Ama mene mi e mirisot na svezo peceno pecivo neodoliv. Da ima parfem takov, odma ke si go kupam Davaj recetata !!
Повели @Sfera Полнети тиквици ( овие се без месо ) За двајаца нека биде меркава, макар да јас со мерки сум скарана. Состојки: - 2 тиквички поголемки или 4 помали ( околу 500 гр ) - малку сол/вегетета по вкус - 3 лажици ладно цедено маслиново масло - 3 до 4 чешниња лук - сос од домати т.н. пасата ( мене околу 200 гр ми беше доста) - павлака за готвење ( ја у овие заборавив да ставам и си беа супер ) - лажиче насецкан босилек, малку мајчина душичка и оригано ( јас сакам тревки ) - 4 до 5 лажици лебни трошки - гауда неколку парчиња за одозгора, ама може и фета и моцарелка. Подготовка: Се сечат по должина тиквичките и се вади средината со лажиче, да се направат како чамчиња тиквиците. Се посолуваат чамчињата и се остава да отстојат, а во меѓувреме се прави смесата. Во блендер или со пасатор во длабок сад, ставаш средината од тиквичките, со сите горе наведини состојки освен презлата и блендираш или пасираш додека не добиеш каша. Тогаш ја додаваш презлата и промешуваш се заедно за да добие погуста смеса. Ги полниш со сместата чамчињата од тиквиците ( ако ти остане вишок ќе ја ставиш на дното од тавата за печење) редиш во тава за печење и ги пропрскуваш тиквиците со маслиново масло. Одозгора се става по парче гауда( или што сакаш ) за да се покријат и се печат во претходно загреана рерна на 200 C околу 25-30 минути да заруменат. Е толку ..брзо и едноставно ! Ова се јаде и ладно и оди со бело винце.
Интегрални лепињи со семиња @Abrakadabra, јас ги правев на следниов начин: - 1/2 нараснат свеж квасец (имам пишано во претходен рецепт за понеискусните) - 350 g бело брашно - 150 g интегрално брашно (јас од Danubius имав дома) - вода по потреба (не знам колку вода ставив ниту приближно, само додавав постепено поради интегралното брашно, додека не замесив средно меко тесто) - 1/2 лажичка сол Тестото го замесив најобично и го оставив на топло да порасне барем 40-ина минути. Потоа формирав лепињи и ги ставив во плех со хартија за печење (иако печам на хартија, сакам да ја наросам со брашно). Ги засеков, со готварска четка ги намачкав одозгора со малку млеко и наросив сусам и ленено семе (сончогледот си го изел брат ми , како што кажав, инаку ставам обавезно). Потоа ги покрив со крпа и оставив да нараснат уште еднаш (минимум половина час). Ги печев на 220 степени (ама рернава е слаба, инаку можеби ќе треба да се намали малку), околу 20-30 минути: никогаш не гледам време, туку проверувам дали јадењето ми е зготвено (во случајов со чепкалка, сакам да бидам сигурна). Пред да ги извадам, ги намачкав уште еднаш со млеко (убава боја дава одозгора), ги оставив уште 2-3 минути, да се засуши и кога ги извадив - ги одделив од хартијата (инаку од долу остануваат влажни, би требало да знаат тие што печат на хратија), прекрив со крпа за да омекнат и кога се подизладија си реков - да пробам едно залче да видам што сум направила, ама од едно залче се претвори во цела лепиња што си ја изедов како десерт да беше. Ете толку од филозофијата. Кој како сака, така може соодносот на брашната да си го менува, сепак е работа на вкус. Може и разни семиња да си става одозгора. Јас не сакам внатре, со тестото да ги мешам, така лебот понабиен ми излегува. Вака беше воздушест и мек, а и денес беше одличен. Добар апетит!
@Luna91, на оваа страна ми е рецептот: http://forum.femina.mk/threads/Рецепти-од-Фемина-Инстаграм.23163/page-10
@Oscar Lady, поминав да видам рецептот дали си го оставила, ама гледам си рекла во порака ќе го пишеш. Ај, ако не е тајна, сподели го тука, зашто и јас се излигавив кога ја видов тортава , а бидејќи веќе некој го побарал, не сакав да се повторувам и јас со мислење. Ама ете, бидејќи сега сум принудена, те замолувам јавно да го ставиш .
Малце каснам со одговоров, се надевам нема да ми замериш. Потребни состојки за 3-4 лица: 1 пакување тортиљи (јас ги купив од Кам а внатре има 8 тортиљи) 2 пилешки стека 700мл салса од домати 1 лута пиперка 1 лут сос/кечап од тие малите пакувања 2 чешниња лук магдонос лимон Пилешкиот стек го посолувам и го сечам на пола за да бидат потенки парчињата, и го ставам во претходно загреана тава на оган (средна температура) колку да фати боја, а после 1 минута ја додавам салсата од домати. Ова треба да си крчка и да се динста, за да може пилешкиот стек да поприми од вкусовите и да омекне. Во сосот може да додадете и малку босилек, копар, чили. Потоа го додавам лутиот сос/кечап, и лутата пиперка исецкана на ситно. Промешувам и го додавам ситно исецканото лукче и магдонос, и оставам да се динста. После отприлика 30 минути ја тргам тавата од рингла, и почнувам да го цепкам со вилушка пилешкото на мали парчиња како конци, а потоа го враќам пак на оган и со поклопен капак динстам уште 10-15 минути. Сосот е готов, останатиот магдонос исецкан на ситно и лимонот на парчиња па сега сервирам. 1 тортиља малку ја загревам во микробранова, може и во рерна ама вака е најбрзо. Така топла ја ставам на послужавник и почнувам да ја полнам, ставам ред од сосот од пилешкото но не премногу за да не се распадне бидејќи треба да се свитка, па одозгора ставам малку сецкан магдонос и стискам малку лимон за свежина. Потоа ја виткам тортиљата и спремна е за јадење. Буритава ми се хит, утре планираме пак да правиме со другарките ама поинакво бурито (со пилешко, пиперка, патлиџан и авокадо). Го имам пробано во La Puerta и многу е добро, се вика пролетно ролињо па ние ќе си направиме наша верзија од тоа бурито.
