Состојки: 6 белки 6 лаж. шеќер 2 лаж. зејтин 2 лаж. брашно 2 лаж.презла 1 пециво Кога се пече тестото се става хартија подмачкана со 1/4 од маргарин,а врз неа се ставаат сецкани ореви. Фил: 1 пудинг 4 лаж. густин 6 лаж. шеќер 1 кг. млеко Сите состојки се варат заедно. Посебно се мати 1 маргарин со 250 гр шеќер, потоа се додаваат 6 жолчки и сите состојки се мешаат со пудингот. Филот се дели на 2 дела, во првиот се става 100г. кокос, а во вториот 100г. чоколадо. Кората од тестото се премачкува со еуро крем и потоа се става првиот дел, па вториот. Одозгора со хопла се декорира по желба .
Јас нешто пропуштам или тебе ти фали брашно за пандишпанов? Ама ти фали ти фалиии, само јајца, шеќер, нишесте и прашок за печиво не прават пандишпан. И замисли сега да зафркнеше некоја тазе домаќинка да се обрука пред свекорот, свекрвата
Еве ти една, стар домашен рецепт, брзо бива и убава е - 4 јајца - 3 фил. мали за кафе шеќер. Убаво се мати па се додаде 1 фил. за кафе мал зејтин, 1 фил. мал млеко, 5 фил мали брашно, 1 пециво и 2 фил. мак. Се пече во подмачкано тавче со зејтин и брашно и се пари со шербет од 350-400гр шеќер и 300гр вода. Се пари ладна торта а вруќ шербет
Славица Фала ти јас вчера ги погодив состојките, ама грамажата ја утнав, и тоа со брашното, па 2 пати ја печев тортава, ама не..утре ќе ја правам по твоево рецепче, пукнав за колач со афион, плус одозгора ќе му ставам и чоколадно преливче мх мх мх
Може ли да ми кажете некои колачиња во вид на срце нешто такво да бидат За валентајн ми се И да напоменам, брзо да се прават/готват
Сакам да споделам еден рецепт за торта или ролат како сакате која е превкусна и лесна за правење Торта или ролат со локум 4 - 5 белки, исто толку брашно, филџан зејтин, 100 гр. шеќер, 150 гр. сецкани ореви, 150 гр. сецкано суво грозје, сецкан локум ... ванила, сок од лимон и рендан портокал Белките се матат убаво се додава шеќерот, зејтинот ... после се додаваат др состојки ... малку лимонов сок и се ренда кора од портокал колку сакате. Оваа смеса се пече во модла за ролат обложен со хартија за печење. Се пече на 200 степени. Инаку може да се пече и како торта во плех, само со повеќе белки ( 8-9 или 10 ) и повеќе лажици брашно, шеќерот се зголемува на 150 до 200 гр., а и др состојки може од прилика колку мислите дека ќе треба. Одозгора на ролатот или тортата се става стопено чоколадо. Пепорака за локумот да го наредите со рака зашто инаку ќе попадне на дното.
