Каде можам да најдам прелив за овошни торти? Spoiler Барав во Тинекс маркетите и други поголеми... Немаше. Anyone?
Доколку сакате да пробате необична торта со освежителен вкус повелете рецепт.Ве предупредувам не личи на ниедна торта, а е толку освежителна БРОНХИ ТОРТА 8 белки малку сол 8 лажици шеќер 4 лажици брашно 1 полна лажица густин 2 лажици какао 2 лажички оцет ФИЛ: 500 ml млеко 150 g бронхи бомбони 8 жолчки 2 пудинга од ванила 120 ml слатка павлака 100 g путер 50 g чоколада За листовите се матат белките шеќерот брашното густинот оцетот.Се дели на 2 дела во еден дел се додава какао. За филот во 400 гр млеко стопете ги бомбоните на тивко.Изматете ги жолчките ,додајте го пудингот.Сварете го филот.Кога ќе се олади се додава изматениот путер и посебно изматената слатка павлака.Се дели на 2 дела во едниот дела се додава чоколадата. Листовите се сечат на 2 дела да се добијат 4 исти ленти. Се филува бела кора,бел фил,црна кора црн фил.
Луничка како се пече? Кој број плех? Изгледа убаво, мора и на вкус да е убава И уште нешто, се вари како нанормален крем од жолчки? Во него се додаваат растопените бомбони или? Малку ми е нејасно околу филот, прво дали се додаваат значи бомбоните растопени, второ, што со млекото 100 мл што останува? За пудингот е да се раствори? 6 пати редактирав ама морам да напишам уште еден рецепт, не сум сигурна дали го има ама ја да си го напишам, преубав е. Карамел торта 300 гр. шеќер 750 мл. млеко 2 пуднига од карамел 4 лаж. густин 10 јајца 100 гр. шеќер+10 лаж. шеќер 1/2 маргарин 5 лаж. сецкани ореви + 50 гр. мелени со 50 гр. сецкани ореви 5 лаж. брашно Фил Шеќерот се топи на тивко како карамел, внимавајте да не прегори бидејќи ќе горчи, се додава млекото и се остава да зоврие. Пред да започне да врие убаво се додава пудингот и густинот. Филот се остава да се олади, во меѓувреме, 10те жолчки од јајцата се матат со 100те гр. шеќер и се ставаат во ладниот фил од крамел, се додава и изматениот маргарин и 5те лаж. ореви. Тесто Преостанатите 10 белки се матат со 10те лаж. шеќер и се додаваат 100те грама комбинирани ореви, сецкани со мелени, мој совет е да пробате со лешници, заменете ги сите ореви со лешници, се додава и брашното и се мати со лажица. Се пече во плех од рерна, се дели на две и се филува. Врз целата торта направете карамел или купете готов карамел и прелијте ја. Ова е тортата која прва ме натера да ја прекршам диетата, прекрасна е
Абе не знам која димензија е.Јас листот го печев на 2 дела.Средна големина.Отприлика е некаде 20х25 см. Ако сакаш да земам лењир да го премерам.
Фереро торта (со Нутела) Состојки: Кора 4 јајца, 100 гр шеќер, 100 гр чоколада за готвење, 110 гр путер, 50 гр потпечени мелени лешници, 100 гр брашно, 1 ванилин шеќер, 1 прашок за пециво Фил 300 гр нутела, 200 мл ладно млеко, 250 гр маскарпоне, 2 кесички(80гр) шлаг, 150 гр мелени лешник наполитанки, 100 гр потпечени мелени лешници За прскање на кората 140 мл млеко, 1 лажица несквик какао Подготовка Најпрво подгответе го филот. Шлагот изматете го со млекото во цврст снег, потоа додадете ги маскрапонето, нутелата, наполитанките и лешниците и изматете ги убаво да се изедначи. Филот ставете го во фрижидер и подгответе ја кората. На пареа ставете ги чоколадата и путерот да се стопат. Одделете ги белките и жолчките. Белките со прстофат сол изматете ги и оставете ги на страна. Жолчките изматете ги со шеќерот и ванилата да се добие светла кремаста смеса, потоа додадете ги путерот и чоколадата и продолжете со матењето да се соединат. Додадете ги брашното, лешниците и пецивото и со жица измешајте ги. Смесата ставете ја во намачкан со путер и набрашнет плех израмнете ја и печете на 180 степени околу 15 мин. Оладената кора исечете ја вертикално на 3 ленти. Се попрскуваат со млекото измешано со несквик и се филоваат со филот. Тортата се украсува по желба, со чоколадо, шлаг, лешници или сл. Дали некој пробал да ја направи оваа торта, колку е тешка за правење и дали е вкусна?
