индиски ореви
50 грама Зелена салата
150 грама Шери Домати
ПОДГОТОВКА:
Во голем сад измешајте ги заедно доматите, сирењето, печената пиперка, сланината, маслинките, феферонките, индиските ореви и оцетот.

Нека отстојат така 15 минути за да се маринираат. Додадете ја зелената салата и посолете по желба.
Црвена зелка на чешки начин

ПОТРЕБНИ СОСТОЈКИ:
30 грама Шеќер
20 милилитри Оцет
25 милилитри Масло
малку главица/и Кромид/а
1 мала лажица ким
1000 грама Зелка Црвена
1 лажица/ци Дафинка
100 грама Брашно
ПОДГОТОВКА:
Црвената зелка исечете ја на тенки резанки и кратко проварете ја во вода, која потоа ќе ја исцедите. На масло пропржете го ситно исецканиот кромид, ставете ја и зелката да се допржи, додадете ги шеќерот, кимот и вегетата.

По неколку минути пржење, ставете го брашното, добро промешајте и оставете го целото јадење уште малку на рингла. Пред крај додадете го винскиот оцет и, по потреба, малку сол.

 

На прв поглед салатава не е нешто нај ама затоа има прекрасен вкус
1 кеса од тие најситните макарони (да се сварат)
пола тегла кисели краставички (да се исецкаат на ситни коцки)
1 конзерва туна
и мајонез пола тегла
сето тоа можете да го измешате во длабок сад, може во фриждер да се стави и кога сакате да ја користите

 

Зелка салата:

Сечкајте ја на ситно,ставете зејтин сол, малку бидер и мајонез


____________________________________________

Салата од Брокула:

Брокулата ја сецкате на ситни цветови и ја ставате во врела вода и одма ја вадите
Потоа сецкате краставица на коцки, лук и магданос.
Зачинувате со зејтин,сол и оцет...мммм

___________________________________________

 

Аргентина салата

Потребни состојки:
- магдонос
- кисели краставички
- варена пченка (конзервирана)
- туна
- мајонез
Киселите краставички и магдоносот ги сецкаме, сите состојки заедно се мешааат и се зачинува по желба : сол, црн пипер.

 

Салата од урда
1 кг урда,
1 маргарин
200 мл масло
2-3 кисели краставички
Малку салама
Лукче( 2 чешниња) исецкани
Маргаринот се мати и се додава урдата, а потоа пополека маслото и се матат додека не се добие пенеста смеса, се додаваат сецкани(кисели краставички,саламата и лукчето)

Спојлер

Се извинувам ако некој претходно ја има пишано

 

Еве една необична салата


Зачинета салата со јаболки и ореви

Состојки
1 марула
300 гр. спанаќ млад
70 гр. брокула или луцерка
2 лажици оцет балсамико
1 јаболко исецкано
70 гр. наут сварен
1 лажица ореви сецкани
1 лажица суво грозје
1/2 луто пиперче

Упатство
Ставете ги во длабок сад марулата, брокулите, спанаќот и добро измешајте ги со оцетот. Врз нив истурете ги останатите состојки.
По желба додадете уште некој зачин или масло.
Наместо луто пиперче можете да употребите зачинета сол.

Линк до рецептата

 

Салатава ја најдов на нет, планирам да ја правам, па да прашам дали некој досега ја има пробано и како му се допаднала? Мене ми изгледа малку необично и скептична сум за вкусот поради измешаниот морков и јаболко. Вуала, па кој ја пробал нека ми каже впечатоци, за џабе да не се кашкам иако е едноставна.

ПОТРЕБНИ СОСТОЈКИ:
малку сол
100 грама Моркови
1 лажица/ци Масло
2 лажица/ци Лимонов сок
400 грама Јаболки

Морковите и јаболката исчистете ги и изрендајте ги.
Измешајте и посолете ги, па додадете сок од половина лимон.
Ставете го маслото, па добро измешајте.

 

Само што ја подготвив оваа http://www.kafepauza.mk/zivot/svezha-salata-od-tenko-sechkani-krastavichki/ салата и само ке кажам, прсти да излижеш.

 

Кулинарски прашања, совети и брзи идеи

Ајде рецепт за француска салата, ја читам на сите им е омилена, а не кажале рецепт

 

Има неколку варијанти со тоа што некој додава + варени јајца и компири инаку основата е мешан зеленчук (оној смрзнат мешавина од морков, грашок, компир), ситно сецкана шунка (може и немора ако немаш) околу 150-200гр, ситно сецкани кисели краставички, сол, бибер по желба, 1-2 лаж мајонез (може по желба и 1 лаж сенф кој сака) и 1 павлака.

 

Епа нели е ова руска салата?

 

Француска салата е со изварка, мајонез, павлака, оревчиња, кисели краставички и салама. А во кој сооднос, не знам точно. Мислам дека има и лукче, ама не става секој

 

Јас руската ја знам со мешавина од варен компир, морков, грашок, јајце, кашкавал, шунка, кисели краставчиња, мајонез, сол, бибер.
Француска или бела салата како што ја викаат по мој рецепт е со шунка, краставица, ореви, сирење, павлака и 1 лаж мајонез

 

Каша-попара од салатите сме направиле
Едно време мислев дека пилешката салата е француска, потоа во Бугарија видов дека е иста ко и руската, мада имаа и руска салата у понуда со минус некои продукти. На друго место имаше па плус итн.
Руската салата и ние ја правиме со: верен компир, морков, јајце, грашок, кисели краставички, малку сирење, салама, мајонез и павлака.
Онаа салата што ја споменува Анатх, дома ни е безимена салата (Бела салата била уствари) само освен извара, ореви, кисели краставички... ставаме и модар патлиџан.
Ко варијанта од овие ја знам и Баварска салата, која е со компир, колбас, грашок, морков, мајонез, павлака...

http://mk.wikipedia.org/wiki/%D0%A0%D1% ... 1%82%D0%B0

 

Една моја омилена Салсалита мислам ја викаат по рестораниве
-марула
-краставичка
-шери доматчина
-варена пченка
-свежи печурки
-пармезан
може тука да се додадат пилешко , кубети и сос направен по совоја желба и ке дојде нешто како Цезар.
Исто Руската ја сакам многу, супер е за дома за гости за мезе