Рецепти од Фемина Инстаграм

@Rubiii се водев по овој рецепт:
http://grid.mk/read/news/509263219/9367985/chorba-od-tikvi-i-kompiri

со тоа што ставив пропржени семки сончоглед на крај и павлаката исто сосема на крај, не сакав да ми се изгуби низ варењето.

 

За тиквици на Медитерански начин ти требаат:

- Тиквички 2 - 3 средни ( тоа и зависи за колку лица )
- 4 чешниња лукче
- 3 лажици босилек
- 1 лажиче мајчина душичка
- 1 лажиче оригано
- јас ставам и малку жалфија
- 1 лажица Био - Зачин на Виталиа
- 200 гр црни маслинки ( обескотени и сецкани )
- 250 гр. павлака некоја покремаста ( јас правам бешамел и павлака комбинација )
- 100 гр. пармезан
- маслиново масло

Лупиш тоа тиквиците и ги сечкаш на 1 цм коцкички. Ги ставаш во некој подлабок сад додаваш истиснатото лукче и сите зачини што ги набројав погоре, промешуваш убаво да се соединат. Додаваш тоа павлаката или бешамелот и пак промешуваш сето убаво. Огноотпорен сад ќе го намастиш со маслиново масло убаво, и ја сипуваш смесата. Печеш на 200 Ц. едно 25- 30 минути. Ја вадиш тавата 10 мин пред да заврши времето за печење и го посипуваш пармезанот да фати убава златеста коричка. И тоа е тоа !

 

@do-re-mi може рецепт за браунис?

 

Секако @LivingGlam . Да предупредам дека има тиквичка во десертов.

Оригиналниот рецепт е од овој блог:

http://www.thebakerchick.com/2014/08/fudgy-zucchini-brownies/#_a5y_p=2174944

Единствено го заменив белиот со кафеав шеќер, а за мерките користев онлајн конвертори. Ги печев во силиконски калап.

Глазурата е комплетна импровизација. На тивок оган, истопив малку бела чоколада (околу 50гр.) со кокосово масло (3 супени лажици) и додав 1 кафена лажичка сок од свежо цвекло. Ако ви изгледа прегуста смесата, додадете уште масло.

Го чувам на собна температура, во стаклен сад со херметички капак и останува сочен до крај (кај нас дома тоа е 3 дена ). Ако решите да го чувате во фрижидер, препорачливо е да се извади барем 1 саат пред послужување, затоа што доста се стврднува.

На здравје.

 

Ау топ е колачов. Уште вечер го праам, па ќе се пофалам... само се мислам за фростингов... дали да го правам или не... пошто кај нас дома се забранети рафинирани шеќери во било каква форма, најмногу чоколадо. Не знам дали би го бивало овој прелив од рецептов со друг засладувач, малтекс на пример... ама тогаш да не ставам путер, што мислиш ти @do-re-mi ?

 

@Annath види дали ќе ти се допадне овој фростинг:

http://www.travelingspoonblog.blogspot.com.es/2012/02/divine-vegan-chocolate-frosting.html?m=1

Многу чоколаден, веган, нема путер и функционира со секој тип засладувач. Сум го правела и со агаве и со кокосов шеќер. И во двете варијанти е превкусен.

А, за измени во оригиналниот рецепт за фростинг, јас би го заменила путерот со кокосово масло и шеќерот со кокосов шеќер (го мелам во машинка за кафе додека не стане прав). Течен засладувач, би требало исто да заврши работа, но не сум пробала. Ако пробаш, сподели искуство.

 

Мене ми е најмногу поради шеќерот, тој е проблемот. Мислам дека со малтексот ќе е доволно течно, и доволно ќе се стврдне кога ќе се излади, да не мора да ставам путер, секако не е многу количински. Ќе пробам некоја варијанта, само нема кај нас кокосов шеќер, можеби во Биокулт да видам.

