Секако, еве и @Alisa22 ќе ја тагнам тука https://www.coolinarika.com/recept/cizkejk-kao-iz-najbolje-slasticarne/
350 g брашно 300 g јогурт 2 лажици маслиново масло пола пециво на врв на лажица сув квасец малку сол Се замесува тесто и се остава 30-45мин на собна температура. На добро набрашнета површина се размесува, се формира топка па со сукало се развлекува. Со чаша се вадат форми во вид на кругчиња, се става шунка и кашкавал (а може и празни) на едното, па одозгора се става другото, се притиска нежно од страните и се става на загреано грил тавче да се пече. (без масло) Се пече секоја страна по 3-5мин.
Ги сечеш како кругчиња па едно на друго кругче ставаш за филот да е внатре или ...? Ќе ги правам само тој дел не ми е јасен
Состојки: 150 грама растопен путер или маргарин 80 грама бел шеќер 80 грама кафеав шеќер 1 јајце 2 ќесички ванилин шеќер 225 грама брашно пола лажичка сода бикарбона четвртина лажичка сол 200 грама сечкано чоколадо Подготовка: Во длабок сад се ставаат растопениот путер или маргарин со белиот и кафеавиот шеќер и се матат со миксер. Се додаваат ванилиниот шеќер и јајцето. Потоа се додаваат брашното, содата бикарбона и солта и се меша со лажица за убаво да се соедини. На крај се додава исечканото чоколадо. Се прават топчиња и се ставаат на плех со хартија за печење (треба да има одредено растојание помеѓу топчињата бидејќи ќе се прошират во печењето и можно е да се залепат). Се печи на загреана рерна на 180 степени 10 минути.
Само за зејтинот може и 200мл да е, некако мрсни ми се видоа на сечењето. Тавите не ги намрсуваш, директно ставаш квики посолуваш и печиш, за 4-5 мин се печени, со повремено растресување на тавата. Од старт имам 2 тави спремни, зошто брзо оди печењето, и додека тие се печат веќе во третата тава сечам следни.
Една белка, 70 г шеќер, малку сол. Се мати во чист сад, додека се стопи шеќерот. Едно 20 минути сигурно, можеби и подолго. Кога ќе осетиш дека е стопен шеќерот ќе наполниш шприц или пак со лажица ќе правиш форми. Јас со шприц ги правев. Во загреана рерна на 100 степени со вентилатор се сушат еден час. Дозата ќе си ја направиш според желбата, јас со четири белки направив два плеха целувки, еден помал, еден поголем, ама не оставав многу место меѓу нив, иако малку ќе нараснат. И двата плеха истовремено беа во рерна.
Кофтињата не се по некој кој знае каков рецепт. Зачинот и едно грчко како кечап што е им даде ист вкус како на плескавиците од седмица. А на таа тревката ми ја нема етикетата. Вака по мирис ми личи дека е босилек и мајоран. Инаку кофтето го правам вака Околу 500 г мелено мешано 1 јајце 50 мл кисела вода Лажичка пециво Презла по потреба ( да не биде мн густа смесата) Сув зеленчук ( од кам ставив, тие за супа што се). Ги пржам на масло во тефлон на средна темп. Колку да поруменат. Ги вадам и во истото масло рендам 3-4 домати, еден го сецкам на ситно, малку од кечапот и водичка. Вегета и црн бибер по желба. Ги пуштам и спржените кофтиња во сосов и крчкаат на тивко пола саат, т.е дур не стане густа кашата