Ви го препорачувам овој ролат од цреша и кугловиот од банан и чоколадо многу се вкусни.... Потребни состојки: 5 јајца 120 гр. шеќер 1 лажичка сол Кора од 1 лимон 80 гр. брашно 40 гр. пченкарно брашно 100 гр. мармалад од вишни 350 гр. цреши 30 гр. шеќер 100 мл. вода 300 мл. шлаг 1 лажичка ванилин шеќер 70 гр. шеќер во прав Припрема: Измијте ги црешите и отстранете им ги семките. Во тенџере ставете го шеќерот и растопете го со постојано мешање се додека не се карамелизира. Додадете вода и гответе 3-4 минути додека шеќерот целосно не се растопи. Додадете го 1 лажица од пченкарното брашно разматено со вода и црешите, гответе уште 2-3 минути, па оставете ја смесата да се излади. Изматете ги жолчките со малку сол и кора од лимон се додека не добиете кремаста смеса. Изматете ги белките во цврст снег, па додадете го шеќерот и матете се додека не добиете густа смеса. Потоа додадете ги матените жолчки, брашното и остатокот од пченкарното брашно и промешајте. Смесата ставете ја во тава за печење обложена со хартија и печете на температура од 200 степени 10тина минути. Пандишпанот превртете го во влажна кујнска крпа, отстранете ја хартијата, свиткајте го во ролат и оставете го да се излади. Изматете ја слатката павлака со ванилиниот шеќер. Внимателно одмотајте го бисквитот и внатрешната страна премачкајте ја со мармалад. На една третина ставете од смесата со цреши, а на другите две размачкајте ја изматената слатка павлака и повторно свиткајте ролат. Ставете го ролатот во фрижидер да се излади околу еден час пред послужување. Потребни состојки: 200 гр. путер 200 гр. шеќер 3 јајца 2 банани ¼ прашок за пециво 100 мл. меко 170 гр. чоколада за готвење Течна чоколада за декорација Припрема: Изматете го путерот, па додадете го шеќерот, јајцата, испасираните банани, брашното и прашокот за пециво, млекото и ситно сецканата чоколада и матете се додека смесата не се соедини. Смесата сипете ја во калап за куглоф и печете во загреана рерна на температура од 180 степени околу 45 минути. Проверете со чепкалка дали куглофот е печен. Сервирајте го куглофот на чинија за сервирање и декорирајте со растопена чоколада.
Би ве замолила да ми пишете некој рецепт за многу чоколадна торта за роденден. За 2 недели ми е роденден и сакам сама да си направам торта.Цела чоколадна,вкусна,лесна и исплатлива. Однапред благодарам
Торта со мамалад 2чаши(за кафе) шекер 1чаша(за кафе) млеко 1 чаши масло 3 чаши брашно 1 пециво Половина од тестото се истура во тава и се запечува, потоа се премачкува со мармалад и се истура другото тесто и пак се пече. Кога е готова се посипува со шекер во прав.
Имам банани дома па сакам да им направам нешто на моите за вечер. Кажете нешто со банани и помалку мастраф
Сакам да направам торта во форма на срце. Досега немам правено, па сакам да прашам дали да испечам тесто па да го исечам во форма на срце, или пак да направам непечена торта -срце, да направам смеса па потоа да ја обликувам? Помогнете ми вие што сте правеле срце -торта
Teстото го исечи во вид на срце и готово Еве можеш кај сникерсот да го направиш во најголем плех тестото па да го пресечеш во вид на срце. Само ќе ти требаат две теста или пак да направиш две срциња ама помалечки. Или пак сега ми текна и друго, во дебела помала четвртаста тава да го печеш тестото и да го поделиш на дебелина (ако ме сфаќаш). Не знам дали ги има постирано, ама еве праќав на една феминка, па и овде да ги споделам рецептиве. Нес торта тесто: 10 белки и 250гр шеќер во прав се мати убаво и се додава 1/2 пециво, 2 лаж.брашно, 50гр. мелени ореви, 250гр сецкани ореви. Фил: 10 жолчки се матат со 250гр шеќер во прав, 250гр изработен путер, 200гр растопено чоколадо, 1 мала лаж.нес кафе. (ако сакаш да е појак вкусот, стави две мали лаж нес кафе). Сникерс торта 10 белки, 10 лаж шеќер, 4 лаж брашно 150 гр сецкани смокви, 100гр суво грозје, 100гр сецкани ореви.Сето ова се меша и се става во четвртаст плех, се пече и се дели на три дела. Фил: 1 маргарин со 10 жолчки се мати добро и се додава 200гр растопено чоколадо. Се прави крем од 200мл млеко да заврие и се додава пудинг од ванила со 12 лаж. шеќер.Кога ќе се излади, се додава 150гр мелени ореви, 150гр мелени лешници, 200гр желе бонбони. На крај се спојува со горната смеса од маргарин, жолчките и чоколадото. Потоа се филува тортата.
Како се вика тортата,жолта е,се пече па се попарува со шербет и е многу вкусна? Дали се викаше мачмало или како незнам ако некој ме разбра нека пише рецепт.