 

Извињавам се за пост под пост, ама морам - го направив браунито со тиквички - и само едно ќе кажам - излезе чоколадна ПЕРВЕРЗИЈА! Направив пола доза, оти толку имав тиквички, место бел шеќер ставив дарк мусковадо, третина од напишаното. Малку бев скептична бидејќи ми беше прилично сува смесата пред да ги додадам тиквичките, ама кога ги додадов стана вистинско убаво тесто за браунис. Печев 25 минути, толку беше доволно, колачот е сочен како внатре да има растопено 300 г црно чоколадо.
Преливот го направив со кокосово масло, какао, малтекс и млеко, без путер, излезе супер, малку потечен, не како на сликата.
Ако ви кажам дека го правев синоќа во 9, до 9 и пол беше готово, до 10 маф се стори, со 7 души дома, ама дека пола направив.... нареден пат во тепсија ќе правам и ќе сликам, I promise!
@do-re-mi, ти должам за рецептов, благодарам што го сподели!

 

Еве ме женски, се извинувам за доцнењето.

Потребно:

• 2 маргарини
• 4 јајца
• ½ l млеко
• 1 тазе квасец (стасан на стандарден начин, во млака вода, со лажичка шеќер и лажичка брашно во покриен сад)
• 4 раце шеќер
• брашно по потреба (оди околу 1-1.5 kg)
• цимет (по вкус)
• ванилин шеќер (2 ќесички отприлика)
• ореви (200-300 g, толчени)
• дополнително шеќер за валкање

Од дадените состојки (освен последните две) се замесува меко тесто (да се разбереме, меко, но да не се лепи, ако ме сфаќате) и се остава да стаса. Потоа, стасаното тесто го извлекувате во некоја долгнавеста форма и вадите топчиња со големина на орев. Ги расплескувате во елипсовидна форма. Во многу мелени ореви помешани со шеќер ги виткате во вид на кифлички. Се печат како обични кифли на 180-200 степени, зависи од рерната. Не можам да ви кажам колку време, секоја рерна е различна, но кога ќе забележите дека добиваат златна боја - готови се. За понеискусните - може да проверите со чепкалка (јас како лудак притискам нежно со прст на една кифличка и следам реакција на тестото; јака ми е методава, не ја применувајте вие ). Излегуваат две тепсии кои имаат големина на рерната, па бидејќи мене ми се многу, јас ја преполовувам дозата.

*Совет: Не ги препекувајте, затоа што поради шеќерот може да бидат тврди кога ќе се изладат (а и во тој случај брзо стануваат суви).

*Забелешка: Јас понекогаш ги правам со брашново Алтан, со нив пецива ми излегуваат помеки дури и после ден-два (инаку сакам само тазе пецива).

*Предлог: Тестово е добро и вкусно и за да го направите со полнење. Нормално, ќе треба да ги свиткате поинаку од даденово за да не ви тече филот. Јас досега ги имам полнето со еурокрем и втора варијанта - со пекмез од сливи и афион. Во тој случај не ги валкам во шеќер и ореви, евентуално ореви може да ставам само врз оние со еурокрем. Несвест!

Бон апетит, девојчици!
(Па пофалете се )

 

@Adina
8 големи лажици бело брашно
8 големи лаж. Пченкарно
2јајца
Пециво,малце сол
Голема чаша јогурт
Пола чаша масло
Спанак и сирење по желба зависи колку ги обожаваж

Мешав се со вилушка и истурам во тостер специјален за вакви крофни

 

Tenkju bejb obavezno ke probam,receptov lesen,bas ko za mene

 

Чекам рецепт

 

http://moirecepti.mk/post/%D0%BF%D0%BE%D0%BB%D0%BD%D0%B5%D1%82%D0%B8-%D0%BB%D0%B5%D0%BF%D1%87%D0%B8%D1%9A%D0%B0-%D0%BA%D0%B8%D1%84%D0%BB%D0%B8%D1%87%D0%BA%D0%B8-%D0%BF%D0%B5%D1%87%D0%B5%D0%BD%D0%B8-%D1%81%D0%BE-%D0%BF%D1%
80/