Грчка торта-насловот ако не ви се допаѓа слободно сменете го лист 7 белки 11 лажици шеќер 7 лажици мелени ореви 7 лажици мелени бисквити Лист се пече и се дели на 2 дела Фил 1-500 мл млеко 2 пудинга од ванила 1 лажица шеќер Фил 2- 2 путера од 250 гр 250 гр шеќер во прав 1 лажица млеко се мати да добие бела боја Фил 3- 7 жолчки 150 гр шеќер во прав се матат пенасто Бидејќи во оригиналниот рецепт пишува да се стават живи жолчки јас ги изматив на пареа,некако посигурно ми е. Сите три фила се мешаат и се додава 250 гр сецкани бисквити 300 гр сецкана чоколада 250 гр сецкани ореви 150 гр мелени ореви Се се меша ,се става едната половина од листот се става филот и се поклопува со втората кора. Баш е калорично кремасто бомбастична
Уште една торта што ми ја пофалија Торта Мандолина 1-лист- 5 јајца 7 лажици шеќер 200 гр кокос 2-лист- 5 јајца 7 лажици шеќер 3-лист- 5 јајца 7лажици шеќер 1 лажица брашно 6 лажици мелени бисквити Фил 1 2 пудинга од ванила 5 лажици шеќер 5оо гр.млеко 150 гр маргарин 100 гр.прав шеќер Фил 2 15 жолчки 150 гр шеќер се матат на пареа кога се олади се додава 150 гр маргарин Се мешаат двата фила се делат на 3 дела 1-дел се додаваат 250 гр мелени ореви попарени сонеколку лажици врело засладено млеко 2-дел се додава 300 гр стопена чоколада 3 дел останува како што е Се филува по кој ред сакате, важно е листот од пуслица да е во средина.
Колачи мајками ми купила сосем случајно на пазарење парчиња од кршена торта(кршен пандишпан)ми стои така не знам како да ја направам тортата.некој рецепт??
Васина торта Тесто: 6 јајца 6 лажици шеќер 4 лажици брашно 4 лажици мелени ореви Се матат јајцата и шеќерот. Се додаваат брашното и мелените ореви. Ова се мати. Се пече во правоаголно тавче. Откако тестото ќе се испече, се сече на 3 дела. Врз првиот дел се става кафеавиот фил, а врз вториот дел белиот фил. Тортата се премачкува со изматена шлаг-пена. Кафеав фил: 2 мали филџани млеко 200гр, чоколадо за готвење (рендано) 2 лажици шеќер 300гр. мелени ореви Состојките се варат. Бел фил: 4 јајца 4 лажици шеќер во прав 500гр. шеќер во прав 1 маргарин Кристал Јајцата се кршат и белките се одделуваат од жолчките. Жолчките се матат со 4 лажици шеќер во прав. Се додаваат 250гр. шеќер во прав и маргаринот. Ова се мати. Во друг сад се матат белките и 250гр. шеќер во прав. Ова се додава во првата смеса и се мати. Убава торта Тесто: 5 јајца 5 лажици шеќер 2 лажици брашно пола пециво Се матат јајцата и шеќерот. Се додаваат брашното и пецивото. Пак се нати. Смесата се пече во правоаголно тавче. Откако тестото ќе се испече, се сече на 2 дела. Врз првиот дел се става филот. Врз тортата се ставаат мелени ореви. Фил: 1/4 млеко 3 лажици густин пола маргарин Кристал 13гр. шеќер во прав 2 жолчки 1 лажица какао 150гр. мелени ореви Се варат млекото, густинот, маргаринот, шеќерот во прав, жолчките и какаото. Откако ќе се сварат, тенџерето се трга од оган. Се додаваат мелените ореви и се меша со лажица.
Има една преубава торта што ја прави мајка ми , се вика Киндер. ВО неа има само бисквити и 2 фила и мислам едно тесто. Многу е вкусна .
Се изначитав од прва до последна страна и никој не пишал рецепт за чоколадна торта со вишни Ај некој ако знае нека пише... Поздрав
