Рецепти од Фемина Инстаграм

Можеш секако! Јас ги правам со моркови, пиперки, домати.. со било што што ќе ми се пријаде. Комбинацијата со грашок ми е највкусна до сега, а баш ќе пробам и со леќа да ги направам напред пат.

 

@Minnie 1 moze recept za kolacot?

 

250 гр шеќер се мати со 4 јајца. 100мл млеко и 125 гр путер (или маргарин кристал) се ставаат во тенџере да се растопат заедно. Штом ќе зовријат се додаваат така топли во смесата со шеќерот и јајцата. На крај се додава 300 гр брашно и 3 лажички пециво. Смесата се става во тавче и се редат јаболките излупени и сечени на тенки кришки. Се пече околу 25 мин на 200 степени. На крај се става шеќер ви прав одозгора.

 

Рецепт?

 

Колку јаболки се ставаат?
И нема ли да се зготват јајцата ако ставиш жешко во нив без да се олади?

 

Шеќерот и јајцата се матат прво убаво,онака пенасто да дојде. После путерот го ставаш во смесата со шеќерот. Јаболки колку,зависи колкаво ти е тавчето. Мене за ова две јаболки ми требаше. Еве го видеото со постапката.


https://m.facebook.com/story.php?story_fbid=1488368164617789&id=788178224636790

 

Може рецепт?! Многу убаво изгледаат

 

Благодарам, повели рецепт:

ИТАЛИЈАНСКИ СТАПЧИЊА
За тесто: 20гр свеж квасец, 100мл млеко, 1 лажичка шеќер, 700гр брашно, 250гр путер, 100гр крем сирење или павлака, 1 јајце, 1 лажичка сол.
Квасецот издробен се прелива со топло млеко, шеќер и една лажица брашно и се остава 10тина минути да се дигне. Во половина од брашното се става квасецот, омекнатиот путер, крем сирењето, јајце, сол и се замесува и постепено се додава преостанатото брашно. Се дели на два дела и од секој дел се прави правоаголна кора (отприлика 35х35см) со дебелина 0,5см. Првата кора се премачкува со филот,а над неа се става втората кора. Се сечат тенки ленти (околу 1см) и потоа во хоризонтала на половина. Секоја лента се витка како спирала, се премачкуваат со јајце и се печат во плех на хартија 20тина мин на 180-200 степени.
За фил: Во сецко/блендер се става 200гр кечап, 200гр шунка, 40гр тврдо сирење, 1 лажица оригано.

 

Многу убаво изгледа рецепт може?!

 

Секако дека може. Немам некој посебен рецепт .
Црните се со чоколада за кување а внатре со мелени бисквити, мед, сок од портокал и кокос.
А белите внатре се со мелени наполитанки и лешници. Белата чоколада е купена од кам.

 

Рецепт од почеток, до крај?

 

https://moirecepti.mk/post/чоколаден-куглоф-4
Само не ставив џем

 

@*Ench@nted* Може рецепт за оризот?

 

Обично користам Thai Rise (ориз со долго зрно) од Dauti. Најпрво за да го подготвам за пржење, мора да биде полузготвен.
Го ставам оризот во тенџере и му ставам двојно вода од количината на оризот. Се приготвува на мала температура доволна за да испари водата, а да не загори одоздола. Не се меша додека е во тенџерето, а знам дека е готов кога со лажица ќе ѕирнам од страна дали има вода на дното. Ако водата е извриена, би требало да биде малку во сува форма.
Нареден чекор е зеленчукот и тавата за пржење. Јас користев замрзнат мексиканси микс и соја сос. Се запржува зеленчукот па се додава полуприготвениот ориз во тавата за пржење. Се пржи додека мислите е доволно, јас обилно го пржам додека не ги упие сите сокови од зеленчукот. На крај се сервира со соја сос и ако јадете луто, би било добро да додадете малку пикантно лут сос.

Спојлер: Thai ориз

 

Леле дури сега гледам, извини
Не знам дали не ми стигнала нотификација или пресно после пораѓај не сум ни обрнала внимание
Си чекала скоро 2 месеца, ај уште некој ден, да најдам рецептот и ќе ти пишам

 

Хаха..и јас сум заборавила..ајде кога можеш пиши, ќе си почекам

 

рецепт за првата слика?

 

Еве ме по 2 месеца
Тестото е - колку јајца, толку лажици брашно, исто толку лажици шеќер, толку лажици масло и толку лажици млеко. Зависи од тавчето што ќе го користиш, јас испеков едно тавче и го поделив тестото на 3 дела. Во жолчките ги додавам сите работи, а белките ги матам посебно. Па најпосле ги додавам белките во матените жолчки, но мешам само малку со лажица.
Филот е пудинг од чоколадо со шлаг крем од ванила.

 

Рецепт од тортата, некако лесна за правење ми изгледа

 

Ледени Коцки

За пандишпан:
6 јајца
6 лажици шеќер
6 лажици брашно
1 пециво
2 лажици какао
Се мати и се пече во тава бр.30.

За шербет:
200гр. шеќер
200гр. вода
Шербетот се става кога ќе се разлади малку пандишпанот.

За фил:
1кг. млеко
6 лажици шеќер
1 пудинг
4 лажици брашно
1 маргарин
Филот да е топол кога ќе се става.
По желба можеш горе да украсиш.

Многу е вкусна!