 

@Shelea ако не е проблем рецепт за лазањата

 

@Lady Phoenix ќе те замолам за рецепт од питата - превара

 

@Sfera, еве ја рецептата за питата-превара

Точни мерки не можам да напишам, затоа што мајка ми прави се' од око, па и мене ме научи, ама еве отприлика како оди:

1 прашок за пециво
1 свеж квасец
неколку лажици брашно
минерална газирана вода (околу 400-500 ml)
малку масло
500-600 g готови кори (ако сте брзи и вешти - тенки, ако не сте - дебелки)
(фил по желба, мојот беше со кравјо сирење, а често комбинирам сирење и рендан кашкавал, а може и со кашкавал и запржени печурки, мелено месо и слично, само секако да не е нешто водено)

Во една длабока чинија (како оние за салата) ги ставате квасецот, прашокот за пециво и околу 350-400 ml газирана вода. Со маталка ќе го растворите сето тоа и потоа мешајќи ќе додавате брашно за да добиете смеса со густина отприлика како за класични палачинки (или мааалку поретка). На крајот ќе ставите малку масло (3-4 лажици отприлика) и ќе измешате. Тајната е во оваа смеса. Бидејќи е практично течно тесто, на крај прави користе да изгледаат како да се свежо сукани, а не готови (многу искусни жени се збуниле, па затоа ја крстив пита-превара )

Ставате една кора на маса. Ја прелевате со неколку лажици од направената смеса, во количество доволно за да ја премачкате целата кора (јас полевам со околу 4 лажици и потоа размачкувам со раце убаво, бидејќи корите ми се подебели, не сум толку вешта). После тоа ретко расфрлате од филот на половина кора и почнувате да ја мотате во ролна. Таа ролна ја мотате во полжавче и ја ставате во подмачкана округла тава на средина. Секоја наредна кора ја вртите околу тоа полжавче, од каде што сте застанале претходниот пат. И тоа е тоа. Ја печам на 220 степени (вие ќе видите според вашата рерна). Готова е кога ќе добие светла златна боја. На крајот од печењето, кога ќе биде готова, питата ја попрскувате со кисела вода и ја враќање уште малку во рерна. Ја вадите, ја прекривате некое време со крпа и после - ЈАДЕЊЕ! Оди со јогурт, ајран, таратор, павлака, што ви е мерак - тоа и, нормално, зависи и од филот.

*Совет: Ако забележите дека нема да ви стигне од смесата за премачкување (некаде на половина, на пример), можете да додавате кисела вода и брашно и да ја „обновувате“. А ако ви остане, можете на крај малку и одозгора врз питата да полиете со лажица и тоа ќе си стане како тесто.

*Предлог: Врз питата може да си поросите и некое семе пред печењето, ако сакате или пак да си ја направите во некоја друга форма (пример даден подолу ).



Добар апетит!

 

@Lady Phoenix recept za indiskite lepcinja mmmm....

 

@Mrs.Bass, мила, еве линк од рецептата, многу убаво е објаснето (без промашај се прават):



Предлози за намазот: Инаку, јас намазот го правам со блага пиперка (бидејќи не можам луто да јадам) и само со зелена, без црвена. А ги имам јадено и со кремаст бел сос со печурки и пилешко (може и малку кари за вкус). Ми оди и со некоја салса или ситно сецкано доматче со ситно сецкано пиперче, магдонос и маслинка. Прилично се неутрални, иако внатре има сол, така што слободно може и со некој џем или мармалад да се јадат, според мене.

Одлично лесно јадење, иако навидум не е така затоа што се користи така, „малку повеќе“ путер, две се доволни за да се засити човек. Малку повеќе труд се вложува, ама на крај многу се исплати!


Добар апетит!

 

@koritsaki што е овааааа???

Давај брзо рецепт лиги ми потекоа