Рецепти од Фемина Инстаграм

И јас чекам

Едит: во исто време го пишала и @Bubce38 , а затоа дојдов на темата

 

Може рецепт за лазањата (и постапка како ја правиш)?
Ептен убаво и вкусно изгледа

 

Ти благодарам.

Варени гевречина

- 1кг. брашно
- 1 рака шеќер
- 1 филџан масло
- 1 квасец
- малку сол
- 500мл. млака вода
Сите состојки се замесуваат, се формираат гевречината, потоа се ставаат во врела вода, се вадат од водата и се наросуваат со сусам. Се редат во плех и се печи.

 

Секако.
Една главичка кромид ја запржувам на малку масло и додавам 500гр мелено месо.
Додавам оригано, босилек, сол, бибер.
Додавам околу 700мл томатело или домашна салца.
Се крчка уште 10-15минути.
Во тавата ставам малку томатело и редам од корите, сурови, никогаш не ги варам.
Ред фил од месо ред кори и завршувам со кори.
На тавче ставам 20гр путер кога ќе се растопи додавам 3 лажици брашно и околу 300мл ладно млеко. Готвам до згустување како секој бешамел сос и го прелевам најгорниот слој од корите.
Печам со фолија 25мин, тргам фолија редам моцарела, назад уште 10тина минути и воала.

 

Рецепт за ова? Преубаво изгледа за око мое

 

Од тука ми е рецептот и мене благодарение на @lovemme

 

Веднаш го препознав... преубаво го имаш направено

 

Лесно и превкусно, ти благодарам уште еднаш за рецептот

 

Рецепт?

 

Може рецепт и за двете?

 

Од око е све.
Соленото има основ на царска пита ( јогурт пециво зејтин брашно) само мастравот го сменив со - ајвар лут (лажица) маслинки кашкавал чајна сирење.

колачот е со малини аронија и чоколадо во прав . основа брашно зејтин пола чаша јогурт пола млеко, ванила и шеќер.

мафините се со аронија. ист основ.

 

@Мариаа. може ли рецепт за баничките? Преубаво изгледаат.

 

https://moirecepti.mk/post/тегнета-пита-со-урда

 

Еве го, само јас ставив коцка свеж квасец, немав сув.
И различно суво овошје.
https://www.instagram.com/tv/B-q0pDZInLa/?igshid=1iyc7anz2m6sp

 

@Love 83 рецепт за полнетото пилешко плис

 

Повели
Вака ги правам како на видеото ,печени се ,само овој пат без преливот одозгора.Значи ги печам само иако можеш да пробаш и со преливот ,многу се вкусни и така .И да,јас правам од поголемо парче стек

 

@dayla Ај рецепт за полнетата тиквичка,превкусно делува и за компирот

 

@ludoto19 фала ти.

За печење: компирот го мачкам со путер и вегета, и го оставам да се пече околу 40-45 мин. на 160 степени (со вентилатор), инаку на 180 без.
Тиквички: се сечат на пола, се вади средината со лажица, ги премачкувам со маслиново и мешавина италијански зачин и ги ставам да се печат 15-20 мин на иста температура, убаво да омекнат.

Полнењето го правам во меѓувреме, тука можеш да експериментираш, количината зависи колку порции ќе правиш и како ти е вкусот. за компирот (го сервирам со ладна салата): пропржив кромид, млад кромид и лукче убаво да омекнат. Во ист сад го измешав тоа,
со едно и пол пакување крем сирење со зачини, додадов грашок и пченка од конзерва, три варени јајца исецкани на коцкички, лажица мајонез (може и без) и варен морков исто сецкан на коцкички. Скоро ко руска. Кога го вадам компирот од релна, оставам да се олади 10-15 мин за да не се распадне кога го сечам, премачкувам пак со малку путер и зачин, сечам на пола и ја вадам средината, додавам во полнењето и ставам еден куп зачини: свежа мајчина душичка, рузмарин и босилек, плус сол, бибер, оригано, и црвен пипер за мирис. Додадов и кршени ореви и лажичка сок од лимон. Превкусно, полнењето дм го сркаше со лажица ко компир салата, морав физички да интервенирам.

За тиквичката: пропржив кромид и лукче убаво да омекнат, го додадов месото од тиквичката ситно исецкано и веги мелено месо (можеш со обично мелено или сланина) да се пропржат уште пет минути. Додадов куп зачини и мала конзерва (70гр) доматно пире. Додов и пченка, грашок и варен морков. Штом омекнат тиквичките, ги полнам и назад во релна на 10тина минути да испари течноста. Ги вадам, ставам малку моцарела, назад на 5 минути да убаво се стопи и ручекот е готов, на здравје.

 

Може рецепт за хумусот и постапка како го правиш?
Благодарам

 

рецепт за колачот?